May 16, 2007
-
<反對局>
除左搵 paco 做新聞專員, 我強烈建議政府開設 “反對局”, 俾人反對, 同埋俾人反對d 反對既人.
1. 我要反對入名校, 成為天才可以用作辯護的理由 (或者藉口). 個細佬入名校, 點撚都係佢老頭老母既功勞, 關個細佬奶事? 都唔係計天才咧, 呢d 睇怕都係佢老頭老母基因合體既成果. 呢d 點會係佢既 “功勞”, 仲可以用黎加分/ 減刑?
入名校, 天才, 拿獎都可以用黎辯護 “非禮” 空姐. 咁仲有乜野唔可以?
- 我係人類, 食色性也. 非禮人地, 係人既本能. 我都唔想. (孟子都出埋, 無罪釋放)
- 我係男人, 性需要比較強. (無罪釋放, 兼送飛機杯)
- 我曾經俾錢街口個乞兒同埋交稅. (無罪釋放)
- 我有準時返工返學. 考試時有讀書. (無罪釋放. 考評局免一年考試費)
- 我有俾錢阿爸阿媽. (無罪釋放. 嘩, 好多人三十幾歲仲問緊老頭老母拎錢.)
- 我夢想係成為一個機師. 若我入獄, 一生就被此摧毀. (無罪釋放. 法官更寫推薦信等你去同 william hung 做同學. 等你成為機師後繼續非禮空姐)
- 睇四仔時, 由蒼井空所扮既空姐其實好 enjoy. (空姐有如樹上既蛇果, 著住制服搭巴士仲要走去訓覺, 簡直引人犯罪, 被判即時入獄)
- 吹咩? 我係鍾意非禮. (夠 pop! 無罪釋放. 加送三次堂費.)
2. 無跟進中大學生哥個單野 (好似話出版咸報), 跟住唔知乜野局收到幾十宗投訴, 話內容太過淫褻. 又二級又三級. 我要寫信去反對呢班人反對. 呢班人睇得合闔統請, 高朋滿座等低能處境劇太多. 屌, 陳法拉比起學生報情色版更加淫褻, 更加挑起人家性慾.
3. 臨近六四, 左仔無間道又走出黎. 民主派又吠. 吠乜替死, 你唔好六四晚會再搞爛gag 搞爛舞台劇, 一天光晒. 要睇弱能野我不如返屋企睇無線. 強烈反對六四晚會出現無厘頭兼白痴無比既年青人節目.
Comments (3)
史兄想做局長?
係投訴都投訴葉璇先啦
而家d 人做錯咩都可以搵d 野黎做藉口, 讀名校, 係天才, 得獎就可以非禮完人就可以甩身無事架勒咩? 仲可以叫多d 同學去聽審做勢 tim, 係咪人多大晒? 而家d 人都痴線架~
另外, 陳法拉好正咩? 真係橫睇掂睇都唔明喎…….佢d 鄉音令我想熄電視