September 27, 2006
-
<套的疑惑>
注意 : 呢篇文章含大量正確與不正確既性知識, 與及實戰經驗. 係實戰, 唔係野戰. 至於邊d 係正確/不正確, 老實講, 作者都未必知. 再者好多錯既野講講下就變o岩 (例如 GST), 所以, 若果你唔知乜野係做愛, 或者未試過……. 睇落去既樂趣, 應該係零.
如果對婚前性行為反感, 也不要看下去.
若到今天仍不知賓周為何物, 可按右上的 “X” 關掉瀏覽器.
愛, 可以唔做; 套, 不可不用. 講過 n 咁多次既故事如下 : 與友人相識廿幾載, 認識佢含家 (阿爸阿媽細佬). 一日, 佢阿媽 – 記住佢唔係靚媽 – 打黎, 話唔覺意 (我覺得係假既) 見到友人細佬有個避孕套. 問我點算.
我話 : 既然有避孕套, 即係表示佢十五歲仔已經有性行為. 大家得面對現實, 你是不可能阻止及勸止他不進行性行為. 要想拿走他的避孕套. 難道你認為沒有避孕套, 他就不會做嗎?
不會. 不要說是小朋友, 就連許多成年人, 明知無套也要做. 沒有避孕套, 等同鼓勵他有 unprotected sex, 對任何人也不好. 若我是你, 會買定一盒盒的避孕套, 放在自己的抽屜, 並讓孩子知道 – 好讓他臨急臨忙時, 也知道可以借阿媽的避孕套用.
說這番話時, 我才記起一件事 : 原來, 大家的父母都比大家聰明 – 當他們發現了避孕套被偷用, 他們是故意不作聲的.
我沒有用過太多牌字的避孕套, 也沒有用過太多花款的. 用開好就用個隻 – 十萬火急個陣發覺唔好用或者無 feeling 咪大鑊?
前排杜雷絲推出螺旋型與及粒突型避孕套 (“粒突” 倉頡點打?). 係地鐵既電梯見到廣告, 心諗 : 嘩~ 乜個套咁似狼牙棒既? 仲要又螢光又緣色又盛, 做乜? 黑麻麻見到碌螢光筆 fing 黎 fing 去, 好情調d? 我只係諗起中學拎起支螢光筆狂間碌屎既日子, 與及坐在旁邊那個其醜的女同學 (最美的女同學總會坐到書凱子的旁邊… 操, 我也是個書凱子)… 乜鬼情調都掃之一空.
與助導 KL 講起, 佢話 螺旋型好用. 點好用法? 佢話對方好有 feel. 呢個我明白. 螺旋型, 即係裝假狗, 依靠立體 (3 dimension) 螺型黎刺激女方性器官. 問佢螢光套會唔會甩色, 搞到賓周好似搽左芥辣咁?
KL 望住我, 口裏既日式炒雜菜跌左落碟, 問我講真定講笑. “梗係講真!”
俾恥笑三分鐘後, 我得到既答案係 : 唔會既.
仲未完, KL 話千祈唔好用粒突型, 皆因戴左似生花瘤, 粒粒突突, 講到好似佢生過咁. 對方一d feel 都冇, 自己感覺又似生野, 做愛做成咁, 真係罪過.
無味既避孕套, 好臭膠味, 臭到好似阿媽o岩o岩開對洗碗手套咁. 再加埋膠與膠之間所磨擦的聲音, 頂, 成刻諗起阿媽洗碗時既情景, 然後一連串 “飲唔飲湯?” “食左飯未?” “唔好咁夜訓” “要努力讀書” 機關槍式對白浮現係腦海. 點做落去?
所以, 要用有果汁香味 – 記住, 係香味就夠 – 既避孕套, 一來可禁住臭膠味, 二來磨擦的膠聲都會唔見埋.
