June 8, 2008
-
<我在聖保祿的五天 I>
照舊拉, 有 I 並不代表一定有 II…而且我而家情深深, 眼矇矇, 可能會比平時更多錯別字 (唉… 到底我幾時先會認認真真咁認錯, 唔會賴呢賴路?)
首先要多謝既人名列表, 水蛇春咁長..
我要多謝我阿媽 – 住院每一天, 橫風橫雨, 佢都 keep 住黎餵我食飯…同飲湯. 我入院後才告訴她領左野, 佢黎到個陣, 我雙眼已經矇住左… 但我估佢… 其實係度咸. 唉, 我真係不孝. 當然仲要多謝我家姐. (可惜佢地無 blog 無 xanga – 雖然我唔敢想像我阿媽會有…)
以下既人排名不分先後咧.
多謝靚媽 - 連埋上次綿花捧遺漏右耳事件, 今次已經係佢第二次拾回我條小命咧… 今次仲俾我發現多年黎我覺得正到無比既校服原來係係銅鑼灣… (靚媽的 entry1, entry2)
多謝 kathy – 做完公娼也要來應酬我 (呵呵呵); hyster – 佢係唯一一個見過我老母既探病人士; 十多年友人自僱 j 及 jaymes; 及他們的女友 阿陳 及 阿 yan; 大學好友, 以前 flatmate Alan (呢條粉腸黎到竟然叫 room service!!!).
多謝 tommyjonk, adrian, jerlame, 中學好友肥仔, kursk, 瘟神, 大學友人 wilson 及 soloman, 還有少主的電話/ sms… 當然還有 sun 大導的 “who the hell are you” sms …
還有reelastime ;bd361987 ;;ratafia ;fongyun ;blackpearlgal ;wongbeabea ;caramel0o; Frostig ;Raven7215 ;arttacker ;Denise107 ;Feheart ;lazybrenda ;lo_409 ;smalllee ;va_va ;cindy_bee ;HoHangLeung ;marcellabear ;rabbitobaggio ;venet ;lawkain ;miragec ;belugaland ;aubrrr ;yipyip0924 ;pizzawkl ;alienchans69 ;jojojojosephine ;littletony ;thebigblueland
還有在靚媽那邊留言的 nepenthe99 ;bigmouth1979 ;iamsorman ;hope_season ;lerendezvous
我已經盡量記得就寫…若然仲有遺漏邊位仁兄靚女, 請見諒呀..
而當我一口氣 也戇鳩無比地, 將我係xanga 識既所有人條 link copy 一次時…我就沒有多餘的心機再寫下去…
********既然係咁… 為左答謝以上既人, 送上圖片兩幀 (個人強烈認為比得上 lo_409, wongbeabea, 或者 va_va的). 主角, 當然係本人; 多謝自僱 J 及阿陳作出後期製作…
據聞, 造型是根據日本國寶級特攝片所設計的…
********
說些認真的.
入院係因為紅眼症 – 並非某d 人士所講精液射入眼 (我都想咁勁), 亦唔係用得萬花筒寫輪眼太多 (我已經換左弟弟既雙眼, 擁有永遠的萬花筒…). 估計係前陣子戴 con 打籃球, 除 con 時雙手不潔所造成…
據講紅眼症分三階段 –
首先眼白變紅, 其實只係眼紅, 唔癢唔痛.
第二階段頭病菌走去眼珠, 然後眼角膜就會出現矇矇下既情況 (好似眼鏡鏡片上面有污糟野) – 我右眼入院時既情況,
第二階段尾病菌會生出假角膜, 假角膜會刮損真角膜, 令視力下降 – 其實受感染既眼睛會腄到開唔到 – 我左眼入院時既情況
至於第三階段…無人講我知係乜. 我估係隻眼自己好返掛…
最後要入院, 感覺十分難受. 因為我真係好怕盲 – 事實上有後遺症, 我視力得返 80%; 一入醫院阿媽一定好擔心 (第二個我唔敢講); 錢係事小… 但入院令我去唔到六四晚會 – 我講過除非唔係香港否則一定會去 (儘管食言對我來說比起大便更常見) – 便真的有點失落.
我無諗住巨細無遺咁講晒住院既野出黎 – 反正睇唔到野, 矇住眼, 每日只能 24 小時係床度 (by the way, 一日 = 24 小時), 訓訓訓訓訓. 除左同探病既友人說笑, 每日最大既娛樂, 就係聽住無線電視 (我今年聽無線節目既 quota 已經用晒) – 由九點幾既交易現場到三點幾既真情再到八點半師奶股神然後晚間新聞, 時間, 空間, 日期對我來說, 實在有點多餘. 也沒有太多有趣的可以分享…
除左希望滴眼藥水個個係靚女姑娘 (大發現原來姑娘可以搽好靚既指甲, 同埋姑娘有靚女), 我成日就訓係床度等訓覺/ 真係訓覺. 於是乎也就如 hyster 所說, 我想了很問題, 很多事件… 也是一些自己的過去, 人生經歷與命運等無無謂謂的事情 (反正沒有什么比一天 24 小時睡在床上更無謂).. 有機會再多說一點吧.
Comments (18)
屌，你咁撚得閒擺自己張相，都唔擺啲姑娘o既相上去，家陣係咪咁唔識do 呀？
探你病的bloggers朋友們，有無邊一個係靚女或有美腿或有天使面孔或有巨乳的？
我係估唔到28歲既男人都仲會戴CON…..
仲要唔係貪靚…..
