February 9, 2010

• <生活 . 鳩o翕 11 – 悠長假期>

  呢個系列, 即使係我取材期間, 竟然無脫期! 實在太強咧~ 好些系列 (唔好開名咧), 就連我創作力最猛既時候, 仍然影都冇…

  一月有個悠長假期, 每天也是訓覺, 訓覺 還有 訓覺. 在這個假期, 沒有去日本 (竟然!), 只是去了一些平時較少機會去的地方.

  (1) 澳門

  首先, 去了澳門練習開門五件事, 即嫖賭飲蕩吹. 媽的, 去澳門食葡撻? 去香港肯德基食到你仆街都仲得, 使俾幾舊水去澳門食?

  (1.1) 路環

  十大爛片 <游龍戲鳳> 既場景之一. 好靚. 套戲, 好爛.

  

  (1.2) 天公地道

  為什么要用上黃色字呢? 是和諧一點嗎?

  為左慳油, 個 “還” 字用左簡體. 但點解唔用 $ 代替 “錢” 字呢?

  

  (1.3) …

  

  (1.4) 唔提老母

  我知呢句野炒左幾次冷飯… 但每次見到含有 “菩提” 兩個字既野, 總不其然諗到唔提老母…

  

  (1.5) 由朝飲到晚

  除左留意景色, 可以望一望個樽.

  下午四點幾, 與友人一邊食煙, 一邊飲白酒.

  幾個鐘頭, 足足食左成包煙. 距離死亡, 又近左一大步.

  

  (1.6) 好腳法; 七巧狗

  左下那個人, 腳法秀麗. 右上那隻狗, 十足十小時候用七巧板砌出來的那些動物.

  

  (2) 圓玄學院

  太婆的骨灰龕在圓玄學院. 作為孝子的我, 好幾個月會去一次. 買兩個砵仔, 一個在 上京赴考時吃 小巴上吃, 一個留給太婆.

  只是對著靈位, 用紙巾清潔一下 (唔好心邪), 然後與太婆說幾句話.

  離開時, 聽到負責打掃的大嬸說, 新的骨灰龕, 一個位要 15 萬.

  15 萬? 香港真是個奇撚怪的地方. 那個靈位, 大概只有一呎 x 兩呎半吧… 什么七萬元呎的豪宅, 收皮吧… 許多活生生的人用九成半按揭也不能拿出 15 萬作首期, 一個給予先人的小小位置居然要 15 萬. 未能事人, 焉能事鬼?

  去了多次圓玄學院, 每次也是一條路入, 同一條路走, 從來沒有參觀. 見有空, 便在院內走了走.

  — 驚見 “八德亭”

  

  — 八德者 : 孝, 悌, 忠, 信, 禮, 義, 廉, 恥.

  

  — 當中 義 和 信 的詳述, 幾乎令我流涕.

  不守信, 政令不行.

  對唔治, 香港政府, 不義, 也無信… 其實八德, 佢一樣都冇. 之不過, 咁都要抽水?

  (按圖可放大).

    

  (3) 唐老鴨

  收集唐老鴨物品, 轉眼踏入第三個年頭.

  每隔一段日子, 就好似會禁左自動制咁, 有人會問我為什么這么低能 : (1) 低能地喜歡唐老鴨這幼稚園人物; (2) 低能地喜歡唐老鴨這人物之餘, 還會收集它的物品.

  慢慢也懶得去解釋. 反正解釋即是掩飾. 年中也有不少人說我廿幾三十歲人, 仲鍾意去迪士尼, 成屋玩具, 好些仲成日叫住阿媽阿媽, 成個裙腳仔咁. 再咁落去, 我只會繼續係一條溝唔到女既可憐虫.

  這些描述, 其實好有道理. 之不過有道理既野, 通常無乜人理. 反高鐵夠有道理拉, 政府有冇聽? 要真普選夠有道理拉, 阿爺有冇理? 唔好講咁遠 : 你阿媽成日話早睡早起, 勤力讀書, 戒酒戒煙, 慳d 洗, 全撚部都有道理, 邊個有聽晒?

  聽晒既話就唔會有窮人拉. 地球暖化, 中環塞車, 金融海嘯晨早解決左.

  反正是喜歡就好了. 自己喜歡, 哪用理人家批評?

  每年春秋二祭, 都會收到朋友一些唐老鴨的物品… 今年聖誕特別多 :

  

  
  (1) 左下, 右上 : 友人寄來兩張唐老鴨.

  首先, 左下那張填顏色的能力, 明顯在我之上. 友人然後說

  “我填得不好”

  然後右上那張, 精美得不得了. 另一友人寫下一句 :

  “畫得不好, 請見諒.”

  …呢d比喻真係一流. 真係大巴大巴打落我塊面度.

