August 28, 2006
-
<離開, 是為了重逢>
好老土呀~~~~
我離開原人圈, 原因是
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
我禁錯制…好多人會對於個芒講 “妖”.
_________________________________________________________________
那當然是說笑.
實情是, 我實在太愛大家.
又好多人會對於個芒講 “屌, 仲鳩o翕?”
其實我早就寫好一篇文章, 叫 <我的辛格人生>. 但由於內容太過肉麻兼露骨, 所以一直唔敢登出黎. 裏面提及的重點之一, 就係朋友群的討論. 枝節唔好講, 重點係, 其實我非常重視身邊的每一位朋友 – 是網上認識的好, 中學同學好, 還是唔識都好 (???) – 希望做到皆大歡喜, 樂也融融.
唔係迫到埋身, 我不會反擊反抗. 例如尋日既發夢吟詩 (先生? 理鳩佢), 真係明玩野.
重視, 即係唔想得罪人.
然而天生賤格既我, 偏偏鍾意寫d 敏感既話題. 或者咁講, 對好多人黎講, 呢d 係敏感既題材. 對我黎講, 這只不過同去街市買棵菜一樣咁普通. 幾時踩中雷, 我唔知, 過去亦唔係太理會 – 個人認為只要實事求事, 事實並不可以被推翻. 這也是原因我不太喜愛討論及回應 – 老實說, 討論好多時只會引發更多矛盾. 幸好, 係我個場未有d 咁既事情發生.
原人圈是個品流複雜的地方 – 就像旺角砵蘭街的一幢七層唐樓. 三十二戶, 住有教師, 記者/前記者/新聞從業員/前新聞從業員, 人渣, 敗類 (此兩者佔大多數), 良家婦女, 醫療界人仕, 學生, 無業遊民, 特首, 財爺… 對於一個係重慶大廈 – 即尖沙咀那一幢印巴籍人仕數目比本國還要多, 門口永遠有九千幾萬個阿差叫你食飯既地方 – 長大既人黎講, 原人圈真係好正. 那一種 biological diversity (開始玩名詞), food chain (???), retail chain (????????), city chain (????????), 其實好正. 大家互相尊重, 少浮誇及不知所謂既讚美 – 屌, 大家現實中還不夠虛偽嗎? 可否想屌就屌, 唔好因為佢係你某某, 或大家同屬某一背景, 就槍頭向外, 矛頭對內?
總之, 我唔好再鳩o翕落去. 呢個辛格, 梗係唔會摺.
總之, 唔好亂鳩咁估. 我無病, 唔使食偉哥.
總之, 我係好唔想有任何機會得罪作為我 “朋友” 既大家 – 或者呢個已經係最大既得罪. 脫離群眾, 大家變成我既 “讀者”, 我可以肆無忌旦, 唔怕得罪.
總之, 我很愛大家.
總之, 謝謝教主, 我遲d 就會舐你鞋底 (我估你未必想我舐你第二度…), 求你俾我入返黎.
離開, 是為了重逢
嗯…. 呢句好似幾好用. 可以用黎下次唔想同女友行葵涌 MRT 消費站既時候講………
_________________________________________________________________
最後…………….
作者取材, 休息數天.
S
Comments (12)
歡迎史兄回來。不過，真係有些骨痺！
史兄…… 首先…
對唔住!!!!!!
第二……
我愛你!!!!!!
真令人感動啊~~~~
有你有我雪中送火。
” 當天一起不自知，分開方知根本心極痴
有你有我有情有生有死有義 “
也別怪我肉麻，看完你篇 entry，心裡就自動播放這首歌
雖只是路過, 但也被你的真誠感動, 希望你呢個幸格永遠都唔好摺, 我會繼續做你的讀者支持你
「出得黎行，預左要還」。自問插人插得盡，自己亦不介意被人問候。
所以，你千祈不要因為不想插我而離開。
你離開，即是說我（們）沒有接受批評的量度。
快回來吧，我可以括免你舐我的自由。
（明眼人都看到是我在舐你，多於你舐我。）
史兄 , 別怪我說話說得太直………你離開原人圈, 其實係咪想……….
(1) 測試自己響原人圈既地位, 睇下有幾多個人會 — 發現你唔見左 / 唔捨得你 / “悼”念你 (講下笑乍) / 哎你返黎
(2) 你想教主舐你 !!!!!!
返來啊……….返來啊……….返來啊……….
雖然有時覺得你都幾大男人, 思想又好似幾右下…………但唔知點解………..響原人圈果版度見到你update左, 我總不自覺地click 下入去, 明明冇心機睇唔想睇都要click下…………..冇左你響原人圈果版度, 冇得畀我手痕click下, 好唔慣.
返來啊…………返來啊……….返來啊……….
你要收夠幾多個回應先會返黎呢?!??!!?!?
( 睇黎有我d咁既口臭友響度 … 史兄更加唔想返去……….)
kaka, marcellabear…
我都… 都係唔講喇.
relgitsjg… 你越黎越好可愛, 好好”乙水”果種男人…
好想掃下你背脊…. 乜野都唔緊要啦~
史弟:
請容我講句「屌」,縱使我是有心而無力的。
講兩句就感到被得罪，呢ｄ「朋友」唔撚使要啦。
況且，退圈有幫助嗎？小撚器0既人，無論身份係「朋友」定「讀者」都係咁小撚器。
正如教主所講，原人精神係「人人插我，我插人人」。
咪玩野啦0靚仔！
“就係朋友群的討論. 枝節唔好講, 重點係, 其實我非常重視身邊的每一位朋友, 希望做到皆大歡喜, 樂也融融.”
“然而天生賤格既我, 偏偏鍾意寫d 敏感既話題. 或者咁講, 對好多人黎講, 呢d 係敏感既題材. 對我黎講, 這只不過同去街市買棵菜一樣咁普通. 幾時踩中雷, 我唔知, 過去亦唔係太理會 – 個人認為只要實事求事, 事實並不可以被推翻.”
同意. (當然quote 1 可能不適用於我身上)
曾因文字引起”風波”, 失去一位朋友仔, 教我後悔到今天.
sy 說我心頭高, 要慎言.
星期日晚上打搞到你, 對不起
interest disclaimer: 我非原人
史兄, 回頭是岸
講老實說話,我(可能好多原人一樣)慣左透過個ring 入黎睇你個辛格
宜家好唔方便
你快d番黎,起碼慳番大家幾秒時間
正所謂一寸光陰一寸金,每人每日幾秒既價值足夠令原人圈上市