至於士多啤梨香味避孕套究竟係咪士多啤梨口味, 定係會掛羊頭賣狗肉變成香蕉味, 提子口味, 甚至乎係鏞記燒鵝味, 並未有人試過後講俾史弟知. 戴住套黎口交, 乜有人會咁既咩? – 我淨係諗起銀行既人數銀紙時會戴住個手指套… 算手指? 嗯, 史弟柔軟度唔夠高, 並唔能夠做到含自己 – 我承認曾看過一條影片, 片中既白人應該跟過 dickson 或者 master kamal 學 yoga, 佢竟然能向前彎腰, 然後… 該煨….連手既力都慳返… 到最後熱帶果味避孕套會唔會好似李錦記咁, 能夠帶出鮮魚既味道? 我希望能係有生之年能訪問該白人…
尋晚又係地鐵見到 “加強耐力” 避孕套… 下? 避孕套可以加強耐力? 夜麻麻就算買左都搵唔到人試, 無法得知究竟避孕套點樣可以加強耐力. 返到屋企大便, 苦思良久, 也無法得知究竟避孕套點樣可以增加香港男成日吹噓自己有既耐力. 最後估估下, 得出以下可能 :
1. 此乃 “兼覓”. 好似必理痛既經痛止痛藥咁, 其實男人做野做到頭痛食都得. 又或者明明係 “普通版” 避孕套, 求其安過好聽既名, 就叫 “優惠版” “精裝版” “耐力加強版” 就得. 總之, 你一聽陳奕迅既浮誇, 就會知係乜.
2. “加強耐力” 其實係講緊係避孕套既耐用度高左 – 即係你搵黑人黎狂用三個鐘, 避孕套也不會勞損或者穿左. 比起成日標榜耐用既米芝蓮車呔更加耐用, 更加適合係公路上行使.
3. 加強耐力其實係一個成吋厚既避孕套. 厚到好似你去韓國滑雪個陣戴個d 手套咁, 或者係東莞倒模個d 上崗工人戴個d 機械手套咁. 就算你入左, 射左, 怎至乎係小賓周斷左, 你其實都無冇感覺. 嗚….
4. 杜雷絲已經同印度一間公司簽定合作備忘錄, 將避孕套上既潤滑劑改為印度神油……屹立不倒呀…..
珠穆朗馬峰果然係係印度…
Comments (49)
所謂持久力安全套，其實係有輕微麻醉成份，等用既男人冇咁興奮，咁就自然遲ｄ高潮。
哈哈。
唔係全部都咁誇張既，畢竟用藥令人害怕，兼有敏感既可能。
所謂持久，好多只不過係塊膠厚D，所以好似史兄話齋，感覺少左咪持久囉。
(畫外音﹕一個從來冇機會用避孕套既人，都唔知講咁多野做乜……)
durex持久力0個隻真係有用藥0架.. 要0係有藥劑師0既藥房先可以賣… 之前有幾個後生仔做網上賣dum,點知因為賣呢隻model所以俾唔知衛生署定咩署告…
凸凹: 月尸尸 尸尸山
持久裝據聞係令賓周麻目, 等你冇乜feel.. (仲做泥做乜?)
之前睇過選擇做既測試, 杜記既水菓味係最安全既其中一款, 比起extra safe 仲高分 (extra safe 都唔夠水菓味砌, 真係夠諷刺..)
慇慇~~~~~儸淩疑衄, safe sex 疑笭猁, 螜坋拻褫夔婌酘d (隅?奧模燮琌請船蜁嗣, 扂蜁眭), 筍舑腕赻飲珨璃疑岈挩, 疑綎蜁蚚挼~!
祫黺彆d 堪糯庤扂飲紒褣?, 筍扂衱蜁紒衄”糯鷂糯眳嶲垀艦笠腔?秞”, 祥綎斕?斕?斕?蛷肮斕琌彆d 珧淩疑?虷, 慇~~~斕疑砑砉薯挩! 祥綎嘛蜁善埻阨?庤珂祫郔假, 扂眳笯眕珨隅extra safe 郔假暫tim
郔摽彆?啞酕彆d 珧扂紒腕疑瞄芼, 疑feel d 蜄? 坋逋毞符桶栳, 祥綎扂棯錨煦, 秪?婓怮鍔祥假毚!
