December 23, 2008

• <聖誕的食住行>

  (12:23 日更新, 登記左收聖誕咭既人請看最底)

  又到聖誕. 又是一眾 毒身 獨身 人士最能感受到孤獨的時候, 背後北風呼呼, 冷得我… okay…. 今日講d 正面既野. 講下一d 情侶 dos and donts.

  由一個無拍拖兩年既人講呢個 dos and donts, 一眾情侶就要特別小心. 冼柒你既機會, 高達九成, 甚至係十一成. 只要你倒轉d 野黎做, 應該無死. 情形就好似某d 報紙佬寫股評 – 最出名當然係沈大師 – 佢話升, 你可以千個放心沽落去; 佢話跌, 你即刻狂買 call 輪.

  好了. 又太多廢話.

  首先, 唔該買定避孕套. 原本有一盒, 買多一盒. 唔單止放係屋企, 放定一個係銀包. 呢d 野, 同你張回鄉咭或者張 阿美利堅 . 快遞 (american express) 一樣, 都係買個安心, 以備不時之需. 尤其是個d 船堅炮利既後生仔 (噢, 唔好對號入座), 呢d 野, 真係袋多個都冇壞 (當然, 用多個都冇壞). 你可以想像, 想做愛但沒有避孕套的心情嗎? 慘過無得做呀… 做愛是尋開心, 犯不著搵命搏 – 何況係條小生命?

  至於送禮, 男的最好寫封信, 或者畫個公仔送給女友. 就如 exist2 所說, 禮物一定要有 手作 (hand-made) 的成份. 字再醜, 公仔再核突, 只要是你親手畫的, 女友一定喜歡. 太多人不明白, 經常以字醜, 公仔醜來解釋 (及掩飾). 事實上, 畫得/ 寫得幾乎越醜越好 – 越畫得美/ 越畫得純熟, 只會讓女友覺得你經常用這招來泡女. 是的, 女人就是這么多諗頭了…

  至於每逢聖誕像旺角 body shop 一樣多人, 崇光的 Tiffany 還有東角路對出的 Swarovski, 又或是潮流特區, 負擔得起便去買點東西吧. 公仔手鍊什么也好. 只是, 若她嫌棄你送不起 (可能係你不屑送拉) 貴重的物品, 這還是人來的嗎? 好了, 今年已一次又一次唱衰女人, 搞到又斷腳又盲 (我有時信因果報應的), 這些東西還是留待明年吧.

  聖誕/ 平安夜, 周圍都九屎咁多人. 由中環地鐵站去蘭桂芳, 好彩你十二月廿三號出發, 廿五號可以見到街口間 coach. 其實邊度都九屎咁多人. 若你真的要考驗你男友對你的愛 (唔好俾佢成日淨係識講用力去愛), 你叫佢幫你係平安夜個晚, 海港城門口, 拍一張無任何其他路人甲乙丙的全身照吧! 或是讓你五分鐘由中環地鐵入到桂蘭芳. 做得到, 你可以放心嫁他了!

  最佳既拍拖地點, 是香港的大學 – 任何一間唔近市區既大學 (中大, 港大, 嶺大, 科大. 理大 & 城大只係港晶 neway 同 又一城既 extension). 個人推介係港大… 因為暗角位多… 而且好些厠所長期無人去 (所以我話會放定個袋係銀包)… 呀, 其實係港大夜境比較好看 – 在國殤之柱那邊可以看到青馬大橋, 而在圖書館望向陸佑堂, 秋風送爽 (或寒風凜凜), 是件賞心樂事. 除非平安夜圖書館一早便關門, 你們大可以到馮平山圖書館, 翻翻林徽音寫給徐志摩的 <我說你是人間的四月天>, 你笑言要像徐一樣樣爛滾成性, 她假意呷醋, 你們二人大耍花槍, 接著便在圖書館桌下….

  你們吃過飲冰室, 品嚐過森記. 沿斜路往上走. 你倆一路往般含道向前走, 途中停下, 擁吻一下, 在中區扶手電梯逆流而下. 人家還在忙於擠入蘭桂芳, 你倆早已渡過一個美滿的晚上. 替她拍一張照, 此時候北風吹來, 不經意把她頭上的帽吹掉; 你趕快按下快門, 就拍下她狼狽中帶點錯愕的樣子. 把相片放到 16 R, 32 R, 像牆紙般貼在客廳. 這便是你倆在這個聖誕的回憶.

