October 14, 2007
-
<十本好看的漫畫>
排名不分先後.1. 火鳳燎原 (連載中), 陳某
吸引的地方不單是以陳壽的三國誌作為背景 (不是羅貫中的三國演義) 與及出色的畫功, 更重要是此漫畫將重點放係計略, 講謀策, 佈局精奇.
故事以司馬懿為中心, 趙雲為配角, 游走於歷史與幻想之間, 可惜發展速度慢到無倫, 廿八集袋裝書, 呂布還沒有死 (!!!). 爛尾指數達一百, 除左作者陳某能証證明自己有一百二十歲命.
2. 火影忍者 (連載中), 岸本齊史
第一部, 超好睇. 第二部, 即疾風傳, 角色之間的實力完全沒有平衡可言. 苦心經營既一眾配角, 包括寧次, 我愛羅, 小李等, 還有用上大量篇幅去介紹的佐井, 全部淪為嘍囉 – 皆因係寫輪眼前面, 所有既人都變成垃圾.
仲有, 除左話鳴人係愛上佐助之外 (即所謂的 Boy’s Love, BL), 完全解釋唔到點解第二部出左十集, 都係講緊佢搵佐助. 做火影, 乜野我既忍道, 全數失蹤.
但插還插, 火影最好睇係漫畫的分鏡, 電影感十分強. 而且世界觀很特別, 十分完整. 兄弟之情 (若不是 boy’s love 太過過火), 同伴之情, 寫得十分好.
3. 死亡筆記, 小畑健
又是第一部 (即到 L 死) 超級好睇. 故事佈局有心思, 鬥智鬥力. 特別喜愛兩個主角之間作出高水平的邏輯推理, 細心推敲. 若果唔係作者死都要做出一個邪不能勝正既結局, 而夾硬做左第二部出黎, 就真完美…
4. 中華英雄 (馬榮成主編的那些), 馬榮成
我看了三次! 超級超級好睇. 畫功, 故事, 氣勢, 角色, 全部皆是經典!
5. 街頭霸王, 許景堔
成也街霸, 敗也街霸. (好明顯越寫越短, 開始懶豬)
6. 男兒當入樽, 井上雄彥
個人喜好 (難道其他九本就唔係???). 我那個年代, 很多男孩走去打籃球, 是因為這本漫畫. 其實若果以仙道作為主角, 漫畫應該更受歡迎. 少數走 “真實系” 的運動主題漫畫 (“超現實系” 的有足球小將及網球王子).
7. 舊版龍虎門, 泰國至劍聖通天老祖出現, 張萬有
畫功正處顛峰的張萬有, 處理龍虎門與通天教原始教的角力, 超水準. 可惜白俊死得太窩囊 (儘管白俊都一個窩囊), 而老祖宗的天下無敵, 立了壞榜樣 – 於是後來出現了 <天下> 的帝釋天, <龍虎門> 的天帝.
8. 稻中兵團, 古谷實
史上最好笑的漫畫, 而家睇返最仲有好多位可以笑.
“沒希望了, 睡覺吧”
“誰來給我關燈呀~~”9. 海賊王 (連載中), 尾田榮一郎
長篇故事, 有排做. 故事人物編排有心機, 有諗過度過. 講同伴的感情, 比起火影更好更真摰.
10. 網球王子 (連載中), 許斐剛
當你抱住睇笑話既心態睇呢本漫畫, 其實超級好笑. 已經超乎物理學可以解釋的網球漫畫. 有人認為網王的故事背景並非地球…
滄海遺珠 :
天下
= 垃圾. 步驚雲同聶風應該有二百幾歲. 我係漫畫店唔使錢都唔會睇.龍珠, 星矢, 足球小將
Jump 的三大皇牌. 經典中的經典. 但可能細個睇得太多, 而家唔覺得係十大. 但偶爾會重睇一次 – 呢d 咪經典, 隔一陣睇又有另一番味道.北斗之拳
你已經死撚左. 好暴力, 同埋睇左兩次, 都唔係好明點解班麻甩要打黎打去.電影少女
桂正和的女生, 天下一絕 (個人認為只有台灣的名插畫家陳淑芬夫婦可以比得上). 順帶一提, 畫女最靚的是桂正和, 畫男最型的肯定是陳某, 舉世無雙. 但由於電影少女劇情太似無線劇集, 男女主配角皆超級婆媽, 未能入圍. 觀乎若果男主角一早示愛, 估計電影少女只能出三集.海虎 I, II, III
嗯, 我覺得麻麻.
