January 22, 2006
-
<大智若愚>
人生中不可能沒有 “偷看” 男友女友手寫日記, 電郵, 手電及其他私人物品的機會. 吹噓一下 : 但係事實上, 對著不同的女友, 我也未試過偷看 – 儘管我曾懷疑 c 女友有別的男人 (事後知道那是真的), 儘管我懷疑 j 女友和以前的男女有很 “緊密” 的聯繫. 兩個人一起, 只講個信字 – 對某些人來說, 史弟講 “信”, 就如當奴話佢鍾意普選. 不信的話, 一起下去也沒有意思.
至於偷看, 那不過是按幾個掣. 偷聽的代價更低… 但當老廉靠偷聽得返黎既証據都不能成為呈堂證供而且要永久終止領訊, 男女之間靠偷而得返d 黎既資料, 無助於彼此的關係, 無乜用, 最終只會係 lose-lose.
睇左, 咁又點? 搵把刀通佢, 大興問罪之師, 數佢繼而分手? come on, 男人最叻就係發爛渣. 當佢發現你係靠偷睇而得而重要既秘密, 佢唔會感到內疚, 反而第一句就會話 : 你做乜睇我D 野? 根住, 發老脾諸如此類. 結果, 你受了委屈, 反而要 dum 男友, 何苦?
一開始有這裏的立論, 大家最多係 50/50 平手. 傷了感情. 可況還沒有真憑實據就問呢問路, 理虧的是誰?
睇到呢度, 我睇怕已經又俾人話我世紀賤男. 但唔緊要, 言論自由包括發表錯誤言論既自由. 你就當我是在鼓勵人家做壞事還是為自己找藉口.
最聰明的女人, 不是 HP 打印機的 CEO, 克林頓的老婆, 還是四人幫的江青 – 她們全是成功人物, 而是懂得在適當時聰明, 適當時蠢的女人. 朋友的男友常北上工幹, 難道她們不知道男友有上去沙沙滾? 不惹性病, 不上身 (被人騙財), 乾淨, 其他? 可以的話都不去知.
男人是會內疚的人物 – 他真是愛你的話, 去完滾, 回家會更聽你話 - 這簡炳墀說的.
__________________________________________________________________也順便放一下屁, 解釋為何史弟這么討厭人家在偷看我的物品. 那是 “童年” 陰影 : 香港樓貴, 一家四口只住在二百多呎的地方 (當然比許多人大得多了), 完全沒有私隱可言. 明白, 所以一直也沒有特意收埋任何東西.
一九九五年二月十三日, 我放學後把禮物 – 那是一隻木偶奇遇記的公仔 – 收在 adidias 的書包裏, 吃過晚飯再回家. 放下書包後, 返和爸爸 share 的房間與女朋友談了一會電話.
傾完出到廳, 有人問我剛才去了邊. 我說去和同學食飯.
有人以半譏笑的態度說 : 我以為你去了買禮物添.
語畢我已經知中招, 但我扮若無其事去廁所. 後來, 我發覺本應獨自在一旁的書包, 給打開了. 木偶本是坐著的, 但那時已經倒樹沖了.
我覺得我根本沒有被尊重. 那個時候的我, 還未懂像今天般發惡. 或者這樣說會好一點 : 那時候我被侮辱的感覺, 遠遠超乎於我想發惡的情緒.
到今天我依然清楚記得細節, 因為那是我第一個情人節.
到今天我依然清楚記得細節, 因為我第一個情人節收到的禮物, 要放在好友的家, 數個月後才能借生日為名而帶回家. 我害怕聽到 : e, 那便是你的禮物嗎? 哈哈哈哈哈.
往後的數年 – 直到中六 – 我的私人信件或物品也曾經被人偷看過, 特別是有關女友的. 至於 “直到中六”, 是因為我中六開始也沒有拍拖, 他們知道沒有什么值得好睇. 而直到下一次拍拖, 即大學二年級時, 我已經搬了.
