<生日快樂>

話咁快, 香港原人圈又一歲.

話咁快, 我沉淪辛格毒海又一年.

多得香港原人圈, 我有機會認識到五湖四海既弟兄. 有位仲係冥王星黎嫁添.

當然, 要多謝教主 蔡瀾.謝霆鋒. 值得一提的是, 我嘗試過係 google earth 打 kykykyky 既名, 佢竟然移左去北韓……..

客氣話不必多說, 太肉麻的說話, 我只會係溝未得到手既女既時候講.

***********************************************************

今日, 等我講一講一個現象 –

近日, 好多原人圈辛格出現模擬短篇小說, 以極短篇幅講道理. 翻查史記, 此等模擬小說, 最早應該係由 小李 所帶起. 中間 hyster 寫過一篇極正的 李錦見工記, 然後再有 老味 既 變種特攻. 跟住當然有 靚媽 既三后一王戰記, 教主 既 插曲小姐, daphen 的 新插曲小姐, 瘟神 的 第三代插曲小姐. 等等等等…

此外, 還有以 jeanne56g 寫得最好的欣宜 (佢個篇有關畢加索的文, 真係痴線. 這是我暫時看過最好的辛格文章), 力為 的淫慾小說 (近排一點也不淫), 馬素. 熊 的留言系列 (個人認為這系列是可以建立起個人風格的).

***********************************************************

好, 廢話講完. 由史弟解構來年計劃.

個人認為原人圈來年的首要任務, 就係要向特區政府要求將每年既 11 月 1 日定為 “原人日”, 全部原人放假一天. 既然中國人開始當奴隸的那一天都可以叫國慶, 我諗無乜理由唔可以歌頌一個 給數十名香港人解放的辛格圈.

原人圈的次要任務, 就係著手籌備原人圈上市. 呢一點, 我已經講到口臭, 不再詳述了.

第三個任務 (我肯定好多人會認為係首要任務), 就係搵多d 靚仔靚女, 但又要識字既人入黎. 單身與否, 不是重點. 重點係, 女. 而我既秘密任務, 就係去溝原人女. 啍, 乜你地以為真係會有男人會為左興趣而加入任何社團或組織或與其他人有接觸的媒體嗎? 難道不想女友知道辛格, 是單純為了保留秘密的花園嗎? 別傻兮兮了. 放係第三個, 由於要先完成第一個任務 – 到時要吸引返工等放工既港女及狗公, 應該唔難.

第四個任務 . 呢個騎呢d. 就係邀請 dum 哥 入圈. 我已經申請左一個 brother_dum 既帳戶 (密碼將送交靚媽… 其實係我唔記得左). 大家可以去留言, 送d 野俾 dum dum. 等佢大個左可知道有一班咁無聊既哥哥姐姐寫低過d 廢話俾佢.

我 . 是 . 認 . 真 . 的 .

***********************************************************

一齊向北緯 36.5 度高呼三次教主萬歲 -

教主萬歲~~~

教主萬歲~~~

教主萬歲~~~

 

<遇上 . 主播 . 雜記>

唔知幾時開始, 主播成為左明星. 唔知係黃德如定係魏綺珊既關係, 大家已經常左睇新聞等同睇電視劇, 主播一定要靚女靚仔.

即係話, 如果你個樣似林雪但又想報新聞, 係香港要係電台先有機會.

1. 電視播放著 now 324 台, 亞視 24 小時新聞台. 女友坐在沙發, 咬著百力滋, 一面咕嚕咕嚕著新聞來來去去也是天下圍攻. 她問我, 施明德班人係咪想打持久戰, 斷陳水扁米糧, 餓死陳水扁一家. 我支吾以對, 皆因我諗緊幾時可以放假去實地倒扁.

好不容易終於捱到有關天下圍攻的報導結束, 男主播繼續報導新聞. 女友看著螢幕, 定了格一般, 眼定定看著男主播.

“喂, 你望咩. 條友仲醜樣過我.” 大家都知, 除非電視台想執, 呢樣野根本無可能.

“嘩呀呀呀呀~~~佢…係我大學同學.”

大學同學, 唔係前男友. 但其後每次睇 324 台, 祇要係該男主播, 家中都增添了不少溫馨感. 一家人 (後面 : 你講乜春呀), 感覺都好親切. 我成日係屋扮 : 歡迎收睇亞洲電視 24 小時新聞, 我係 我係范 x x.

