January 7, 2008
-
<戇鳩的人, 戇鳩的事, 戇鳩的數字>
“ 在新協議下，兩電的准許回報率由目前的13.5 – 15％，下調至9.99％；中電及港燈分別在10月1日及明年1月1日起，調整基本電費。
減排方面，在新協議規定下，若電力公司的任何一項排放物超出環境保護署在指明工序牌照內所訂的上限，其回報率可按超出幅度被扣減0.2至0.4個百分 點。按二○○六年兩電的平均資產淨值計算，罰款可高達每年二至三億元。相反，如他們就所有排放物的表現全部都低於上限，將可取得額外0.05至0.1個百 分點的准許回報，以作鼓勵。
特區政府非常重視改善環境，因此，新協議亦鼓勵電力公司採取更多環保措施，重點改善香港空氣質素。例如協議容許兩電在投資可再生能源設施時，賺取一個 較高的回報率(百分之十一)，政府亦會按電力公司利用可再生能源發電的比例，作為量度指標，給予0.01至0.05個百分點准許回報的獎賞。至於節能表現 方面，政府會以電力公司為客戶進行能源審核的數目和所節省的電量作為指標，給予最多0.02個百分點准許回報作為獎賞。另外，電力公司將為推廣能源效益及 節能教育設立兩個基金，供公眾人士申請。”
睇到呢單新聞, 真係狂笑左出黎. 好明顯, 政府班人已經俾數字玩死左自己, 走入左數據困局.
9.99%呢d 咪即係百貨公司件貨定價 $99.9 既策略. 阿女想買件衫, 就同阿媽講 :
“eeee, 媽, 你睇下. 件衫 $99.9 渣~~~ 一舊水都唔使~~ 買俾我咧!!!”
阿媽會點講? 99.9 同 100 差幾多? 但班人就可以話 :
“我任內成功將電力公司准許回報率減至單位數.”
呢d 同班區議員話爭取到 2017 普選有乜分別? 不如話爭取到上天堂拉.
嘩哈哈哈哈! 既然電力公司既資產講緊幾百億, 倒不如約夠五個位, 去到 9.99999% 拉. 我唔係話 9.99% 係高定低, 只係 9.99% 實在係 鳩 . 鳩 . 鳩.
呢d 就叫做單位數字? 自欺欺人吧.
減排與再生能源任何誘引設計的原則, 都會避免雙重優惠. 在稅務原則上, 亦有所謂避免同一徵收兩次稅. 好些地方企業的營利要徵 利得稅, 然後剩下所派發的股息要徵 股息稅, 就是對同一收入徵兩次稅. 已經收左皮既 GST, 就是對個人的收入, 在 薪俸稅 上再徵一次稅 (once when you receive your income, once when you spend your income).
發展再生能源有助減排. 減排根本就是改善空氣質素 – 所以上面底線字是廢話. 但這個設計, 會令電力公司會用盡全力搞再生能源, 然後達至減排. 先賺 11%, 然後再根據比例, 多抓 0.05%; 減排成功, 再多拿 0.1%. 於是乎, 係 11.15%.
我們要的, 是減排 (其實要的是美麗的環境. 若然有方法可以保持美麗的環境, 我話知你排到七彩). 而再生能源, 只是其中一種方法減排, 本身並無實際意義 – 切勿為了要再生能源而建議使用再生能源. 這是倒果為因. 而當我們認為減排是重要, 在設計上已有足夠的誘引去令電力公司達標, 實沒有甚么理由, 還要多加一種鼓勵去吸引電力公司去發展重生能源.
若還不明白, 試想像電力公司可以
(1) 加設一個設施減排 (假設可計入利潤管制資產內), 或
(2) 添一組再生能源發電設施去減排.
再假設成本一樣 (這根本不重要), 但兩者減排的數量一樣. 電力公司肯定會選擇 (2), 而非 (1). 這是由於回報率更高, 而且同樣地有助賺取額外的減排回報. 但對於香港社會, 香港市民來說, (1) 和 (2) 在環境保護上有何分別? 沒有. 但分別是他們要付較高的電費.
再試想像 (2) 比 (1) 昂貴 十倍. 電力公司會怎樣選? 怎樣向政府提議? 對於環境, 對於市民, 這是好嗎? 我有很大保留.
減電費
民主派班戇鳩又反對, 話一成利潤太高. 對於此, 我實在不太驚訝. 因為佢地質素係咁上下, 仲好意思話加人工加得少.