所以我會告訴你, 中學生拍拖根本是沒啥大不了的事情. 父母一日沒當那是和食飯飲水一樣普通的事情, 他們還是會繼續偷睇仔女既野. 按幾個掣只係幾秒鐘既事, 但造成的傷害, 可以殘留好幾十年 – 起碼大家今日都浪費左幾十秒睇史弟放屁.
cest la vie. 這些事情既不能重來一次, 我得與其活著.
既然我對私隱如此重視, 我對別人的私隱, 也不會掉以輕心. 做人得有一條最低的標準 – 那和最低工資和最高工時是不同的. 可以的話, 不要俾人話你 “有口話人無口話自己”.
結論係, 董廢帝把樓價推低八成, 其實係想大家有私隱.
__________________________________________________________________<終於…到二百件咧!!>
九鐵主席田北辰說，早上已完成1465件東鐵列車主要組件調查，有裂痕的共212件，月底會完成焊接。
田北辰晚上在記者會上稱，當中有189件是吊架焊接位出現裂痕；18件掛架焊接位有裂痕，其中17件的裂紋少於10毫米，另外5掛架拉釘焊接位有裂痕。全部檢查了1465件東鐵列車主要組件，有裂痕的共212件，佔14%，但不致構成危險，預料在本月廿八日前會完成所有焊接工作。
(轉載自明報)
Comments (19)
版主 你的第一個情人節好慘呀… 但我比你更慘……同埋你好醒呀 用生日!
你有冇同你女朋友講這一件事? 佢一定會更覺得自己對你唔住… 如果佢唔再追問有關木偶奇遇記收件人的事的話……
適當的時候愚蠢，極難，這樣的女人，極少，也極厲害，足以將男人放在手中玩弄一世。
我這方面不會「發爛渣」，原因我也不知道。
可能因為如此，我一直都玩不過女人。
我的EX, 他從來不讓我進他的房間, 就算要造愛, 也只趁他父母不在,
去他父母的房間幹.
有一次他不在家, 我真的要上網, 去了他的房間開router, 只是看了看四周… 一點東西也不敢碰, 免得被他罵…
回來照實的說給他聽, 真的被他罵了… 他說什麼我不值得信任.
現在說出來也有點委屈…
我明白你的慘況, 我知道每個人都要有私忍, 只是想起了EX那感覺 難過極了.
hystericireul, 老實說… 男人無乜好玩,
男人唔識愛人, 男人唔靚仔, they are just for 自信, 保障, 錢, connections, service, 性 BB仔… (哈 都唔少wor~)
今時今日好多女人自己都搵到呢dee…
so if 一個”女人懂得在適當時聰明, 適當時蠢的女人” 我諗佢唔係玩, 真係中左你毒, 中左簡炳墀毒…
that means, 佢真係愛你.
“懂得在適當時聰明, 適當時蠢的女人” <– 我覺得actually係”呃”, “威迫”女人既說話
“唔踢爆我, 咁你先叻…” 令女人做你”下人”都開心dee
我女人, 可唔可以又出去滾, 你做老公又唔出聲? 你又會話: 咁做都係男人黎既?
but 我諗如果我搵得多錢過你, 間屋係我既, 你就未必咁…
死, 真係唔知講左去邊. summary: 真係有錢的話, 大晒~!!! 無錢人聽有錢人話
唔…… 其實我「玩」的意思不是玩弄，貼切一些，也許是在男女的角力上女性永遠強過我吧…
最尾一段，其實很簡單，大家都不應該去滾，男人天性比女人好色，這是事實(至少我這樣想)，因此男人會「去滾」的機會也比女人大。但是一段關係中兩人是平等的，不是從屬的關係，因此如果男的可以去滾，女人也可以。而男人天性中又有相當強的「擁有欲」(懶得想個貼切的名字，意會到便算了)，男人比較難忍受女人紅杏出牆。那麼男人唯有不去滾，尊重這一段關係。
忽然想到電影《大丈夫》最後一幕。
你唔CARE，你就玩贏所有人。
不過到你有番咁上下年紀，可能你又覺得，贏左又點？
或者更重要的是，輸左又點？
當然，看破贏輸，是真正的唔CARE。
BTW，要隱瞞須要非常小心的。我認識有朋友請了個私家偵探查男人，偵探HACK左男人既eMAIL，截聽埋男人既電話。
所以我覺得資訊越發達，人越難有私隱。
Dawnng : 我未想過去用第一個情人節去 “壓” 我的女友. 畢竟話佢鬧佢令佢更內疚我都唔係好合皮. 而且個個收件人, 其實係我地既中學同學 – 對, 我, 現任女朋友與初戀情人都係我中學同學, 大家都識.
