January 3, 2008
-
<香港迪迪尼 全紀錄>
注意 : 若你唔鍾意迪士尼, 好過主咧.
在零七年十二月三十日去了香港迪士尼.
這是第一次去香港的. 老實說, 入去之前沒甚么期望, 皆因口碑實在麻麻地, 更何況入場數字已經說明這個樂園不是太受歡迎 (要記住, 零七年已有所謂全年通行証. 同一個人一年可以入場數次, 甚至係三百六十五次. 所以真正人去的人頭, 其實更少). 而小弟又去過東京迪士尼, 對於東京迪士尼 (及一切東瀛事物) 非常愛好, 所以對香港個個, 實在有點抗拒.
但為左唐老鴨… 為左我細佬, 我終於係個日八點半起身 (近半年有紀錄最早), 搭港鐵去迪士尼. 坐迪士尼線已經遇到唐老鴨~~~
見到個噴水池, 又見到主角幾個銅像. 唐老鴨係托住個頭, 成個諗樣咁… 好在唔係左手叉腰, 右手介紹個個行貨樣 (事實上我好憎個個行貨樣), 於是乎又影左張.
買飛又超開心, 因為我已經拎到唐老鴨既飛~~~ 當年去日本個個, 佢d 飛係都隨機印有一個迪士尼人物, 但可能出現既人物就係迪士尼既所有, 包括極冷門既 Peter Pan, 阿拉丁神燈主人條女, 小熊維尼身邊件粉紅色豬仔, 木遇奇遇記. 差在未 101 隻斑點狗逐隻黎. 要抽中唐老鴨既飛, 仲難過溝到林嘉欣… 到後來我已經無再期望抽中佢張飛, 而當然我唔似拍戲咁無心插柳下抽中過…
入到去諗住排隊同米奇米妮影相, 點知又見到唐老鴨係不遠處… 我可以肯定, 扮唐老鴨個條友係一條仆街, 因為佢完全可以扮演到唐老鴨百厭既神髓, 又整蠱d 細佬, 人地叫佢影相佢俾個背脊人… 跟住我行去影相, 條友仲搞我d 胡鬚…. 所以佢肯定係一個仆街. 其實佢扮得好撚似. 跟住我又狂影唐老鴨…
當排隊同唐老鴨影相既時候, 我已經成功俾內地遊客打左兩次尖. 佢地其實唔係唔排隊, 而係佢地根本無排隊呢個概念. 等同有d 七八歲既小朋友會不自覺地搞自己既 o者o者仔, 佢地覺得好興奮, 但老頭老母唔會屌鳩佢地自瀆. 不知者, 不罪. 無知, 並唔係罪過. 再者, 迪士尼係一個開心既地方, 應該抱住開心既心情去玩. 老實講, 每日係樓下茶餐廳鬧人落錯單, 由凍檬茶變熱咖啡, 仲唔夠勞氣咩…
可惜後來排隊入去米奇金像劇場, 我係後補隊由排第一變到排第五, 我終於忍唔住… 若果你話迪士尼無撚晒大陸d 仆街, 你話幾好. 而當我在迪士尼商店見到不止一次有大陸遊客 (講普通話 + 再加衣著) 偷野… 這只會令我這信念更加堅決.
由於無乜人, 加上拎左 巴斯光年 + space mountain 既 fastpass (同行另外兩位唔玩機動遊戲. 正!), 所以好快就去玩咖啡杯. 行行下見到洋人女士一位 :
我以為係灰姑娘… 點知細佬話我聽, 佢其實係愛麗斯… 後來係 Parade 又見到佢. 嗯, 愛麗斯唔係公主, 樣唔靚, 身材唔正, 係好正常既一件事…
係玩完咖啡杯之前, 我已經拎左小熊維尼既 fastpass… 點知係門口俾我影到呢張相 :
嘩~~~
或者我既思想實在太污糟, 係迪士尼都潛意識聯想到似係男性既跳跳虎, 騎左上女性既維尼上面, 仲想除佢件衫, 欲帶佢共赴巫山. 你睇下跳跳虎笑得幾仆街, 幾興奮… 你睇下跳跳虎對手放係邊 (後面 : 屌, 維尼係仔黎嫁喎~~) 下? 咁仲仆街, 兩獸雜交都算, 仲要兩把劍互相比試… 睇睇下十足呢兩條友呀.
