April 8, 2009

• <一首歌, 一個女生 : 我的 n 個女朋友>

  嗯… 老實說, n 等於什么呢, 我已經不大清楚. 而更加的老實說, 我喜歡過的人太多了 (比實際上的女友更多)… -_______-|||

  為左唔好咁容易計到我有幾多個女友, 我下面特登唔用 numbering… 好一個自欺欺人的壞蛋…. but just ask yourself : 你最愛的, 是個好人嗎?

  
  

  每次聽到以下的歌, 總讓我回味 (別心邪) 與這些女生的點點還有滴滴. 回憶, 便是愛嘛.

  — 初戀情人, 愛與痛的邊緣, 王菲

  當時女友只顧陪朋友, 唔撚理我… 於是我手抄左呢首歌送俾佢. d 詞, 正到無倫. 王菲同呢首歌, 當年紅到爆.

  當時手字麻麻, 但可能咁樣先 lum 到佢 (抄得太靚反而似請槍)…跟住復合, 再一齊一兩個月咁…

  最終都係要分手.

  屌佢老母…. 浪費我d 墨水… 同口水

  我當然唔係真係屌佢老母…

  越是去想, 更是凌亂.

  “若已經不想跟我相戀　又卻怎麼口口聲聲的欺騙
  讓我一等再等　在等一天共你拾回溫暖”

  
  

  — 中五時的情人, 棋子, 王菲

  揀呢首歌, 有幾個原因.

  (1) 佢好鍾意王菲. 超級鍾意 (其實個陣大把人鍾意王菲 – 情形等同今日的謝安琪吧?).

  (2) 佢唱歌好似好似王菲, 亦都非常好聽.

  (3) 我試過話同朋友飲酒, 佢唔俾; 我 dum 左佢訓, 十二點先再出去飲. 老老實實, 似坐監多過似拍拖… (又 blackmouth 以前女朋友… 罪過罪過)
  

  “我像是一顆棋子　來去全不由自己
  舉手無回　你從不曾猶豫
  

  我卻受控在你手裡”

  
  — 大一時的好朋友, 如何掉眼淚, 鄭秀文

  所謂好朋友, 即係你溝唔到既女. 一秒, 一小時, 一生, 一世, 十世, 你也泡不到的女. 不是你靚不靚仔, 有沒有錢, 型唔型既問題 (這些當然有關; 畢竟我三樣都冇). 感覺是唯一沒法解釋的東西.

  人地寧願活受罪都唔肯同你一齊. 沒辦法.

  就像你面對特區政府一樣, 沒辦法, 耐佢唔何. 你可以點?

  by the way, 好多人從大學起, 一生不斷濫情 (哎呀, 現役/ 過氣大學生歡迎自行對號入座)

  
  

  “如何掉眼淚 自知身份都不對
  要決堤 沒缺口 讓苦戀鯁於心裡 沖積結聚
  完場時仍然讓這秘密 埋藏在眼睛裡”

  
  
  — 本科時的女友, 痛愛, 容祖兒

  記得第一次見佢係係卡拉ok, 佢當時唱既就係容祖兒既痛愛. 超級好聽.

  結果, 我地個晚唔猜嘉士伯, 猜好立克. 佢輸撚左十幾杯. 當然, 一杯都冇飲.

  事實上, 呢個女友, 都好鍾意王菲. 唱歌, 都好似王菲. 你睇下, 王菲紅足我三個女朋友, 大大話話六七年. 呢d 先叫紅呀.

  “喜歡你讓我下沉　喜歡你讓我哭
  能持續獲得糟蹋亦滿足
  喜歡你待我薄情　喜歡你為人冷酷
  若是你也發現　你也喜歡虧待我
  我就讓你永遠痛愛著我”

  — 碩士, 我在這裏守候, 張信哲

  唯一一首找不到 youtube 的歌.

  這是張信哲最好, 最好聽的歌.

  不是愛如潮水 (或其他水), 不是玩火, 不是我是真的愛你, 是我在這裏守候

  一次談起, 原來我們也很喜愛張信哲這首歌. 那是張信哲最好聽的大碟 <等待> 最後的一首歌 (大碟每一首歌也是水準之作). 我最愛這首 unplugged 的作品.

  唱完 “我在這裏守候” 一句, 整隻碟就完結. 那沒有更好的編排了.

  如果妳痛　不要難過
  所有的痛替妳受
  
  如果妳要　如此沉默
  我便永遠不開口
  
  妳說愛情　是妳唯一的傷口
  說我永遠都不懂
  借酒裝瘋揮灑所有的溫柔
  在別的男人的懷中
  看著我淚為你流
  再苦也說不出口
  
  但是妳可知我一直在等妳回頭
  看著妳失去從容
  只為了害怕寂寞
  心力焦瘁活在無情的談論之中
  為妳心疼的我　為妳心疼的我
  到底該怎麼做
  
  如果妳所有的夢　沒有人真心收留
  別讓妳的決定　漸漸的失去理由
  回頭再看看我　回頭再看看我
  我在這裡守候
  
  
  

  — 碩士時第2 個女友, ???
  

