August 12, 2010

• <生活 . 鳩o翕 – 脫期脫到七彩版>

  呢個系列好似而家d 潮流服裝咁, 越來越多特別版.

  其實我係唔想俾大家知道, 我脫撚左期.

  脫到, 我自己都唔記得脫左期… 我覺得自己越黎越無恥.

  1. 阿波羅 follow-up

  上次出文寫阿波羅d 乳酪, 之前真係有食返一次.

  真係無以前咁好食. 其實係難食.

  

  2. 無撚謂謂的平機會, 私隱專員… and many others…

  公司要請女人, 請後生女; 但又唔准佢寫到請男定請女.

  於是咪多舊魚.

  咁究竟佢請個職位叫 “女工”, 定係點?

  

  跟住先排八達通賣左我 d 資料. 每隻 $20. 我真係好反感.

  第一, $20 隻, 太平. 我主張乜春都可以賣, 但錢歸我. 如果佢咁o岩賣d 野o岩我, 可樂 何樂 而不為? (下面有講可樂. 嘻嘻)

  第二, 佢賣到d 錢, 就算唔分晒, 都應該分d 俾我.

  第三, 佢俾人發現左, 個d 錢 – 屬於我既錢 – 應該經過八達通日日賞, 俾返我. 因為我真係好想有日儲到 250 分.

  佢班撚樣居然無問過我, 將d 錢捐俾慈善機構!! 我屌你老母, 真係嬲都爆.

  你話我無愛心都咁話. 可唔可以俾我揀, 一係捐 $40 俾公益金, 一係有 $20 係日日賞戶口? 唔係我有冇愛心既問題, 而家係你迫我有愛心, 迫我做善事, 甚至乎係損害我利益黎做善事.
  
  家陣我無做錯野喎!

  以為將d 錢捐俾公益金, 可以減輕內疚? 即係點呀, 你搶左我 $20, 然後捐俾乞兒, 我會開心返, 然後你會內疚少d? 你損害左我利益喎, 你自插一刀, 我會好過左? 這是哪派的道理?

  咁你不如唱阿奕迅首 於心有愧, 然後大家當扯平拉?

  你都戇撚鳩.

  咁講返轉頭, 又係邊條友發明 “我犯罪, 捐錢俾慈善團體當賠罪” 呢回事? 人類歷史我唔清楚; 香港歷史, 我知多d :

  咪係條叫梁錦松既粉腸.

  第四, 更加令我嬲既, 係私隱專員乜柒都做唔到. 過去幾年, 除左內鬥上報紙, 呢個私隱公署根本無貢獻 (除非你當搞辦公室政治然後上報都係貢獻). 好咧, 呢鑊似可以幹一番事業 – 上年佢用左納稅人 $45,000,000 – 條專員除左出黎話佢唔o岩, 居然話未必告到佢. 我 . 屌 . 你 . 老 . 母!

  不如你改名做私穩尊員拉. 個位又夠穩, 又夠專貴. 豬西!

  
  3. 先知

  2010 年只係過左八個月, 已經有人知道可以連續14 年 – 包括 2010 年 – 既日本銷量 no.1.

  不如估恒指呀笨?

  突然諗起中學個陣唯一一本真係讚好睇既書, 張系國既棋王. 裏面有個能預知未來的橫王… 然後到左賭神, 周潤發話你知, 其實要贏, 只係需要一幅隱形眼鏡.

  

  4. 加…$25

  細個個陣, 好鍾意飲可樂. 大個左, 都仲好鍾意飲… 屌你老母, 廢話幾句, 又o厄撚左十鳩幾個字.

  29 歲以前, 出街食飯, 阿媽總以各種冠冕堂皇既借口, 唔俾叫可樂 (或其他飲品) :

  - 貴. 係酒樓識人唔使錢任飲, 都係貴. 但人地唔俾佢任飲, 佢又唔去間酒樓.

  - 屋企有可樂. 實情係, 阿媽咁多年黎無試過買可樂放係屋企. 半次都冇. 就算個陣肥佬黎既蘋果速銷, $20 八鑵可樂 (根據百佳, 而家八鑵可樂 – 當然細鑵左 – 只係 $22.9), 每次返屋企, 阿媽都會拎住份蘋果日報, 大叫

  “嘩, 八鑵可樂 $20 喎. $2.5 一鑵, 好抵呀!!!”

