November 11, 2007
-
<區議會選舉>
家住中環, 但選舉的登記住址, 一直沒變, 仍然是尖沙咀. 所以葉太陳太, 我無得投票 (順帶一提, 如果葉太勝出, 個人認為香港島係唔應該有普選. 九龍同新界可以有). 更迫在眉前既區議會, 我的選區就係尖沙咀東, 有七個候選人.
由於唔住係原居地, 所以區議會候選人做過d 乜, 講過d 乜, 知條毛. 我淨係知道上屆我選個個今年無選, 無得賴 “上屆都投佢, 唉, 算係咁 (即係算係點?), 今次再投佢”. 當然, 我唔排除個別候選人其實連尖沙咀東係邊都唔知. 無論如何, 作為一個負責任的選民, 肯定要投票, 但唔知頭唔知路去投, 仲衰過順嫂連引伸波幅都唔知就走去炒輪.
於是乎, 我發左電郵俾每一個候選人, 問同一set 問題. 評選的第一準則係邊個肯回覆 (皆因上屆立法會我做過差唔多既野, 無人回), 其次的準則係肯回的人當中, 邊個回得最似樣, 就投個個. 若果候選人肯回覆一個小小選民的電郵, 除左證明佢好得閒好懶好窮好勁好威好有自信無去拉票, 佢點都顯示到d 誠意.
橫豎區議員做過d 乜, 大家都求撚其. 連現任議員都求撚其 – 好些議員說 “成功爭取興建落馬洲支線”, 簡直令人忍俊不禁. 不如你話爭取到嫦娥一號升天拉, 笨. 我個票, 與其愛黎換取一些對尖沙咀社區有利的妄想 – 白痴, 尖沙咀冷氣機滴水滴了二十年. 你試下三十幾度經過重慶大廈, 美麗華大廈, 海防道有樓個邊, 堪富利士道, 你頭殼頂濕晒都未到天光. 解決? 解決條毛. 我相信香港有普選個日, 尖沙咀冷氣機滴水問題依然未解決 – 不如換取候選人對小小選民的誠意.
我就發左以下既電郵 :
Dear candidate,
I am an elector in the Tsim Sha Tsui East
constituency. I am writing to seek your detail opinions/ proposals on
the following three aspects :
1. Whether you support, do not
support, or conditionally support universal suffrage for Chief
Executive and LegCo in 2012. If conditionally support, please express
what the conditions are;
2. Your solutions to the serious water-dripping from air-conditioning units in TST; and
3. Concrete proposals to enhance community activities in TST.
Thanks.第一條問題是測試候選人對大事大非的遠景; 第二條係落手落腳的建議 (你知道何謂口不對心); 第三條係俾佢就地區事務吹水. 答乜只係其次 (錢唔係問題), 佢肯答同好快就回覆係重點.
電郵係, 星期五 (9/11) 發. 就俾一個星期你地回. 而家有一個候選人答左. 既然期限為一星期, 咁就一星期後 (16/11) 先一齊公佈. 不過我睇怕都係得一個人回…
Comments (8)
呢篇文幾好笑
好，relgitsjg身體力行教導我們公民參與。
不如公開邊個有回答，和怎樣回答。
我就試過向吳靄儀、余若薇寫信反映一些意見。
前者回覆誠懇，而後者，我等了她兩年還沒有一個答覆。
都好，我都冇諗過要做呢樣野。
不過我果條老人村既區議員，已經連續兩三屆自動當選了。
所以明明見到佢幫保皇黨助選，都冇乜可以做到。
?蝯o?
你的電郵, 議員是不會讀到的..因為, 負責睇電郵的, 九成九九係佢助理.
我每日幫我老闆睇電郵, 類似既野一收幾廿封, 選舉期間更多..問得好既, 我請示下我老闆之後, 問個大概方向/程度, 詳細內容, 都係自己黎..
又, 都係睇你既post先知, 原來日收幾廿封呢類信, 其中竟然有人係用黎定張票比邊個, 奇妙..
U forgot to ask abt global warming.
艾化臣 : 謝.
教主 : 我會公開候選人答覆的.
方潤兄 : 來年立法會選舉試試吧.
艾住仁 : …睇唔到你寫乜
艾士達 : 哈, 原來如此…
卻士 : …呢d 咁重要既問題, 梗係留返立法會問… 哈哈哈哈.
我個區老人區，真係見到D 候選人，都唔知講乜好，佢地都無乜理D後生仔，SUCH AS ME.