女友去飲大學同學個餐, 話有機會見到男主播. 我叫女友問佢 黃珊 究竟正唔正.

得到的答案係 : 男主播無去飲.

挑.

根本係問左但唔話我知.

2. 跟住, 我又想起豬豬好似係友人既大學同學. 其實豬豬一d 都唔正.

3. 一次飯局, 竟然有機會同主播食飯 … 我係食飯前無耐, 先知原來佢係主播… 鬼叫自己睇世界盃都係睇 pplive 嘛. 後尾友人吹水, 得知佢竟然係該主播既粉絲 (後面 : 屌, 扮咩野….友咩人. 你咪係友人 law), 好在冇提及曾經同台食飯…. 唔係冇拎簽名加上無話佢知黎偷拍, 命都冇… 希望可以補拎簽名相一張, 同埋一套成個月既新聞報導…

4. 一次係朋友屋企睇友線, 硬覺得個主播好熟面口. 諗左半日, 終於諗起友線既女主播係遠房大學同學, 曾經係某d 社團組織合作過搞活動. 如果唔係認得個名, 真係以為佢特登整容整醜自己. 佢大學個陣, 靚好多.

5. 亞視英文台既記者, 原來係朋友既朋友個妹. 同佢家姐, 一d 都唔似樣, 不過英文一樣咁流利.

突然間, 全香港既主播都好似同我有關. 唔單止同女友之間只隔一層, 我突然覺得, 同全香港既主播, 都只係隔一層. 當然, 此層不同彼層.

6. 工作地點要走過長長的走廊, 盡頭是大堂. 午飯時抄小路, 偷行平時華人與狗不得使用的大堂通道, 見到一班記者. 行行下, 竟然見到她 – 曾經在 324 台, 而家去左無記既靚女主播. 我呆左一呆, 皆因我同佢既距離只有五吋以內. 真人比上鏡仲正.

只能夠呆一呆. 皆因再多呆半秒, 好容易俾人發現兼抄家. 用 0.3 秒極速記低佢既樣, 之後一路食飯, 一路回味. 夠痴漢, 夠變態. 實情係, 史弟患有樣貌失憶証, 對女性面孔既記性極差. 完全唔記得佢大概係點. 只認為佢去無記, 係為左擴闊自己既觀眾層面. 望完 0.3 秒, 印象係 – 佢係 now 個陣化既妝, 比起係無線時化的好看得多. 起碼, 佢塊面無咁紅. 起碼, 佢眼影無咁突出. 起碼, 睇唔出佢皮膚原來只係一般. 至於佢靚唔靚, 真係完全無印象.

7. 又係午飯, 唔係點解成日食飯個陣撞見女主撞. 行過老廉大樓, 見到無線女主播報施政服告. 完全無停低, 皆因講唔出女主播個名. 講唔出佢個名, 皆因佢唔靚, 又唔係朋友既朋友. 原來, 只要無左個一層, 大家無晒 connection – 嘩, 一句中一句英好潮 – 一d 都唔好玩.

***************************************************************

<仆街電器>



又到星期五. 又係時候感性一番.



近日家中的電器逐一同我玩野.




首先, 電腦中毒. 我已經懶醒目, 做左 backup 先 reinstall 視窗.


點知, 搞左晚先搵到倉頡輸入法.

點知, 個仆街 router 唔識自已自動自覺上網.

點知, 原本複製既文件, 全部變晒亂碼. 當中包括好多 3 仔, 同埋好多重要文件.

點知, 電腦自己同我做 checkdisk, 將亂碼d 檔案洗晒. 該煨, 殺人都算, 連屍都燒埋.

好撚 hurt. 我的心真的受傷了. 電腦比起女友更加難應付.





然後, 廁所既抽氣扇死左.


我唔知點解十月尾夜晚仲可以成三十度. 聽講係由於人類開冷氣開得太多. 但我諗極唔明, 乜開冷氣唔係會涼快d 咩.

於是乎, 沖涼變成焗桑拿.

於是乎, 沖完涼要拎毛巾抹汗.






跟住, 部手提成日無電.


明明差左成日, 講兩句, 又無電.

