August 22, 2008

• <我的童年 4>

  不知道是誰說, 人生有三份一的時間花在睡覺上. 這大概是對的, 畢竟我們手抱個陣, 每日既經濟活動就只有訓, 食同埋喊. 而到我地老左, 訓覺既能力越弱 – 我阿婆每日訓五個鐘 (夜麻麻四五點起身), 以前既上司去完美國 jet-lag 成個月, 然後四點幾 (凌晨喎!) 發電郵出來.

  我是個極極極極極極極極 (X 10000) 爛訓既人. 要數最爛訓, 還是讀幼稚園的時候. 那時還住在荃灣, 每早就要搭地鐵到佐敦上幼稚園 – btw, 我幼稚園和小學都在佐敦, 兩者仲要好近 – 準時的上學時間, 大概是八時半吧. 喜歡訓覺還多於上學的我 (其實無試過鍾意讀書多d), 根本無意一早起床. 老實說, 這並不限於幼稚園. 往後的中學, 我就經常叫阿媽寫家長信請假, 甚至乎自己寫一封 + 簽名, 等自己可以訓晏一點. 大學時根本就沒有上午課這回事…

  長大後的日子還可以叫晚睡晚起, 但讀幼稚園的我, 是真的早睡晚起. 晚上八九晚便上床 (咪心邪!), 但返幼稚園幾乎日日遲到. K1 時 (低班?), 一年上一百多天課, 我遲到了九十天! 也因為遲得太多, 我考試成績原本和另一個同學同分, 同樣名列第二. 但當年校方會送考頭三名的同學不同的獎品, 二人並列第二, 分不出高下, 也派不了獎品. 學校便因為我遲到的次數破了紀錄, 而將我排到第三去. 這實在太威了.

  當年學校沒有直接告訴我, 但老師在派成績表時告訴了媽. 媽出來時便送我一塊蘋果形狀的黑板, 並告訴我我考第三; 若不遲到的話, 可以考第二, 得到其他的禮物 (是甚么我忘記了). 媽接著叫我不要再遲到, 還要飲湯, 食橙云云… 老實說, 我好鍾意塊蘋果黑板, 一d都唔鍾意考第二個份禮物 (連係乜都唔記得). 所以我完全無將遲到, 爛訓既惡習改善.

  我實在很喜歡那塊蘋果黑板. 紅色框, 塑膠製的一塊黑板, 大概有我面龐那么大. 我不時就拿著粉筆 (媽買了一大盒粉筆給我), 在上面畫東畫西. 後來老爸迫我學乘數表, 我也是用這塊黑板練習. 一直到升小學時搬出尖沙咀, 我才捨得丟掉這塊用了多年的黑板.

  ************************************

  K2 開始轉了校. 記不起甚么原因, 好像是新的幼稚園可以直升小學吧. 我也不太介意, 皆因新舊幼稚園只相隔三百米 (可惜舊幼稚園 – 尖沙咀街坊福利會 – 已經執了. 幼稚園會執笠, 這個概念其實蠻創新). 其實, 我懷疑轉新幼稚園, 係因為新既幼稚園無考第幾呢回事, 亦沒有獎金獎品呢回事. 估計係阿媽唔想我再受到 “因為遲到太多而被迫考第三” 既打擊 (我重申其實塊黑板幾好), 所以轉左去呢間. 好讓我即使轉了新學校, 也不用改善惡習. 於是乎, 八點半上課, 八點半還在床上. 直到被我老頭打到仆街, 才一邊哭, 一邊穿校服.

  更恐怖的是, 就算遲到 – 我試過十二點放學十一點半返到學校 – 那個可愛, 個子小, 但似阿嬸的女副校長, 還是會站在學校大堂, 端起親切的笑容, 然後叫我 “快D 去上堂咧喎~”. 實在太親切了, 這待遇完全不像遲到! 為了多見女副校長, 我在往後的兩年便遲得更多, 遲得更勁.