頂………又要打多次
哈哈~~呢篇真係好有趣, safe sex 係好重要, 雖然十五年歲可能係早左d (定其實而家黎講係叫差唔多, 我唔知), 但係識得自備都係一件好事丫, 好過唔用呀~!
至於果d 臭膠味我都覺難聞, 但係我又唔覺會有”膠與膠之間所磨擦的聲音”喎, 不過你話你會諗起你媽咪同你講果d 野真係好攪笑, 哈~ 你幾好想像力丫! 不過估唔到原來水果味先至係最安全, 我之前仲以為一定係extra safe 係最安全既tim
最後果個白人做果d 野我覺得好核突, 咁樣好feel d 咩? 十足天才表演咁, 不過我會俾佢零分, 因為實在係太令人不安勒!
史兄，笑能死人架!!!
仲有，不論保險套或安全套，背後強調的不外乎是性行為是「危險的」或類似概念，於是，買家以為只要自己手執一套便安然無憂。然後，再推出不同口味應付不同客人之需要。仲要不時發表數據，話香港人淨係識日頭猛做……
於是，性成為時尚消閒商品。杜生的身家便好像搽了印度神仙水。
唔知HK有無, durex(係藥房見到唔係我用)其實有好幾隻 都係靠藥黎刺激女人下面…
我諗你個隻 原理都係咁…
(一買左包套記主dump左dee包裝, 咁條女唔知你靠呢家野出貓~!
不過 你都可以…
一入門口 就話: “baby~睇我買左dee咩返黎?” 之後 你個baby一路食飯一路對你”含”笑)
不過 我覺得車鈦既原理都好, 因為有時會係入面插爆套,
?陣 真係要寫封信claim佢時後丸dee錢
(你又攪到我大開金口~!!! BTW 每次你回comment 我覺得好:) )
嘩哈哈，笑死人。持久裝入面含有麻醉成份 benzocaine。以前持久裝係屬於管制性藥物。要o係藥房有藥劑師監管下先賣得。你會問點解買袋阿媽都冇得干涉, 但反而要你監管？冇計。係條例所限，只看成份，它本身真的多作外用麻醉 (如打針前用) 所以產品一出有理冇理照受監管。但一個多月前法例已改。以後大家要買持久裝唔駛問淮我！
我唔係避孕套用家，更未用過持久裝。只知係呃自己o既野，據不少用家事後反映，敏感度低左，遲左到高潮。其實同昔日大行其道o既印度神油一樣。其實你唔怕o拿親自己同對方…你用白花油，驅風油以至活絡油都有同一效果。最最重要係，不少男人係買返去國內救國用。呢點我最唔明，呢o的明買明賣o既交易，對方唔係諗住享受，係要收錢。你用持久搞到自己腰酸背痛…為乜？
仲有，雙重保險唔係厚o的，只係加左殺精成份，萬一穿左都冇咁易中招 ！(指bb 唔係性病) 厚o的o既係所謂活力型，佢個包裝係用牛仔褲作宣傳。
係囉，我都想問好耐，乜有男人「好」戴住套既 BJ 既咩？
士多啤梨味之類我估係 tum 女仔既o者，但唔係隻隻味都 appealing，個人黎講好怕薄荷味，一聞到就諗起白花油王子，好 x 大鑊
「呢點我最唔明，呢o的明買明賣o既交易，對方唔係諗住享受，係要收錢。你用持久搞到自己腰酸背痛…為乜？」
香港老闆同嫖客既心態都一樣，既然要俾錢，梗係用耐D，單位成本拉低D……
「係囉，我都想問好耐，乜有男人「好」戴住套既 BJ 既咩？」
買賣o既咪要囉！
仲有, 我想問呢? 係唔係淨係得我 好憎男人做得超耐…
有時 一個post個位岩啦, 插耐dee係好. 但我見dee男仔, 明明揀岩post,
但, 可能驚同一個post 連續幾十野會快出, 所以 係個post岩果陣… 無端端抽離~!!! 換位
表面上識好多花式, 但又要我重新由0去適應過… 呢方面 我係好反感~!
