June 23, 2009

• <我看過的十大港產爛片>

  為免觸犯版權, 我不在此提供連結 (其實係我懶, 廢事搵). 為免太年輕既讀者唔撚明我講緊乜野戲, 所以下面既戲都係 2000 年以後既作品. 畢竟以今日的角度看, 經典如 <教父> 系列, 都有點失色.

  若夾硬要數 2000 年以前既爛片, 首推 雙鄭一吳 既鉅獻. 唔係 90 年代農曆年既雙周一成 (周星馳, 周潤發, 成龍), 係 雙鄭一吳 – 鄭伊健, 鄭則士, 吳大維 主演既 男兒當入樽. 無錯, 係真人版, 不知所謂版既 男兒當入樽!

  見到下圖, 唔好笑呀! 鄭伊健係戲裏面既絕招係三分線入樽, 訓練方法係係條腰度扎條象根, 然後嘗試跳埋去個籃度 – 情況好似足球隊既龍門訓練咁. (btw, 下圖左方女角為麥家琪)

  

  屌你! 三分線入樽! 周董套功夫灌籃又何嘗唔係一樣. 問題係, 鄭生一睇就知唔識打波 (記得佢拍波隻手似抽根), 而周董本身係識打波, 而且技術不賴. 點解周董會拍d 咁既野出黎侮辱籃球?

  好咧. 太遙遠既野就唔好講. 我地講下近代史, 講下六四. 以下係我看過最爛的港產片 (2000 年後). 西洋片比較少看, 而日本動作片很少爛透的, 唔爛透既當然講緊是劇情 (因為根本沒有戲情可言) 而不是女星的某部位…

  好了, 頭三名. 排名分先後

  1. 吳清源 – 張震

  好憎d 戲明明無野扮有野. 睇戲廿鳩幾年, <吳清源> 是我入戲院看電影廿幾年以來第一套想半途放棄既電影.

  全片, 皆精彩. 精彩於你以為佢有高潮, 有主旨; 點知佢射埋, 完左事, 你都仲係度等待緊進入高潮.
  
  套戲完撚左個陣, 第一個反應係 “下?”

  第二個反應係 “屌!”

  咁套戲究竟講乜? 無人知.

  2. 阿嫂 – 群星拱照劉心悠 - 任達華黃秋生元華方中信謝君豪曾志偉林嘉欣劉燁.

  可惜機關算盡, 最後殺出個黃精甫, 佢以一人之力將所有影帝秒殺.

  根據 yahoo 電影庫所述

  
  

  “電影具有導演黃精甫的強烈個人風格，雖然《阿嫂》和《江湖》的場景分別以白天和黑夜為主，但導演對於鏡頭及畫面的處理的匠心獨運並無二致。”

  … 嗯… 我只能講寫呢條友既人應該讀中文系. 黃精甫既個人風格與鏡頭運用, 就係搵個佛像長期擋燃住半個鏡頭.

  精彩片段 1 : 最後炒車場面. 我係投資者, 見到唔知做乜有D 車係度撞黎撞去, 真係心都寒埋. 點解無端端d 車係度撞黎撞去? 我最後呢一幕睇左起碼四次, 連半點頭緒都冇.

  精彩片段 2 :林嘉欣個句 “佢改變左我地, 改變左呢個世界”. 為一套完全唔撚知做乜既戲加上一個屌字.

  若你死都唔肯相信黃導演既拍攝與導演能力, 係如何如何地出眾. 我誠意推薦你睇以下兩套短片.

  第一套. 唔知做乜.

  第二套 : 有謝安琪, 但都係唔知做乜. 大概好似 阿嫂咁, 一大班人, 唔撚知佢地做乜. 頭三十秒請熄左你既 speaker. 裏面既聲音, 極度討厭. 比起短片所關心既污染, 更加討厭. 這是難得的 : 一個人拍一套片叫你解決某些討厭的事; 倒頭來這個人叫你更討厭.

  3. 見習黑玫瑰. 千屎 + 毛舜君 + 鄭伊健

  又係鄭伊健… 在吳清源及阿嫂出現之前, 此片曾站在第一位好一段時間. 作為笑片, 佢d 笑話一d 都唔好笑. 這是笑片最大既致命傷. 戲中還出現許多不解之迷 : 阿 sa 既外星人身份究竟有乜用?

  精彩片段 1 : 三人在家中的樓梯唱歌. 毛管都戙.

  
  —-

  講完一至三, 到其他七套. 雖然有冧把, 但其實排名不分先後

  4. 七擒七縱七色狼. 孟瑤. 其他, 還重要嗎?

  頭十五分鐘有三個熄機位. 第一個係佢地班人係度變身. 唔知做乜變身. 然後成套戲, 我都唔係好知佢地係度做乜. 最後我無睇到結局就熄左機.

  孟瑤正嗎? 屌佢. 港產三級/ 二級半邊片, 從來只能我感到那些導演仍然是青頭仔, 沒有看過, 更遑論真正扑過野.

