<係既, 你講既野好o岩>

曾講過唔想回應 “鳩o翕” 言論, 但田二少北辰係 <三一一東鐵兵變> 後個一句 “全香港六百萬人, 呢兩日承受最大壓力既係我”, 的確可圈可點. 忍唔住我都要黎鳩o翕一番. 當然, 特首唔會介入我既鳩o翕.

李國章搞個個什么老師壓力研究報告, 立刻可以收檔. 頂唔順壓力, 辭職拉. 無謂再阻住地球轉.

而什么職安局既 “壓力 bye bye” 展覽, 只需要重覆播放田二少既片段就可以.


你可以想像黎文熹開記者會, 說 : 除左田少, 全香港承受第二多壓力既, 就係我.


跟住蘋果日報搞一個什么 <三一一東鐵兵變 : 壓力排行榜>, 又找心理學及有關學者來如此這般一番, 再每日更新排名一次.

最後慢幾拍既冬姑走出黎 : 其實最大壓力個個係我. 你估搵機位從日本返黎香港咁易咩.

鄺楚輝同劉玉翠既 <都市閒情>, 亦找黎堪虞學家 (係, 我無打錯字) 以玄學角度及眾主角既眉頭眼額黎分析一下 <三一一東鐵兵變> 的來龍去脈.

跟住家庭眾觀當然可以打上去問下事件對於 0016 與及其窩輪的價格有否影響. 順便問理國企同大笨象, 我地既專家都樂意解答…

係既, 田二少你講既野的確好o岩. 呢兩日, 最鳩o翕既人的確係你.

 

你真係好西化, 西到無人有.

___________________________________________________________________

<食物. 營養>


尋晚唔覺意睇到一個電視節目話學校食物部售賣既野無/ 太過好營養, 搞到細佬好肥. 跟住有專家走出黎話 (1) 應該禁止香港所有學校 (我諗唔包括大學掛) 既小食部售賣雞比同薯片 – 此時電視出現圖片兩張 (2) 飯盒應該有均衡既營養, 包括生果, 菜…. 少飯, 少肉, 少糖, 少乜少乜. 總之, 要多營養但又唔好過肥.

痴~~~~~~~~~~~~~ 撚痴. 計我話, 唔使諗咁多, 飯盒裏面放晒各種維他命 A-Z, 細佬每日食飯就狂哽呢d 丸仔, 叻既食多D, 唔另既罰食少D. 橫豎係邊區既學生, 長大後都係返大陸食丸仔維生. 早d 食定, 唔使等日後跟唔上潮流.

再者, 食生果不過係手段, 要維他命先至係目的. 唔夠纖維, 便秘咪俾d 甘油條佢地. 而營辦商個大廚唔使諗定煮乜, 剩係開箱放d 維他命入去就得.

返學已經係一件苦事. 點解連人地午餐時份既短暫歡樂都要剝削埋?

“小朋友, 今日加左送, 係兩粒維他命 C6!”

“好野!! 我最鍾意食有維他命 B5 味既 C6!”

 

 

<房委那個什么租金咨詢報告>

支持什么 “海景交貴租, 垃圾房隔離交平租” 的人, 定是把敗家到不堪的房委/房處/房屋規劃及地政局想得太犀利.

放屁吧. 如果政府可以模仿市場的話, 一兩個什么 “機制” 就可以有市場的好處而不會有相帶的壞處 – 計劃經濟早已成功.

當年蘇聯的經濟學家, 個個皆為數學家物理家, 將所有經濟數據放入 “投入-產出” 模型, 希望能將借此幫助分配人力及其他資源, 令計劃經濟下的生產水平提升甚至乎超越市場經濟的, 再從新分配收入. 成功的話, 我們就有市場的好處 (即生產有效率, 國家富有) 而沒有相連的壞處 (因資源及收入重新分配, 於是乎無係市場經濟下既貧富不均. 當然, 亦無扶貧委員會).