希望有關部門作出適當既安排, 及善後工作.
適當既安排及善後工作 可能就係”加強耐力” 避孕套 (自問自答)
半實戰過…… 都係唔係好知domdom 咁多野……
但係睇過話BJ/ ML時好多時會產生一d好細微既傷口，細到肉眼睇唔到… 所以就算無表面傷痕或者潰瘍，都係戴dom好d…
嘩~~ 高手呀. 唔怪之得而家先賣廣告 – 修例後係人都買得, 之前想買都無用. 謝過 iamsorman~ 你話市場幾偉大.
令賓周麻目, 真係唔知做黎做乜…力為, 凹凸型同螺旋型應該係你講個隻刺激女人下面. 男人係以做得耐為榮, 皆因佢地以為做得耐就等於對方有高潮. 呢d 咁笨既概念, 再多過三千年都唔會改變. 鬼咩, 無人教, 一味淨係識睇咸片, 裏面d o架仔全部靠剪接有成個鐘耐力, 香港仔全部上晒腦… “希望有關部門作出適當既安排, 及善後工作.” 嘩哈哈哈哈哈哈.
至於有冇男人鍾意戴套 bj, 我估係怕妓女口有細菌同性病, 有男人會咁做. 但估計 (我未試過) 戴住套 bj 係無乜 feel.
方潤, 嘩哈哈哈哈, 單位成本.
退休 J, 都話你別名叫 “倉頡之子”.
哈哈~~~~我無聞過果隻薄荷味, 但係俾你咁講, 我會記住千祈唔好試呢隻味, 哈~~~~諗起果個王子真係好lor 命
我都想問下, 不過係問女仔, 咁你地有無試過去打避孕針又或者係貼過避孕貼呀? (PS: 我係女仔, 唔係變態佬) 我有試過避孕貼, 不過之後都係對方用返condom 算, 唔知係咪自己敏感, 硬係形住貼左之後自己d 情緒好似波動得大d , 所以都係無用
被孕貼無記錯的話，成功率大過食丸仔同用膠袋。
仲有，事後丸唔係100%有用，只得50%-75%…
reelastime,
唔知真定假, 有次我去隔離島旅行, 有個廣告話:
“如 你選用XXX牌避孕貼之後 感到心臟功能衰退, 請即致電XXX律師
我地會幫你索償~!”
之前聽人講話食避孕丸會有乳癌,
我只知佢地用hormones estrogen去整避孕丸 而estrogen失調好似係乳癌既關鍵,
不過呢家果dee應該改良左.
避孕貼 困晒膠好唔美觀. 但好似為男人做左dee野.
有冇人可以解答我：乜野叫半實戰過？ 哈哈哈。
樓上，針又好、丸又好、貼又好，都係女性荷爾蒙，理論上佢地俾你o既副作用都係大同小異。情緒波動大左，可能真係荷爾蒙o既問題。
針同貼比起丸最最最大o既好處係唔駛日日食！
vicent_lifes,
sorry, 我既志願係代理事後丸… 所以想幫事後丸講返句好說話, keke.
事後丸”Plan B”, 成功率近90%, 越早食越好, US唔駛prescription都買到
亦有UPS速遞, 三日內到, ok~! 仲又效, 不過 貴到黐肺.
不過舐左野 就點到會試, 唔會坐以待弊~!
瘟神，貼個有效率大過袋係因為袋易穿同埋用家使用方法問題。至於丸仔嘛，除左會唔記得食之外，食其他藥物或者部份食物會影響丸既吸收，所以影響安全程度。
力為，事後丸其實好平o架…..提示：留意下佢地個成份。
果陣果包貼既說明書都好似話過佢成功率好高, 所以我先會試下, 藥同埋針我會驚d 負作用勁d, 不過其實可能都係一樣
嘩~~乜咁大鑊會攪到心臟功能衰退? 不過我都係試左兩三包度姐, 應該唔會有事卦…….d 貼係的確幾唔美觀架, 貼完會有個印咁, 不過都好快退既, 至於係咪叫做為佢做左d 野, 一半半啦, 呢d 野大家都有份, 不過的確係想佢開心d 既
果陣有貼果排我d 情緒非常恐怖, 好容易就會喊, 好似癲左咁, 攪到我之後都唔敢再用勒
多謝vincent, whitebook 同埋iamsorman 既回覆呀~! 同埋史兄, 唔好意思~ 借左你個地方黎傾偈 :p
beergal – 白花油王子…………………………好在我用士多啤梨….
iamsorman : hyser 可能係話 “半野戰” 過….
