February 12, 2006

•  

  <二月十四日 情人節>

  
  1. 歷史上的二月十四日 (註 : 這部份靈感來自今期的 MAXIM)

  1766 年 <人口論> 作者, 著名經濟學家 Thomas Robert Malthus 出世

  1924 年 IBM 國際商業機器 成立

  1971 年 酒井法子 出世 (當年 YES! 好潮個陣, 佢紅到爆. 我懷疑過倪震同佢有路)

  1980 年 高佬既女友阿陳出世

  2003 年 複製羊多利死去

  想清楚這些東西或多或少與情人有關係. 貓糞斯應該不是一個好情人, 但我肯定佢有一打仔女 – 正如民主派人仕其實最獨裁. 佢肯定年年情人節, 即係生日, 都會同佢老婆講社會要浪費係佢身上既資源又少一年…. IBM, well… 酒井法子當年係成千上萬少男既夢中情人, 即自瀆對象. 好似有一年佢係情人節黎香港.

  來源 : 維基百科, WIKIPEDIA

   

  2. 情人節的來源

  
  來源 : 維基百科, WIKIPEDIA

  3. 個人對情人節之體驗

  八卦既你梗係想史弟自揭臭史. 又好, 在此分享下我對情人節既體驗.

  情人節嘛, 史弟從來沒有收過一盒朱古力 – 不是由於史弟中學時沒有儲物櫃, 也不是史弟唔想好似日本人咁, 有女孩子含苞待放地送來一盒朱古力, 並約史弟放學後在後山的體育室見面 (… 根住出現 AV 既劇情… 女角穿上緊窄 PE 褲) – 而是…

  
  史弟係唔食朱古力既

  我印象中也未曾聽過中學時有美麗女同學向心儀的對像送上朱古力, 然後二人發展成情侶. 醜女送朱古力, 俊男轉頭相讓, 倒是偶有所聞, 而某一兩位受歡迎的男同學 – 特別是那位酷像林志穎的同學 – 也會收到不少的禮物. 對於這一兩位男同學, 平凡像史弟, 是既恨且妒的.

  對於自己既情人節, 老實講, 除左情人節送鐘事件…

  中五時點同女友過… er… 唔記得.

  大二個陣, 二月十四日o岩o岩選科既通識課 “基因” (唔係六神合體個個主角) 課要小測, 佔總分15%. 但個陣既女友想去澳門玩, 結果… 史弟選擇左去澳門一日遊, 無去測驗. 結果… 史弟呢科肥左佬, 要重修. 題外話, 史弟大學時肥個兩科, 都係通識課…

  至於舊年, 可參考光明面文獻.

  其餘既年份, 記億所及, 都係與同性過, 或是做電燈泡…

  4. 情人節好節目, 好禮物

  成年人總喜歡在適當時候俾人斬到一頸血. 鮮血的紅玫瑰十二支, 平時只賣 $150, 到了二月十四, 像發育不良的劍蘭也漲價兩三倍至 $400-$500.

  著拖鞋都可以去的茶餐廳情人節也搞什么 <情比金堅二人套餐> – 說穿了不過是普通羅宋湯 + 心形牛扒 (儘管仍是獨身的大廚因輸馬一怒之下切成正方形) + 小禮物 (放左成年既假玫瑰) + 精美飲品 (凍飲都仲要加兩元) + 仲好意思收加一 - 盛惠 $424.

  你也別天真飯後搭車或駕車到龍翔道的觀景台, 諗住可以看著夜景渡過春宵. 你無比人打劫死牛除晒衫已經偷笑.

  好了, 入正題. 最好既節目, 係做返你地第一次約會既野 : 同一地方食飯 – 哪管是大排檔還是君悅大酒店, 到同一戲院睇戲, 舊事重溫. 等女友知道你仲記得咁耐以前既野, 真係加晒分.

  不過! 請做足準備. 香港商店轉手的速度已入健力士世界大全, 你前日去個間酒度可能已經無左… 對於拍拖超過十年既人黎講, 你記得去邊都唔代表有得去. 而且此招要隔三五年先可以用一次…

  手造禮物. 此乃必殺技. 知道女友鍾意小熊維尼, 畫隻俾佢 – 史弟上年畫左隻唐老鴨俾女友, 今日又用小畫家畫左隻一模一樣既 (吹咩, 我係演野) ; 熱愛LV, 剪報送俾佢; 你工作越忙, 呢招價值越高 (對你黎講成本都越高); 知道男友鍾意你著 T-BACK, 咪連底褲都唔好著.

  
  好多人, 特別係 “港女”, 會係情人節難得下廚. 但記緊以下數點 :

  (1) 唔好眼高手低. 牛扒係好難煮, 龍利柳依思好多

  (2) 在手提最後撥出的電話, 肯定要是召喚救護車那一個 (999, 或 九龍 27135555 香港 25766555 新界 2639 2555)

  (3) 自己打左底先. 如果你知道男友/女友要下廚, 唔該識做先去打底

  (4) 記住你有買住院保險

  (5) 肯定呢個男友/女友未中過招

  (6) 你屋企 (或要下廚既地方) 個爐頭仲開到, 或起碼有微波爐

  
  好唔好食既野好難講. 但起碼減低遇難風險, 功得無量.

   

  
  *****************************************************************

  
  祝

  情人節快樂
  

  P.S.

  (1) Kursk 兄你那戀情告急打邊爐活動, 如果你肯定你會付獅威啤酒的賬, 我是會出席的.

  (2) 對於這個沒有情人的你, 祝你情人節快樂可能似係潤緊你. 最後送上梁靜茹既 <分手快樂> :

  我無法幫妳預言　委曲求全有沒有用
  可是我多麼不捨　朋友愛的那麼苦痛
  愛可以不問對錯　至少要喜悅感動
  如果他總為別人撐傘
  妳何苦非為他等在雨中

  泡咖啡讓妳暖手　想擋擋妳心口裡的風
  妳卻想上街走走　吹吹冷風會清醒的多
  妳說妳不怕分手　只有一點遺憾難過
  情人節就要來了　剩自己一個
  其實愛對了人　情人節每天都過

  分手快樂　祝妳快樂
  妳可以找到更好的
  討厭過冬　厭倦沉重
  就飛去熱帶的島嶼游泳

  分手快樂　請妳快樂
  揮別錯的才能和對的相逢
  離開舊愛　像坐慢車
  看透徹了心就會是晴朗的

  沒人能把誰的幸福沒收
  妳發誓妳會活的有笑容

   

  
   

  • 9:01 pm
  • 6 Comments