蘇聯及其他土共的下場如何, 唔使再多講. 這不關乎究竟計劃經濟係全國性還是地區性, 是旅遊業還是鍊鋼業, 是中國還是波蘭, 是一九零零年還是二零零六年. 關鍵在於計劃經濟將一切從基層的誘引全數毀滅, 而在政策及計劃的成功與否對上負責人員的收入與烏紗無關, 更加沒有競爭者令他們 – 包括基層勞工及官員 – 盡力做得更好.

係共產制度下唯一會進步既技術, 就係講大話/虛報/誇大數字的能力.

講返報告. 我實在難以認同 “差別租金” 有助增加公屋租戶的選擇. 白痴咧吧 – 你選完那一區, 之後房委俾個單位你, 你要就要, 唔要等下次 (共有三次機會) – 選擇多左, 係邊?

作為公屋的唯一供應者, 房委在定差別租金時是完全不用考慮 “競爭者” – 在私人市場, 假若把海景單位定價 “太低”, 需求者眾, 業主當然 (遲或早) 坐地起價. 你認為在政治壓力下, 房委可以將反映質素的租金差別隨人們的喜好及選擇結果而改變嗎? 就算無政治壓力, 你認為倒頭來只是處理 other people’s money 的房委, 會把租金差別定在一個 “有效率” – 即不會有人願意付高層租而住唔到, 有人唔願意住而被安排在垃圾房的旁邊 – 的水平嗎?

不可以的話, 我們又如何肯定這些租金差別能合理地反映 (1) 住戶負擔能力及 (2) 口味, 以及 (3) 當時的社會經濟狀況? 假設若干年後海港染污, 望海既單位係市場反而被人摒棄, 繼而價格及租金下降. 我們能肯定租金差別能有效率地隨呢d 無人可以預期到既因素而改變嗎? 又或者有研究指原來住係垃圾坊有益健康, 公屋既負差別租金可以轉返正?

放棄吧. 大鑊飯裏搞什么市場, 倒頭來只會把真正的市場弄個天翻地覆.

至於另外幾個有關如何尋找準確指標以調整租金的章節, 你話佢好科學化又唔係, 好吹水又唔係. 個人認為, 係計 MIRR – 租金佔入息中位數 – 既時候將拿綜援既人撇除, 一天都光晒. 而調整租金既方法, 最簡單就係係不超過既定 MIRR 既情況下, 每年隨 R&VD 既100 平方米以下既私人樓租金指數而調整. 政府資助公屋居民, 放棄了將土地賣給私人發展商以換取土地收益再洗返係納稅人身上. 於是乎資助 – 即 opportunity cost – 會隨私人樓宇租金而上升或下降.

如果公屋租金不隨私樓租金上升, 即意味納稅人對公屋居民的資助越黎越多; 相反亦然. 從社會資源, 及公屋土地資源分配原則出發, 這不是理想的. 在不超越 MIRR 的情況下, 加租及減租對於公屋居民黎講仍然可以負擔得起或除笨有精. 這調整原則透明 (R&VD 既數係公開既) 簡單. 最重要係, 唔使我地既高官用咁多腦汁去調整租金.

 

(相關文件 : http://www.housingauthority.gov.hk/en/aboutus/policy/consultation/0,,1-0-962–0,00.html)

 

 

<自古美人如英雄>

尤記得當年睇連環畫版三國演義 – 唔係李自清/ 黃玉郎畫個d, 而係由中國內地人用毛筆以山水畫形式畫出黎個隻連環畫. 國貨公司早年有售, 一套十本賣一百五十元 – 講到趙雲係常山勇將, 期期都寫佢幾厲害幾犀利. 又救阿斗 (點知係白痴, 搞到成個局弱智晒. 咁辛苦救個亡國既人, 趙雲早知就可能唔救) 又殺呢又帶兵又盛. 總之, 睇完連環畫頭五六期既人一定鍾意趙雲多過劉關張.