真正的問題, 是在於在上述的設計會令電力公司將重點發展係再生能源上. 再生能源, 不論在資本成本, 及運作成本都是極高昂的能源. 尤其在香港完全無能源既地方, 無水無風無地, 一個太陽能版只能夠一把抽氣扇用. 再生? 再條毛. 但全人類都以為再生能源可以解決全球暖化, 同埋美國次按危機. 個邊由 13.5% 減到 9.99%, 可惜另一邊廂計算電費的利潤管制資產因發展造價昂貴, 與及每度成本高昂的再生能源上, 再加上 11% 的回報, 實際可得既無咁多. (當然再生能源既 11% 同 非再生既 9% 要計個 weighted-average, 然後再根據個 weight 加上 0.01-0.05%, 之後再計埋減排既 0.05-0.1%)
根據兩電既 scheme of control agreement (自己上政府網頁搵. 公開野), 你老頭老母每個月交既每度電費大概係咁計出黎 :
電費 = (a) 回報率 x (b) 每度資產 + (c) 每度營運成本 (包括基本燃油費) + 每度燃油附加費
呢個新既管制計劃協議, 不曾會令 (a) 回報率下降, 但同時間會令 (b) 資產及 (c) 每度電的生產/營運成本大幅上升, 一加一減. 我最多o厄你十年八年, 政府肯定繼續沉醉於 單位數回報率 及 再生能源 呢d 名義字句上, 電力公司會進一步搞再生能源, 讓其資產繼續壯大. 遲d 成個南Y 島, 大土與山, 天水圍都可能用黎做風力發電. 但對於環境保護, 未必是最有效的方法 (再生能源並不等同最有效的環保方法). 這完全是由於新的 管制計劃協議 所帶來的誘引效應. 而更重要是, 若此屬實, 市民在長遠仍要負擔極貴的電費.
結論 : 食撚屎拉!
Comments (11)
睇完史兄篇文,我先至知原來當中有咁多文字數字遊戲
Simply Great…
果然，魔鬼永遠在細節。
本來聽到回報上限下調，是好事，但聽到減排達標便可以得獎賞，便隱隱覺得不妥（只是隱隱而已）。
減排及發展再生能源保護環境基本是兩電的企業責任，如果減排達標便有獎賞，這無異是政府在慷市民之慨。
好似小學生讀好書，考好試係因為自己既責任，唔係因為考試100分便可以lur老豆老母買玩具。
嶺南電費平，史兄過黎屈蛇吧！
睇完我覺得好心寒，普通市民冇得對電力公司發展再生能源政策做出意見….我住九龍電費都叫做比港島平，今日剛剛收到電費單，屋企 5 個人 = $618，照咁睇到時肉隨枮板上，任由電力公司剁死，嬲都冇用，大家一齊準備比人剁啦…..
不如你睇下套日本動畫，叫牢獄兔(你都幾鍾音日本片)，7分鍾一句對白都冇，只要你視覺冇問題就會睇得明同識笑
http://www.youtube.com/watch?v=OQICDrewVLk
聽落好似好有道理，無論如何，電費依然貴，而且愈來愈貴
不過我個人依然支持發展再生能源，如果真係feasible (即香港乜真係可以有風力發電咩? Er…)
反而係再生能源電費的厘定方法，政府應該要再研究,
就我所知既再生能源電廠因為capital investment 太大, 頭幾年多數係loss 的，(因為人地每度電係用fixed price, 唔好問我咁樣咪違反左市場原則) 。用existing的電費厘定方法就唔多合理，但再生能源一旦develop左, varaible operating cost 會比火力核電低好多, 每度資產亦因為折舊而愈來愈細 (假設佢唔發din 地狂加發電機組) , 對環境既破壞又少d, 長遠都係好事
搶錢！搶糧！搶娘們！
香港好多野都做唔到，因為地方太少太貴。
就算要搞風力發電，都唯有放o係海上。
但其實可以多推廣天台花園同太陽能發電。
玻璃幕牆用太陽能電池板，應該會唔錯。
黑心點說，加電費都有好處，就是鼓勵節約電力。
根本而家就係俾人㩒住搶！！
想反抗？
唯有做個最大既賊！！
各位 : 其實仲有下半部, 不過我未得閒寫. 今日見到林本利係明報披露了更多細節 (我不清楚他在哪兒得到資料), 分析幹得不錯.
alienchan, hyster : 賞讚機制的重點, 是將基數的排污權利 (即排放上限), 以零代價的形式送給電力公司 (我知零代價和送是同一樣意思). 而多餘或唔夠既排放權力, 就由納稅人付鈔買回/ 賣出. 我不明白為何納稅人送給人的東西, 他日取回 (即排放低於限額), 竟然要付鈔.
黑珠女 :
電費 = (a) 回報率 x (b) 每度資產 + (c) 每度營運成本 (包括基本燃油費) + 每度燃油附加費
即使capex 再高, 在此計算方法下, 電力公司也肯定不會蝕. 因為他的利潤, 基本上是第一舊 (回報率 x 每度資產). 再生能源capex 越高, 對其利潤反而更有利. 再者, 年多在 AWSJ 看過一篇報章, 說即使近年有技術突破, 再生能源的每度發電成本 (operating cost) 也比舊有方法高.
tommy : 搶娘就夠了.
艾住仁 : 如果你男女同房…
方潤 : 太陽能電池板. 有空去藍田晒草灣那個運動場/公園看看. 那裏有一間小屋. 一塊大概二百呎的太陽能板, 連令一把家庭式抽氣發動既力氣也不夠. 對, 加電費是有助節約.
更正 : 林本利所說的建議, 可以在環保局的網頁找到.