  (2) 右上角 : 水晶唐老鴨. 聖誕節禮物. btw, 友人說水晶, 其實是玻璃黎. 簡直是精天霹靂!!

  我一直以為水晶好似年過五十男人d 精咁, 要年中不斷咁係鑽呀探呀掘呀屌呀砌呀含呀吹呀先抽到少少出黎… 原來只係一舊難鬼玻璃…

  (3) 右下 : 唐老鴨利是封. 超貴. 個幾一個. 我知, 呢世都唔會用得到呀嘛. 屌那星! 我封黎俾樓下掃地阿嬸, 公司茶水阿姐都好. 吹咩?

   

  (4) 中下 : 唐老鴨釘書機. 友人還特意送我前陣子丟掉了的唐老鴨廁所板. 真的萬分感謝.

  漸地, 我發覺家中開始沒有位了. 圖正中那支筆, 我一支也沒有買過, 但家中已經有四支了. 好恐怖…

  (4) 屌 online
  
  我曾經講過想試玩跑 online. 前陣子友人屎忽痕, 要去初戀網吧.

  我終於玩到這個跑 online 了…

  果然是阿叔, 在登錄的畫面, 搞了三幾天才搞好. 入去玩, 完全不懂操控… 遊戲也特別照顧老年人, 開頭整左幾堂導修, 等你習慣左遊戲系統先開始.

  下圖為練習跳躍…

  

  幾年後才能與友人連線一起玩.

  玩了一會兒, 果然與我想像中一樣 : 就是不斷在跑跑跑… 圍住個圈在跑跑跑, 一味跑, 狂跑, 喪跑, 圍住跑幾圈. 有跳躍都好, 最後都係跑. 跑… 跑到你老母都唔認得.

  望一望下圖, 頭上那個龜頭… 男男女女都係一個龜頭, 真的無話可說. 我也肯定開發公司不是港資的… 否則哪有香港人會設計一個龜頭出來?

  玩完跑 online, 我覺得 屌online 既市場肯定仲大.

  

  (5) 廢場 iSquare
  
  以前既凱悅酒店, 而家成為 iSquare. 重慶大廈, 就係對面.

  前陣子去看阿凡達, 晨早流流 (貪平買早上 9 點飛), 無心機行. 後來係阿媽度食完飯, 見無野做就行左個圈.

  評語 : 廢場一個.

  商店少之餘mix 也不見得好; 設計九流, 樓底超矮, 行既時壓迫感超大. 某D 地方, 僅能容納三個人一齊過, 彷彿建築師就有先見之明, 知道呢個場唔會多人咁…

  唯一驚喜之處, 是那間浪漫店橫濱. 多年前在東京吃過一次. 有時你記住間餐廳, 笨唔係佢d 野特別好食; 只係視乎你同邊個去.

  ok, 唔好再講咸豐年既事. 一齊去睇下 愛的鐵證 廢的證明

  廢的證明 (一)

  由 G 去 LG, 你會見到指示牌叫你轉右落地鐵…

  

  之不過, 其實 LG 呢層全部既商店, 都係你左手邊. 右手邊得幅牆.

  我企左係個度十五分鐘 (我真係好得閒), 聽聽話話轉右 同 唔聽教轉左既人, 比例係 八 比 二.

  

  廢的證明 (二)

  開業兩個月, 網站依然去唔到. 這是什么意思? 現在連好些狗官也搞 facebook 面對公眾, 而這個廣場, 居然而網站都不行.

  (按圖放大)

  

   
  (6) 黑色幽默

  So I am serious : 每逢阿媽叫我飲個d 有益野, 清一色, 黑色.

  有證有據, 童叟無欺.

  下面呢杯, 佢話飲完唔喉嚨痛.

  係呀! 飲完過左幾十日, 喉嚨真係唔痛!!!

   

  (7) Peter So

  蘇先生是厲害的. 每逢新年, 會收到十幾次蘇民峰流年運程既電郵. 當然, 麥玲玲既都有.

  惟有蘇先生有英文版既運程書. 長頭髮既李天命都無. 至於東尼 . 陳… 鎖你! 佢話佢唔係風水師.

  Peter So.

  叫親 Peter, Mary, Susan, John 呢d 香港人, 通常有一個共通點

  佢地唔係接受香港式既教育.

  唔係你第一日上小學英文堂, 打開英文書, 一個二個人物狗屎咁醜樣, 叫 Peter (四眼仔?), John (洋人年青版秦先生), Sam (一面豆豆), Susan (孖辮妹), Mary (洋人版靜宜. 成班人得佢似人樣).

  如果你自已唔生性, 改左個英文名叫阿 Dick… 咁只好怪你唔好彩.

  

  • 11:15 am
  • 21 Comments