史弟最喜愛既, 當然係曹豹. 唔識曹豹? 屌咪俾呂布吊起黎鞭個個law. 遊戲三國誌3 佢智力有成 13, 武力 15 (兩者滿分皆為 100).

廢話少講. 趙雲開頭又呢又路, 但到後來劉關張死晒, 三國鼎立後期, 佢轉眼就成為維園阿伯, 儘管老態龍鍾, 但已經無乜篇幅. 淨係話佢係個文武大會度沙 lee 籠虫, 話諸葛亮如何不濟, 又要自動請纓等云云. 羅貫中梗係唔撚理佢拉…

小朋友, 係羅貫中, 唔係黃貫中呀.

最慘係羅貫中連趙雲點死都無交代, 只係話姜維 (定諸葛亮? 唔記得) 出兵魏國, 無端端係山邊見到趙子龍個墓, 放是又順道拜拜佢. 同樣既情況係另一五虎將 馬超 亦出現. 無他, 一個係二五仔 (趙雲早年跟公孫贊, 後尾過底跟劉備), 一個係外族人 (馬超所處既西涼以前屬於偏遠地區), 講咁多做乜? 不過, 佢地太長命, 唔能夠英年早逝 (咁都有錯????), 你睇下關羽… 到今日都仲有人拜佢. 正所謂殺人放火金腰帶, 修穚補路無屍骸. 完全唔記得係關羽蠢左先俾人殺, 而歸根究底又係佢襟兄弟借人老婆… 唔係, 係荊州唔撚還….

老左, 就唔該返歸, 唔好出黎獻世. 留底個好印象俾人地, 總好過俾人笑唔掂 :

唉, 而家 photoshop 咁易用 bt 下載, 可唔可以俾d 誠意, 執靚張相先出街俾人睇? 你賣化粧品廣告, 用個咁既樣, 咪即係趕客…. 我話之你個胸托到去月球拉…

諗深一層, 都係阿 paul 既錯. 果然, 有價值既資產被壟斷後, 若干年後總會變得一文不值.

儘管如此, 我們還是忘不了 <強姦 2 制服誘惑> 中那個穿加細碼童軍衫既朱小姐 :

當然, 還有變態佬馬德鐘咬牙切齒的那一句 :

著制服既, 我全部都扑過, 就係未扑過差婆.

王晶萬歲.

(圖來自蘋果日報及 goolge 搜尋器. 感謝高佬更正馬德鐘講個句…)

 

 

<恰恰. 恰恰恰>

香港真係好好恰. 久不久政府就會出黎恰呢恰路. 以下係史弟曾經聽過官員講過係香港既恰 :

- 物流恰 (Logistics hub)
- 旅遊恰 (Tourism hub)
- 金融服務恰 (Financial services hub)
- 教育恰 (Education hub)
- 創意經濟恰 (Creativity hub)
- 中藥恰 (Chinese medicine hub)
- 資訊及媒體恰 (Information and media hub)

一日到刻就掛住恰恰. 恰恰恰.

最撚搞笑個個, 係好彩無落實既鮮花恰. 鮮花恰… 我腦裏立刻浮現土法鍊鋼個陣, 連窗架同街上鐵枝都拎去鍊鋼既情境. 到時, 路邊又種花, 天台又種, 維港又種……… 種花者有稅務優惠……..

__________________________________________________________________

 

 

<炒冷飯 系列 2 : 糖果惹的禍>

原著日 : 二零零三年三月十二日. 當年的財政司, 叫梁錦松…

比起數年前還叫肥土鎮的時候, 瘦土鎮的居民都很折墮. 今天, 他們特別緊張: 臉蹦得緊緊的, 愁眉苦臉, 忐忑不安.

“報告公布了, 公布了!” 一位坐著 “零智” 汽車的人在車裏大聲喊道.

