August 11, 2007

• <中環人語 – 抄得唔似版>

  1. 紥鐵工人從中環政府總部衝落雪廠街皇后大道中交界, 擾讓數小時後, 政府表示 為解決中環交通擠塞的問題, 電子道路收費計劃 (Electronic Road Pricing) 將苜先應用於 紥鐵工人 身上. 有關工人將需七日內於入境處為小腦殖入 RFID (Radio Frequency Identification) 晶片, 以方便政府收費.

  2. 紥鐵工人於周六要求 勞力及福利局局長 張建宗 接收請願信, 新聞處表示其推廣及宣傳 政府五天工作制 有所不力, 未來日子會於 youtube.com 加大力度宣傳, 及搵金培達同陳少琪 再作一曲為五天工作制的宣傳打打氣.

  3. 紥鐵工人成功衝破警方防線, 衝出馬路. 一哥 鄧竟成 表示, 警方為防止步大力雄的紥鐵工人再次造成交通混亂, 未來將會要求警員學紥馬, 甚至乎係紥炮.

  4. 另一方面, 警方的人事部亦會借機會派發報名表予紥鐵工人, 希望佢地可以加入警隊, 以人肉鐵馬代替愛丁堡廣場的水馬, 以回應保育塔利班 (唔好意思, 手快快打錯左) 本土行動 促政府撤水馬的要求.

  5. 同時間, 國際知名 (實力另計) 的大導演 (雖然佢近年做監製多d) 既史提芬史忽保 亦派員招攬紥鐵工人, 希望佢地能加入 變形金剛 第二集, 合力飾演 狂派 中的建造派 (唔敢拎人家照片, 加上連結好了), 並再次以血肉之軀使出癱瘓中環交通的合體技, 對付柯柏文及一眾博派車仔. 此舉能再給觀眾新鮮感, 又能為電影省回龐大的後期製作費.

  至於工人幾多錢人工? 梗係多過 hk$950 一日! 不過 變形金剛 最快 2010 先開拍, 看來工人係愛丁堡廣場當血馬還要當好一陣子!

  6. 塔利班 (講緊正宗個個, 並唔係香港死光社等個班 A 貨) 將會釋放大拿拿兩名南韓人質 (Out of 2x), 以表示對解決有關事件的誠意. 政府又隨即發表聲明, 將加快力度清拆 皇后碼頭, 太源街及灣仔街市, 中環結志街及卑利街, 以回應社會對集體回憶的訴求.

  7. 亞視 24 小時新聞報導馬術測試賽 (鎖你, 無片睇). 有貌以哥倫布的小朋友以麥哲倫的口吻表示 (唔明可以用d 想像力), 今日發現原來馬可以打斜行!

  哀哉, 現今家長要求兒女學琴棋書畫, 教師要求學生通識博學 (所以要多聽 kursk 老師的三師會!!!), 機關算盡卻漏左提醒他們多了解國情! 否則小朋友又點會唔曉得象棋中的 馬 全部都係打斜行? 年輕一代對國術竟然毫無認知, 政府搞左十年既國情教育, 成效如何, 唔使問拉係咪? 有咁既惡果, 阿曾特首係咪應該拿拿臨再 pump 幾十億落去, 免得下年失禮街坊拉, 係咪?

  而現實中許多男生的 “馬子” (即女友的俗語) 更可以打橫行! 小朋友使乜大驚小怪, 又?

  • 2:19 pm
  • 2 Comments