<天時, 地利, 人和, 事>

一篇流水帳. 希望不是風流賬.

天氣已超乎想像地熱, 地球沒有冷氣的地方已不適合人類出現. 要解決各種原因所導致的溫室效應, 方法並非減少溫室氣體的排放, 而是讓全港, 甚至乎全球安裝一部超級冷氣. 發明冷氣既開利係時候做d 野.

天
口慶, 心火盛. 但也不及國內的股市及有關產品熱. 一隻可以投資 A 股的 820 (翔龍基金), 乃 closed-end fund
(大家經保險公司的基金一般為 open-end fund), 多有折讓 (即市價低於淨資產值). 前兩日收市,  $9 左右的淨資產值,
收市報 $16. 難為手頭上的盈富基金…

政府作公開咨詢的政制綠皮書, 在公眾討論已經消失得無影無蹤. 這么重要的一個議題, 就連討論也沒有, 就已經直接宣佈死亡. 政制的公關實在做得太好了, 全宇宙的報紙正式成為喉舌, 指日可待.

近排愛上看電視, 不經不覺亞視已在七點半播出運轉天下, 恐怕仍是悶死天下. 每天最興奮的就是Late Show with David Letterman (11:15 pm) 搭 妙手仁心 (12:15 am).
連續兩小時, 不捨得離開梳化. 妙手仁心 是記憶中最後一套由頭睇到尾, 每晚必追的劇集. 那時候還有半年就高考,
每天放學後溫習至天昏地暗, 除了吃飯和上廁所, 就只有做妙手仁心的一小時, 可以輕鬆一下.

妙手仁手的片尾曲, 不想獨自快樂, 令蘇永康紅到七彩, 比起前排的細契有過之而無不及. 蘇生後尾去台灣吸毒, 是後話. 可惜蘇的角色係 妙手仁心 第一輯後期因係路邊拯救病人而患上愛滋病 (!!!), 係第二輯一開始就瓜左柴. 況且第二輯唔係由鄧特希監製, 無睇, 所以有感覺第一輯係最好睇.

Late Show, 長做長有, 永無完結, 但佢十二點多D 就完; 妙手仁心, 完既時候, 1:15 am. 觀乎無線前排將 洗冤錄 I 同 II
駁住咁播, 不難想像無記亦會將妙手仁心第一, 二同三輯一口氣播. 一共 118 集 (32, 40, 40),
黎緊一段時間恐怕要犧牲訓覺時間既日子, 亦要將遲到既次數推上…

上星期六一早被電話鈴聲嘈醒 – 其實一早是中午十二點, 我放假習慣了下午三時才起床. 與我有仇要報, 可以選擇周末早上十時至十一時打來. 話說回頭, 前陣子某個星期六突然早起, 想到翠華吃早餐, 在家樓下遇到一班又一班的本地鴨仔團.

原來是專誠來看永和號.

(圖轉載自 a45.hk)

當我看到市建局為嘉咸街和卑利街重建計劃所繪畫的圖. 唉… 這些比時裝設計更美的圖, 騙小朋友還可以…

近排見到很多人, 聽到很多事. 感嘆號 (!) followed by 感嘆號 (!). 再一次驚覺世界實在很細. 有人說 陌生人只隔六層 (還是五層), 與女友隔一層 (膠膜).  突然想到, 我與薜海琪及林嘉欣, 也只隔兩層.

是兩層樓, 還要是 凱旋門.

最後送上 Forever Love Song 的精選 (個人認為) :

陰天  在不開燈的房間  
當所有思緒都一點一點沉澱
愛情究竟是精神鴉片  
還是世紀末的無聊消遣
香煙  氳成一灘光圈
和他的照片就擺在手邊  
傻傻兩個人  笑的多甜 

開始總是分分鐘都妙不可言  
都以為熱情它永不會滅
除了激情褪去後的那一點點倦
也許像誰說過的貪得無饜
活該應了誰說過的不知檢點
總之那幾年  感性贏了理性那一面

陰天  在不開燈的房間  
當所有思緒都一點一點沉澱 
愛恨情慾裡的疑點  盲點  
呼之欲出  那麼明顯
女孩  通通讓到一邊
這歌裡的細微末節就算都體驗
若想真明白  真要好幾年

