December 18, 2012
-
<好耐無炒過冷飯>
Oh yeah~ Ladies and 啫徒民! 歡迎來到炒冷飯環節. 原來年半無炒過集體冷飯 – 事實係連文都冇乜點寫 - 所以聖誕節呢個普天同慶既日子就黎, 預先同大家開個苞~
炒冷飯在冷飯之上. 首先我要炒返之前個堆炒冷飯先. 呢個系列原來已經有五年歷史.這兩三年幾乎是最多文章的時期 – 順帶一提, 個幾年大部份時間係獨身. 嗱我無話兩樣野有關係呀.2009年7月 : 這裏有個 <紅事四步曲>, 連我自己都唔記得..2009年12月 (隔兩三個月就炒一次…)2011年3月 : 對上一次炒, 是個終極一炒了.——
文章越寫越少, 其中一個原因是字數越寫越多. <男人的天國>, 一千一百字; <高鐵的經濟效益>, 二千七百字; <婚姻這種邪教 結局篇>, 一萬字… 幾何級數咁上. 又看看, 情人節第一篇 (2006年), 千七字; 最後一篇 (2012年), 三千六百字. 痴撚左線.
一千幾百字已經無法滿足到我; 更重要係人老左, 越黎越長氣, 又多左講無撚謂謂既野. 所以, 我開始左另一個計劃, 盡量將字數壓在 1500 字以下, 書面語, 要到題, 要有點, 要有笑料; 不要無病呻吟, 不要長篇大論, 不要粗口 (這個才有難度).
計劃已經開始幾個月, 有我面書的朋友大概會知道是什么. 要改寫作風格, 需要時間, 但我有信心可以做到. 若有天不能再花太多時間取材與寫作, 這技能將有莫大裨益. 要知道下下幾萬字, 好難維持到寫作的習慣.
小學中學時一直沒有人說為什么每周要硬著頭皮, 就著一個自己唔鍾意既題目鳩寫字 – 可憐的是字數要求隨年月俱增. 小學時三五十字, 初中一二百, 高中五七百. 每周定時定候, 兩堂中文課大部份時間對著原稿字誓願, 然後想盡辦法在十分鐘內找來標點符號呀, 四字詞對聯呀,夾硬寫左D字刪左佢呀- 明明你有桃果液, 等等奇招黎填滿一張20×20既原稿紙.以我來說, 對話就是中學時作文常用的內容, 因為淨係 冒號 :, 開關引號, 已經三個標點, 好使好用. 當然省略號也是我的好朋友… … 你好難搵到野可以填滿左個格, 好似好有意境… … 但其實一D內容都冇… …然後, 開始寫xanga 後, 因為發覺自己中文太撚差 (會考第一次考E; 唔順氣, 中文去再考, 無讀過範文, 然後C. 跟住我知道改卷班人係睇語文唔係睇內容), 跟住去圖書館搵左幾本講寫作既基礎書籍看. 也不知道是那本, 裏面第一章就講到 :寫作是個習慣.哦, 隔左咁多年, 連碩士都畢埋業, 終於知道點解小學中學要每寫作文. 跟住那幾年無論單身有女友有好多女友風吹雨打, 大致上都維持到寫作的熱誠. 由於工作與文字的關係不大, 我怕一旦放下了空明時寫作的樂趣, 日子一久, 一生疏, 就難以重拾. 就像打籃球. 就像bt 咸片 (我有三四年沒有bt 咸片. 一來怕搞壞電腦, 二來有thisav 等, 三來我好怕要追住某個女優咁下載). 就像很多事情.都唔知點解無端端會交待寫作歷程. 真係好怕自己好長氣.
便他媽的炒你老母的冷飯吧!大長篇
1. Whatsapp 奇遇記 (花絮要有我facebook 才看到)
花上大量時間編輯 whatsapp 訊息. 原來編輯好考功夫, 同埋好撚煩.2. 由零開始, 至零結束 (共20篇)
特登趕客的.3. 最後一篇 <情人節>.
這個主題, 不會再寫了 – 真的寫到盡了. 也許會炒一個冷飯, 也許他朝有動力再寫 (例如我失戀), 它便會回來. 系列的 tag有開頭無結尾系列
4. 愛情 . 幸福 . 婚姻 三步曲
婚姻這種邪教 外篇一想過將這故事編輯好, 讓自己有個紀念 – 話晒係第一次完成一個系列. 可是這亂成一團的事, 不想勾起回憶. 有時候, 我根本搞不清楚自己是否寧願繼續無知下去.
又要發表感想 (i.e. 你可以唔睇). 我寫自己的事, 九分真, 一分假; 人家的故事, 七分真, 三分假. 笑料大多是真, 道理是我所想所相信, 假的通常是將幾個朋友的事混為一談. 寫朋友有個宗旨, 認識又知道這個西的, 從不指名道姓, 從不中傷他人, 好怕罵戰; 不知道這個西的, 可以多談一點, 但人家沒有發言權, 沒有反擊權, 除非100%確定, 寫得搞笑點, 重點是講意義說道理 – 他朝人家看了也不覺難受.
雖然如此, 好多知道有這個西的朋友, 已經不再與我說話了. 哈哈哈哈哈.
所以, 我不太喜歡結交網上的朋友, 我好怕聽了人家的故事, 自己不自覺寫了出來, 然後人家對號入座 (我刻意的另計). 所以你知道我是誰的話, 千萬不要讓我知道你知道. 你覺得被冒犯了, 請告訴我. 人生可以沒有這個西, 但不能因為這個西的一文一字, 沒有了朋友.
做乜又交待咁多野? 其實無人想知囉.
5. 性事特集6. 辦公室七不思議事件
我知…仲有五件未寫嘛…世界末日咧… 等陣先…
7. 公民力量系列
8. 玩味 . 認真 系列
女子組合的起與落. 這篇講少女時代 + 人類史上受歡迎的女子組合. 咁多篇文中自己最喜愛這篇.至於第二集… 其實是存在的…寫左90%. 世界唔末日就有機會完成; 如果唔係我就拎住篇半製成品去見上帝, 求佢係賜我落地獄之前可以扑一鑊遙希… 或者現場睇佢扮鯨魚噴水…另外, 你話我煩同煩我都要講, 新的文章會先放 原人圈的 blog, 過兩三天才放到 xanga. 另外, 我會重新整一下之前寫落的文章, 係 原人圈 blog 來個大雜燴
原人圈 面書 群組 : https://www.facebook.com/TheHongKongOriginals
原人圈 blog : http://www.hkoriginals.hk/
本賤人既facebook : https://www.facebook.com/relgitsjg.gjstigler