一如所料, 戇居政府今年不但拒絕再派發糖果, 而且要增加所有居民上繳的糖果數目. 增加的原則是: 能者多付.

“什麼叫能者多付? 我已不能每季都換新手提電話了, 你還要搶走我的糖果?” 吃著免費糖果的一群咆哮著.

“這樣一來, 我已不乎合資格申請免息糖果. 所買下的糖果屋又因糖果風暴而大大貶值, 欠下了一筆糖果債. 半生努力換來一身債, 你還要來雪上加霜?” 咬著夾心餅的人嚷道.

“生意一天比一天差, 價錢已減無可減, 現在還要繳交更多糖果? 都是想想哪位員工生產能力最低, 送他一個大信封吧… 要不然, 我只好結束一切到騰糖墟一碰運氣了..” 商人心裏盤算著.

“唉, 戇居政府的糖果儲備越吃越快, 再此下去, 糖果管理局的糖果發行制度必定會崩潰, 到時更是麻煩, 政府到時可能還糖果也發不了. 我還是快快申請巨型波波糖回鄉渡日吧. 對了, 要把我過往在戇居政府的工作紀錄刪去, 免得左鄰右里歧視.” 合資格申請 ‘自願吃糖離職計劃’ 的政府員工想著.

歡樂似乎離瘦土鎮的居民越來越遠, 不同階層的離心也越來越大. 當初戇居政府派發糖果時的歡愉已不復再, 失去了糖果, 一切都變得醜陋. 風流時有風駛盡浬, 不積穀防飢, 以往的糖果路, 似乎要把瘦土鎮的居民帶入無了期的黑暗中…


*****************************************************************

現將此文送給在大不列顛帝國的一位朋友, 也是此文的作者. 你當然發現, 如果史弟寫, 文章只會出現 “一屁債” 而不是 “一身債”. 而全文也不可能一個粗口都冇.

 

 

 

<入黨>

劉千石表示, 只要任何政黨能給予佢一張永久回鄉証, 在有生之年都成為該黨黨員, 問題不大.

二零零八年立法會選舉, 每當劉千石被問及過去四年的政績, 佢會毫不猶豫地說 : 我成功向中央爭取到一張永久回鄉証, 讓我可以一盡孝義. 而劉千石會係政綱提出一系列有關回鄉証的措施 : 為被捉黃腳雞的港人向中央爭取回鄉証. 理據係叫雞無罪, 消費有理; 強烈爭取減收回鄉証申請費及批核時間; 延長回鄉証有效年期; 要求係回鄉咭加入智能身份証, ETC, 圖書証, 八達通; 減低直通巴士票價…

係港台 (如果仲係度…) 既選舉辯論大會上, 劉千石被民主派人仕 (包括但不限於曾憲梓, 吳康民, 徐四民等人, 若還健在) 問及 “先右後左” 是否和做二五仔一樣, 劉千石表示人各有志, 要求的東西不同, 他沒有對不起選民. 

他又認為很多民主派人仕連 “一次性” 回鄉証 (必定要有個 “性” 字, 以表示對中央既忠心) 也沒有, 對國情完全不理解. 說畢, 鄭家富 (左派人仕) 立刻拿出啡色外皮, 廿十多頁厚的陳年回鄉証一本, 以示自己並非劉所說沒有回鄉証. 但鏡頭所見, 係該回鄉証既第二頁, 鄭家富大概只得十歲…

而到二零零八年的時候, 香港老人, 特別係獨居個d, 漸多. 佢地唔係住係文化村老人院 (儘管和文化一點關係也沒有), 就係訓係佐敦道天橋底, 好不淒涼. 對於劉千石呢個孝順仔, 佢地十分認同. 於是乎老人家都投劉千石一票, 佢老哥又可以多做一屆. 於是乎 “永久性” 回鄉証, 又再多四年的有效期.