  對唔治. 我對佢無乜回憶 (得咧. 仆街呀嘛. 你唔使用粗口鬧我咧)

  其實係佢唔聽歌. 佢正職, 係劈友.

  我認真的.

  巧驚驚.

  如果真係要, 咪播呢首…. law

  — 工作後第一個女友, 傷心換日線, 張智成

  佢即係唱痛愛個個女朋友 (除左炒冷飯叻, 我都幾鍾意搵返以前既女友….)

  呢首歌, 我係佢面前唱.

  歌詞, 係話有條傻西分錯手, 想搵返以前個女友.

  唱完, 佢肯同返我一齊.

  個陣我諗, 呢首歌好正, 起碼, 我能夠再同佢一齊. 後來, 當我再拍左 n 次拖之後, 我發覺, 如果一個女仔對你有意思, 只要你唔好做d 乞佢憎既野, 佢基本上唔會拒絕你. 佢唔想, 唔通我有機會係佢面前唱歌?

  若佢對你無意思, 你想佢感動, 想佢接受你, 真係要有個 breaking point, 要有個位俾你入到 (唔好心邪).

  但男人心腸比較硬 (也較多細菌; 當然, 硬的地方還有很多). 佢對你無意思, 就點都無. 完.

  “當飛機飛過換日線一邊
  可不可返回情人離開的一天
  將分手一節倒轉再開演
  後果相差可會很遠”

  — 我懷念的 (孫燕姿); 分手快樂 (梁靜茹), 十分愛 (鄧明步), 聖誕結 (陳奕迅), 思念是一種病 (張震嶽), 蒲公英的約定, 白色風車, 彩虹, 最長的電影, 夜曲 (周杰倫)

  鎖你, 呢個係我 youtube 既 playlist.

  周杰倫既歌, 與 方文山既詞, 有著驚人的威力. 但到最尾, 我懷念的, 是最好. 因為無法修成正果, 人們總沉醉於過往有可能成功的失敗裏.

  我今天能將回憶放係盒裏面, 永遠不再打開. 原來, 不是件容易的事. 畢竟我活過來了. 好不容易, 才能夠活過來.

  林雪在得閒飲茶裏說過, 最愛的, 不一定最終會走在一起. 嗯… 他大概是對的.

  我懷念的是無話不說　我懷念的是一起做夢
  我懷念的是爭吵以後　還是想要愛你的衝動
  我記得那年生日　也記得那一首歌
  記得那片星空　最緊的右手　最暖的胸口”

  — 最後, 旅行的意義

  
  所謂最後, 是多餘的. 只有最先, 卻永遠沒有最後.

  其實呢首歌唔關女人事, 只係我好鍾意呢句歌… 呢個送只係愛黎凸出我快刀手既刀鋒…….
  

  “你離開我 就是旅行的意義”

  
  

  
  面對上帝 (如果佢肯面對我…), 我應該可以講, 我切實地愛過我愛過的每一個女孩 (好一個循環邏輯).

  應該夠厚面皮講掛…
  

  “常常徘徊在我心底
  

  I won’t forget your name, won’t forget your name“

  ——————–

  <女生的會歌 – 心動, 林曉培>

  
  過去讓它過去~~~ 不知怎么. 曾經有數個女生, 一聽到林曉培的心動時, 不自覺地流下淚來. 每一個都對我說, 心動是她們的故事. 每一個都面對著我, 一直流下淚來.
  
  一直到不知道為什么.
  
  到今天, 再看一次歌詞.
  
  嗯, 難怪的… 但咪以為你初戀係金城武先得架…
  
  
  

  有多久沒見你　以為你在哪裡
  原來就住在我心底　陪伴著我的呼吸
  有多遠的距離　以為聞不到你氣息
  誰知道你背影這麼長　回頭就看到你

  過去讓它過去　來不及
  從頭喜歡你　白雲纏繞著藍天
  如果不能夠永遠走在一起
  也至少給我們懷念的勇氣　擁抱的權利
  好讓你明白　我心動的痕跡

  總是想再見你　還試著打探你消息
  原來你就住在我的身體
  守護我的回憶

  
  
  

  
  

  ——————–

  
  <男生的會歌 – 後來, 劉若英>

  一次在佐敦飲酒. 凌晨兩三點時, 酒吧播出這首歌.

  談起興高彩烈的一台男生 – 整台也只有男生, 當劉若英唱出 “後來” 兩個字, 一瞬間變得默然不語. 然後, 遠方傳來數個中年漢在合唱著 “我總算學會了, 如何去愛…”

  好唏噓, 好唏噓.
  

  
  
  可惜你, 早已遠去, 消失在人海
  後來, 終於在眼淚中明白
  有些人, 一旦錯過就不再
  
  
  
  

  • 6:32 am
  • 34 Comments