很老實說, 米奇幻想曲真的要看兩次. 一來由於是唐老鴨主演 (咪俾人昆. 米奇前前後後最多出廿秒, 同 2047 個張曼玉差唔多), 二來係呢個 3D show 真的十分好看, 十分迫真. 比起東京那個一千年都唔轉既變大縮小 show 更好看一千倍.
可是, 才不到中午, 問題就來了. 我玩左一個朝早, 已經玩左樂園既三分二. 我未試過去主題公園可以玩超過 30% 既遊戲及設施. 人太少, 不用排隊是原因之一; 更重要是樂園好撚細, 當然可以玩足一日, 但要回頭再來, 恐怕短時間內不會. 特別難吸引遊客再來 (據講日本迪士尼的客人, 大部份是重遊客. 我一年也去了兩次… 還有另外一次只在門口購物, 唔敢入去…). 那張樂園地圖也細得可憐 (英文可以用 pathetic 黎形容), 即使加埋小小世界, 話明係細小, 即係幫助不大. 倒不如學加州大學咁, 係大與山有個總部, 係天水圍又有一個 (專門播迪士尼悲劇… 但迪士尼係無悲劇…), 係白泥又一個 (日落 + 迪士尼公主劇場), 再起兩三條鐵路, 大佬, 建造業工人仲邊使失業, 扎鐵佬邊使上街. 到時全香港人都係米奇, 唐老鴨… 每人心中都有一座斷背山.
話咁快又到巡遊時間. 落假雪, 都幾似. 可惜巡遊出現既人物實在太少 (幾乎無冷門人物)…
就當唐老鴨走到我面前之際, 佢同 Daisy 竟然換位… 我頂佢個肺. 我其實覺得 Daisy 好撚醜樣, 毫不可愛. 所以買精品好少買有 Daisy 個樣既野… 屌… 仲要對住我笑… 幾乎想一巴打埋去
當然, 睇巡遊既時候, 我由企第一排, 睇睇下變左企第三排… 大陸人打尖是無拂遠近的. 何時何地, 想打就打.
跟住去左同各人物影相, 有跳跳虎, 布魯圖 (順帶一提, 中學時既初戀情人曾經好鍾意布魯圖.), 胡迪, 巴斯光年 (超撚似鄧梓峰). 又玩埋探船, 跟住就去狂買野… 可惜, 香港迪士尼精品太核突, 唐老鴨d 公仔, 個咀係合埋的; 而係鴨咀更加係毫不真實既長方式咀, 並非梯形咀… 據我理解, 合唔埋咀既唐老鴨公仔, 個咀好易似由廖偉雄所搵既乜太, 更似葉劉. 若你有時間經過 TrendyLand, 望一望d 唐老鴨公仔, 就會發覺合唔埋口個d 好核突…
除左米奇同小熊, 精品食物衣著款色實在太少 (若然你女友鍾意木遇奇遇記, 你肯定要自殺) – 因為樂園細, 要吸引大路客, 所以小眾角色一定要被放棄. 更重要, 係好撚貴. 我見到一件唐老鴨棉質既風褸, 要 $400, 痴撚線, 呢d 火星價格, 再鍾意都真係買唔落… 於是乎去刻左個有自己名既威士忌杯, 一舊水, 而家用黎飲緊 12 年 Macallan…
其實, 香港迪士尼真係好好玩. 一年去一次, 真係超值. 佢d show 真係好好睇, 亦顯示出佢地好有安排 (畢竟 迪士尼 係美國係 Fortune 500). 不過, 一部份員工禮貌一流, 可惜真係無乜邊個會笑. 大佬… 迪士尼係一個發夢既地方.而發夢既地方, 係應該有多 d 笑容, 少 d 現實既野. 所以大家講上天堂, 從來無話會係天堂見到住隔離屋, 晚晚嗌交嘈住你訓覺個對夫妻; 馬克思既共產烏托邦亦無提起成日黑面個個 office assistant. 我知係好辛苦, 係美國佬剝削, 但笑多d, 客人真係會開心. 而且, 唔好成日三五成群圍埋吹水咧, 個場已經唔掂, 你班友真係想佢執左一齊無得撈咩.