教主 : 你所說的兩點我也很認同. 人越大, 越清楚得和失, 也越來越不 care 很多事情. 而當很多人懂玩 mastermind 去估男女朋友電郵密碼的時候, 私隱已經比凱旋門更貴.
hystericireul : 大丈夫是驚世奇片, 裏面有關 “滾” 的情節, 比起新聞報導更加真實. 女人對去滾的老公採取詐唔知既態度, 和差人在中對待黑社會的政策差不多 – 控制, 有秩序而不是禁絕.
likwai : 我是相信男女平等的 – 起碼沒有一方比另一方在某些地方上肯定優勝. 至於你那啞子吃黃蓮的經歷, 即係俾自己男友屈同插 (你唔好心邪… 嘩哈哈哈哈), 很多人都試過. 至於如果懷疑或証實女友去滾, 史弟還能接受與否, 我想, 我是能夠接受的.
可能我交代得不是太清楚, 就史弟而言, 女友並沒有發現到我什么不見得光的秘密.
如果有人千方百計去隱瞞你、講大話呃你，反映佢仲緊張你。唔緊張你，連呃你都費撚事，睇到咪睇到，知道咪知道，最好你自己走，好行夾唔送。
懷疑自己被人呃，透過偷看對方物件去尋求真相，無話0岩唔0岩，但必須要有承擔後果的勇氣。
知道畀人呃後，如要選擇留下來，便要當無事發生過，不要用來威脅對方，自欺欺到底；若選擇離開，便不要哭哭鬧鬧。
愛，唔係大晒。
父母最鍾意掛o係口邊果句「我 XXYY 都係為你好」，從來冇仔女會服。
同理，唔好話因為愛人地緊張人地，就偷睇人既野都「無話o岩唔o岩」。
唔o岩就係唔o岩，事出有因還事出有因。
唔o岩唔單純係因為偷睇(blog主自稱冇野唔見得光)，而係果種唔尊重人既態度。
當正自己係 ICAC、對方係犯人咁，竊聽佢。
政府竊聽，仲有個理由(唔了解你)﹔但係依家講緊情人，連面對面講清楚既勇氣都冇﹖
定係心底裡根本信唔過另一半﹖唔信佢會講真話﹖
信唔過佢，同佢一齊為乜﹖滿足偵探癮﹖﹗
唔好話咁樣係愛，冇尊重就冇愛﹔唔識尊重人既，只能叫佔有欲。
政府怕你作反，所以要監視你。
情人要佔有你，所以要偷睇你。
如果冇見到呢種歪論，我唔會花時間打咁多野。
fongyun 兄 : 死咧… 係咪史弟講錯野? 大家也明白俾人偷睇, 完全沒有受到半點尊重. 我也認同你的講法, 我但相信對很多人 – 就像 tommyhonk, hyster 兄所說 – 恨本唔能自控咁唔睇人d 野. 對於呢d 人, 我大概只能回應一句 : 你看了, 真係要詐唔知.
如果要以偷睇人家東西來表達自己的愛意, 對人家的緊張 (這和出自緊張的心態是不同的), 這是最差勁去愛的方法.
唔好意思，我唔係話緊您。
我只係睇唔過眼上一手寫既野。
我覺得 愛好主觀架喎… 係乜都得. 鍾意點愛 咪點愛囉…
我覺得dee野一要分對錯既時候, 係involve2個人或以上, 而其中一方覺得唔”公平”…
就會出黎 話邊個岩邊個錯.