  ************************************

  歸根究底, 我遲到, 係因為我爛訓; 我可以爛訓, 皆因我阿爸阿媽唔敢叫醒我; 唔敢叫醒我, 皆因我訓唔夠會大喊一場. 事實係, 我細個一係唔喊, 一喊就收唔到聲. 媽的其中一個妹 (即我阿姨) 便經常講以下故事 :

  話說當年佢一係荃灣上車, 準備往灣仔返工, 就聽到隔離車廂有個細路喊唔停. 喊到荔景站, 佢終於忍唔住去睇下個細佬發生乜事… 點知個細佬就係佢身甥, 即係小弟. 阿姨即刻落車都落唔切… 我阿媽話, 我係可以由荃灣喊到尖沙咀, 一直喊唔停…

  又有一次, 我又係地鐵喊. 坐在旁邊的男子, 不勝其煩. 忍左幾個站, 條麻甩終於對住我講 : 細路, 你再喊我塔你返去! (據估計佢應該係差人). 阿媽話我即刻無喊, 望一望佢, 係半秒後又繼續喊. 哈哈哈哈哈, 個男人掉低一句 : 我頂你唔順咧. 跟住就落左車!! 勝利始終屬於我~~~

  我真正第一次有印象喊到唔停, 就係 K1 返幼稚園的第一天. 阿媽將我 推入屠房 送入班房, 便轉身離開. 那時班堂在地下, 課室最後有數隻窗, 可以望見學校門口. 我就一邊喊, 一邊眼看著媽離開地球. 直到望不見阿媽, 我就喊得更厲害. 老師見我咁慘, 叫我伸出小手, 然後給我數塊肚臍餅, 叫我吃了不要再哭. 我大概以為吃了就不能哭, 望一望肚臍餅, 又繼續喊, 肚臍餅就一直在手掌的中心. 也不知道是什么原因, 全班只有我一個喊, 更加要喊足全程 (而手心仍然有幾塊肚臍餅). 由八點喊到十一點幾, 直到我在小窗再見到阿媽的蹤影.

  第二天上學, 又繼續喊. 可能老師見尋日肚臍餅攻勢無效, 也懶得再理我, 由得我在班房後面哭. 反正 K1 也不是學習什么, 影響到其他人也沒有所謂吧. 我依然在哭 – 但黑板上方有一個鐘, 可以看到時間 – 我知道阿媽十一點多便會再出現係地球, 第二天便哭少了… 然後第三, 第四天, 越哭越少. 後來也不理會阿媽的離去, 一入班房就與其他小朋友玩了. 原來我細細個便咁仆街, 怪不得我死後一定被押往地獄去.
  

  ************************************

  後來在重慶大廈和別的小朋友玩耍時, 偶爾會被年長一點的欺負. 回到爸的小店中也不敢放聲哭, 只懂坐在一角飲泣. 媽就說我是個懦夫, 只懂坐在家中哭. 然後年紀越大, 好像不太懂哭泣, 也不能小時候像按掣一樣, 一下就能哭出來. 女友走了, 也不懂哭, 就連夾硬讓自己哭, 也哭不出來.

  再到後來 (時光過得真快), 大一時遇到不可能得到的女生, 就像追回沒有流過的眼淚, 一想起就哭. 那時候 (大概十年前), 有一個朋友教我一個停止流馬尿的絕世好橋.
  用左呢條橋, 你一定唔會那埋口面.

  呢個方法, 就係放隻日本 AV 睇. 事實上, 係呢十年以黎, 每逢我想流淚之際 (或者喊到仆街個陣),
  如果仲記得, 就會開隻 AV 睇 – 那怕是川島和津實, 蒼井空, 愛田友, 早期的紅音, 誰也好. 一睇藥到病除, 一睇即刻停止流下馬淚,
  擦一擦, 舒服晒 (唔好心邪!). 我想, 這絕世好橋不能用在女生上吧…

  雖然我個心仲好唔舒服, 睇 AV 就好似食白粉既人要美砂同, 起碼可以頂到一陣.
  事實上, 當你抱住極差的心情去睇一隻 AV, 你就會有不同的心態 – 變得專業 : 點解導演會從呢個角落拍攝口交? 變得認真 :
  如果我係男主角, 可以忍到幾多下? 變得騎呢 : 你會開始懷疑點解女主角咁正咁靚咁好會走去拍 AV, 點解男主角射極都仲有精, 十萬個為甚么.
  總之, 無輪你的心情怎樣, 也大概不會有心情自瀆. 若果早年幼稚園老師播蒼井空, 我大概也不用拿著肚臍餅流淚吧…
  

  • 7:31 am
  • 6 Comments