September 28, 2008
-
<好撚野>
尋晚睇有線新聞.
半個鐘, 五份九時間講神七升空.
美國救市進展, 唔提.
老麥同奧巴馬辯論, 無講.
毒奶事就好似入左歐洲個黑洞咁, 突然無撚晒.
今晚睇無線, now, 亞視, 無一倖免.
你真係唔撚臭米氣. 人地普世歡騰講升空, 仲講埋毒奶呢d 野.
其實都唔係無講. 咪話有幾個大陸官飲牛奶, 跟住話無事. 哈, 咪撚撚化我. 呢招香港d 官幾年前都食雞食魚拉, 仲要日日食添. 都證明香港仲有些少優勢.
就連體育都唔放過. 阿伍家謙好地地講緊馬拉松破世界紀錄, 都要拎埋升空一齊講.
除左升空, rest of the world 就好似消失左咁. 大佬, 你新聞得個廿分鐘,
可唔可以舔少陣阿爺個屎眼?
我相信若果史丹利. 寇比克未死, 佢個套大開眼界 (Eye Wide Shut), 應該係一套紀錄香港傳媒呢幾日如何深入, 賣力, 並且不倦地舔阿爺屎眼既 Discovery Channel 式巨作.
我份人好黑心. 呢兩日淨係諗若果神七升空/ 降落既時候, 好似哥倫比亞號咁, 就真係國慶煙花匯演.
可惜, 也可幸地, 佢地無事.
否則我有信心香港傳媒會連阿爺屎眼屙出黎d 屎都炒埋一碟當飯食, 然後仲食得津津有味.
然後香港人去 bid 太空人既底褲, 用過既紙巾, 當然仲有神七既碎片.
睇新聞比起睇家好月圓更加火滾. 香港的確係一個 amazing city.
好撚野.
延伸閱讀 :
1. iamsorman : 疑似劍蘭
2. exist2 : 艙外活動與彩色電視
3. kursk : 神七真的平安回來了嗎?
Comments (10)
今日下午睇直播時我同你既諗法一撚樣, 都係想睇佢係半空好似燒煙花咁爆開….
毒奶毒奶，你今日飲左未呀？
或者大陸再搞個四七牌尿片，bb著左會生子宮頸癌，大陸就會即刻整多個神周八號(咁x勁，一定係周唔係洲)
趁大家抬高頭望火箭，地面部隊即刻將證據毀屍滅跡
過一陣佢地仲一定會黎香港，然後又喺大球場開show，同成龍大哥合唱幾首飲歌。到時各大台新聞仲有排得報。
計過數的，就在毒奶鬧得最熱哄哄之時來個神七升空，一招轉移視線問題又看不到了。
絕對覺得阿爺一定計過幾時爆毒奶和爆毒奶後的熱潮‥‥‥
好俗，但好正！完全鬧得好！！！
當日睇有線新聞真係睇到火都黎埋
好似呢個世界停頓左，除左神七，呢個世界無野發生過
@aubrrr - 好像比奧運還過分!!!
@Frostig -
神七無奧運咁過份，果陣奧運係成日都無選擇，全香港好似除左奧運就咩都無，再加上奧運又前幾個月開始講，持續時間好長
無線好野在o係神柒個記招時講:
「其實外國傳媒已經提問過神柒有關人員是次升空/研究花費o左幾多錢好幾次,但相關人員仍然係未有作出回應。」
好波,我終於明白點解tvb同atv會o係今年整個高清廣播,
其實2大免費電視台都過唔到自己良心o個關,所以先整o的2個J,乜乜知訊頻道,
等o的人奧運呀,神柒時可以仲有其他頻道選擇..