August 22, 2006
-
<The little belated Photos in Japan>
嗚… 終於救回人質, 從女友手中取得日本之行既相. 以下係比較有趣既 :
1. 志雄哥 : 留意相中央位置男仕, 同香港既志雄哥好似孖生咁. 志雄哥即係個位唔使張叔平做美指, 都自動似黑社會既香港演員.
地球, 是平的. 除左引証我前排話其實人都係幾百個模吸出黎, 我仲幾乎肯定日本人既祖先係徐福. 嚴重抗議小泉參拜靖國神社….
2. 我最討厭的動物 : 出現於相片右上角. 禽流感都殺佢 (地) 唔死, 畜牲既生命力真強. 哀哉.
3. 稻中既熊貓車 : 呢隻熊貓個腎唔好, 所眼袋同手腳有少少黃咁咁. 呢種車周圍都見到, 仲有長頸鹿, 河馬, 俾 100 yen 可以周圍去. 我唱左 40000 yen, 想坐住佢去機場既時候 (個陣係箱根), 圖中既兩兄妹一支箭咁衝左上車.
我返香港個晚即刻 BT 左十套松島, 愛田由同蒼井空報仇.
4. 箱根小王子博物館 : 小王子既作者係好勁抽, 但係 1350 yen 既入場券, 實在搵笨. 半個鐘就行完, 指示內容大部份日文.
5. 遊客勝地 : 京都金閣寺, 無乜特別. 順帶一提, 無乜學過攝影既女友, 拍出黎既相永遠比我既好睇. 好多野講天份.
6. 旅遊勝地 二 : 東京鐵塔. 攝於六本木山. 附送豬排飯, 超正.
7. 箱根水族館 : 女友日本目的之一 (首要及最重要既係喪拼). 1000 yen 入場費, 幾好. 好大塊既落地玻璃, 睇魚睇得好清楚.
順帶一提, 返黎先知 品川 (新宿對落) 原來有一個仲正, 仲大既水族遊樂場. 我俾人用嚴刑烤打左十日, 被狂吠點解個陣唔知道. 我死得好慘.
Comments (3)
哎也… 熊貓車呀!! 好想坐呀!! 正啊~~~!!!
史兄既報仇方式都幾特別。關於你最討厭既動物,就好似甲由一樣,恐龍死你死我死佢都未死。
點解只係得你去 plan 行程, 唔知咪唔知 lor, 點知果度有幾多個水族館 wor~
你去死啦!