我頂佢個肺.

我幾次係地鐵對住個電話爆粗.

我完全唔知點解係重要時刻部電話會自己熄左.

<無奈那天>

“F, 已經三年了, 你還沒有放低他嗎? 你還沒有他媽的折磨自己夠嗎?”

“對不起, S. 朋友, 就是朋友; 兄弟, 就是兄弟. 我對朋友和兄弟的定義, 素來分得清楚. 再者, 即使我忘記了他, 也不代表要接受你.”

S 的舌頭像打了結, 說不出話來.

S 明白, 人類最大的弱點, 就是喜歡聽一些明知是錯, 但與自己意見相近的說話. 有時, 人類還會做出許多行為來欺騙自己.

例如, S 所收的一大班契妹, 說穿了不過是一堆同人地混熟左, 但又溝黎溝去都溝唔到既女生. 當中, S 最喜歡的就是 F. 最令他痛心的, 也是 F.

S 欺騙自己說, 他只是同情, 而不是愛上 F. 當 F 提議 S 做她的契大佬時, S 是一口答應的. 其實, S 心裏已知道 F 的用意 – 我估你鍾意我, 但係契左你, 你唔好再諗住搞我.

S 聰明得再多跳一步, 想 : 這起碼能有借口能和 F hanging out, 只要一天我沒有表示, 她一天也沒有機會拒絕. 這起碼還有機會.

機關算盡. 到最後, 還是 S 自己爆響口.

S 十分失落. 皆因那一句 “即使忘記了他, 也不代表要接受你.” 太令他傷心. 這等同男友和女友說我寧願要五姑娘也不要和你上床, 太過不近人情.

啪的一聲, S 把電話掉到地上.

S 和 F 此生再也沒有和對方說過半句話.

若干年後, 電視正播著 王靜雯的 <無奈那天>

“因始終得不到… 邊個話兄弟唔可以成為女友…” S 坐在病床上, 用微弱的聲音說.

“你細細講咩話? 我聽唔到.” 本應是 S 契妹, 現在是 S 女友在病床邊說.

無奈我那天一個轉身 不哭泣不乞討
張望著寂寞長路 或會比當天更好
無奈這天方知你最好 因始終得不到
若日後又重遇 定對你更好

以上故事根據真人真事改篇

靈感啟發 : kagray – P (情人 n 兄弟) = 0 

<10 月 25 日下午更新>


導遊錯了嗎?


很明顯地, 零團費所帶出黎既強迫拼喪行為, 係遊客同遊行社之間的期望有差別所衍生. (例如, 我們參加 $100 的大陸團, 預左九成時間係去d 你唔會買野既地方.)


我所指責的是, 導遊那不知所謂的態度.


但如果一句 “導遊都係受害者, 旅行社先知係始作俑者” 就可以將責任推得一乾二淨.



咁黑社會吹雞斬人隻揪都唔應該受指責.


童黨係中學收靚都唔應該俾反黑盤.


曾蔭權都唔應該俾人批評.


當年斬鳩賢仔個兩個刀手都唔應該坐監. 


發動 911 襲擊的人更加唔應該俾人鞭屍.


拉登都唔應該俾美國佬打到成隻狗咁.


紅衛兵同四人幫理應受到追封.




皆因大家都係為阿公做野, 都係受害者.


即係話, 除左窮兇極惡的資本家 (某時候連上帝及土共主席也受牽連) 需要受到制裁, 其他幫佢打工既人都可以照接 order 做野.



道德? 文化水平? 修養?

我幫阿公做野, 唔好講咁撚多!



很難想像成年人像三歲小弟弟偷食糖果後, 對父母喊著說 : 無呀…. 嗚嗚嗚…. 係阿哥佢叫我食嫁… 唔關我事…嗚嗚嗚嗚嗚嗚… 你去問阿哥拉…


這比起導遊指控傳媒更加有高見.

*************************************************************************



<順手宰羊>



我一向歧視內地遊客, 一早叫他們滾返東莞去.


歧視他們, 純粹出於他們的無教養及厚顏.


但我今天看到報導, 指香港導遊既申訴大會, 矛頭竟然指向傳媒, 指責佢地好將重點放係負面報導上, 抹黑導遊等等. 




高見.




