May 6, 2006

• <人的死穴>
  
  
  死穴, 即那些可以令一個人慣常行為/言行舉止/堅持 有所屈服的事情/事件/人物. 據估計, 武俠小說的死穴, 現實並不存在. 否則殺手並唔需要拎槍去殺人, 但需要走過目標, 拍拍佢死穴, 即死. 差佬捉到你都挫你唔入.
  
  
  不同的人有各式各樣的死穴. 例如, 阿武既死穴係錢 (但邊個既死穴無 “錢” 份?), 施永青既死穴係老婆, 林建名可能係俾人拍黃腳雞相…諸如此類… 劉千石的死穴, 當然是那張回鄉咭.
  
  
  只有人擁有許多死穴, 卻沒有人沒有死穴.
  
  
  最常見的”人物型”死穴, 是你的下線. 我講緊既當然唔係種金 – 即買香薰可以抓廿萬一個月既生意 – 裏面既 “下線”.
  
  
  “下線”, 即係你既親仔生生, 或者囡囡. 佢未必要出左世先成為你死穴.
  
  
  原來, 任憑你係黑社會話事人, 還是勾引人老公 (或是被人地老公勾引) 既 淫娃, 家財萬億既富家女, 只要有左或者只係想要仔女, 就會立刻成為折翼天使打回凡間, 變返普通人. 雄心, 無晒; 我行我素, 無晒; 風流, 無晒; 智慧, 無晒.
  
  
  幾個手下失蹤數天, 回來繼續唯才是用… 嘿嘿嘿…
  
  
  黑社會第三集, 叫 “連生貴子” 好了, 橫豎古天樂只是在重蹈任達華的覆轍.
  
  
  有左下線, 就似男人多左條子孫根, 女人多左對乳房. 一樣咁令人及令自己難以掌握.
  
  
  咁對史弟有乜含意? 無. 我不嬲都無諗住生仔.
  
  
  諗諗下都有. 如果係 史嘉莉祖安遜 (<迷>片女主角), 又矇眼又盛, 晨早精盡人亡, 使撚搞到一鑊粥.
  
  
  所以我又敢肯定. <辣手神探> 中周潤發所抱的啤啤, 一定唔係佢個仔. 白痴既, 開鎗都怕震聾佢拉…
  
  
  寫在 <以和為貴> 與 <迷失決勝分> 後.
  
  
  
  p.s.
  
  
  (1) 睇完 <迷失決勝分> 想寫運氣, 沒運的事. 但有人寫得好, 無謂重複.
  
  
  (2) 而有關生仔, 代價與死穴的討論, 可續看 silly_cecile 及 marcellabear 的文章.
  
  
  (3) 今天在看 <迷>, 差不多爆滿. 看來此戲口碑不錯.
  
  
  
  

  • 9:49 am
  • 2 Comments