順帶一提. 好鍾意錢, 又有鴨咀個個, 叫史高治叔叔, 係唐老鴨個阿叔. 呢d 友當年係卡通片 (無線星期六下午四點) 成日係注滿錢既泳池游水, 等我以為現實係可以… 無論如何, 以後見到佢, 唔好再以為佢係唐老鴨… 呢條粉腸叫史高治叔叔.
Comments (20)
史高治叔叔第一次做唔係星期六0架…星期六做已經係重播~
最初係星期一至五下晝五點個 slot~
哈哈哈哈, 笑死了
好期待你下一篇entry
haha
維尼係女架 -.-
-_- sor
因為我之前聽過個謠言, 話因為佢係女先叫 winnie
同埋著衫係因為係女仔
不過我0岩0岩有d懷疑去左search 下 -______-”’ 佢果然係男!!!
我諗winnie係一個肥tomboy, 堅持人地當佢係男人,
piglet把聲則似男同性戀者
史兄 點解唔鍾意daisy?
我只係去過加州果個 係超失望
一黎 係一個唔鍾意disney既人陪我去 果排又唔方便影相
二黎 個個rides都等成世 concept都一樣 唔係fling黎fling去 就係3D, 有野噴水 果日又超凍
香港既係唔係咁？
仲有! 點解唔可以叫dee大陸人排對既？
我記得若干年前去海洋公園
有兩個大陸年青人打尖 係勁到由龍尾走到上龍頭
我走過去叫佢排對 周圍dee人+佢地都好驚奇.
大陸人真係隨時隨地咁打尖……… 我覺得真係要講多d，佢地先識得收斂……
太多大陸人既地方，無論達地方原本點似世外桃源都好，無可避免會令佢變成走難一樣既戰場…… 唉。
其實香港迪士尼都只係太細呢一點比較煩…… 我去過一次，其實感覺都唔錯~~~
Thx for your detail report~
鄧兄：
講起打尖，0岩0岩上個月去澳門，一落船排隊搭車去威尼斯人0個陣，先同個同胞嘈大交，仲畀條友恐嚇話咩「響大陸就打死你0地」…嘿~
話時話，Winnie = 某電台女高層…
哈哈~
長敗者 : 竟然知史高治係閒日做過, 證明你年紀都唔細…你應該同條講, 係香港我就操爆你, 你屁忽肯定流血不止.
卡路 . 楊 : 沒關係吧. winnie the pooh 故事裏的人物都是無性繁殖.
少主 : 因為我係同性戀, 所以唔鍾意唐老鴨既女性伴侶. 基本上機動遊戲都係 fing 黎 fing, 否則你去搭電梯都可以話係玩機動遊戲… 大陸人野蠻程度已經到達不可理喻既程度.
Lo_409, Feheart : 謝.
hyster : 無嫁拉. 大陸人無得救.
!! 這是我看過最偉大的迪迪尼遊記 !!
周圍都話中國(大陸)人係最唔受歡迎既遊客.
但我覺得香港旅遊業前線人員普遍都好有禮貌. 比好多國家都有禮.
