June 1, 2006
-
<教育大鑊飯>
陳坤耀說得不可能再對 :
副學士的確有如全民鍊鋼, 是教育界的八萬五.
中共建國五十七年, 文革結束三十年. 在一境之隔, 香港又開始了毛立席所講, 多快好省建設有中國特色的社會主義.
故事退到二千年. 當董廢帝還是行政長官的時候, 提出 十年內有超過 60% 的高校畢業生進入高等教育的目標.
根據教統局的資料顯示, 以香港人既效率, 只需五年, 香港係 2005/06 年度已經達標, 比預期早了五年.
可惜董建華沒有機會拿此來認叻, 董太亦唔可以叫香港人多d 欣賞董建華.
更重要的, 這 60% 目標根本不值得炫耀. 事實上, 現今有 60% 的高等教育學位是所謂的副學士. 六六三十六, 一個社會有差不多 40% 的年青人浪費了人生最好的兩年在無無謂謂的副學士課程上, 有什么值得好炫耀?
副學士, 掀穿了, 不過和羅湖城的 LV 手袋一樣, 都是給那些拿綜援但又貪戀穿名牌的人類, 一嘗她們那種阿 Q 精神的虛榮心 : 雖然沒有真的, 但假的也不錯. 而且看上去也不錯呢!
為何這樣說? 副學士的課程內容, 實在慘不忍睹. 我遇過不少副學士學生, 也看過他們的碌屎與課本, 我禁不住要破口大罵 : 佛利民不是佛利民, 李偉成不是李偉成, 兩面不是人. 以經濟學為例 (別的我不懂), 好像是大學的課程, 有教等優曲線及生產理論, 但看真一點, 他媽的根本和會考程度沒有兩樣 – 不解釋, 不要求學生理解, 不講有什么用. 看副學士似是高考與會考之間的一座橋, 但殊不知副學士畢業生理應是一個比高考學歷更高的人材.
八間大專院校唔收你讀學士? 肯俾少少錢, 就有一班所謂大學講師, 教你野; 有一班同你差唔多既同學, 每日煲煙唱k 抄功課; 有得用同大學生一樣既校舍, 課室, 投影機, 廁所. 望上去, 副學士既感覺與讀真正的大學沒有兩樣.
但副學士就是副學士, 與在 Esprit Outlet 買的就是 outlet 貨的道理一樣. 上帝不會公平到咁, 讓不夠分的你與大學生一樣有同樣待遇 – 過程可能沒有分別, 但結局一定不同 -
一年只有千幾二千個升上大學的機會, 副學士根本不是另類讀大學的途徑. 去外國? 邊個咁聰明有錢係香港俾完十萬八萬讀副學士先去外國?
Diploma / certificate 個名話你知你未夠班, 要再進修 – 我好些朋友也是讀 diploma 出身, 或是讀珠海電腦 (當年較少地方有得專修電腦) ; 半工讀, 現在收入不錯 (有個仲係廿六歲退左休添). 但副學士, 就是那個 “副” 字害死不少人 : 你像是學士, 但又不是; 是 diploma, 但我明明俾多好多錢. 讀個 IVE, 真的有一技之長, 可以專門做廚師, 起樓, 做水電, 修理汽車. 可是讀個副學士, 好像什么也懂, 好像什么也不懂.
死因裁判處裁定, 副學士的死因係 : 高不成, 低不就.
好些副學士的課程, 連有關學位程度的畢業生搵工都有困難 – 社工, 社會學, 經濟 (屌, 唔想講但真係事實). 畢業左升學無門, 要搵工, 但 這些 50% 學士 怎樣同大學畢業生競爭? 政府成日話 associate professionals 大有前途, 可以作為副學士畢業生既出路. 咁你知唔知 associate professionals 包括d 乜?