講漏左添. 劉千石參選個個區, 係廣州越秀區.

果然, 每人心中都有一本回鄉証.

(圖轉自 atnext.com)

___________________________________________________________________

<繼深層次矛盾後>

最潮的說話係 : 每人心中都有一 [量詞] [名詞, 必須為三個字].

例一 : 每人心中都有一隻金沙蝦.

例二 : 每人心中都有一位周恩來.

例三 : 每人心中都有一座天安門.

究竟乜野係 “深層次矛盾”, 好多傻佬到今日都仲未諗到.

 

 

<言不驚人>

好像是天方夜譚, 但距離現在兩至三十年, 男女性會連懷孕這行為也外判出去. 精子和卵子都是爸爸和媽媽的, 但辛苦地十月懷胎的, 卻是別的女人, 怎至乎是一部機器. 美國人找個印度人的身體與俄羅斯女特務生個男孩來. 原因? 第一, 人們對懷孕時的麻煩, 以及產子時辛苦的容忍度越來越低 (…說了等於無說); 第二, 對於事業為重的女性, 十個月的產假實在太長 – 生理上不容許減至兩週; 第三, 傳統上結婚作為產子的大前提, 但離婚的代價實在太高, 而且爭取撫養權的律師費可以很巨大.

這些都是過去生孕率不斷下跌的原因. 但隨著技術發達, 而人們要求的好多時都係 “自己” 個仔, 而非 “自己與某某” 的兒子 (離婚率太高), 根據相對優勢, 把 “懷孕” 的工予外判予專門人仕 – 可能有人專門出賣驅體, 讓你與另一半可以借地方生仔; 或是有公司發展先進技術, 你捐出精子/卵子, 然後說出理想配合的一半, 跟住幫你搵, 然後放係一個人工養育器度, 養十個月.

這看來有點不可思議, 但其實又唔係. 以前教書既重任 – 即古代義學仲未係咁普及既時候, “家庭” 係主要學習渠道. 相夫教子, 係老婆的重任; 而數十年前, 撫養及教導兒子的重任, 作為女人既你, 試下同奶奶講 : 我想俾菲律賓女人臭大. 豬籠都有得你浸.  

 

<香港之死>

基 本 法 第 十 二 條 : 香 港 特 別 行 政 區 是 中 華 人 民 共 和 國 的 一 個 享 有 高 度 自 治 權 的 地 方 行 政 區 域 ， 直 轄 於 中 央 人 民 政 府 。

第 十 三 條 :中 央 人 民 政 府 負 責 管 理 與 香 港 特 別 行 政 區 有 關 的 外 交 事 務 。

第 十 四 條 : 中 央 人 民 政 府 負 責 管 理 香 港 特 別 行 政 區 的 防 務 。

俾人納入十一.五規劃版圖, 根本沒有什么值得好開心!

___________________________________________________________________

<楊丞琳, 張韶涵, 王心凌>

當年睇佢同余文樂既 <戀愛白皮書>, 只得一個疑問 : 呢個女仔做乜唔剃鬚?

原來佢拍流星花園 (一集都冇睇過) 個陣, 已經有留鬚既習慣. 美人生鬚? 我唔覺佢係美人.

唔知點解香港年青人對非常 cutie, 或扮得非常 cutie 既女生, 無乜反應. 再者, 香港已經有個薜凱琪.

台灣還有個張韶涵. 她那套 <MVP 情人> – 即在周未周日五時半播的那套泡沫戲 (連肥皂也稱不上) - 實在白痴得令人作嘔. 男主角只像旺角青年, 極其量只到 E-KIDS 那個水平… 而張小姐那張白得像死人的灰水臉, 一點也不好看. 一次還不幸地看到在亞視播過既 <海豚灣戀人>, 我才明白要活演 “白白痴痴” 的角色, 是需要一點點天份. 這一點, 佘詩曼是天才.

