October 28, 2005

• <地標>

  呢個字係英國人既時代並唔出現係政務官的中華大字典裏. 今日我地講緊舊時起落既地標, 起既時候並唔係以 “地標” 作依歸. 新舊機場, 海旁的高樓大廈, 文化中心, 諸如此類, 都是實際用途大於任何建築上及外觀的價值.

  地標, 當然係先皇董廢帝發明. 於是乎, 政府起乜都, 要成為地標 : IFC, 西九龍天幕, 中環灣仔填海區, 添馬艦政府總部等, 全部都係所謂 “世界級” 地標.

  - 粵港澳大橋當然係地標, 仲要跨境個隻;
  - 中環三百萬一個公廁又係地標;
  - 西鐵唔少得佢個份;
  - 遲 d 既遊輪碼頭係東九龍地標;
  - 香港高增值行業既地標係數碼港.

  乜撚都係地標. 哈, 可笑的是, 灣仔地道的風味八年全數內成為四五十層既高樓大廈. 香港要成為另一個六本木嗎? 不是的話, 以文化作背景的地標, 用來幹么?

  究竟地標係乜? 董驃係乜史弟就知.

  一個只有千多平方公里的豆府潤, 大概只能付得起一個地標 – 這個一看就知道是代表香港的建築物. 這建築物等於香港存在的價值, 最重要的精神. 缺少了這精神, 香港只會成為一個平凡的城市.

  它是香港的成功之道.

   

  這個地方, 應該係終審法院 :

  

  (圖轉載自政府康文署)
  _________________________________________________________________

  <iPod>

  呢個小小既東西正強而有力地改變世界. iPod 不單再是一部隨身 mp3, 未來的娛樂都會以佢作基本. 壹仔, AWSJ, Economist 隔三兩天都有 iPod 的報導, 怎到你不服?

  • 4:50 am
  • 1 Comment