這等同殺人之後, 寫信去雙人牌屌鳩人好做把刀出黎.


成龍大哥又可以乘機發一輪o翕風.


我早想說, 香港的人均 GDP 是先進地方之列; 但道德水平及文化修養, 是第三世界水平.


究竟係咪屈人買野, 誰對誰錯, 好難講. 學張教授話, 產權沒有搞清楚. 當年有幸得知尖沙咀一帶影音店的運作手法, 一面嘖嘖稱奇, 一面慨嘆有咁耐風流將來有咁耐折墮 – 結果豐澤及百老匯等較有信譽的連鎖店一踩入老尖, 佢地即刻收晒皮. 當然, 一部份水魚還會存在, 任人宰割.



來, 你也順便搭直通車, 滾回東莞勞改吧.



我以為, 刻薄的用詞只有說是非時才上口. 原來, 除左陶傑, 世間好多人對住自己既客都好刻薄 :






*************************************************************************


<10 月 25 日上午更新>



又係時間認屎認屁. 請看今日既信報社評.



*************************************************************************

我相信,


假如一天我為俄羅斯, 英國怎至乎係北韓當起漢奸, 並唔係為左佢地供應既美女,


而肯定係為左報復二零零六年十月, 大陸既流氓網站入侵我屋企部電腦,


令我放假都要四點先有得訓, 最後更要 format 個 harddisk.

<生活的調理農務>

若你認為生活 – 那怕是讀書寫字返工泡女失業 – 太過枯燥乏味的話, 我誠意推薦你打去任何銀行或寬頻公司的熱線電話. 每次當我以為自己已成為老野, 做人再無乜火既時候, 打去熱線, 總令我的小宇宙再燃燒起黎, 所謂無名火起三千丈.

“你好” “li hou” “good afternoon”.

這三句話和去加州紅唱 k 的人頭費一樣, 乃最低消費, 無走雞. 好彩既話, 無花生果盤. 唔好彩, 你會聽到以下三句 :

“你好, 歡迎致電 xxxx 電話熱線”

“li hou, kwan yen zi ten xxxx ten wai yee sin”

“Good afternoon, thank you for calling xxxx customer services hotline”

聽完呢三句. 你先開始有得揀語言. 現在時間, 1時10分. 你好肚餓.

好些熱線會要求你輸入身份證或信用咭號碼. 身份證數字較少, 但信用咭有成 16 個位, 入錯一個… 無得按 “backspace”, 剩底既要亂入. 無人會咁戇鳩錯左第一個字仲會繼續好有心機入落去. 於是乎, 你已經無端端按左 48 個鍵.

最令人興奮既係, 打熱線電話竟然和在機舖打 1943 差不多. 你有三條命, 如果三次都失敗, 入錯料, 會 game over, 電腦會即刻 cut 你線, 彰顯生命無 take 2 既真理. 1 時 13 分.

更加令人振奮既係, 當你條傻仔小心奕奕咁入號碼既時候, 我尋日打去電盈個熱線, 發現佢要求我入身份證號碼, 我求其入 333333 (3), 係可以過骨既.

過左第一關, 跟住會有些少獎勵 : 一把聲幾好聽既電腦女子會讀出一排功能.

根據我多年打熱線電話既心得, 呢排功能鍵能解決你既問題的機會率, 係零.

重申, 係零.

但你唔好理, 聽完把女聲讀完個排功能鍵, 已經係 1 時 16 分. 辦公桌前面個盒西炒飯, 仲未得閒開.

既然電腦幫唔到你, 總得想找個真人傾訴一下. 情形就好似d 人要打上電台峰煙咁. 可惜, 任憑你點抓爆頭也好, 你都唔知按邊個掣可以搵到 白姐姐 - ”客戶服務主任”. 得, 我知道係刻意唔設呢個功能鍵. 於是乎其求按其中一個功能, 去到子功能一頁, 應該可以搵到主任咧掛.

又聽到一輪鳩o翕. 望住盒西炒飯既你, 開始唔耐煩.

按 0. 你已經記唔起唔知邊條友話按 0 會搵到客戶服務主任.

“對唔住, 你輸入既資料唔正確. 請重新輸入.”

美女再重新鳩o翕一輪, 再按 0.

“對唔住, 你輸入既資料 仍然 唔正確. 請重新輸入.”