根據統計處既資料顯示 :
Associate professionals including
- science technicians
- nurses and midwives
- dental assistants and other health associate professionals
- architectural, surveying and engineering technicians
- optical and electronic equipment controllers
- ship pilots and air traffic controllers
- principals and teachers of primary school and kindergarten/nursery
- statistical assistant
- computer operators
- law clearks
- accounting supervisors
- public relation officers
- sales representative
- designers
- estate manager
- social work assistants
- inspectors and officers of the police
- performers and sportsmen.望著這個列表, 我真不禁搖頭痛惜. 抓了半天頭, 我也說不出除左賣寬頻 (即係 sales representative), 有邊行新入職既唔係以大學畢業生為主流. 連方力申, 作為 sportsman (儘管佢而家係做 mix-girl, 即溝女, 多d), 都要去 hku 讀工商管理. 我實在想不到什么位置可以給副學士學生做 – 民航處既 air traffice controller 要大學畢業; 統計助理要大學畢業 (除左政府, 好少地方有 統計助理. bloomberg? 個個哈佛 MBA); 許多 estate manager 同 PR Officer 都係大學生. 連大學畢業既社工都失業, 仲要 social work assistant 黎做乜? Accounting supervisor, 邊間 big4 有副學士新入職做 S1, A1? 教幼兒/幼稚員, 設計, 藝術創作根本唔使讀副學士, 去 IVE 就可以了.
最遺憾的是, 賣寬頻是不需要讀副學士的. 你有一顆上進心, 面皮夠厚, 夠勤力, 中五會考考十科 (唔好問點解) 得九F 一U 去賣寬頻是肯定不會餓死. 讀了兩年城大市場學副學士的你, 以為自己掌握市場推廣技巧, 可以在 headquarter 指點兵馬, 做大旗手; 可惜失業已經半載的你, 仍然不肯紓尊降貴, 放下你副學士這杯慢性鶴頂紅, 到銅鑼灣廣場去叫人參加舒適堡健美中心.
副學士的學士沒有問題 – 正如不能怪當年全民鍊鋼的中國人 – 是制度害苦了他們. 政府搞這 60% 的大白象來, 明為訓練人材, 實為延續自秦始皇以來幾千年的政績工程, 最後還不是苦了人民?
浪費莘莘學子的青春, 年青人與其父母被俾政府呢個大鑊飯o厄左, 都算咧. 大家成年人, 有強姦, 無焗賭. 最過份係政府為左吸引人讀副學士, 竟然將副學士既資助安排提升至與讀學位者同級. 天呀, 你搞大鑊飯都算, 仲將佢變成人民公社? 政府此舉有如派錢食白粉. 食白粉既人越多, 要求派錢既呼聲會越黎越高 – 今日派五百, 聽日要求派一千 – 已經有人要求為副學士提供土地興建學生宿舍, 增加升讀納稅人資助既學位等等.
香港是否真的要淪落到做茶餐廳要港大畢業等春田花花幼稚園式荒謬的地步?
如果你想知呢單人民公社有幾百家爭鳴, 百花齊放. 各單位大鑼大鼓支持副學士, 可參閱以下文章 :
http://www.emb.gov.hk/FileManager/EN/Content_93/review_report.pdf
Comments (17)
強烈建議投稿去報社，張貼埋響八大既民主牆上!!!!!!
