March 17, 2008

• <千秋不滅 . 萬世輪迴>
  
  
  最近在想, 地獄會是怎樣的一回事.
  
  
  皆因, 我發現身邊既男性友人, 大多都肯定要落地獄. 管是當教師的, 信教的, 老婆是初戀情人的, 搵很多錢的, 吃齋的, 大部份都要落地獄. 即使你臨死前信主, 或者一早都已經信, 恐怕都難逃一劫.
  
  
  咁既然身邊既朋友都一齊落地獄, 大家遲早係個度見, 即使悶都叫做有個伴; 一齊落去個d 仲係好朋友, 咁仲上天堂黎做乜? 唔通想見到中學時候, 永遠坐係老師台前面, 唔出聲係咁狂抄碌屎, 年年同你一班但你地未講過十句野既乖乖女同學? 又或者見到辦公室裏面, 說話毫無抑揚頓挫, 永遠把臉板起, 像你每天也姦殺了她全家的女行政主管?  come on, 有這樣的同伴, 在天堂也不會見得快樂.
  
  
  再者, 你會認為 Paris Hilton 會上天堂嗎? 高樹瑪莉亞呢? 松島楓呢? 咪扮唔識佢地. 你真的認為上帝及天堂的人可以受得住引誘? 太傻太天真的你是應該落地獄的. 而從邏輯來說, 若然天堂真的有倉井空, 這樣一來叫人上天堂不是只不過叫人唔好貪戀一刻的快感, 以換取永恒的高潮? 我不相信有宗教是這樣功利主義的. 我肯定, 李麗珍和徐若瑄也要落地獄.
  
  
  由此推斷, 天堂亦唔會有恒指國企牛熊證 (馬會廣播 : 我地唔鼓勵賭搏), 免費 bt + mp3, Macallan 18 年, 骰盅卡拉 ok, 就連漫畫書都應該唔會提供. 最有可能係天堂出現既, 並唔係免費既公屋同醫療 (妖, 都得到永生, 我地使乜要呢d 咁低層次既野? 大家要好好拜讀 殷海光 既鴻文 “人生的意義“), 亦都唔係港珠澳大橋或者奧巴馬 believe in change, 而係一間又一間既圖書館!
  
  
  你諗下, 可以有無間既生命, 若然沒有無限既書, 大家又點可以打發時間, 順便追求更崇高既目標? 當然仲有各國各世紀各種語言書籍畫面, 是巴比倫話拉丁語海豚腦電波溝通法拍拉圖式神交甲骨文, 還是侏羅紀恐龍生活中世紀歐洲文藝服興抑或是地球暖化, 也可以一一重現你眼前! 是比起 HD 或藍光 DVD 更真實的現場實境, 你可以隨時隨地倒帶或向前, 或從 plan view, slide view 鳥瞰低抄 多角度作出深入研究. 既然時間已經唔係一個局限, 你就可以隨心所慾, 看書做研究. 所以我肯定! 天堂肯定擁有劃時代既科技, 什么 UFO, 黑洞 (別心邪! 天堂是神聖的!), 全都是天堂學者的研究成果! 無其他引誘 (及享受), 可以專門做研究, 天堂簡直是學者既夢鄉!
  
  
  圖書館! 是多么令人意想不到的答案! 也是多么令人沮喪的結果! 試想像以下對話 :
  
  
  教友 : 請你信主. 信主可上天堂, 得永生.
  路人 : 請問天堂有冇喜力同拳手?
  教友 : 酒乃穿腸之毒物, 色乃削肉之鋼刀
  路人 : 咁天堂有乜?
  教友 : 我一個比起紐約第五街圖書館大一千倍既圖書館, 裏面有無窮無盡既書. (我懷疑以天堂既技術水平, 所以書都應該比納米更細, 所以圖書館唔會好大)
  
  
  路人只會哈哈大笑, 拋下兩句粗口, 然後頭也不回, 拔足逃跑. 所以大家一向對天堂既印象都含糊其詞, 除左講永生, 就好似乜都冇. 事實上, 大家去圖書館除左訓覺, 睇羅拔迪尼路既的士司機/ 阿爾柏仙奴既教父系列, 又或者係四樓偷望著短裙既女生, 跟住係圖書館一角大聲講電話同埋食 TEA外, 究竟有冇讀過半頁書? 大家最多都係搵同學份功課抄渣, 陰公. 最多咪係借廁所. 要你對住幾萬個圖書館, 無限期對住, 點頂? 圖書館既上網設備, 頂多只能連接到 wikipedia… facebook? 發夢拉.
  
  
  好了. 自我陶醉完, 成功描述天堂是悶的葡萄 (和黑的鮑魚) 後, 我始終要面對現實, 要面對地獄. by the way, 其實我都唔信地獄會好得過天堂好多. 地獄可能有好多好野玩 (即係蒼井空之流), 但肯定去晒牛鬼蛇神同阿閻王既手中 (所以地獄主管清一色男人), 其他人只能白受苦.
  
  
  而呢d 苦, 就係你生前最唔想受, 最討厭既苦. 在地獄也得永生, 但係你不斷輪迴, 重複既時間裏面, 你就不斷承受各式各樣, 森羅萬象的苦. 顏射, 口爆, , 潮吹, 中出 (咦, 好似離左題), 失戀, 喪親, 恐懼, 迷茫, 疑惑, 嘔吐, 頭暈, 疾病. 大家就坐在椅子, 每分每秒, 一點一滴, 重複又重複承受這些苦.
  
  
  千秋不滅 . 萬世輪迴.
  
  
  有人說過, 將生命沉淪在痛苦裏, 是不尊重生命. 而當你沒有選擇的時候 – 也就是在地獄時 – 你就會一遍又一遍地感受到痛苦的蔓延. 好讓你知道你生前是如何不尊重生命, 如何糟塌了生命. 當你以為經歷了恒河沙的痛苦後, 只會發現閻王 reset 了你部電腦, 重頭上路 (越寫越似無間道首歌). 當你以為已經咬緊牙根, 含著淚, 衝過後, reborn card 又開始發揮作用. 記憶不斷在你腦海重生, 痛苦怎樣也揮之不去. 你生前幹得越多壞事, 循環只會越快, 痛苦也會越多. 我是認真相信的. 天堂的人所以快樂 (儘管無娛樂), 大概是他們搭電梯上去之前, 飲左一杯特效孟婆茶, 將不快樂的記憶抺掉. 下地獄的人也有可樂飲, 效果卻是相反.
  
  
  那是一杯帶給你永恒痛苦的可樂.
  
  
  我坐在電腦前細想, 究竟落地獄後, 什么事情會令我死去活來, 有求生不得求死不能既感覺… 我想了很久很久… 竟然想到…
  
  
  
  
  
  
  
  
  
  阿媽叫我飲湯!!! 而電視上竟然係播緊總有艷陽天!!!
  
  
  
  
  
  
  
  
  
  
  我終於知道我點解要落地獄咧…
  
  
  
  
  

   

   

  
  (更正了的士司機是由羅拔迪尼路主演. 謝 tommyjonk 指點迷津)
  

   

  
  
  
  
  
  
  (我其實很愛我媽媽, 還有她的湯… 算了吧… 現在才賣口乖已經太遲)
  
  
  
  
  
  
  
  
  
  
  
  
  
  
  

  • 12:41 pm
  • 23 Comments