聽講女生食藥會變肥, 又會有其他影響, 是真的嗎?
我寧願做過負責任既人 (除左幾次…), 戴返個套.
relgitsjg, sorry bothering ur site
呢家果dee唔會肥, 仲會少暗瘡.
iamsorman, progestin? 如果有平 及 成功率有90%以上的話, 不防整張卡片過黎 :>>>>
美國好多人要 (佢呢家起碼USD$40先得兩粒仔)
我真係覺得 戴套都要爆果下 好不幸.
肥, 係真的。因為女性荷爾蒙其中一個功能係咁，而且有o的仲會食左令個人積水較多。不過咁，都係因人而異，而且近年有些新藥聲稱唔會令人肥。其他影響有好有壞，不妨去家計會網頁睇下。
我唔認同男唔用套叫女方食丸係唔負責任..最重要係女方清楚知道食藥o既pros and cons
力為，嘩…usd$40..食水仲深過香港。我唔敢再講。你知史兄呢度其他人睇o架啦，我怕講完，o的人睇到一知半解，搞到食錯搞出人命就唔好了。
無啦啦呢度變成性知識chat-room!
膠聲與洗碗聲,好!
力為:100%贊成你所講,好撚憎男人搞咁耐,唔知為左證明d乜。
關於domdom,老媽都有分享。
話說有日,老媽一覺醒來,發現上嘴腫脹,似Q太郎。去看醫生,他說可能是敏感。
我猶豫了一會,問醫生:咁同oral sex有冇關?
醫生呆了兩秒:咁你有冇用避孕套?
到我呆返兩秒:乜會用避孕套咩?
醫生飛快解釋,如果有用,咁即係個咀對避孕套敏感。
當年只有21歲的老媽,無追問究竟我係咪同賓周敏感。
我諗起之前做過關於sex既調查，全世界最sexy既國家，一年做成一百三十幾次。
如果次次都戴condom肯定買到窮….
同埋我想問下‘正黑鬼油’係咪同印度神油一樣咁用架？？
貼我冇試過，但丸係會令個人躁底 d。根據丸仔盒內張 instruction，take pills 係令乳癌率高 d 但同時子宮癌又低返喎，咁即係「你諗你」囉。
針呢我之前響倫敦睇醫生，佢話「有可能」打左之後會有 spotting，咁我唔想「突然黎 M」，所以冇試。乜貼真係安全過丸咩？咦咁樣又唔洗日日食又安全 d，好似好吸引喎。但有乜野副作用？……
當然，大家要記得 dom dom 唔剩止為避孕，亦都係避性病啦……
事後丸？嘩我個 friend 瀨過野，真係唔好靠佢。
呀仲有，靚媽，你可能唔係對賓周敏感，我聽聞過有人對精液敏感架，因為有蛋白質……呵呵
同埋而家 d 丸個成分輕左，唔會肥架喇，而且仲有可能因為冇乜胃口而瘦左添，我記得屈記有隻 jasmin（優思ｘ）係食左冇乜副作用，唔錯架。
講開事後丸, 講真, 我都好想買d”有名有姓”既. 但唔知係咪我唔識野, 通常去藥房度買, 佢都係就咁搵個透明藥丸袋仔裝住兩粒都唔知係乜q野既畀你, 有冇效就各安天命. 但係好奇怪, 以為家計會既丸就一定隱陣la, 點知我就係”仍”左野, 又貴, 成二百幾蚊(九年前), 又要聽佢訓一輪話, 結果冇效. 我想問下性知識醫學知識豐富既各位, 話說事後丸食左之後唔可以係十二小時內嘔, 如果嘔左就要食多次. 我當年食左家計會既事後丸, 夜晚返到去已經好想嘔, 但我死忍, 忍左成晚, 過左十二小時後先至嘔, 咁其實係咪即係都等於冇用, 都係要食多次?????