對於副學生o既八萬五設立一直都咬牙切齒。但怎也不能像史兄寫得痛快淋漓！
嘩，本周鴻文！一氣呵成，行文有勁，最重要是有柏楊「沉痛出擊」的激烈！
Associate professionals including
1 – nurses
2 – dental assistants and other health associate professionals
3 – principals and teachers of primary school
4 – law clearks
5 – estate manager
6 – inspectors and officers of the police
7 – performers
1&2，肯勤力讀那dip和肯捱，應該還有市場。
3，sorry，小學學位化，如果教英文還要基準。
4，一定一定要英文好，讀唔到大學但係英文好？
5，小弟做過。學位化左好耐了。
6，有inspector唔係大學畢業咩？仲要係幾乎最醒(唔一定成績最好)果班。
7，我估佢係指做表演藝術那班人。我鍾意睇話劇，我想講，佢地唔係associate professionals，做得好的係比professionals更強的人。當然，都有好多人當工餘興趣玩下，唔駛理人地明唔明，好似我地寫xanga咁。
痛快。
所謂副學士真係好無聊，記得以前我中學時代，中七之後只有大學學士學位或高級文憑兩個選擇。大家都知道有什麼分別，出路、認受性…。現在副學士就搞到笠笠亂，高不成、低不就，明”滾”家長、學生的錢，仲自欺欺人話係高等教育。
Performer… 睇下邊類…
真係要搵到錢既，有發展既，APA出黎一定吃香好多倍。APA既practical 野認售性好高，音樂表演，話劇以至燈光都十分出色。
如果話係教下琴，教下學校既，咁駛鬼讀個副學士，根本學琴學到咁上下就有路比你教…
係香港咁細既地方, 得果幾個position但超多人qualified既job market.
梗係死~!!!
相反係美國, dee人唔係咁有大志, 多數人都係半功讀果隻, 一個BA可以讀五六年,
dee Job Market既demand都係AA degree就夠駛… Associate Degree(副學士)真係好流行~!
我識人, 讀兩年既AA degree nursing~!!! 賺錢拍得住一個讀六年以上既藥劑師
學費, 2000-3000 USD就有交易, 讀藥劑, 50000+ USD, 唉
仲有 dee Community College呢~ 通常同dee Private Company打龍通, 好多時真係會幫你搵埋工, 一出身就即刻有野做.
唔likey既, 可以轉介去uni, 讀多兩年, 讀埋個BA佢, credits transferable~! 抵到爛.
佢地dee收生cheap到嘔, 就算你入學試考得差到爆, 只要你肯補堂, 而果幾堂又合格的話… 佢地就俾你讀相等於大學既課程,
跟住就如你所講, “有一班所謂大學講師, 教你野; 有一班同你差唔多既同學, 每日煲煙唱k 抄功課”
生活憂哉柔栽之極.
up多?tim~!
問題係香港一向係學歷過剩。
有D需要人材既行業冇人做，有D行業大把人做但係唔可能開咁多位。
於是變成惡性競爭。只係班高官淨係睇數字，就話唔夠人材，於是開多D學位等於有人材……
以香港人為求快靚正既心態，真係去 IVE 讀張 high dip，專學一樣野仲比較容易搵野做。
(容易 IVE 夾硬譯做「專業」教育學院令我很不爽，那分明是「職業」教育……)
副學士唔係唔值得搞，但係肯定唔係依家呢種大躍進式。
想問上家fongyun: 為何有些「職業」不是「專業」? 怎樣才算是「專業」?
史兄，你早點出文，我出卷唔駛咁慘。
同時，我可以改動多少然後ＰＲＩＮＴ你呢篇好野出來比我班小妹妹睇嗎？？（驚佢地唔覺意睇埋其他．．．始終我都係好多魚的教書佬）
靜候佳音
tommyjonk : 改拉. 唔使 quote 出處, 淨係話係別處轉載過黎就得. 畢竟我呢度成日寫粗口, 你直接 quote source 可能好麻煩.
1. 單純講詞語，Vocational 都應該譯做職業，專業係 Professional，呢點相信冇人異議。
2. 我唔係話睇唔起某些職業，每一種職業都可以做得很「專業」。
但這是不是社會一般認同的「專業」﹖
正如 Professional 可以用黎形容任何人既工作態度，但係唔係份份工作都係 Professional。
我諗冇必要詳細討論「專業」既界定，但係唔係所有工作都被視為「專業」是一個普遍現實。
3. 當年 IVE 剛剛改名的時候，我的師妹去讀。
見到母校老師時，問她讀甚麼，她就答 IVE。
之後老師問 IVE 是甚麼，她答「專業教育學院」。
然後老師說﹕「原來妳讀教育」……(佢當左係 IEd)
「專業教育學院」呢個名太容易令人誤會了。
(如果叫「職業教育」就一定唔會有人誤會)
我同意也不同意 “學歷過剩”. 與其說 過剩, 我會說是錯配 – 香港大學生及真正有研究質素的研究生唔夠, 但又太多好似副學士咁無陵兩可 (好似唔係咁呢個 陵) 既學歷. 北望神州, 有咁既學歷既人, 每年一兩百萬, 但人地人工只係 $2000, 副學士點同人爭?