史兄：此所以我成日響0的同事面前自稱「阿伯」…嘿~
我0個陣係噴返條友0架 – 「響上面你打死我，夠膽過香港就我打死你」；不過畀我兩個妹話我笨：「呢0的粉腸咁串咁柒，成街仇家，一個唔好彩佢唔知幾時響香港打柴，入你數呀！」
話時話，0個日排隊0個度有個 staff 又幾夠硬淨，直頭喝條友：「你咁仲唔係打尖？」之後仲將條友趕落下一班車~
史生……..我純粹搭嘴…..
細個睇無線播個陣已經有好多疑惑，點解米奇把聲咁奇異？成個人妖把聲咁仲要扮細路…..
我至憎米妮同 Daisy 兩個死姣婆，化到個妝鬼死咁濃 !!!
而當奴鴨我細個好同情佢………語言障礙？喉嚨比火燒？？點個有錢阿叔(史高治)唔帶佢睇醫生？？
對於內地遊客……….
唔駛理佢地，教到冇用，你有冇見過排隊呵尿都要打尖未？
我以為佢膀胱有事原諒佢，但另外一d ”內地遊客”唔抵得佢打尖
然後同中文(廣東話)鬧佢……唔應 —-再同中文(普通話)鬧佢………都係唔應
太利害啦可以全程扮聾過骨(我之後見到打尖個班人同流利普通話對答)
內地遊客以為咩都係先到先得
入閘位果職員行開左
佢地夠膽死爬入黎
攞野一知免費攞哂走
又去到邊坐到邊
因為有佢地
真係好難笑得出
我以前番迪迪尼親身經驗
我去迪迪尼玩
試過由於內地人打尖關係
我排第一元旋轉木馬
但係等左15 mins 都無得玩
響內地買車飛時,d所謂排隊,係打橫同打斜鬥力鬥推。
嘩~~~~ 好開心呀~! 你終於都去左迪士尼同埋影左唐老鴨, 其實我萬聖節同聖誕節都有去到, 但就係影唔到唐老鴨, 可能果兩次我都係下晝先入去, 所以唐老鴨已經休息掛….而家你影到我真係好開心呀~! 佢地真係好似上晒身咁架, 所以我覺得扮果d 人真係好犀利~
有d 公主真係幾靚架, 今年聖誕節果次我見到白雪同貝兒(Beauty and and Beast 入面果個公主), 其實白雪都似既, 但係就肥左d lor, 貝兒真係幾靚女架~ 又nice 喎, 好鍾意講野, 我見佢同個個人都傾幾句先捨得影相, 我覺得佢同生化危機入面既 Milla Jovovich個樣有d 似架~ 可惜我同朋友去到果陣, 佢已經唔俾人再排隊同佢影相勒….
我都好鍾意米奇幻想曲架, 不過其實我去過咁多次, 我都係未睇晒佢d show, 我淨係睇左米奇幻想曲啦, golden mickeys 同埋獅子王. 果d 唐老鴨既精品, 好多時我都覺得佢整得唔靚既, 佢個嘴硬係做得古古怪怪咁, 我諗日本果d 實靚好多. 係喎, 你地30號去, 佢地仲有無派果d 3d 眼鏡俾你地呀? 聽講好似話有兩隻, 一隻就係睇到d 光會有雪花圖樣, 一隻就會睇到雪人, 我果次去就派左雪人果隻俾我, 用黎睇夜晚亮燈都幾靚架~ 同埋點解唔見你有影煙花既? 你地無睇到煙花就走左勒?
至於d 大陸人, 真係好討厭~…..我諗起佢地就想爆粗, 所以都係唔講勒, 哈哈~~~
所以一講起大陸遊客, 所有人都群起攻擊之… 不過係迪迪尼仲未見到有人吐痰, 叫做有d 安慰…
reelastime : 無影煙花, 係因為我企個位唔靚. 香港個煙花好正, 日本個個… 屌, 煙花離城堡九里遠, 而且得三四分鐘, 雞到爆. 我個日派既係雪花, 之後先知有另一款雪人. 睇過人地d 相, 雪人靚d, 得意d.