據講, 台灣最紅的是 王心凌. 唯一接觸到王小姐, 就是在一片網上遊戲的包裝盒. 美嗎? 比起林嘉欣, 這人不知排到那裏去. 還看過她的 <XX 愛你/愛人> 的 MTV, 在一個荒廢了的樓宇裏面拍攝 – 儘管她的歌是賣合皮.

難怪台灣來的, 倒頭只紅了個孫燕姿.

 

 

 

<令人困惑>

你不會見到 KPMG, PWC, DD 或是 EY – 即四大會計師行 – 的員工到新聞透視投訴工作時間太長, 又話自己無時間陪仔女; 而高盛, 大小魔, 法興的人員也從不會相約在香港會搞什么控訴哭訴投訴大會; 麥堅時, 孖士打的律師師爺好像沒有遊行到終審法院或政府總部投訴工作量過多. 不過, 九一一之前的好時代, 國泰的機師的確曾罷工要求加薪.

回顧一下過去數週有關 “勞資糾紛” 的主要人物 :

1. 房署 (政府), 信德, 地盆工人;
2. 醫管局 (又係政府), 旗下醫生;
3. 教統局 (咁o岩又係政府), 沙皇/暴暴飯焦, 一眾老師

我相信把時間改為 “數月”, “數年” 什至係 “數百年”, 這也錯不了.

噢, 當然嘛, 香港政府有十六萬員工 (全港僱員若有三百八十多萬), 一兩單勞資糾紛, 一定有.

原因? 政府把投身該行業人仕的工作流動性完全壓制著 – 即人們根本無辦法轉行. 在沒有 “私人市場” 的行業, 或私人市場被壓制得太厲害的地方, 轉工難, 難, 難. 這是涉汲政府不守 “implicit contract” 的行為 :

政府以相對地穩定的條件, 引誘一些人入行, 私人市場開始難以競爭, 跟住萎縮; 多過二十年, 一向沿用的方法未能配合社會需要, 社會要求政府大力改革的聲音越來越大. 於是政府向已投身此行, 同一方法用左幾十年的人開刀. 這些人的 “人力資源” 跟本不能在短時間配合, 錯配的情況越來越嚴重, 但又無法另尋高就. 當你被人迫, 就只好怪當初 dum 你入行個位仁兄. 最錯, 無錯, 係政府. 不過並唔係佢搞教改, 而係佢無俾機會你走返去私人市場教書.

這些故事可以多寫數萬字.

你覺得是那么容易 “煽動” 數千名教師上街嗎? 試下發封電郵, 訴說匯豐銀行待你太差, 叫同工一齊上街遊行呀. (匯豐在港約有五萬多員工).

******************************************************************

看罷今晚的鏗鏘集, 實在不以為然. 有精神病, 未能每晚準時放工陪仔女, 工作至十一二點的人, 難道全港只得數萬名老師如此? 有什么好值得專題報導? 每晚十點在九龍望向對面海的中環吧, 朋友. 政府抵屌之餘, 也請別要小題大做. 小城大事, 倒是可以在加州紅唱的.

倒不如做一專題, 講下家庭煮婦係如何如何地辛苦呀笨.

還有什么估計, 說五萬名教師一萬二千名有精神壓力/有關問題 (準確字眼忘記了). 屌鳩線, 青山既病人加埋醫生, 我肯定百份率係一百.

 

 

<放屁 九年>

香港回歸九年. 好些團體人仕, 也放屁放足九年, 或更長. 這些人的職責, 好像是搵把口放屁, 定係其實佢屎眼塞住左, 迫不得以? 木宰羊. 以貌取人地認為, 民政事務局局長何志平既屁, 放得最臭. 條友掂, 使俾幾百萬林煥光? 搵個常秘加一添人已經掂.