屌. 阿差都知 仍然 唔正確. 但仍然搵唔到客戶服務主任.

再再聽一輪鳩o翕, 再再按 0.

“對唔住, 你輸入既資料仍然唔正確. 多謝致電 xxxx, bye bye.”

WHAT THE FUCK! 這服務熱線的態度比起女友更加橫蠻無理, 話 cut 線就 cut 線.

呢個時候, 已經係 1時20分. 食飯時間無左三份一, 盒西炒飯, 仍然未甩過.

唔信邪, 再打. 通常炒窩輪輸錢既人, 都係非常唔信邪.

再聽多一輪鳩o翕. 你開始亂按. 但最奧妙之處係, 通常亂按後, 條線就會飛到去客戶服務主任個邊…… 等佢聽.

“唔好意思, 我地而家既線路好煩忙, 請等一等” “sorry, our lines are busy. please wait.”

但你一開頭是按了以 “廣東話” 操作的 1 號鍵. 由此推斷, 那句英文, 分明是想拖延時間. 打熱線竟然可以訓練邏輯同偵探頭腦, 你開始係位傻笑.

辦公室電話無 handfree 既你, 唯有左邊夾住個電話. 你害怕放低電話吃飯, 客戶服務主任就會立刻聽你既電話. 上一次你對陌生既人同事感到害怕, 係沙士個陣係地鐵咳左兩聲, 無載口罩既阿伯.

你右手打開盒西炒飯黎食. “oh fuck, 得半盒, 樓下個外賣仔又偷食.” 1 時 30 分

等… 等… 等… 等… 等… 等… 等… 等… 等… 等… 等… 等… 等… 等…
等… 等… 等… 等… 等… 等… 等… 等… 等… 等… 等… 等… 等… 等…
等… 等… 等… 等… 等… 等… 等… 等… 等… 等… 等… 等… 等… 等…
等… 等… 等… 等… 等… 等… 等… 等… 等… 等… 等… 等… 等… 等…
等… 等… 等… 等… 等… 等… 等… 等… 等… 等… 屌… 屌… 屌… 屌…
屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌…
屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌…
屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌…
屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌…
屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌…
屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌…

15 分鐘後.

“唔好意思, 我地而家既線路好煩忙, 請過一陣再打過黎. bye bye”.

就是這一句令你肯定之前既那句英文係為左拖延時間. 屌佢老母, 你開始忍唔住係位狂爆粗. 連個半盒西炒飯你都一手掃落垃圾筒, “我 . 唔 . 撚 . 食 . 咧 . “

冷靜下來. 你呆了. 你開始懷疑究竟誰是客戶, 是你還是服務主任. 你感到絕望了. 你根本不知道怎樣才能找到客戶服務主任. 原來, 他比曾蔭權及金正日更難搵到.

你想問的, 不過是訂陳奕迅演唱會飛既 id club 電話幾多號.

最後, 你竟然連個半盒西炒飯都保唔住.

最後, 你剪左那張 id 咭. 下午努力工作.

 果真為熱線.

深山修行時.


前路探索中.

p.s. 經各方好友提點, 尋日蘋果既標題並無用錯字. 真係對唔住蘋果既編輯大佬. 特意致歉.

瘋魔?




瘋魔?




瘋魔?




瘋魔?




瘋魔?




瘋魔?




瘋魔?

大佬, 我中文唔好, 都知工行唔係 <風雲> 裏面既聶風, 唔可以入魔… 蘋果日報既大佬, 咩料呀… 瘋魔祇係龍虎門裏面蚩尤十魔歸元既其中一魔, 係用黎打交, 係唔可以上市嫁.



問 : 正字究竟點寫?



*************************************************


<石硤尾>


明天, 香港第一個公屋屋苑 石硤尾舊村, 就會落閘放狗.


我每星期最少會經過那裏一次, 因為女友是住附近的. 加上中學時的七個年頭, 愛舊懷的我是十分喜歡石硤尾. 前陣子還請過假去拍照, 算留左個記念.


樓是要拆的. 人總得向前看. 但我永遠記得, 地鐵站附近的燒賣檔.



*************************************************



力為, 夏威夷地震, 你係床個陣有冇覺得興奮左?

<廣告時間>



尤努斯的 兩巴掌