January 5, 2008

• <唐老鴨>

  
  注意 : 唔鍾意唐老鴨, 或者屋企用緊 56 k, 可能會火滾…

  我屋企好撚多唐老鴨. 因為失業, 我將每一件都影左相, 叫做公諸同好咁. 寫呢篇野, 除左為左自瀆, 係更加想迎合女性讀者既口味, 廢事成日寫d 喊苦喊忽既野 (個d 乜野終於系列, 要收皮一陣).

  據我理解, 全宇宙最多唐老鴨既地方, 係兆萬地庫二層個間舖. 佢個度既野, 幾乎每一件我都冇. 可惜佢D 野又實在太貴, 我到今日都未幫襯過一次… 而更厲害既地方, 係ex 以前既屋企. 若果拎每一件出黎影, 我諗影一個星期都影唔完 – 我係認真的.

  Overview

  有好多唔關事既野…如果你飲得藍莓汁多, 眼力好, 係會見到我十二歲個陣…

  

  留意. 芒隔離係有盒紙巾.

  

  特別系列

  其實我記得每一件唐老鴨係邊度買. 但有幾件, 係非常有紀念價值.

  舊同事搵人用水晶珠穿既. 實物都算似唐老鴨.

  

  友人係地球另一角落寄黎. 經我驗證, 係唐老鴨扮女人.

  

  舊同事個女既玩物, 俾我係相見到. 係我威迫利誘下, 我連一歲妹妹仔既玩具都唔放過. 順帶一提, 呢個野放係廁所, 亦即係小弟吸煙的地方… 所以佢成日食二手煙. 至於點解我想要, 係因為同一款式既玩兒, 係當年我送俾 ex 的第一份聖誕禮物. 而我買左之後, 崇光只係有米奇, 我搵黎搵去都搵唔到新既…

  

  人地送系

  我好多野其實係人地送 (-____-). 為左答謝客戶, 點都要介紹下. 仲有一件託人係美國網站訂既, 唔知點解好平 (US$30), 我係日本見到 HK$700. 由於太重, 仲未諗點樣交收去香港…

  左圖係美國迪迪尼既筆, 中圖係日本今年聖誕既掛飾. 右圖係唐老鴨扮星戰既夏理遜福.

  

  左圖 : 跑車, 購自美國迪迪尼. 香港既原來都有; 右圖 : 日本迪迪尼商店既筆, 按下雙腳會彈起.

  

  左圖 : 超得意既鐘. 但佢威力太強, 只係係重要時候用. 因為一用, 全楝樓都會嘈醒. 香港迪迪尼有一個進化版, 係左右有對手. 右圖 : 電擊版唐老鴨.

  

  左圖 : 呢隻杯有曾經有兩隻. 呢隻係人地送個隻 (香港版有個盒). 好得意. 香港版係我上青島個陣係香港機場買… 唔好問點解有人去青島會買迪迪尼既野… 我又曾經差d 係日本既原宿以兩舊水買左呢隻杯. 右圖 : 唐老鴨扮星戰中既白兵.

  

  左圖 : 類似筆插咁既野. 右圖 : 記事簿 (係呀, 無開既. 因為大部份野我都唔會用)

  

  自購系

  左圖 : 中間個唐老鴨可以拆出黎, 為迪迪尼海洋出品. 中圖 : 上年七月, 迪迪尼商品半價, 去個陣我忍唔住買左隻公仔. 右圖 : 日本迪迪尼有一款人頭杯, 佢將個設計用黎做左公仔.

  

  左圖 : 沖涼時用黎擦背 (迪迪尼商店), 我手太短, 根本摸唔到自己背脊. 中圖 : 其實係人地送既, 不過版位問題放係度… 右圖 : 未開既毛巾, 打開同下面既 手巾 一模一樣.

  

  左圖 : 迪迪尼商店十五周年出既立體磁石. 中圖 : 1999 年第一次去日本迪迪尼買. 可以袋住張入場卷. 上次再去, 已經得返米奇一班人個隻款.

