September 19, 2008

• <某年某月某日>

  
  “許多讀書人原初做學生時心存大志, 到後來卻忘了本, 忘了初衷, 忘了最初的志氣,

  反而走到自己做學生時最瞧不起的那條鑽營的路上去了.”

  情侶一對, 灣仔天地書店.

  經過熱門書籍貨架, 女的看到一本似曾相識的書. 想了很久, 她終於記得這本書, 曾在一位朋友的家中見過. 她朋友說自己看過這本書, 更向他們二人大力推介. 但簡單一點說, 任何一本這位朋友說好看的書, 也是悶到七彩. 沒有例外. 總之, 佢話好睇既書, 就算失眠都唔好掂.

  她偏偏認得這本書 – 全黑封面, 書名八個字由上至下, 左邊有作者, 然後在右上角加上 “終定版” 三個字. 多么的簡潔.

  但令她印象更深刻的, 並不單單是封面本身, 而是一個她想了又想, 但也不知道答案的問題.

  她內心掙扎, 再掙扎. 掙扎, 再乘 100 (數學上可以用 掙扎 x 100 黎表示)

  良久, 她終於問身邊的男友.

  “呀, 呢個李天命, 係咪長頭髮個個?”

  

  好撚野.

  若然我有一日話李克勤係立法會議員, 唔好奇怪.

  

  題外話. 留意佢身後恒指, 係兩萬八千八百八十八點. 雖然應該係 photoshop, 但我諗好多傻佬會以為美國救完市, 三爬兩撥就會上去呢個 level.

  Well, 人係總要有希望既…

  後來經高人指點, 李天命的確在八十年代留過長頭髮. 那個年代張五常剛回港, 就出現所謂 “港大張五常, 中大李天命” 之說. 有不少仁兄就會搭幾日巴士去聽張五常, 又有不少學長會做毅行者爬幾座山去見李天命. 當年張五常係黃麗松上堂, d 人要坐係樓梯. 到我個水… 你大字型訓係度, 再打幾個翻斗都有位剩呀….

  再講枝節, 就俾人知我幾多歲. 都係算.

  總之, 李天命係留長頭髮個個, ok?
  

  **************************

  <蝙蝠俠怪談>

  我一共睇左三次黑夜之神. 當年鐵達尼 – 票房收入史上第二 (第一當然係吳清源) – 我都睇左三次. 仲要第三次都係同女睇… 呀, 呢個唔係重點.

  重點係, 我睇第一次, 已經覺得套戲除左抹黑你班中國豬而你班友唔知 (anyway why so serious?), 更重要係, 若果你當蝙蝠俠的角色是 小布殊 – 即係而家個個漏口美國總統, 而小丑係 拉登 – 即係移民左去火星, 所以美國政府七年都捉唔到佢個個 – 咁套戲既政治意味更加濃厚.
  

  拉登係為左錢而策動九一一, 為左利而摧毀美國? 錢只係手段, 利乃係過程. 小丑不想殺蝙蝠俠, 拉登又何嘗想美國/ 布殊死? 好些人就不能依靠常理去理解 (係理解咁低層次, 都未去到解釋). 美國陸沉, 拉登第一個自殺呀.

  而夏菲 . 鄧… 咪係奧巴馬… law (開始穿鑿附會)

  但當最後話蝙蝠俠其實係食晒死貓, 佢先係好人, 奧巴馬先係仆街… er… 

  屌, 李天命都係長頭髮個個拉, 有乜出奇?

  **************************

  <付諸一炬>

  今早醒來, 突然想把家中的唐老鴨, 通通收在一個大大的垃圾袋, 然後付諸一炬.

  但我又計算過, 個垃圾袋起碼要有三十呎 x 三十呎. 然後我拎落街燒, 肯定俾人告縱火. 於是乎我又再發揮五號人型 “只想不做” 既特點… (又搵藉口)

  記得朋友 WL 講過 : 有一日, 你屋企會一隻唐老鴨都冇.
  

  然後, 這個朋友, 千辛萬苦再能和以前的女友再走在一起 – 在那之前我就說要再一起, 就要以結婚為大前提, 不要再讓自己有機會傷害她…

  不到一年光景, 這朋友搭上了自己的同事. 講大話仲要講得離譜地差, 最後東窗事發.

  我答應我永不要, 重複犯錯.

  於是, 唐老鴨依然在家中.

  若然還有機會, 下次遇到女生, 我會告訴她 :

  “李天命, 其實是長頭髮的.”

  **************************

  <誰願放手>

  曾某年某一天某地 時間如靜止的空氣
  你的不羈給我驚喜
  曾說同你闖天與地 曾說無悔今生等你　
  也不擔心分隔千里

  多少歡樂常回味 天空中充滿希冀
  祈求再遇上 不放棄不逃避
  今天失落才明白 默默道理
  越是懷念你 越怕沒法一起

  誰得到過願放手 曾精彩過願挽留
  年年月月逝去越是覺得深愛你
  如果失約在這生 毋須相見在某年
  完完全全共醉一生也願意

  來這年這一天這地 重見曾似相識的你
  笑得輕鬆中帶傷悲
  談你談我的新趣味 無法忘記當天的美
  你的關心不過演戲

  多少歡樂常回味 天空中充滿希冀
  祈求再遇上 不放棄不逃避
  今天失落才明白 默默道理
  越是懷念你 越怕沒法一起

  誰得到過願放手 曾精彩過願挽留

  年年月月逝去越是覺得深愛你

  如果失約在這生 毋須相見在某年

  完完全全共醉一生也願意

  • 11:19 pm
  • 9 Comments