January 4, 2007
-
十二月二十八日
注意 : 如果你食緊飯, 或者係一個鐘頭內會食, 千祈唔好睇落去. 除非你想一邊食自助餐, 一邊節食.
這樣說, 或許有點不雅. 但
我真的很喜歡屙屎.
原因更簡單不過 - 已數不出多少次, 我屙屎時諗到好多正野 – 難題的解決方法 (俗稱屎橋), 新觀點等. 就連個人認為是自己代表作 <男人的地獄>, 部份觀察也是大便時想到的.
一個大家都知既秘密, 就係我既 xanga, 有超過九成係屙屎個陣諗既. 一日三篇, 代表我腸胃好, 直上直落; 咁我一個月無寫….
有時睇返以前既 xanga, 會發覺屙得越耐諗個篇, 越好笑. 好幾次諗諗下係廁所笑左出黎. 我唔知道有冇人係隔離, 但我估有都已經嚇死左. 係男廁, 通常只有人係抽搐一輪後, 發出輕輕的 “呀” 一聲, 然後有一陣拉紙巾聲, 跟住你會聞到有陣死魚味.
笑? 笑? 笑?
我會估有人偷拍緊我, 然後笑我雞雞太大…
點解會諗到野? 對住四幅牆, 唔諗野有乜做? 加上無人搔擾你, 的確係諗野既好時光. 無怪咁多人係香港大學圖書館既廁所裏面留下許多 100% 原創的名詩絕對. 我還見過有人用廁所的門交筆友, 留下 “xxx 字”, 寫下日期, 實行以塗果液會友.
好些五星級酒店的廁所, 更是密封設計的 – 即門反鎖了的話, 是不可能從隔離廁格爬過去. 為什么? 絕對不是怕人偷拍. 出入高級酒店的人, 除了外賣妓女, 是行政人員. 行政人員, 要諗野. 要諗野, 越密封的空間越助思考. 所以, 法魯王, 係一個諗樣.
無可否認, 沖涼有時都俾到呢個效果我, 但沖涼時個腦仲要俾指令手同腳做好多不同的動作 – 用肥皂, 舉高腳, 洗頭, 刷牙 – 唔似屙屎咁機械式打開天眼就得, 儘管有時要兼顧切肉機的功能, 但整體來說, 屙屎時思考效率比較高.
除左係公廁.
除左臭, 同埋好快d 屙完走, 個腦根本俾唔到任何訊息我. 幾百萬起既公廁, 仍然好臭. 皆因, 佢係大家共用的. 碧瑤月薪三千五既修頓公廁亞姐, 不可以因為內蒙既人屙既屎特別硬或者臭 (估計同佢地多食肉有關), 而拒絕佢地入去大便. 加上唔知點解, 公廁既水力, 一定唔夠沖走晒d 屎. 日復日, 年復年, 公廁, 好臭. 唔好理係咪真係呢個原因, 總之結論係, 公廁好臭.
我一直懷疑, 美國佬話伊拉克有生化武器, 但搵黎搵去搵唔到, 係因為佢地忽略左公廁係後現代武器發展史上的重要地位. 我更相信, 化學家一直不敢說, 鈾原素既生產要素, 產地其實係公廁.
試想想, 這樣一來, 香港會立刻成為全球擁有最多鈾原素原材料既地方 - 女友還可以去日本喪拼嗎? 你還可以去倫敦看車路士比賽嗎?
研究軍事發展及軍備徑賽的歷史學家日後會同意, 公廁既策略性地位與摺登, 是齊名的.
文學史家會認為, 公廁的文學地位, 肯定不下與建安七子, 三蘇, 初唐四傑.
對, 朋友, 你猜中了.
這篇 xanga, 是我屙屎時想到的.