我也認為有時女性的佔有欲太強，想要鯨吞男友的一切，因此才會偷看他的私人物件。
而相反來看，她被你「以其人之道還治其人之身」的時候又理直氣壯得很，發脾氣說你幹嗎這樣做，你解釋說是為了讓她明白私隱的重要性，她會說：「點同jet!」… 玩晒…
我明白個女友係緊張你先會做出d咁既事，但係咁既愛係幾畸形既。佢無安全感，又搞到你無安全感。佢要用力捉緊你唔比你走，控制你，你就越覺得窒息。
頂
對於力為說愛好主觀, 我是認同的. 只要大家同意, 話之你地之間既愛係以 sm, 鞭打, 法式濕吻黎表達. 但顯然地大家對某些實情的主觀太強而忽略左對方既感受 – 即如 hyster 兄 (你個名太長…) 所說, 女性想要鯨吞男友的一切 (除左一樣野), 而當人家還治其人之身時, 又理直氣壯說點同 jer.
這真是愛的一種表達, 但這是種普遍人接受不到的方法. 就如遇到問題, 自殺也是解決方法之一, 不過唔係人人認同同接受.
我相信大家是殊途同歸的 : 大家也不能接受男/女朋友偷看自己的私人物品.
問題在於大家的態度及補救方法的取態, 截然不同. 對於 silly_cecile 的講法 (即你可以睇, 但睇完唔該唔好出聲), 我是認同的. 對於以愛為理由而去睇你既野, 我想, 這是真的原因, 但也是一個無人會接受及完全 unjustified 的原因.
我回記得我既第二位女朋友 (真係慘, 又要數自己) 管得很嚴 : 和朋友打波, 不准; 和同學傾電話, 死硬; 和女同學要好, 等同自殺. 我試過好幾次, 是陪佢講電話直至佢入睡, 然後我私會朋友. 什么也要問准, 好慘.
最後我忍唔住要同佢分手, 我話原因係實在頂唔順佢樣樣野都要管. 你知道佢答乜?
“任何鍾意你既女仔都會管你”
我個陣心火盛, 講左百幾句粗口. 我語氣強硬咁回一句 :
“咁我一定會搵到一個唔管我但又鍾意我既女仔”.
然後, 分手.
<TABLE class=blogbody cellSpacing=0 cellPadding=4 width=”100%” border=0>
<TBODY>
<TR>
<TD width=”5%”>
<TD vAlign=top>
一早說過自己辭不達意，讓我再說清楚。
我從沒有說「愛」是一個justify偷窺的理由。
我想是因為第一段文字，令大家有誤解？？第一段是說給偷窺者聽的，意思係，如果有人苦心去瞞你，證明佢仲著緊你，咁你何苦要去揭穿？
同樣道理，被偷窺的人，既然知道身邊人咁唔信自己，仲唔飛甩佢，以為自己拍緊《Closer》呀？
唔明就算啦，解畫很累。
「上四手」的fongyun兄：「打咁多野」真係好累，有時間打下飛機好過啦。
兩個人走在一起, 要信任大家, 先至可以 walking by faith.
冇人係完美, 冇人會perfectly fit you, 佢會偷窺, 你要 講你係唔鍾意 呀, 唔好唔 train佢, 到第日又係你自己受番晒.
係我會錯意，唔好意思。
rel(ur name is too long… keke), 我諗你實搵到… If she is not a typical HK girl.
C’est la vie, 說得對。 信任很貴的，可是偷看更貴……
我的意思是，有時就算相信他，還是想看他那些「秘密」…… 不過最好看了不要介意，更不要表達出來……
我唔明點解要走去偷看別人的東西, 又唔係警察查案.
如果男人要離開我, 有無別的女人都一樣要離開. 其他女人只是加速劑罷了.
如果本身感情關係有問題, 偷看只會加速分開罷?