回想那一天  喧鬧的喜宴
耳邊響起的究竟是序曲  或完結篇?
感情不就是你情我願  
最好愛恨扯平兩不相欠
感情說穿了  一人掙脫的  一人去撿

男人大可不必  百口莫辯
女人實在無須  楚楚可憐
總之那幾年  你們兩個沒有緣
 
陰天  在不開燈的房間
當所有思緒都一點一點沉澱
愛情終究是精神鴉片  
還是世紀末的無聊消遣
香煙  氳成一灘光圈
和他的照片就擺在手邊
傻傻兩個人  笑的多甜
傻傻兩個人  笑的多甜

<我的志願>

“許多讀書人原初做學生時心存大志，到後來卻忘了本，忘了初衷，忘了最初的志氣，反而走到自己做學生時最瞧不起的那條鑽營的路上去了。借用一個比較花巧的術
語來說，這叫做「異化」，老實點說就是「變了質」。讀聖賢書，所學何事？高薪優職，不好好去想想如何把份內工作做好，以回饋社會的供養，卻整天忙於營求之
事。午夜夢迴，捫心自問，能不慚愧？能不汗流浹背？別人以職級來衡量你，是別人沒出息，你自己豈能以職級來衡量自己？有自信有傲骨的人豈會如此自己看扁自
己？”

小時候 (即兩三年前), 必定會遇上以 <我的志願> 為題的作文課. 當然, 小學生/ 中學生/ 大學生/
幼稚園生/ 人生 應否拍施, 是另一鐵膽. 我不知道為何老師總不選些更簡單一點, 或是任何人也會有靈感的題目, 例如
<一個星期天>, <九月一日>.

每人也有生日, 卻不是每人也有志願. 要寫我的志願,
實在令史弟難堪, 皆因從來沒有半點正經的志願. 總不成寫 “我的志願是今天打八號風球, 可以早點放學 – 完”. 這是願望, 不是志願;
而且, 交這樣的貨, 被老師罰留堂之餘, 更肯定罰我寫更啃的題目. 於是這文, 一定要作. 記憶所及, 我寫過話要做醫生或老師, 杏林聖手,
桃李滿門, 以盡量迎合那個夏天穿著短袖裇衫, 鼻樑上掛著厚厚的老花男口味. 與追女孩不同的是, 作文時假情假意, 肯定只能僅僅合格,
沒有好結果. 有關作文的趣事, 可另文詳述.

後來, 大學畢業, 要投身社會. <我的志願> 變成了
BIG4 的 <Career Aspiration>. 又是作文. 假意的 aspiration, 即
fakespiration, 令我最終入不了 大四. 實話實說, 志願不是沒有, 還有大拿拿十個但要寫在 20×20 的格仔紙上交予老師,
肯定落得見家長, 罰企的收場 :

寓工作於娛樂型

1. 日本百貨公司漫畫部職員/ 影視處職員/ 戲院帶位員

2. 機舖老闆/ 玩具店老闆

唔
使多解釋. 既有人工, 又係自己既嗜好, 何樂而不為? 有朋自遠方來, 不亦樂乎? 不過要肯定自己鍾意到一個程度係點重複都唔會厭, 之前 EY
就和我說過, 一個做影視處的朋友, 每天也要睇十多隻 3仔 4仔來評定等級, 他們的睇肯定唔係我地跳黎睇個隻 (因為口味問題,
我地通常只會睇某一組動作既片段), 而係由頭到尾睇. 於是乎, EY 說其友人長期不舉. 連人生既樂趣都冇埋, 真係…

貪圖美色型

3. AV 男優/ 試鐘男

4. 醫生/ 機師

5. 陳光榮/ 謝霆鋒 @ 22/ Brad Pitt

6. 日本人

7. 陳永仁 (唔係無間道個個)

食色, 性也; 又係唔使多解釋. 謝霆鋒@22 同緊最索個個張柏芝一齊 (唔係之後個個癲婆).