  
  現實是, 今年平安夜將凍到仆街, 你站在圖書館門口十分鐘, sick leave 有排你放. (反正我一向都廢話甚多, 所以上面是廢話也沒什么所謂了). 所以我推介你執靚個屋企 – 假設你有屋企的話, 兩個人重溫你地影既相, 送俾對方既禮物.

  就如食神所說, 煮野食, 最緊要係個 心 字. 一字記之曰, 心! 所以, 千祈唔好成日諗住用個兩個避孕套 (機會始終有嫁師兄!!), 更加唔好食完飯就趕住返屋企睇 VCD!!! 更加更加重要係, 睇碟都要搵 o岩戲睇, 萬一你戇鳩鳩唔識死, 就咁打開 now 139 爛片台睇正呢套…

  咁你個兩個套留返拜山用都得咧…

  要睇戲, 睇西片 (唔好心邪), 睇 Love Actually. 還有片比這套戲更加應節, 更 . 加 . 催 . 情 . 嗎? 沒有. 看完這片, 就有一股暖熱意浮上心頭, 同時心境也會異常地平靜. 有一種安穩的感覺. 對, 這便是聖誕. X’mas is all about love.

  講起食飯, 聖誕節… 基本上出街食乜都會好難食, 乜撚都貴. 女想預備一份禮物, 請煮一餐美味的聖誕餐. 你可以不信我 : 其實男友很少會介意女友送什么禮物 – 面對現實吧! 對他們來說, 反正有床上就行了, 你煮公仔面或是滿漢全餐, 除了你, 是沒有人在意的; 但你想用心煮一餐的話, 便要知道, 十二月廿四號及廿五號 city’super 及 360 賣牛扒的櫃位, 會比起維園年宵攤位更加多人.

  廿三號就去買吧. 牛扒在雪櫃多放一兩天, 是沒有問題的. 還有! 若然你不擅下廚, 記住多買一兩塊牛扒! 已經死了的日本和牛 (和內地正受飢餓困擾的小朋友) 是會原諒你一天的奢侈.

  要飲酒嗎? 去年寫的酒精 FAQs 是給毒男/ 獨女看的. 情侶不必在家中猜枚, 也不須開 麥call 倫 1851 年互劈. 買一支 sparkling drink 或是白酒, 在買牛扒的時候係 city’super 一起買. 我知道吃紅肉飲紅酒較好, 就像 “掛羊頭” 要配 “賣狗肉” (噢…. 狗肉嗎?), 但好多人唔飲紅酒, 要選易入口的白酒, 會容易一點.

  好了… 畢竟要一個獨男去寫拍拖推介, 等同叫松島楓講點樣做一個處女…

  希望大家有一個快樂的聖誕吧.

  *************************

  All I want for Christmas

  I don’t want a lot for Christmas
  There’s just one thing I need
  I don’t care about the presents
  Underneath the Christmas tree
  I just want you for my own
  More than you could ever know
  Make my wish come true
  All I want for Christmas is…
  You

  I don’t want a lot for Christmas
  There’s just one thing I need
  I don’t care about the presents
  Underneath the Christmas tree
  I just want you for my own
  More than you could ever know
  Make my wish come true
  All I want for Christmas is you
  You baby

  Ooh baby
  All the lights are shining
  So brightly everywhere
  And the sound of children’s
  Laughter fills the air
  And everyone is singing
  I hear those sleigh bells ringing
  Santa won’t you bring me the one I really need
  Won’t you please bring my baby to me…

  Oh I don’t want a lot for Christmas
  This is all I’m asking for
  I just want to see my baby
  Standing right outside my door
  Oh I just want you for my own
  More than you could ever know
  Make my wish come true
  Baby all I want for Christmas is…
  You

  *************************

  延伸閱讀 :

  Exist2 : 開門 聖誕七件事

  Kursk : 毒男在聖誕要做的八件事 (問題係… 這些事情我日日都在做呀!!)

  *************************

  請登記左要收聖誕咭既人留意!

  聖誕咭已經寄出, 希望你係聖誕期間收到.

  如果過左年都收唔到 (我希望唔係咁拉). 請盡快通知小弟, 等我補返.

  我代四川的小朋友及受難的人士多謝你們.

  至於我捐錢, 有兩個計劃

  - 我會捐五舊水俾我一個舊同學去四川做義工. 面書連結;
  - 另外 (睇下近排炒股票炒成點拉), 我會預備捐俾另一個係農曆年去四川既朋友

  • 1:01 am
  • 18 Comments