係打籃球…….
總之,唔掂就諗下林嘉欣啦
幻想每一個係妳身邊既姑娘係林嘉欣!!!
林嘉欣著護士裝WO!!!
成個世界係咪美好哂先!!!^^
希望你快Ｄ好番啦….
由朝到晚都要聽無線
真係好慘
我試過你講既第一階段係我細個既時候
我哥嚇我白變紅係異形入侵
細個信到十足十，即刻話俾阿爸知，笑死左，印象深刻
依家睇到你咁，慶幸自己醫得快
P.S.我覺得松隆子著護士裝都好靚（仲要係四月物語入面果個）
“萬花筒寫輪眼”點解？
我想問你五日點沖涼？
護士好多都靚架 個個都等嫁醫生嘛
以我𥄫女經驗 牙醫果啲護士仲靚 真係去到hot嘅地步! 因為唔駛搬搬抬抬 無咁粗勞 多啲時間扮靚靚
點解? 護士唔係有mask 咩? 點解有mask 你都知佢靚女? 講!
仲有, 你反正都係銅鑼灣, 當有去維園囉….
最後最後，你….搞到我好驚，因為每次打波戴con 同除con 時都係求其洗下手就算……雖然我理論上應該知要點做同埋唔做個後果…….
1. 唔係下話，紅眼症都搞到入醫院﹖﹗
你梗係拖左好耐勒……眼白發紅都應該會痕架喎……(因為我試過)
會唔會係戴 con 太耐搞到對眼唔識痕﹖(亂說的)
2. 靚女有mask都遮唔到既，就好似國產凌凌漆既氣質一樣……
世上只有媽媽好~~~~
老土都要再講,祝你早日康復!!
你朦住對眼都睇到好多野wor!!!
其實我都試過紅眼症，都係因為戴con~不過冇你咁嚴重~~
btw, 我以為你係肥仔黎架tim…原來唔係…同埋你隻手OK靚wor…
祝早日康復!!!
對不起史兄和老媽，最終我也放了飛機。
好番後，一齊出黎飲野，我請…
另外，史兄，你托我做的我已經辦好，剩下的半截你還要不要???
你套睡衣靚過你d去街衫!!!!
真係幾似咸蛋超人喎, 不過要成日矇著對眼都幾慘….
咁你以後記得洗乾淨對手先去帶con 勒~
之前真係好擔心你, 不過後尾知道你仲可以鴿到有靚女就放心好多勒 ^^
希望你快d 好返~! ^_^
@adrianlu1026 -
屌… 無影呀… 呢d 野在心中拉
@Raven7215 -
林小姐不太瘦 (其實都幾肥), 著護士裝, 比不上鄧明步…
@aubrrr -
看來你兒時也很可愛呢… 松隆子… 嗯… 佢著護士裝應該好得
@whitebook -
萬花筒寫輪眼 係 漫畫狐忍中既忍術, 使用者既視力會因使用 萬花筒寫輪眼 的次數上升, 而漸漸下降. 而且使用 萬花筒寫輪眼, 眼睛會變紅. 兩者都似我病個陣既徵狀. 病房有廁所有得沖涼…
個人認為, 靚個d 護士應該一早俾醫生私有化左, 病人係唔會再見到…
@iamsorman -
護士小姐同我有近距離接觸… 就係滴眼藥水~~~ 所以我肯定! 你小心咧… 我以前除con 都會掉以輕心
@fongyun -
係真既. 因為 (1) 醫生話係紅眼症 同埋 (2) 我真係住左醫院… 應該唔係幻術掛…
@lazybrenda -
得咧… 你蠃…
我病個陣俾左屋企條匙阿媽… 返到屋企, 以為入錯屋…
@Crazy -
…瘦… 都係後期製作既一部份…
仲有, 我俾人既感覺一直都係型…同埋型. 出世開始我同肥呢個字都係絕緣…
@tommyjonk -
探病是沒有放飛機這回事的… 多謝你的幫忙, 令我可以間接出席晚會
個半截留黎都無用, 切左佢拉…
@marcellabear -
其實…個陣係出街衫…醫院方面係無衫提供, 佳麗要自備泳衣…
@reelastime -
呵呵呵, 我就有感覺, 你可能是那個護士, 所以咁合皮呢 (哈哈哈哈哈). 謝關心. 不過我近排都唔會戴 con 住, 見過鬼會怕黑 (起碼一陣拉…)
sorry 趁唔切個墟添，祝你早日好返！
你講果間女校係聖保祿來架, 係痴漢們的心水選擇。
原來你係宇智波一族, 有血繼限界。
仲有, 我聽晚聖保祿醫院的眼科無瑪麗咁好, 不過紅眼症要咁大件事入院我都係服左你, 我開頭以為你虹膜炎添。
格仔裙嗎？誰不知道？！
我當年如果早知道自己學校的夏季校服那麼恐怖，就應該不嫌成績或者階層等等選「美麗校服中學」啦！
還有，很多護士都是靚女，哈哈。
希望你快點完全康復啦！
@Raven7215 - 不覺得有甚麼特別！很多男性都會打籃球時戴 con，跟年齡也沒有太大關係吧。
@relgitsjg - 喂！你竟敢說我漂亮健康的林嘉欣「肥」？！她的身材才是最標準的呢！難道你要平胸「骨『參』『參』」Ge？！
hi, 我有時都會睇下你blog, 好好笑得黎又有point, 睇完會好開心.
知道你有事, 希望你快d好返.