避孕丸好多年前食過. 聽人介紹話某牌子好(唔記得個名咯). 食左之後, 冇乜點肥, 皮膚好似好左dd, 個胸大左少少. 之後諗住當豐胸丸咁食, 但係由於唔記得左第一次響邊間藥房買, 之後去第間買我懷疑佢畀d水貨我, 食完之後覺得有d周身唔聚財, 於是以後都冇食過.
其實我對膠膠都有敏感, 之前試過攪到發炎, 之後冇咩必要都唔用. 靚媽, 會唔會係你條仔jer jer 唔干淨呀???
男人太持久真係唔係一件好事. 扑都還可以, 最怕係含. 含足半粒鐘都未黎, 嘩!!!!!!!!!!! 攪到咀都歪!!!!!!! 不過可能係我技術唔了得la………..(呢d係後話, 有興趣的話不妨指教)
估唔到係美國d 丸會咁貴喎, 不過除左貼之外, 其他我都無試過, 但係以前就聽過話d 人食完會肥又或者係水腫. 至於事後丸我就聽過我個fd 食完話會又暈又嘔, 攪到佢得返半條人命咁濟, 好恐怖~ 不過都係好耐以前既事勒
靚媽個經歷都幾恐怖, 我無試過, 但係有曾經幻想過驚會有咁既情形出現, 如果係真就慘勒……咁靚媽你呢個敏感後尾要食藥定打針去醫呀? 你個Q太郎嘴維持左幾耐呀?
iamsorman, 你係時候要出賣你既屎忽… 唔係, 係知識. o拿o拿臨介紹d 避孕藥 – 無論係事前或者事後既都好 – 俾一眾人仕. 至於竟然會有人同賓周敏感, 咁下次有機會一齊食飯, 記得用公筷, 無謂食餐飯變左 Q 太郎.
我係用避孕貼0既。最初用有嘔心的感覺,但之後無。
醫生話最常見的副作用係皮膚敏感。
音樂安全套
eProps 比版主之餘, 亦想送 eProps 比各留言的朋友…在下受教了….
事後避孕藥，畢竟要用較大的劑量來避免受孕，副作用無可避免比一般避孕藥高。
我成日覺得士多啤利味好似紅腸”衣”
即係切一片片然後燒果d腸既外皮
所以一見到我就好想笑同埋切
史兄，唔係唔想賣知識。但避孕丸o岩唔o岩一個人食，要食就食邊隻，要睇好多野，如有冇食煙，有冇其他長期病，有冇乜野family history 咁…要考慮好多，所以恕我唔講，無謂害人。唔賣知識，當然都唔賣屎忽。
邊位真係想知多少少，歡迎面談（靚女的話）或者俾個msg 我啦。
iamsorman, 請問如果拎女友個時晨八字黎夾得唔得? 男人又可否面授機宜? ononvenus, 紅腸? 詳見之前有關賓周既介紹… 嘩哈哈哈哈. iamorange (你同 iamsorman 有冇關係?), 音樂避孕套… 嘩哈哈哈哈, 唔使咧, 女友同你都有聲出, 使乜播音樂.
我是史兄的小讀者.
我反對婚前性行為, 但你的entry 很正面的討論, 不覺得難受. 對許多清純女生有莫大裨益.
小弟負責性教育活動，睇黎ｄ展版可以就咁print番呢幾個超勁entry同幾十個comments就得。呢D comments仲要係有相關專業及實戰經驗人士解答，勁！不過，究竟咩係「半實戰」？
「半實戰」……. 詳情可以私底下問我……..
史兄話「至於竟然會有人同賓周敏感, 咁下次有機會一齊食飯, 記得用公筷, 無謂食餐飯變左 Q 太郎.」咪住，食飯又唔係食….
hy兄，下次要從實招來。