  如果你犯賤, 想睇最精彩個段變身片. 可以睇下片既 5:40…

  5. 盪寇. 黃秋生 + 小田切讓 (電影東京鐵塔 男主角)

  無厘頭電影. 三不像 : 父子情沒有父子情, 黑幫片不像黑幫片, 旅遊片也不像. 不像在批判全球化, 官僚化. 就連普通劇情片也不像. 什么也不像. 可惜進場之前見不到驕陽電影 的品牌… 它的情意拳拳是無敵的. 這么久徐小明先生也只能拍出 墨攻. 當然, 驕陽電影被引用次數最多的, 是 鍾欣桐的 西照 犀照…

  盪寇係一套扮晒野既電影. 可憐的小田…

  精彩片段 1 : 小田殺人俾人拉左, 黃秋生去講數. 佢個句 : 我輸咧. (我那時候應該明白那是暴走前奏…..)

  精彩片段 2 : 小田與對頭決鬥, 無端端變左科幻片, 係舊好大既石頭上面打. 全片最暴走的一幕.

  6. 赤壁.

  我想了很久, 赤壁 vs 黃金甲. 最終還是選了赤壁. 不是因為黃金甲有個胸似西瓜既鞏利; 不是因為周杰倫那首菊花台. 原因, 也是唯一的原因是, 黃金甲只有一集, 而他媽同樣地垃圾的赤壁居然有兩集.

  製造垃圾也算了. 還要製造兩垃圾來欺騙觀眾兩次. 這是無恥到仆街.

  又要所謂忠於三國誌 (不是三國演義), 但又加入女角 – 這也是最不知所謂的地方. 為什么不把死了的呂布也加上去了?

  有關咆哮.

  第二集, 我當然沒有看. 被人昆了一次是失誤; 第二次就是戇鳩.

  精彩片段 1 : 華南虎. 那一段剪接, 連小學生的水平也沒有.

  精彩片段 2 : 林志玲小姐無端一句 : 但是他 (曹操) 沒有朋友

  7. 女人本色. 梁詠琪, 薜凱琪

  導演黃真真大暴走之作. 友人估計, 黃真真應該於梁詠琪的丈子在片中去世後 (林子祥演), 頂唔住梁鳳儀, 沒有再執導下去. 事實上, 林子祥死後, 該片正式暴走.

  見友人咆哮

  精彩片段 : 薜凱琪在時裝店試衫那一段. 應該是一個機會俾你熄機或者離場.

  
  8. 麻雀系列 (除嚦咕嚦咕新年財). 應采兒/ 李彩華必然女主角.

  打雀英雄傳, 雀聖 1/ 2/ 3, 嚦咕嚦咕對對碰. 一系列, 不論是打台灣牌廣東牌二人麻雀九人麻雀, 都係爛.

  (6月24日加) 當中的爛中之霸, 首推 黃宗澤 的大三元. 劇情平平無奇, 但又要拍到懶好笑…

  
  9. 龍虎門 : 甄子丹 (王小龍), 謝霆鋒 (王小虎), 余文樂 (石黑龍)

  除左角色名同招式名, 你可以當呢套所謂既龍虎門, 係另一樣野. 故事, 無端端要打火雲邪神; 金鐘罩變成用雙截棍出 (發發發發下, 發出個金鐘罩… 我的天呀!!!). 雙妖變龍套. 這是繼男兒當入樽後, 拍得最差既漫畫改篇作品.

  在塔下執黑珠的一幕, 完全無意思. 乜野個粒黑珠一早就係你手, 懶有野. 得啖笑.

  ok, 睇一睇, 原來係我上個世紀最敬重既監製, 黃百鳴先生.

  精彩片段 1 : 龍虎門漫畫原著人黃玉郎先生出場, 化名 “奇俠” (名也真夠白痴); 奇俠, 其實真名叫無敵金手指, 係短時間內幫主角升呢. 佢講一句 : 我教你 xxx (毒龍鑽, 金鐘罩), 主角五秒內就學識….

  精彩片段 2 : 一班小朋友係龍虎門前面, 用拖鞋玩雙截棍. 然後我在葉問看到又是一班人在門口打功夫… 原來, 葉問的監製, 也是我上世紀最敬重的黃百鳴先生.

  10. 拳神. 王力宏, 楊恭如, 梁詠琪, 馮德倫, 洪金寶

  扮日本人氣遊戲 Virtual Fighter. 可惜買不到版權, 否則會蝕得更慘烈.

  其實套戲唔差. 不過只係為左湊夠數, 同理應酬我一個好友 – 佢竟然話中華賭俠 (Mr. Cool san) 仲好睇過拳神. 有乜撚野可能呢?

  精彩片段 : 決鬥前夕, 王力宏同女友 (我己經唔記得係梁詠琪定楊恭如) 飛到上天打茄輪. 背景音樂係唯一. 唯一! 完全同劇情無關. 大佬, 人地個首歌講分手呀! 你地黎個深情一吻, 想點?

  • 1:43 am
  • 20 Comments