February 15, 2006
-
<xanga 令我明白到>
1. 如果寫 xanga 的目的係為左同人分享你既睇法經驗, 要寫清楚 - 起碼要令一個正常人知道你講緊乜. 家陣係二零零六年, 中華英雄流行既時代已經過去, 香港唔再興華英雄同鬼虎之間個種 “心靈相通” – 即你講一句好似好有意思既野, 但對方要估你講乜, 跟住發覺得講野好有見地, 之後大家再作交流 – 既時代已經過去. 睇過一些 xanga, 他媽的, 第一天不知道說什么, 第二天也像是胡言亂語, 第三天還在故弄玄虛. 第四天未開始我已把該 xanga 的連結火速送到資源回收筒去. 別誤會我在說一些寫文學, 寫詩, 寫專題的 xanga. 那些 xanga, 以極門外漢的角度看, 其實, 很有趣..
2. 寫野係一種習慣. 中學生時重來沒有老師告訴我為何要寫作, 寫作有什么好處. 我們只知道一星期有個半鐘你要嘔 x 百字出來交貨, 而 x 是隨級別而上升. 中文好英文好… 當年學士畢業 (噢, 背後又再吹起呼呼北風…), 都唔使點用中文, 但屎忽極痕既我走左返大學借左本講中文寫作既書睇 (當年開始 寫晶王.叻, 諗住做 d 人力資產投資), 叫 <文心>. 我先開始明白寫作係做乜… 廢話少講…. 寫 xanga 嘛. 起碼三兩日寫一次. 我就不信再忙的人也沒有時間寫三兩行字. 非不能也, 實不為也.
3. 尊重人家. 世上專登搞事的人不多 – 畢竟農民佔韓國人口不過百份之十, 遇到人家玩野, 好似踢館咁, 千祈咪撚嬲, 仲要記住歡迎佢黎. 意見不同是人之常情, 如果有一樣野世界上的人持相同意見及睇法, 這是很恐怖的. 動氣時緊記名言 : 你講得好o岩.
而尊重人家亦包括引用人家的文章時 – 即使不是用作商業用途 – 也要指出引自那裏. 這點, fongyun 兄的 xanga, 實在令史弟佩服.
