October 5, 2008
-
<聊齌之煲仔飯>
副題 : 啡色小馬 (其實同內容無關)
時間 : 零八年十月五日晚上九時許
人物 : 一眾毒男 (疑似人物 1 號 K 大哥, 2 號 瘟神 . 命, 3 號 浩浩) 及 A 字人爺 . 記住! A 字人爺係與別不同的; 同埋佢個名係 end with “爺” 字.
地點 : 廟街四季煲仔飯
話說一班毒男與 A 字人爺食煲仔飯, 每人一煲 + 油菜 + 2 個大蠔餅. 用連鎖式食店既用語, 我地人均消費應係平均之上, 唔係食得豪, 但有幫襯 law…
食完, 一大班人係度拗腳趾, 飲汽水啤酒吹水.
街外傾沱大雨, 唔好話人, 蒼蠅都冇隻; 店內雖有客人, 但只坐滿三分一到.
正當大家吹得興高彩烈之陣, 店中阿姐竟然過黎叫 我 . 地 . 過 . 主 ! 係好似顏射咁, 當住面叫我地五個人 “你地好走咧喎”.
天呀! 天呀! 天呀! 天呀! 天呀! 天呀! 天呀! 天呀! 天呀! 天呀! 天呀! 天呀! 天呀! 天呀!
(1) 店內大把吉枱
(2) 店外人影都冇 (亦預計唔會有)
(3) 我地有幫襯過
(4) 佢地又未收工
天呀! 天呀! 天呀! 天呀! 天呀! 天呀! 天呀! 天呀! 天呀! 天呀! 天呀! 天呀! 天呀! 天呀!
我們一行五人, 就算全部係弱智, 加埋智商都有二百掛 (雖然只有弱智先會將智商加埋…), 但就無人解釋到點解要趕我地走! 真係企係台隔離叫我地過去喎! 係咁叫賴死唔肯走個隻喎!
點解?
莫非係近哈佬喂 (都仲有兩個星期呀~), 阿姐驚我地過左某過時晨就永遠再出唔到店門?
更有可能係某 “爺” 字輩仁兄唔覺意溝左人地個女, 俾人點左相, 仲要累街坊… 等你仲啡色小馬呀咧…
唉…. 一人犯法, 朋輩受罪. 呢d 咪叫連坐法.
悲. 我係無辜嫁!
延伸 :
(終於齊人咧)
相關圖片 (來源 : A 字人爺)：
Comments (18)
啡色小馬、白色小貓、黑色小狗…… 仲差兩隻先砌夠一隊禽獸戰隊呀!!!!
對唔住，係我毒得滯，連累大家~~~
我懷疑係你猛咁昅個阿嬸，佢感到生命有危險，或你會強行奪去佢貞操，佢先趕我地走！
哼，你咪鬼咁鹹濕啦！
好彩，我有野做…
啡色小馬，白色小貓，黑色小狗之後應該有粉紅色小鳥，因為五色戰隊一定有粉紅色。
@hystericireul -
@vincent_lifes -
凸凸凸凸凸
@tommyjonk -
好掛住你呀！
嘿嘿, 呢間野服務態度出名好, 我早兩日又係去廟街食煲仔飯, 竟然大排長龍
我諗佢真係唔休做所以先咁得戚
看到「雖然只有弱智先會將智商加埋…」忍不住笑了出來！
放假前的「禮物」啊，謝謝！
下次行多個街口幫襯第間啦，四季班阿姐對眼生係額頭，完全當你冇到架
kursk has the best explanation, btw, did anyone talk to that middle-age lady?
@hystericireul -
你篇野係邊?
@adrianlu1026 -
唉… 有人竟然仲話人咸濕…
@lo_409 -
呵. 成日都想搵 lo 哥食飯… 話晒你都係毒男…er…好似又講錯野. 留 msg 俾底個電話我好冇?
@miragec -
屌. 尋晚落狗屎呀…
@Frostig -
呵. 謝你欣賞咧.
@whitebook -
無. 無人敢同佢講野.
@relgitsjg - 剛剛寫左…….
我以為大家都唔會寫嘛……… kakakaka
我又無乜所謂……
下次約埋我同frostig一齊去，個阿嬸會死畀你睇。
(又要第一次留言又要扮熟，總之多多指教啦)
下?我8月尾去食過都冇事,都係唔駛排坐唔滿…
係咪有人雖無過犯但面目可…呀?
車,原來街外酒累事..(我估)
又有可能個呀姐惱羞成怒,佢企o左o係你地隔離咁耐,都冇人撩佢…
你知啦,佢見你地成枱大學生,諗住有大學生撩好威,
但你地4個都唔醒目,搞到佢咁’火羅’,仲俾企門口個老闆見到….
下次醒水o的喇
@gordonthewizard - 哈哈，想不到你都會在這裏留言。不過，其實「點解」呢？因為我們會「賴死唔走」？！
不過又真，來到我地頭吃飯都不預我一份，下次唔好喇！ 
@Frostig - 因為我應該會忽然變成八婆同佢吵過，你可以幫下口，同埋你可以話俾佢聽你做官，油尖旺係你頭，可以嚇下佢。
@gordonthewizard - Ok, I see. 不如加埋「到梁顯利找幫手」ㄚ笨！
@Frostig - 唔係，應該加埋「不如叫佢去住梁顯利」。(零邏輯)