December 8, 2005
-
<學生跳樓>
我倒想知道中學生的性教育課 – 如果有的話 – 究竟會唔會教佢地用避孕套. 曾經聽過朋友話, 中學時候女生物老師教到 reproduction, 一上課就說 : 呢兩堂你地問咧, 問完呢兩堂我就當教晒, 以後唔好再問我. 這大概說明現況. 我中學時既 “性教育”課, 完全得啖笑. 老師唔知自己講乜, 學生想知既又知唔到, 呢一個 double coincidence of wants 永遠搵唔到.
香港成日要做world city, 但係連避孕套都唔教莘莘學子用, 淨係識一咪播個個由頭到尾都 dom dom dom dom dom dom dom 既廣告. 講起呢個廣告, 好多人都留意到其中一個鏡頭係兩個女仕 (大概係女同性戀者). 女同性戀者要condom 黎做乜? 吹波?
當美國英國既中學生已經玩緊冰火五重天, 我地既中學生仲係度諗緊去唔去七仔買避孕套好. 哀哉.
我並唔相信, d 細佬會因為無避孕套而放棄陽具放入陰道式性行為. 反存憢悻心理 : 試一次應該無事. 次次都係咁試, 結果咪中招.
如果話教用避孕套或者甚至乎每一個月派三兩個, 個d 偉大無比既教育工作者就會走出黎咆哮 : 咁即係鼓勵佢地在學時期發生性行為姐!
此句話有幾個似是而非既謬誤.
第一, 自願既性行為並無對錯之分. 唔應該認為在學時期發生性行為等同夏娃食禁果, 係唔應該做既事情. 如果在學時期扑野係錯 – 老師肯定話係會分心讀書 – 咁大個左工作都唔應該扑. 應該等到你六十五歲退休先狂扑, 如果你個陣仲起到的話. “咁即係” 等字眼暗示左教育工作者壓根兒將性行為定性為不道德活動.
第二, 如果派俾佢地或者教佢地野, 就等同於 “鼓勵” 佢地, 而佢地會跟住你去做, 咁我諗學校唔需要有訓導主仕, 苦口婆心咁叫D 細佬要讀書要乖. 俾D 教科書三字經精讀佢地, “鼓勵” 一下佢地讀書, 佢地又會跟住你指示做, 咁個個會考三百幾分, 天下太平拉.
乜野係教育? 屌, 如果教育純粹係將知識傳授, 呢D 好低層次. 再者, 教識佢地扑野都係教既一種. 更重要的是, 教育係要令D 唔識野既人學懂作出決定 : 教懂你物理, 遇到各種難題, 你會如何以你的物理常識去解決.
教育工作者應該幫學生決定十八歲前不扑野?
Comments (6)
有時教得快了，為了跟足進度，或者見學生太倦，便會拿一些具爭議性的議題跟他們討論。我也有討論過自殺問題和兩性相處。要激發學生思考，又不會受非議，通常就是在off-record的即興討論。
我覺得而家仲有人否定婚前性行為架. 而”教育工作者”中似乎有好多係呢種人.
屌.. 你講野真係好撚好笑! 笑死我~ hahahaa
對於新一代的教育工作者一方面否定婚前性行為, 另一方面因為老一輩的人食古不化係要硬銷婚前唔好性行為, 而 “被迫” 反對或不置可否, 我是同情及理解的. 但這和 支持及認同是兩回事. 我記得佛利民 (又係佢…) 說 : I say what i do, I do what I say. 這大概說明我的態度.
我唔怕講句，我一身既性知識都係睇鹹書學番黎既！
我十二歲開始睇，學校根本就好少教性知識….. 我讀的那一間已經是男校，算是開放的了──至少教reproducion 時會真的認真講，不是「你地問啦」式……
我覺得而家新既老師已經唔會好似以前一樣咁反對婚前扑野，但係由於現時教育界掌舵既仍然係一班老”et et”既撚屌(sorry for my foul language)，所以後生gor班先至唔敢亂講。
其實教唔教學生性知識係好社會既問題，多於係Bio既問題。話比學生聽扑野之後會有BB(屌，真係廢到嘔)係好「知識性」既，要比佢地明白到出左事既時候會幾大鑊──點生，點養，比佢地明白gor種壓力係幾嚴重先係緊要，而唔係斬腳趾避沙蟲式「防微杜漸」教佢地扑野係「錯」。因為扑本身係無錯──人類三大欲望：訓、食、扑，無扑野人類絕q左種啦──問題係扑出黎個後果bear 唔bear 到。
既然十六歲可以合法地扑野，咁就應該教佢地點樣扑得安全。法例比，教育唔比，你玩晒啦……
重有就係，社會上仍然存在「處女情意結」，「扑野等如放蕩」既思想，要一一改善，仍需時間。
hystericireul 兄, 哈哈哈, 係度講粗口係會受歡迎的. 香港男生既性知識, 除從實戰得知外, 十成也是從日本 AV 女星及咸書上得知.