November 10, 2006
-
<無聊日記之若覺得活夠了>
注意 : 下文隱含強烈悲觀思想. 若你多愁善感, 或感到生活無所事事, 別看下去.
各位, 又到周末. 係時候黎感性一返.
生命活像一場無休止的追逐. 在不同的階段, 大家會追求不同的目標. 完成一個目標, 不知為什么, 大家又會向另一個目標進發. 周而復此, 萬丈更新.
沒有人會以死亡作為目標, 但所以人最後的目的地, 必然是死亡.
既然死亡是最後的目的地, 人生是否沒有什么意思? 我不會像教育電視說 不是. 但我想說, 低能D 咁睇, 很多男女關係, 大家一早預左最後分手收場 – 別騙自己了, 但雙方在中間的過程是快樂過的. 起碼在反轉豬肚見到飯前, 大家都有 happy 過. 而即使今天恒指已升萬九點, 也有不少了對於九七金融風暴前賺過錢 (但當時佢無將股票沽出獲利) 仍津津樂道.
大家不斷追求不同目標的同時 – 當然層次可能越來越低, 有否想過, 一天你發覺所有目標都完成後, 再找不到新的目標, 活下去會有點無聊?
於是乎, 主動追求死亡慢慢演變成終極目標. 死比起生更有意義.
數天前收到不幸消息. 剛結婚的女友人, 其父在友人姐姐誕下啤啤後, 選擇自殺身亡.
我不認識其父, 與女友人也不熟. 但這消息令我很震驚.
說不出為何很震驚.
啖啖的人生悲哀, 一點也不好味.
或許, 生和死並不是相對, 死是生的一部份
瘟神, 拿, 我睇過村上春樹嫁
說過數次的故事 : 當年曾和表妹說, 千萬不要咁快考第一. 考到第一, 無進步空間 – 起碼成績表上無 – 萬一下年考第二, 好麻煩. 應該學表哥咁, 中一考 38, 中二考 廿幾, 到中七考第一. 年年有進步, 最後達至頂峰.
頂峰之後, 又如何?
在悲哀的對岸 據說可以找到微笑
在悲哀的對岸 據說可以找到微笑
好不容易到達後
在那裡究竟有甚麼在等待我們？
Comments (13)
死，完全是無可避免的，所以從小至大都不明白為甚麼死亡呀、喪禮呀，會是於談話中該忌諱的事情。甚至有研究過何種死法最無痛。
不過呢，柳暗花明又一村。若我昨天死了，就經歷不到今天前所未有咁好玩的旅程。Live as if you were going to die today.
我於電台吹水節目裡聽說過, 被譽為近似烏托邦的北歐國家其實自殺率相當高. 我想, 大概真的是越幸福越想死.
其實, 有所謂一山還有一山高, 到達左一個頂峰, 咪爬過第二座山囉!!!! 呢個世界咁多山…….有排你爬……….. ( 講就易囉…… )
我就永遠係爬來爬去都爬唔到第一座山既頂峰. 有好多人可能都同我一樣未爬到, 但以為自己終有日會去到頂峰, 於是很快樂很努力地做人. 而我呢???? 我一方面都同一般人一樣, 都盼望, 都認為, 自己有一日會爬到….. 但…..我唔敢講我比一般人清醒…..我會覺得自已來來去去都係咁架咋…….
如我這般, 相信比已經到達過一個, 或幾個高峰既人仲悲涼………..
我唔係想潑你(地)冷水…….都係老土老土果句……你地身在福中………
你呢篇真係好感性!!!!!!!
( 我都睇過村上春樹)
( 我試過自殺 – 0靚 妹果陣. 死過番生, 而家極度貪生怕死 )
呢個問題，我諗左好多年，越諗，人生越低沈灰暗，更加不能自拔。
沒有目標，不知夢想為何物的人，如何也不能明白越過高峰既喜悅。再者，快樂總是短暫，痛苦總是刻骨銘心。夢想完成後，路又該如何走下去？
無怪乎，無次見工，俾人問你的志願，連鳩up 都up 唔出。
樓上的kagray, 請問你有研究到何種死法是最無痛苦嗎? 是關這個問題我都有諗過, 但係諗唔到………
雖然我無到過頂峰, 我唔知道如果去到係咪就會令人有想死既念頭, 但係生命在於過程嘛, 就算到左頂峰之後再無其他刺激又或者目標, 都會有其他野值得留戀架, 況且一日未死, 你都唔知你仲會遇到d 咩, 咁快死左咪好唔抵? 同埋如果我死左, 咁我阿媽點算? 我唔可以掉低佢
快樂很快會消失… 什麼 久旱fung 甘露, 金榜題名時 洞房花燭夜, 飲得多又yim 白開水淡 , 好多人讀完一個又一個degree, 同老婆做到要交數0甘, 結果出去滾
高峰過後, sai界總有許多事值得珍惜, 只係你願唔願意去做.
有當心理輔導員的朋友說生活同情緒應該大部分時間係平淡, 不要太過swing to extremes, 要接受同sik 應平淡
另, 看 令我好down…對我來說這不是勵志的故事… 同樣 也不想看 在sai 界中心呼喚愛, 雖然兩者也會讓人感到自己青春左. 主題歌 也好聽
史兄，唔好意思，借你地方用一用（你可以蔑視我咁做）。
reelastime，研究到，不過唔敢o係度講，我驚「無心插柳柳成蔭」，有人咁o岩唔開心，睇到就大鑊。
你肯定冇尋死意圖的話，可以message我。
我覺得俾最愛既人殺死係最幸福既事…
或者患老人痴呆症 呆呆下死都係…
史兄，小妹為人極度悲觀，但睇完反而輕鬆左喎。我死where住條仔唔放，因為我一直相信「在悲哀的對岸 據說可以找到微笑」，係喎，頂峰之後又如何？俾我找到微笑跟住又點呢？俾我繼續同佢一齊又點喎？多謝晒，史兄塞左好多錢入我袋，對我黎講，恆指已經升到三萬點，yeah！
史兄，請受小妹一拜！
不斷爬又如何﹖總會有倦的一天。
無欲則剛。
人如果無法欣賞在山邊坐上望風景的興緻，就會榨乾自己。
我不反對人爬山，人應該有目標，但不是只有目標。
點解要”爬山”先? 最近發現停低，或者慢慢行，然後睇下、欣賞下身邊的事物都唔錯。冇目標都唔一定係壞事。
我想表達的情感以及內心世界, 有點複雜, 我的文字也未能顯淺地表達出來. 複雜得我自己也不知道是怎樣的一回事. 我從不爬山 – 讀書時也從沒有以什么分數為目標, 總之讀好就是了, 而 “考第一論” 也是叫不想表妹面對那樣大壓力的安慰說話. 而到最後, 這又是怎樣的一回事呢?
挪威的森林？
生活是應該用來享受的，即使現在吃苦，其實也只為將來的幸福鋪路。
人生有數之不盡的目標，又邊有咁快實理晒呢？
工作關係，對生與死看得很淡。人活著，不是為了等待死亡，是為了追求一些很遙遠的東西。
至少，從生物角度來看，活著，是為了下一代。