係力為身處既外國, 市場大, 可以容納不同學歷的人. 香港? 8000 請個 associate professionals, 做乜唔係大陸請四個?
一定要專 – 好似 hyster 兄講 apa (演藝學院) 出黎既, 專業知識唔錯, 唔會餓死. 副學士?
至於 “IVE” 個英文同中文名, 係職業定專業, 自從咱市實行母語教學後, 叫什么也無乜所謂 lu. 白痴的, “學院” 不是已經包含了 “教育” 嗎? 還加個 “教育” 係前面幹么?
一流!
又或者更可惜的是, 香港從來只有 「職業導向課程」 (institutionalized), 根本從來沒有真正的教育?
fongyun:
恕我愚昧, 從字義上我聯想不到哪些屬vocational, 哪些屬professional。hystericireul提及APA出身, 很「專」的performers, 屬哪一類?
「但係唔係份份工作都係 Professional」– 依你所言, 即「專業」是一份「職業」, 而「職業」要再加上一些什麼(例如是「專業資格」), 才成為一個「專業」?
個人認為, 醫護人員, 會計師, 律師之類, 都是(社會一般認同的) 「專業」, 因為在我得到相當資格前, 我不能貿然轉行去當醫生。從你第3點看來, 你認為從事教育工作是「專業」的, 但這是「社會一般認同的專業」嗎? 我不是說老師不專業, 只不過當老師, 不一定需要「專業資格」, 即是理論上, 我也可以貿然轉行去當老師。有位朋友, 本來去一間中學應徵librarian, 最後當了教師, 那麼對教學最為重要的, 大概不是教育文憑。當大學教授也不需要教育文憑吧, 那多唸幾年與教育無關的書, 有多幾個學位, 會否令大學教授較為「專業」? 又例如, 在英國這邊, 社會上很多人認為當藝術家是「專業」, 但當藝術家其實不需要什麼「資格」, 那是否暗示,「專業」不一定是「職業」要再加上一些「專業資格」, 甚至不是「職業」(given很多藝術家都不能以藝術為生)? 那「專業」需要具備什麼? 再說, 唸醫科的也不是跟IVE一樣, 很「專」地學一些應付將來工作的知識/ 技巧? 那醫學院也是職業先修的學院吧。
社會一般認同的「普遍現象」都沒有必要詳細討論嘛…我認為不是個求學應有的態度, 至於是否教學的應有態度, 我不敢亂說。
我同意詞語的定義一般都有模糊。
但 IVE 的英文名是「職業教育」而不是「專業教育」是肯定的，否則它會叫 IPE……
我諗冇必要詳細討論「專業」既界定，但係唔係所有工作都被視為「專業」是一個普遍現實。
這並不是說因為「普遍」就不需要詳情討論，我亦不是反對任何人去詳細討論。那只是我本身沒打算，因為我說那句話的目的，並不是要求詳情界定哪些職業是專業哪些不是，只是說明社會上並不是所有職業都當成專業。
另，對於教育是不是專業，我認為「應該」是的，但現實上專業化得不夠，而很明顯社會也不把教育視為等同醫學、法律的專業。
不過，我舉那個例子，並不是說教育是專業，而是說「專業教育學院」這個名稱，令我的老師誤會那是一所教育學院，而想不到那是搞職業教育的。