  

  左圖 : 日本迪迪尼剪影. 右邊個個係我 (係喎, 係右邊個個). 右圖 : 唐老鴨紙巾盒. 曾經有兩個 (因為買個陣半價).

  

  左圖 : 手巾. 後面盒魔神係無關係既. 右圖 : 杯塾, 有兩塊.

  

  左圖 : 我最撚憎就係右邊個鑵個個招牌樣.

  

  左圖 : 呢兩個一定要講. 唔識兩間航空公司既工作人員, 都唔知兩間野都有出過…除左 logo, 裏面既野係 100% 一樣. 右圖 : 迪迪尼一日遊車票同舊版迪迪尼入場卷. 來自舊同事 (即係個女俾我搶左玩具個個), 而家放係銀包.

  

  左右圖 : 本地 TrendyLand 出品. 佢既野係太源街買, 平一大截.

  

  左圖 : 因為有左呢個野, 我而家屙尿屙得好小心.

  

  左圖 : 個陣要返工用既鬧鐘, 購自 apm. 中圖 : 把遮超級得意 成舊水. 右圖 : 購自老銅反狗城, $20. 好些地方竟然買 $80…

  

  左圖 : 一次無心插聊行 莎莎 見到. 我都唔知係乜 ($20).

  

  

  中圖 : 一次同啤妹等人係老銅聚完, 落樓同某大大見到有檔走鬼野賣貼紙. 我買了唐老鴨, 友人買了天線得得B. 右圖 : 防盜眼裝飾. 由於成楝大廈最似賊係我, 所以都冇開黎用.

  

  左圖 : 呢個 Kingdom Heart 版唐老鴨, 好多地方都有 (雖然價錢分別好大). 但另一款原裝版唐老鴨 (這裏的 64 號*), 我行過旺角油麻地灣仔東京好多玩具店, 無一間有得賣, 就連 display 都冇. 事實上, 我只係係ex 既屋企見過… 右圖 : 一次同朋友係大角咀唱卡拉 ok, 係樓下個商場見到. 當年老麥出既公仔 (完全無印象出過). 幾得意, 又無見過, 結果買左…

  

  右圖 : Tomy 仆街到出左另外兩款同設計但唔同顏色既車 (妅色 + 白色, 藍色 + 黃色*). 但要同埋其他九架車一齊買, 太源街賣 $550. 放心, 我未痴線到咁既地步.

  

  左右圖 : 一向無乜抽獎運 – 我試過抽舊幾水都抽唔中自己想要個隻蛋, 所以d 蛋多數一隻隻買. 唯獨呢兩個鎖匙扣, $10 連續抽中兩個.

  

  左圖 : 看圖識字. 右圖 : 唐老鴨 sticker, $2, 太源街.

  

  左圖 : 話說有一次, 約左 LT 係灣仔食飯, 兩條麻甩之前走去行 188. 去到一間專賣舊玩具既地方 (好似係星崎未來轉右個個位), 竟然俾我見到佢~~~ 未開封, 仲要只係 $10!! 開心左一晚. 右圖 : 唐老圖既襪, $10 一對, 太源街. 據稱係台灣出品, 我懷疑過係假, 但見佢幾似, 就算數…

  

  左圖 : 又話說一次去油麻地, 經過由地鐵站行去旺角個條巷. 味千拉面後面, 有間新開既玩具店. 呀一行走去, 就俾我見到呢隻野. $10, 智利版唐老鴨, 係隨雀巢個邊既商品贈送. 右圖 : 孖煙通 (我知個通係別字). 仲有一條藍色既… 而家著緊…

  

  左圖 : 太源街, $8. LT 話係假都抵.

  

  右圖 : 太陽能搖頭公仔. 好得意.

  

  * 零八年一月六日更新

  • 1:10 am
  • 14 Comments