Up and coming (以下全部都係連載中) :極速乒乓
網球王子乒乓認真版. 男主角個頭似入樽既花道, 女既似破壞王女角 (= 長腿 + 大胸)殺行道者, 袁家寶
有潛質, 要觀察. 起碼好過 海虎.地獄 . xx (唔記係 xx 係乜).藍龍, 小畑健
以 xbox 同名遊戲改篇而成. 女主角好大波 (乜你睇漫畫都淨係掛住大波?)Liar Game, 甲斐谷忍
又係講計謀, 以講大話 + 合作為主旨, 很多 game theory 的東西. 但第三部故事 (走私篇) 太長, 好撚悶, 好難明.天體超人
完全唔知做乜. 但係超好笑.(10 月 15 日後加 : kursk 的十大好看漫畫, 或許這叫 generation gap… 除了稻中, 無一相同… 這就是青春…)
Comments (16)
史兄同我睇D野都幾類似BOR，但係無理由架，史兄老我咁多，HAHA!
我個時青春少艾，一兩年前，重成日睇草莓100%，純情房東俏房客架BOR！
而最鐘意o既，都可算係龍珠、足球小將、hunter(以上三本只睇前半部)
男兒當入樽，高智能方程式咁啦！
入樽係唔少人心中的經典，分鏡之出色，電影感的強烈，又是一部可一不可再的作品，還記得對山王完場前十五秒開始，即袋裝書最後一集第三十一期書中間開始，成廿幾三十頁都無台詞，全都是動作分格，但卻一樣看得人熱血沸騰。
龍珠也令一眾男生著迷過，但對我而言，最精采是南美星篇，其次是斯路遊戲。
還有，幽遊白書都係無得頂！不過同入樽一樣，又因為作者同出版商的問題而爛尾。
小”火田”健在Death notes的前作，棋魂都吸引過我追書，佢厲害之處在於你唔識圍棋都會覺得好睇，我阿媽仲為此學睇漫畫。
火影都似係爛尾，家陣佐助已經天下無敵，又無啦啦屈到曉既老大係自來也既徒弟….
其實風雲第一二部都真係好睇嫁，第二部結局兩條友結左冰咪好law，無啦啦又要講佢地個仔，家陣無名都終於瓜左柴啦，都唔知仲有乜好講
星矢同方程式都係男仔必看，不過我覺得動畫好過漫畫，當然還有高達。
仲有…死唔斷氣…足球少將世青篇雖然超現實，但是也真的好看。
講開足球漫畫，當然還有黃金左腳足球風雲，久保加晴一個扭十一個然後死左，睇到喊咁濟；還有，很多人說我們的足球場是最有水準的足球漫畫，不過未看過，不清楚。
我很少看漫畫，但都試過走去借來睇的有：中華英雄 (至赤家堡那段, 那個時期真係痴乜線) 、漂流教室、我的消防員
會買的就當然係永遠的 佢個結局，帶點遺憾，但點都好過死唔斷氣.
最近愛看eyeshield 21
屌, 講起 hunter x hunter 就把火… 佢自從娶左武內直子 (美少女戰士主筆) 後越黎越不知所謂… 而家無錢又畫返.
??? 點解扭完十一個會死? 點解?
中華英雄最好看是 無敵 + 英雄 大鬧黑龍島, 同埋赤家堡 (華英雄一個人殺晒~~~~~).