個陣想搞亞運 – 好在搞唔成 – 連陳太都痴左線咁話 “香港一定得”, 政府話係要提升香港體育水平. 個人認為除左早年既郭亞女事件, 申請亞運算得係陳太人生既第二個污點. (儘管呢個污點可以歸納為跟錯老細…)

跟住皇馬黎, 何志平話可以提升香港足球壇既水平同埋體育風氣. 唔知點解係麥花臣睇人踢街場既人永遠多過旺角場睇爭金牌既人. 放屁, 當年連有胡國雄此天才, 香港隊先可以係咁而衝出亞洲, 今日得返什么卓卓 (… 第二個我都諗唔起個名), 連三張幾四張既李健和都仲踢到正選, 香港既足球係幾不濟, 真係好難量化.

球壇個班人竟然低能到以為賀歲盃只直播一場就可以引d 人入場. 痴鳩線!!!!!!!! 世界盃決賽, ifia 也肯定每個地方的免費電視台可以直播冠軍及季軍戰.

信我, 香港搞什么馬術比賽, 用完個d 場地只會丟空, 但維修保養俾外判商的錢就繼續照付 – 我們得專重合約精神嘛.

我更有理由相信. 馬術場地既下場和大球場差不多. 由第一日重建完成, 大球場的草皮, 比起中國人數百年來那媚外妒外的心理更加惡搞. 錢是付了給保養商, 但大球場就像中年男仕的頭頂一樣, 寸草不生. 更什者是生出像鬼又像人的幾條毛毛來, 把作為納稅人的人氣過死去活來. 除了賀歲盃, 七人欖球賽, 和暑假偶爾會有外國強隊 (如皇馬) 找來不知名的老外比賽外, 我實在想不到大球場一年到晚踢到幾多場波, 同埋仲可以做d 乜.

不, 我不是說政府搞的東西沒有用 – 對於無所事事的官員來說, 有點事做總比沒有事情做好. 那些好處, 即使有, 也不能持續, 不能長久.

這是投資嗎? 別放屁了. 香港近廿年已把源源不絕的資源泵到各式各樣的體育項目去, 除了在個別項目有天才出現 (或該年對手突然變得不濟) 而得到短暫掌聲, 你想找一個稱得令人滿意的, 持續有好表現的體育項目, 根本無可能, 除非你認為打麻雀都算運動.

既然政府不可能也不應該 cherry-picking, 把資源全放到某些體育項目, 是時候面對現實了. 讓煙草商能重新贊助體育項目 – 你認識張德培, 是因為 “沙龍” 網球賽; 把大球場及所有體育設施像 “領匯” 般賣出去, 讓營運者按市場需要定立體育設施 (難以想像在長沙灣竟然有一個高爾夫球練習場) 以吸引贊助者及參與人仕;  不要再讓肥得像豬, 不做運動的官員來搞什么運動, 再放屁政府可以提升體育水平了.

說香港做運動的人多了, 體育風氣不錯. 這些人好像不知道張玉珊旗下既修身堂已經 dum 人 dum 到上左市, 俾人投訴到仆街既現代美容也跟住掛左牌. 如果肯做運動, 哪用付鈔找人用些食藥, 放火, 排毒等方法減肥?

我這代的男孩年輕一點時, 一定熱愛打籃球. 原因 : 男兒當入樽; 大兩三年的, 定必試過在只有七呎樓底的唐樓嘗試一飛沖天彈跳射球. 原因 : 足球小將. 搞十年皇馬來港, 夢幻 x 隊來港, 遠不及一本漫畫人家對體育運動 “需求” 的影響.

還記得當年的跳舞機, 跑馬機 (係成個人要騎上去個隻), 單車機, 那些五六元一局但你玩完會氣來氣喘的 “娛樂” 嗎? 像文化一樣, 體育並不需要有個地方有班人去搞去玩, 這才會成功. 那是給人交流的地方, 是一個終點.

幸好, 霍震霆還沒有走出來說西九文化區, 可以改為體育發展區.