陳永仁, 作為女士既你唔識佢唔出奇, 皆因如果你知佢係邊個, 佢就唔能夠成為好多男人既偶像. 佢既得意技係從不可思異既角度抄底, 詳情可看 香港網絡大典 對佢既 描述.

打跛腳唔使做型

8. 姑爺仔

9. 富豪

10. I-Banker

Who doesn’t?

尤記得曾蔭權於特首選舉時表示, AO 要放下身段, 走入群眾, 多聽民意; 不可以再抱精英心態, 事事代市民選擇.

Right and Wrong. 皆因這 “選擇”, 含意模糊不清.

沒有人反對有多點選擇. 在大多數的情況下, 多選擇比無選擇好. 作為一個政府, 當然不可以越俎代庖; 但不代表事事都任得民市揀, 從一到一百, 你死你賤, 打死無厭.

時間的局限, 即生命無 take 2 是一個重要考慮 – 所以大家對於有關 “人命”, 即食物安全, 駕駛安全, 大家都某程度上同意要有一定的最低標準, 好些肯定有毒的要禁. 對於用完即棄的日用品, 政府最少理 – 一來死不了人; 二來大家可以憑經驗, 憑品牌來認定; 三來消費時間短, 即使有壞效果都是短暫.

重大的事情上, 政府作為一個市民的 collective agent (不想寫太多英文, 但好些時候英文的表達較好) – 起嗎理念上如是 – 是要有承擔, 要作出理性合理公平的判斷, 為市民作出基本的選擇, 把那些肯定邏輯上不合理, 社會上不受歡迎, 技術上不可行的, 去蕪存菁. 而不是像賣菜一樣, 落地開花; 或是像廟街賣玉的檔攤, $10 任揀.

個人 trial and error, 代價低; 整個社會一起 trial and error, 是災難.

政府前兩天推出 <政制發展綠皮書> 作公眾諮詢.

別說其他. 我到 政制及內地事務局 的網頁 找有關諮詢文件, 沒有 short-cut, 找來找去, 最後要去 google 找, 慶幸找到.

那么網頁有什么 short-cut? 有唔撚關佢事既西九文娛發展區 (連結還是錯的); 有就黎一年貨仔既 2006-2007 施政報告; 最後個個終於關佢事, 但已經完左九世既 副局長 諮詢文件 (即進一步發展政治委任制).

吹撚脹.

好了. 別抽太多水. 找到了 政制發展 的網頁, 看了再看… 好, 事關重大. 社會上各人有不同意見, 沒有幾個主流意見, 於是乎要 – 我也計不清究竟每個問題有幾個選擇 (根據有關文件 第六章):

- 特首選委人數 (不計組成) : 3 個選擇;
- 特首提及方式 : 3 個;
- 特首選舉 : 3 個 (得一個候選人的那條不計);
- 立法會選舉 (直選與功能組別) : 3 個;
- 路線圖 : 2 x 2 x 2
- 時間表 : 3 x 3

屈指一算 (其實係用計數機), 有 3 x 3 x 3 x 3 x 2 x 2 x 2 x 3 x 3 = 729 x 8 = 5832 個選擇俾大家發表竟見! (我希望我無點錯選擇既數目同埋無計錯)

若然有投資顧問拿 五千 隻基金俾你揀, 我諗你已經屌鳩佢. 一個政府可以拿一份有 五千 多個選擇的文件來諮詢, 這大概是笑話吧.

不如俾隻 千般愛 我算咧. 都係得千 (1000), 無幾千.

好, 我重複說服自己, 政制發展, 事關重大. 各人各不同意見, 沒有幾個主流意見, 五千多個選擇是必須的. 然後一看, 噢, 我有大拿拿 三個月 發表意見.

(1) 對民生, 社會, 經濟, 政治這么重要 而
(2) 因社會經過廿幾年仍沒有主流意見 導致
(3) 政府沒有為市民作出初部選擇 的
(4) 政制發展,

政府希望三個月的討論嗌交互罵放風造勢, 社會就會蘊釀出主流意見.

兩電利潤管制, 有兩個階段; GST, 九個月 (後來好像加長了); 那個已經完左既 副局長, 都有四個月諮詢期.

大佬, 連上年 龐比度中心珍藏展, 都有兩個月.

