April 25, 2006
-
<回來了>
我實在太愛大家, 太愛辛格. 停筆一事, 請先忘記. 想停筆當然同女友無關.
___________________________________________________________________
<女人, 好姨, 邦民>
我不明白, 為何她們這樣愛聽謊話, 特別是男人所謂的 “承諾”.
我無意針對女性 – 儘管我明白寫得出以上既說話來, 實俾人鞭. 也不是說女性是不理性的. 事實上, 女人對於三唔識七既男人所作的承諾, 唔係太信. 唯有係一日傾六個鐘電話, 400 條 sms, 九萬支玫瑰 (而家好似唔興呢招) 之後, 女人會相信對方既說話與及承諾. 之不過佢地一係唔信, 一係會信到十足十個.
更甚者會主動要求男人許下承諾 :
“快d 講你愛我一生一世”
“你可唔可以永遠照顧我? 唔准答唔可以.”
“你會唔會去搵第二個? 你敢唔敢發誓?”
諸如此類. 我不明白女人心裏在想什么, 但我知道這些諾言根本是垃圾.
直到該諾言泡沬爆破的那一刻, 女人才會後知後覺, 發現該承諾沒有兌現. 她們會一邊罵許下該承諾的男人, 另一邊尋找別的男人去許下新的承諾. 周而復此, 萬丈更新.
世間竟然有人主動要求聽垃圾.
諗真d, 其實無乜特別. 情形就好似各大市民一路睇無線既肥皂劇, 一路大叫 “搞撚錯”, 但仍然一路睇, 又一路寫信去廣管局投訴, 但又要求無線繼續做. 呢個劇集式既惡性循環, 估計係由一套叫 “真情” 既劇集所帶起的.
男人愛講大話, 所以佢地知道承諾 – 特別是自己許下的 – 根本是垃圾. 難道 tvb 的編導不知道自己拍既劇集是垃圾? 有市場, 邊個可以同虛榮心, 金錢, 權利, 射精, 潮吹 等作對?
朋友 KL 對我說, 他有份參與的 <酒店> 與 <阿旺>, 所有參與的人仕一路拍一路踩套戲同劇情垃圾. 收視結果係點? 咪係亞視最正個套 <情陷葉璇> 都係得十點收視. 你係邵爵士, 會唔會俾錢拍套好野? 你係男人, 講真話定假話?
<真情> 劇中由薜家燕扮演既 好姨與友人 的遭遇, 令人同情. 其實, <真情> 個個故事都一樣. 怎至乎所有無線劇集既劇情都差唔多, 只係人腳唔同. 現實裏, 不論是前年的 AC, 去年的 NC, 還是今年的 MT, 全部都俾男人的承諾騙了 : 我不會找第二個.
男人可以愛你一生一世, 但唔可以淨係愛你一個. 即係話, 佢無可能唔搵第二個. 或者咁講, 你可能先至係第二個 – 所以佢話唔搵第二個 (其實係第三個), 無o厄你.
講大話是男人的劣根性, 是改不了的. 一天, 兩個月他可以作出短暫的改變. in the long run, we are all dead. 女人以為男人會為她而作出改變, 作出讓步, 這是想得美了 : 女人忍受不了男人, 男人承諾會改, 女人心軟. 三數月後男人做返自己, 女人忍受不了男人…. 一個個認識, 不認識的無線劇迷與一堆堆熟識, 不熟識的tvb 編導, 我聽得, 看得, 聞得太多了.
諗深一層, 垃圾回收再用, 其實並不需要政府補貼, 或生產鈾原素的高科技. 男人每天也在循環使用承諾去應付各式各樣的女人. 而大家使出既招式, 來來去去個幾招.
但你唔好理, 橋唔怕舊, 最緊要受.
女人, 這不是想拿你們來開玩笑的文章. 當世上想騙你上床的賤男佔人類的九成九, 保本基金根本保不了本, 你們得明白
男人的承諾根本就等同謊話.
數學上來說, 承諾和謊話之間, 是有三條橫線. 這是一個定義.
這和你在羅湖城買的 LV 一樣, 盤古初開就已經知道係 “流野”. 這可不是要拿去廣東道的專門店, 或是係銅鑼灣有九十間分店的米蘭站檢一檢, 才會發現的驚世秘密.
欺騙是一個涉及最少兩個人的行為. 男人賤, 但別讓他們有機會賤在你身上.
最後, 我倒想知道, 邦民財務的客係咪女性為主. 邦民, promise 嘛.
p.s.
(1) 而男人唯一想聽謊話的一刻, 就是臨射精前問對手 (未必係女人) 那時. 至於問題究竟係 我勁唔勁 還是 你 high 唔 high, 不太重要. 反正是與事實相反, 男人在那一刻肯定喜愛聽. 信我, 再自信既男人都鍾意對方話佢好勁.
(2) 別以為我站在道德高地, 我曾幾何時也被某人說過 “如果可以, 我 [即某人] 會選擇這個人 [即史弟] 不曾在我生命出現過”. 這比起說 “如何可以, 我希望這人不在世界存在過” 殘忍上不知幾多倍. 我也計不出來, 誰也無法計算出來.
