September 8, 2006
-
<花名>
我不知道 “花名” 的本質是否就是那么討人厭, 但我知道有關我的花名, 我一個也不喜歡.
1. 小時候, 日日俾人叫賓周.
鎖你, 如果你未夠十八歲, 或者係女性, 但仍未知賓周係乜, 或者以為賓周係一個人, 好拿拿臨熄 browser. 或者 click 去d 有益身心既 BLOG, 例如三師會 (後面 : 真係正~). 再睇落去學壞左我唔負責
賓周, 即男性生殖器官. 賓周係除左 “媽媽”, 廣東話最多學名既詞語. 有人叫賓周為陽具, 碌鳩, 碌野, 巨棒, 巨柱, 撚………..
洋人既可稱之為 “洋腸”.
由此推斷, 血氣方剛既可稱之為 “紅腸”. 噴左香水既可稱之為 “香腸”. 你阿媽假使真的有日能生一舊叉燒, 而若又為男性 (後面 : 分到既咩?), 其賓周可稱之為 “叉燒腸”. 斷左既可稱為 “斷腸” – 所以楊過從來未同小龍女交歡過.
無論如何, 儘管我有賓周, 但我成個人唔係淨係得一條賓周 – 我也只見過避孕套人在皇后大道中, 沒有見過陽具人 - 而我個名更加唔係叫賓周. 所以日日俾人顏面咁叫唔係你個名, 好討厭. 應定唔應佢好? 有一年我由考第一變做考第尾, 就係考試個陣旁邊個同學叫 : 賓周, 借份卷睇下” 而我諗左三個鐘頭應定唔應佢, 搞到我交白卷…..
天真的鄰家女孩, 以上既例子….你唔好… 當真呀… 我其實年年考咁上下. 總之, 俾人當作或稱呼作一支陽具, 感覺是不好受的.
2. 中學個陣d 人開始忘記賓周 – 皆因碌鳩更流行 – 而人們沒有將碌鳩同小弟之間劃上全等號. 於是乎我係中學渡過左七年 “花名 – free” 既歲月. 偶爾還有一些花名, 但都忘記了.
3. 我以為大學既人會成熟d, 點知花名仲多仲低能. 據講, 我係系既花名叫…… Econ 神.
你可以想像以一個面皮七呎厚既人 (若此人身高也是七呎, 佢就係一個正方體), 聽到呢個花名時面紅個樣嗎? 好難堪. 第一次有人同我講呢個花名, 我腦海即刻浮現龍宮個一堆廢人… 毛管即刻豎起晒……好在我未聽見過人咁叫我, 唔係我一定回句 “神你老母”….
Econ 神也代表了大學生那一副中英夾雜的口吻. 哀哉. 也幸好當年 都會馬尺 還沒有推出市面來, 否則 花名會變成 Econ @ 神 (@ 即係日本個個 “之” 字).
Econ 叻是一回事, 但叫 Econ 神, 好低能. 我真係接受唔到. 也幸好, 呢個花名只係得小部份人知, 唔係俾一眾人知道, 真係醫神…
4. 後來在美資銀號當暑期工時, 得了一個花名叫 “仔仔”. 咪講粗口住, 並唔係由於我似 F4 既仔仔周渝民, 第一, 我頭髮無佢咁長; 第二, 我比佢更靚仔…… 原因係我係組裏面年紀最細, 方便稱呼我就叫 “仔仔”, 而且我叫 “仔仔” 既事候, 他媽的流星花園還沒有爆出來.
幸好, 我個外型同個樣都同仔仔差天拱地 (重申, 第一, 我頭髮無佢咁長; 第二, 我比佢更靚仔), 所以就算係有人叫仔仔, 其他組既同事都唔會恥笑我. 好讓我能垃圾筒拾回一點樽鹽, 放回口裏…
*******************************************************************************
廣告時間 -
Comments (11)
Ben CHAU 哥哥 !!!!! ………….heheheh……….
哈哈~~~~你呢篇真係好正, 我差d 睇到笑左出黎, 可惜我無咩花名可以同你分享
仔仔個名都幾cute 丫~ 不過好難想像有人會叫你做仔仔, 我諗想當年你一臉稚氣一定會好襯呢個名, 而且你又靚仔過仔仔呢…..eh~ 另外, 我都知道自己個名騎呢, 所以麻煩你叫我做R君就得勒, 謝謝你!
你害我響老闆面前「gee」一聲笑左出黎，之後仲要掩口忍笑，我冇職升要告到你上終審庭。
hahahaaaaa
我唔算路過，因為我睇左貴 blog多耐，成日都笑爆咀。
想問一句，究竟佢地為乜叫你做「賓周」？
應該同跑得快(奔走)無關吧……
你害我響班女同事面前咭一聲笑左出黎，仲要扮無野，我第陣時有乜唔得實行搵你索償。
tag 你
大學時候，真係有個女同學，不知賓周為何物。
好了，既然史弟拋玉，我都擲塊磚出來。中學時期，我有個花名叫「波因747客機」。
點解你地d花名咁有創意？
我最後比較深刻既花名，係大學時俾兩個朋友叫「笨鈍」。
so when will u come back to our ring?
教主 : 吾等實在謝過.
Bonnie : 叫賓周係關個名事.
靚媽 : 波因747客機… 依我觀察, 你又唔七… 呢個名….