  但係佢根本無買過, 一 . 次 . 都 . 冇. 唔好話 $20, $2 八鑵都冇撚用. 反而, 我試過食飯想叫可樂, 佢竟然可以大大聲咁講 : “蘋果速銷, $20 八鑵, 呢度 $15 鑵, 飲死你呀.”

  理直氣壯, 沒有半點猶豫. 呢d 咪叫阿媽! 有蛋散仲想同阿媽爭取民主… 到我三十歲咧, 阿媽見到我食老麥都仲會話我好飲可樂…

  - 可樂唔正氣. 根據佢講法, 世上得佢煲既湯, 同埋佢煲既湯 先係正氣. 有時佢會話, 水都唔正氣…

  - 一路食飯, 一路飲汽水對腸胃唔好. 但佢又話食飯前飲湯對腸胃都唔好. 所以我屋企係食完飯先飲湯. 後生個陣去人地屋企食飯, 人地未開飯叫我飲湯, 硬係覺得怪怪咁.

  - 食飯就食飯拉, 飲乜野汽水? 真 . 正 . 無 . 懈 . 可 . 擊. 下年如果仲有什么 “中學生應否 扑野 談戀愛” 呢d 作文或者辯論題目, 一句 “返學就返學拉, 拍乜撚野拖?” 對方一定無得反擊. 作文, 100分.

  好咧. 一路俾人抑壓住幾十年, 結果食飯個陣飲可樂, 就等同有女友老婆去偷去滾一樣, 會俾到我有犯罪既快感.

  講左咁耐, 其實我係想講另一樣野. 近排終於無發生乜野 加錢送 事件… 但去仲可以食煙又係室內既達記, 居然…

  

  飲杯凍野, 真係好貴.

  好撚貴.

  阿媽, 對唔治.

  我知錯鳥.

  ————

  而講起阿媽, 就不可能不提佢近排又有驚天動地既舉動.

  話說, 我枕頭已經有兩個枕頭袋 + 一條枕頭巾 呢個combo. 好些新認識既朋友, 首次去到我屋企, 都嚷著要一看這偉大傑作…

  好了. 係淫威之下, 無得唔用.

  人, 總係得一想二; 得二想三, 想三得四.

  跟住佢成日叫我換床單. 要知道我已經好憎換枕頭袋. 每星期同佢食飯, 佢都會問 : 你做乜唔換床單?

  你做乜唔換床單?
  你做乜唔換床單?
  你做乜唔換床單?
  你做乜唔換床單?

  好似我係為左換床單而存在於世…

  無論如何, 後尾唔知佢點發現到, 其實我好懶 – 識左成三十年先發現到我懶… 於是人類史上最聰明的我老母改左戰術, 試途用另一個策略. 有一晚, 我同佢食完飯臨走, 佢 . 又 . 叫 . 我 . 換 . 床 . 單.

  我咕嚕一輪, 佢好似早有準備咁答我 :

  媽 : o拿, 不如你一次過舖兩個床單, 咁要換咪套出面個個咪得.

  噢賣葛!! 這是多么聰明的辦法! 一時間我都唔識回應佢.

  不過, 係阿媽既世界, 唔回應就等同接受. 我呆左半秒, 即刻答佢..

  屌, 一次過套三十個上去, 咪呢世都唔使換lor….

  5. 公主@sogo

  側面公主…
  
  

  正面…

   

  …蕃薯

  真係心血少d 都俾佢嚇撚死.

  不過咁, 如果佢轉踢波或者打籃球, 個閱讀 理解 球賽 能力一定好強. 大佬, 成個場咁闊佢都望到晒…

  等d 女仲咁鍾意三七面望人, 貪人地望唔到你塊面圓咕碌呀咧. 望望下就變成咁嫁咧…

  6. 立法會

  那已經是六月的事.

  天下同聲一哭.

  葉國謙是區議會的立法會代表, 民主成分夠高咧掛?

  民主黨大部分立法會議員係一人一票選出黎, 夠代表性咧掛?

  對不起, 我無法接受區議會方案是民主向前走一步; 也不可能原諒民主黨. 你的階段性成果, 就是出賣香港人.

  

  7. 唐老鴨

  真係好多唐老鴨. 誠如我以前說過, 我幾乎能說出每一件唐老鴨的來源同價錢/ 邊位仁兄送.

  漸地. 家中已沒有地方放置他們了…

  

  

  • 4:37 am
  • 17 Comments