“如果可以, 我會選擇這人不曾在我生命出現過.”
這句是我聽過最他媽的陰毒, 最殘忍, 最到肉的罵人說話.
Comments (20)
嘩，簡直係愛情界既David Webb。
駛唔駛我direct我果邊D朋友過黎砌過？
多口一問：何以萌停筆之念？
1. 我都好想知點解你會想停筆?
2. 實在講得太好!!! 拍拍拍~~~!!! 但係有幾點我覺得可以再講下……
其實這個是in general 的現象，男女其實都愛聽謊話，但是在愛情上多是女人要求聽這些謊話諾言多一點，可能跟女人較缺乏安全感有關。男人可能比較實際、現實，因此明知這些說話雖然聽來舒服，但卻不是真的，聽過便算了。但女人卻真的會認真地相信──或企圖相信──這些說話。
當然，女性沒可能百分之一百都會這樣想，舉出一個以至三數個反例子去證明「女人唔係你地班毒男講得咁衰咁蠢」是沒有意思的，整個大氣氛如何，大家心照。正如男人再用多例子去證明「男人係唔咸濕既」一樣，徒勞無功。
我覺得男人有時不是想說謊，因為例如「一生一世愛妳」這一類的，男人──其實是任何人──亦無法肯定自己能否做得到。人根本就是很無力的，環境、時勢、思想都可以瞬間改變，這是任何一個人都知道的。而人的安全感偏偏要建基在不變和永恆之上，因此承諾才變得那麼不可信。
講咁多廢話，總之你講既野太到肉，正到暈!!! 完全講出我唔敢講既野!!!!!!
不過… 幾乎可以肯定，你會被人鬧。
我最憎講大話，亦最憎人地對我講大話。
不過人大多是喜歡聽大話的，因為人傾向相信自己所希望的就是事實。
有些女人，真的被男人欺騙。被人精心瞞騙，很可憐。
有些女人，其實是被自己欺騙，她只是找個謊言來安慰自己。也很可憐，又很抵死。
(「抵死」這似乎是我的口頭禪)
如果從生物角度來說，女人喜歡承諾，只是因為雌性生育投資太大，所以謀求雄性加大投資來平衡。實際點的，要求男人送這送那、買車買樓落佢名﹔務虛點的，就要承諾。當然，既然女人演化成喜歡承諾，男人自然也演化成喜歡撒謊。
我最憎講大話……
……所以我冇女朋友。Q.E.D. Ya!
woo~~好在你姣婆守唔到寡，肯寫番xanga….
我覺得男人都鍾意聽大話，不過o係愛情部份少o的咁解…
另一個也聽過而很殘忍的說話:
「charles….我知,….我知你係一個好人…不過…….」
之後的, 一說就俗了.
力撐你繼續打辛格啦！唔好放棄呀！
在我而言，承諾未必全是謊話，至少有時在說的那一刻是真的。
承諾不過是處女，現在還是，將來未必。
好Point!
承諾這檔子事，男人深知是「一時」，女人卻要「一世」。
那便闖禍。
Promise? 該是易借易還的。
有時謊話說夠一百句都會被當作真，
或是，當初不是事實的東西，
被旁人說多了，又會由無變成有。
所以女人要男人說謊話，是等待這一刻來臨吧。
依你那套說法，女人多愛看電視劇，所以電視劇的影響力大。
例如劇中每個愛情故事基本是同一模式進展，
通常都是兜兜轉轉，最後男會講一些很動人的說話，
之後男女主角就會一起，跟住就大結局。
基本上整個模式，由男主角講完後，
雙方就沒有出現過分手、分開等情節就很美滿的大團圓。
所以女人往往就這樣麻木地吸收了這些訊息，
然後就會找身邊的男人試範，
於是，女人就這樣活在假像。
小時候，我們都天真無牙，於是那戴頭盔的死肥仔毫不猶豫地同隔離個細妹妹講come on babe，而難得的是同樣入世未深的小女孩亦毫不計較地反問「你要唔要食一粒」？
後來，他／她們都長大了。大得太快的她們和他們只好一面找邦民，一面四圍問人「有無回報」。
「回報？一定有的」
有的男人天生好人，於是用不同方式去幫人，當然包括向對方輸出優良基因序列，而通常當好人的男演員都年齡偏大頭比較禿。
至於女人，除了心情好和心情不好都買鞋，更會三五成群組成spice gals/ be a lady，然後在公眾地方大叫－－係女人既世界，why not?????
