October 20, 2005
-
<…>
我諗左好耐寫唔寫呢個 xanga 好. 佢可能係我朋友既一個學生, 唔知係咪.
你見到打 “諗左好耐唔知寫唔寫好”, 都預左史弟一定會寫. 哈哈哈 :
內容大概係一名中學生發 lo-so, 提起星期一係國際消滅貧窮日. 但貧窮卻越來越嚴重, 如此這般一番後, 主兇大概是大商家, 引致貧富懸殊加劇. 大有李卓人風範.
史弟話. 除左黑死病同各式各樣既疫症, 以及兩次世界大戰, 你估兩個世紀以黎死得人最多既係邊個國家既邊個時期? 係死得人最多, 不是人口數目銳減得最大. 實際數字無人知, 但史弟估係以下 :
中國土共上場後的頭廿五年, 特別是文化大革命期間;
土共入主蘇聯後頭廿年.
有人回應, 話原因其實係人口不斷增加 – 因為所有資源 (如土地, 能源等) 數量未能跟人口而增加. 好在佢個名唔係叫 貓伐斯.
計史弟話, 貧窮好似增加左, 只係因為訊息流通大左, 大家知道一d 好窮既國家既真面目. 你敢唔敢話北韓比香港窮? 你估北韓除左金正日, 仲有邊個冇 PSP?
______________________________________________________________
<太空人訪港>
據可靠消息透露, 兩位太空人 (費生同聶生) 將會係年底前訪港. 消息未有透露日期及細節.
若此屬實… 史弟將會離開香港一段時間. 我恐怕東方會送費生海報, 太陽送聶生海報, 然後東方新地再送太空人特刊.
佐丹奴出印有兩位太空人個樣既 T-Shirt, 一齊買兩件可以加 $50 換印有第一太空人楊利偉既 T-Shirt.
中學通識全部教太空發展的影響. 全人類飛兩位太空人既髮型.
旺角興起一片太空人裝熱, LORLITA 冇人再著…
Comments (6)
點解我地咁唔愛國? 我地唔應該作嘔, 我地唔應該閂電視, 唔應該罷看報紙….
拿, 我好愛國嫁. 唔係我點知佢地上左太空, 仲去打聽佢地係咪真係黎香港?
我又有回鄉証, 仲要求涂謹申下台添. 仲日日叫民主黨食屎.
前排仲要返左大陸振興經濟.
我比曾憲梓 (以後叫佢真騙子) 更加愛國.
我都好愛國, 我都反對民主黨, 我成日去尚書房買簡體字書, 我成日寫簡體字, 我成日食大陸出既五香肉丁。
thanks for providing my younger brother another perspective.
VENET 兄 :
別誤會. 我無意 “串” 或者對你細佬不敬. 事實是, 我小時候也有過這樣的想法. 如果令你或你弟弟造成不便或者唔舒服, 史弟在此作出道歉.
kursk 兄 :
講開愛國, 點解我地仲唔入民建聯? 大佬人地係地鐵賣晒廣告, 又律師會計師遊行社老闆.
no, I am glad that someone points out this. Young people needs more of this, like being challenegd etc. That’s my hearfelt thanks here. You don’t need to apologize!~