講漫畫既受唔受女仔留言既呢？
狐忍嘛…暫時都仲 ok 既，但鳴門果「粒」螺旋丸究竟玩夠未？！
如果你喜歡井上雄彥，可以睇埋佢既浪客行（連載中），全部以水墨風格畫成，畫功超強。故事以吉川英治的小說《宮本武藏》為劇本，講述日本戰國時代，宮本武藏與友人又八，欲建立功名，卻在關原之戰被打敗，於是開始亡命之旅的故事。
桂正和畫女的確一流，不過我只睇過 DNA2，同埋 D 仔都畫到好似女既咁囉……
One Piece 就無睇過，反而 Wii 就有玩過……
史兄你講呢堆0野….我幾乎一隻都冇睇過。
係得龍珠、足小、星矢有睇過 (公仔書睇過部分，電視就差唔多睇晒)。
我依家仲用緊內褲高人田中電話繩！古谷實老師萬歲！死死團萬歲！！！
至於滄海遺珠，我推薦桂正和「夢戰士」！
稻中兵團，絕對係經典之中既經典……
如果陳某套火鳳唔係拖到咁的話，我都會認為火鳳可以上到殿堂級……
但人仲喜歡浪客劍心、幽遊白書，清水玲子既漫畫都係一絕，不論短篇長篇都好好睇…
我都鍾意喎。
久保嘉晴有心臟病，在大雨加爛地下，球隊落後，結果一個扭十一個之後死左。
…嘩有心臟病就唔好玩 sm 拉…
久保嘉晴這個卡通人物，我對佢o既佩服程度，多過比利同馬勒當拿。
有一本漫畫推介給史兄：
史上最強弟子白濱兼一 — 初犒(戰鬥!史上最強弟子白濱兼一)的五集畫功很差，但是作者每一集
都有明顯的進步，人物出現的次序都細心地安排。
而火影忍者的第一部如史兄所高，非常好看，但第二部的差勁我個人深信是作者把我愛羅毀掉了，
另到我愛羅迷無哂癮。其次，作者的鋪排不斷重疊，三方勢力追來追去，追了差不多十集，然後
又一次的師徒大戰(像第一部份三代對大蛇丸)，時常重提舊事，一點也不爽。
很多人說Slamdunk爛尾，但我倒認為井上雄彥安排的結局是一絕，勝了最強的山王，但究竟是不是
最強呢？就像愛知那樣的勁旅在區賽都要敗在一個和尚頭。只是讀者們不忍心Slamdunk這此完了。
高=言
slam dunk 永遠係我既至愛，大結局果陣我望住結尾果頁 “因為我是天才嘛” 好耐，超感動！佢而家畫緊既浪客行同 Real 都係高水準既作品。
蹈中兵團係另一經典，我前排羅番出黎睇，覺得前野同我地個特首幾似樣。
One piece 入面講世界政府點樣維持正義果度，超好睇。燒前進號果篇，感動到喊！可能畫到四十幾集都仲咁好睇，超難得。
反而鋼之鍊金術師而家有d 拖拉，唔識見好就收。但第十二集之前果d 都仲係傑作。
完全贊同 ami_aek 講，雖然我都知道入樽結局係受出版問題影響，但完全唔覺得係爛尾。
贏了山王，但贏不到冠軍，再加少少篇幅講下一代的湘北……反而令個故事更完整。成套入樽都好重視講「成長」這個element，當然特別是講櫻木同流川的成長，這樣的結局讓人們可以自己想像他們的將來，想像他們成長了之後再見山王會如何，再見到森重寬又會如何，這樣的故事才是沒有完了。就好像想到下一年流川變成了仙道，仙道就變成了牧，然後又會有新的人，這種感覺幾咁奇妙………..﹝如果贏了冠軍，感覺上就是，搞掂了，管他流川和櫻木下年怎樣，佢地已經締造了歷史了，一切也完了，哪會有這麼多餘味﹗﹞……..反正任何球員的人生都不只是某一年的全國大賽啊。
搞到好想寫篇xanga講入樽，但都係有時間先﹝剛剛才寫了講死亡筆記的﹞……….