被野蠻女人迫住講大話無問題; 但假設男人明知女人只肯同個 “愛佢一生一世” 既人上床, 就為左上床而厄佢會愛佢一生一世, 就有問題, 唔可以話男人天性愛講大話, 就大條道理厄左人都仲去話人咁蠢走去信 (聲明先, 唔係話你係 d 咁既人)
正如係羅湖城賣 lv ok, 特登係旺角潮特開間黑店以 lv 原價賣扮晒正貨咁, 係人都嬲
一齣肥皂劇會有十個不同的編劇去組成 但監製的只有一個
男人 / 女人途中可以有十萬八千個情侶 但到老 只會有一個肯真心留係你身邊 (如果你好命)
至於承諾o麻….. 我想….. 如果你願意承擔 何需有承諾出現? 男人 / 女人都一樣
最後 也是想有大團圓結局吧!? 至少 還未聽過有一個男人是想 孤獨終老 / 被人騙財騙色 …etc
蠍子與青蛙
有一日蠍子去到河邊，想過河，但係蠍子係唔識游水既，於是佢就請河邊既青蛙載佢過河。
青蛙初初擔心蠍子身上有毒針，如果係過河既時候針佢，就一定死硬，所以唔肯載佢過河。但係蠍子就同佢講，如果我係過河既時候針你，我自己唔識游水，自己都會浸死喇，叫青蛙放心，青蛙聽完之後覺得蠍子都講得有道理，於是就決定載蠍子過河喇。
但係當佢地去到河既中間時，青蛙忽然間感到背部一陣刺痛，漸漸感到全身麻痺，原來蠍子的毒針正插在背上，手腳殭硬的青蛙及蠍子亦慢慢地沉入水中，臨死前青蛙問蠍子為什麼要這樣做，因為我死了，你亦會被浸死的，對你並無好處，蠍子這樣回答，用針刺人，是我的天性，我也控制不了自己…..
未寫完就按了submit….
文章來源: http://www.bloghk.com/blog.php?id=277916
男男女女，戀愛中當然想聽不切實際的承諾。實情是大家都明白呢所謂承諾背後，都有血淋淋的現實。
正如「邦民」話「易借易還」，真係信佢至奇，不過唔通廣告講:「九出十三歸，冇錢還…就放火燒屋、淋油、貼街招」?! 唔好玩啦…
我都情願男友同我講「一生一世」，好過佢話:「其實我唔擔保明年、下個月、聽日或者下秒鐘會睇上另一個…」
Kursk : 你都 direct 左, 問黎做乜? 可唔可以唔做 david webb?
教主 與 hyster 兄 (1) :與 isorman : 擇日就此停筆一事再作文章.
isc_charles : 那是真的會出現的一句話嗎? 我以為係做戲咁做…
hyster 兄 (2) 及 vincent_life : 同意你地講. 未來充滿不肯定, 但我覺得唔知做唔做到既野, 唔好應承. 這是負責任的做法.
方兄 : “不過人大多是喜歡聽大話的，因為人傾向相信自己所希望的就是事實。” 這便是問題所在. 個人認為唔講大話都可以有女朋友. 不過你那個 Q.E.D. 好正, 令我諗返起大學讀經濟個陣既 ‘證明’
htAB : 如果 “易還” 的話, 根本不用去借…
ami_aewws : 同意. 我成日講大肚婆唔好睇無線電視, 唔係啤啤會變白痴.
tommyjonk : 唔知以為你係廣告界既人, 專門服待銀行.
drops_yan : 我唔敢講男人係咪特登. 我真係唔知. 但我知道承諾好多係垃圾.
bingo32 (數字代表你生日日期嗎) : 對, 承諾是垃圾, 但行動不是. 有行動, 肯承擔, 唔使承諾.
denise 107 (又, 數字代表你生日日期嗎) : 你最後的一段, 代表一種我最不明白的行為. 你明知男友講既係大話, 點解仲要佢講?
咪住,咁熱鬧點可以唔預我。
你道女人比男人愛聽大話,此言差矣! 一個明知自己床上表現極差的男人,都想聽女伴那一句半句讚美,以及扮high個表情。
算了吧!全人類都愛聽大話,又使乜分男女。
不是吧, 我相信很多想借的人, 都是怕還不了才卻步。易還的話, 我也想找邦民, 何不令自己手頭鬆動d?
我猜你的意思是, 自己大把錢, 駛乜借grant loan? 但很多時, 有錢人厄到d grant仲多。正如你所說, 身邊已有個女朋友,男人還不是會搵第二個?
其實你不明白denise107的行為也是個令人費解的行為吧, 當你明白自己不願意相信女人話「你好勁」其實係厄你…
當你願意解釋時, 就自然有合理解釋。
ps. 我說「易借易還」, 是因為男人說「我應承你…」及之後肯上心地去為了她去做一件事, 女人可能覺得好lum.. 至於那事越誇越lum (例如終極的「一生一世」),越practical越lum (例如「以後唔再食煙」), 抑或越含糊無可追究的越lum (例如「我應承一日至少掛住你三次」)… 我不肯定跟難度有否關係, 不過我prefer人地應承我以後唔食沖涼鴨之類。
超主觀的人… 一d 都唔識得多角度思考….
先反省自己再講la~.. 不過睇你連”反省”係咩都唔知~
我就是男的! 怎麼樣!! 哼~~ 有好必有壞~ 有壞才識好~