九十日? 環遊世界就得.

這是笑話.

怪不得連一向用字較溫和的信報, 也用上 <史上最浪費時間的諮詢> 來作社論標題.

然後觀乎全港報紙呢兩日既報導, 差唔多唔提呢單野, 我知道唔使表達意見. 皆因黎緊三兩個星期, 唔會有乜野爭議; 然後反對派要求延長諮詢期, 政府討價還價, 再皇恩浩蕩俾多三個月你; 之後霸王屈上弓, 乜撚都好 – 因為根本無可能有主流意見.

呢一個係局, 越表達意見, 越難達成主流意見; 呢一個係局, 結局係點一早已決定好. 大家精力就花係呢篇 entry (完全無提任何意見), 要求延長諮詢期, 屌鳩政府呢d 無謂野上.

這不同零三七一遊行 – 大家只想表達心中的意見, 搵個渠道出出火. 今次單野, 係一個預設既局.

呢個政府無得救.

我不懷疑中央想香港好, 但更相信 The Road to Hell (and somehow Serfdom) Is Paved With Good Intentions.

一國兩制?

香港, 是整個香港包括曾蔭權, 你和我, 只是一隻向內地伸舌頭的哈巴狗.

普選?

有命等 2047 一國兩制完左先再講.

延伸閱讀 (In case 你未悶死)

kykykyky : 玩舖勁

<…繼續偷懶>

跟進再跟進…

1. 將 垃圾 轉化為 能量 (或金錢)

差不多一年前, 我談及 匯豐銀行 寄來 誠獻年費豁免及獎賞優惠, 裏面d優惠券全部係垃圾, 得物無所用.

今日我又收到 每股 $144 既匯豐銀號 所寄黎既以下優惠券 :

Melani 買 $500 當 $100 用;

H2O 正價貨品 $1000 當 $200 用;

Aqua Beauty/ Oasis Homme/ Oasis Spa/ Oasis Beauty/ Oasis 樂隊 正價療程 $1000 當 $500 用;

評語 : 呢三張, 用左肯定120% 係執條鞋帶累副身家. 當然, Oasis 樂隊係我加上去既.

Dan Ryan’s Chicago Grill $380 當 $50 用.

上年都有, 無去過, 今年佢再接再厲. 所以我話, 唔好睇少人類既恒心! 一定要寄到你用為止. 我呢三年, 乜q 都唔做, 淨係打你…

FX Creations $300 當 $50 用;

上次買袋係十年前. 而且佢d 袋而家好貴, 唔抵.

黃珍珍 食 $200 當 $50 用;

嗯… 祇係食過一次, 而且佢得兩間分店 : 九龍城 (好遠…); 銅鑼灣 (有更多好野食).

東海堂 2磅 生日蛋糕 $30 用;

呢個可能有d 用… 但連女友都冇埋, 同邊個慶祝….

珊瑚堡/ 維苑 $100 當 $50 用;

嘩!!!!!!!!!!! 五折!!!! 終於有張似樣d 咧!!

經過人類既努力, 係兩年間終於有張 coupon 係真係有機會用得著!!! 太令人興奮了. 匯豐的推廣計劃咁成功, 我開市就即刻去 7-11 入返幾股, 支持下佢!

邊個話人類無進步? 達以文一定是對的.

2. 川越 @ 星島日報

早兩天寫 東京全紀錄 時, 在星島日報看到一篇介紹 川越 的文章.

3. 廣告時間 :

<Plagiarism?>

食飽飯無野做. 去了 kursk 的 xanga, 看他鬧 女人. 本色.

搞到我好想睇.

於是乎, 去左 yahoo! 搵有關電影既評論.

睇睇下 http://hk.movies.yahoo.com/070624/28/2a6pg-rep.html?t=details&rid=18&st=user

…. e…. 乜咁熟面口既 :

我斷估 kursk 唔係 hkcentre 掛.

反思 (扮教通識) :

1. 你對於這單抄襲事件, 有何感想?

2. 若然你係被抄襲的對象, 會興奮還是忿怒?

3. 如何防止網上抄襲?

4. 如何解決全球暖化的問題?

<東京全紀錄 II>

繼續o厄 post.

**********************************************************************

人等高 拳次郎 @ 秋葉 。

“你已經死撚左咧”

我到佢心口. 有得賣 – 好似係 129000 yen – 大概一萬元港幣. 係手辦, 手手腳腳唔郁得.

你想買? 鎖你, sold out.

銀河鐵路 999 @ 台場。

唔好長望張相, 會頭暈.

有人話好似 傳說中有個女皇在世上 既 FEEL.

要坐頭位, 又唔想同人爭. 閒日去台場咧.

和光百貨。

銀座地標. 唔係 BLUE LABEL. 作為百貨公司, 星期日可以唔開門. 呢個係人類既典範.

伊勢丹 @ 新宿。

遇上香港人既機會率, 120%.

自由神像 + 彩虹橋 combo。

成個台都震震下 (連下面條路有車都震), 入夜後唔使旨意影到相.

仲有d 濕星既相. 有空可去 :

裏 : 東京全紀錄

<東京全紀錄>

多圖, 如果無寬頻, 有排 load. 祝君好運…

遊記應該後補. 皆因好懶好懶, 而且無乜人鍾意睇 (同寫) 遊記.

*******************************************************************

瘋狂推介

必去! 鎌倉高校前。

車站旁有一排長長的木椅… 老人與海

坐在椅子上, 180度無敵海景. 無建築物, 無屏風樓, 無公民黨.

天空唔好, 加上攝影技術九流. 可以想像風和日麗的日子是如何殺死人.

正面 :

左邊 :

右邊 :

我一支公, 坐左個幾鐘.

*******************************************************************

初戀 @ 築地 。

豬排 @ 蓬萊屋。

官方圖 (留意豬排的皮是如何地薄)

實物圖 :

若然人生只能吃一次 吉列豬排, 只能吃 蓬萊屋 的吉列豬排.

咬下去, 皮脆香口; 不是冰鮮豬, 輕輕一咬, 肉汁便滲出來, 非常有口感. 盲的也知道這是吉列豬排. 儘管是用一大鑊油炸, 咬下去完全沒半點油益味. 那實在是太偉大了. 不是說笑, 吃下去, 感動得眼淚也快要流下來.

2900 yen 一個定食, 看上去是貴了一點… 但只要你吃過一次, 無憾.

真不懂形容那種感覺. 太偉大了, 不知道怎么世上竟然有人比我阿媽能炸出更好食的豬排. 從此世界第一要讓給 蓬萊屋, 媽只能當第二…

鐵塔。

鐵塔上的夜景 (證明香港的夜景, 世界第一)

鐵塔上的彩虹橋

硬膠 都甩 @ 新宿。

人龍排到去高島屋後面條橋 (留意下圖右方建築物為高島屋)… 難為香港個間長期拍蒼蠅… 同日本朋友講開, 佢話無可能拍蒼蠅. 我邀請佢他日黎香港三餐都食 都甩.

只係排一個鐘就有得食. 唔使排兩日, 都買唔到個袋.

川越。

小江戶. 沿途無遮無掩, 熱到仆街.

冰川神社. 其實我仲係好熱.

糖果町 @ 川越。

據觀察, 呢一排人等高既野, 係糖. 有 400 yen 同 250 yen, 兩種.

留意右下角人仕 (史弟無咁後生), 証明真係有人會買黎食. 點食? 我唔知.

有人結婚 @ 鶴岡八幡宮。

唔係史弟.
 

竹林 @ 建國寺。

行到成隻狗咁, 但超值. 真的美 10000 倍 (雖比不上京都嵐山的)

對住竹林飲綠茶

大佛 @ 鎌倉。

主觀認為土炮個個正d. 起碼有煙花, 而且無咁舊. 呢個佛日晒雨淋, 一副想喊咁既樣. 你睇下, 連眼線都甩埋…

(特別嗚謝 自僱 J 借出 Panasonic Lumix LX2)

據報, 今朝條隊已經過左皇后大道中, 轉左彎過埋 LV…

另外, 有關前兩日既 飛機 二三 事 :

李純恩 @ 蘋果日報