July 20, 2008

• <也談選舉 – 2008 年立法會 – 7 月 20 日更新>

  根據維基百科, 九龍西 (我登記選區) 的候選人如下

  九龍西(5席)

  • 涂謹申*、林浩揚（民主黨）
  • 馮檢基*、譚國僑、莫嘉嫻(民協)
  • 毛孟靜、鄧志盈、伍月蘭（公民黨）
  • 黃毓民（社民連）
  • 李慧琼、鍾港武、陳偉明、鄭泳舜（民建聯）
  • 譚凱邦（環保觸覺）
  • 田北辰（自由黨）
  • 梁美芬、梁偉權、林家輝（西九新動力）(7 月 20 日更新)
  • 劉千石*（職工盟）(7 月 20 日更新)

  我上屆好似投左涂謹申 / 馮檢基 (噢, 多么不負責任的選民). 今屆一睇陣容, 嘩~~~

  馮檢基 - 做左十幾年, 淨係識叫人唔好做雞 (妓女), 同埋唔好叫雞 (嫖妓). 除左妓女呢個議題, 馮生個人無乜立場, 形象唔突出, 好似某d 港姐咁, 身材唔好 (其實我想直接寫對波唔大), 樣子極度平庸, 唔姣, 無新聞, 跑得慢, 唔夠快, 速度唔夠高, 你都唔知佢叫乜名; 無端端入到五強. 馮檢基就 exactly 係呢d 港姐 (嘩! 一句中一句英, 我夠 pro~~).

  涂謹申 – 租津領左野, 唔敢回應, 唔肯辭職. 一個字, 懦夫.

  譚凱邦 – 選左佢可能解決到地球暖化問題, 但未解決到香港人幾乎先要吸風飲露先乎合環保. 唔知阿譚先咁憎屏風樓, 佢又住邊嫁呢?

  梁美芬 – 暗左人士. 最憎d 口是心非既人.

  毛孟靜 – 個人對於公民黨毫無好感, 而對於毛孟憎更加討厭 – 英文版李慧玲 (而李慧玲又係政治版查小欣. 你自己再計一計毛小姐究竟係乜). 呢d 擺明係針對人, 唔係針對事. 再者, 公民黨主張公平競爭法, 令我投佢票既機會跌至負數.

  (7 月 20 日更新) : 多得 goethe 的提點, 看到了毛小姐超凡入神既中文. 詳見 http://hk.myblog.yahoo.com/tokuhon_blog/article?mid=2941

  淨返落黎只有田北辰, 黃毓民 同 民建聯.

  民建聯 – 係我心目中, 呢個黨同 “六四” 係內地 yahoo 或其他搜尋器一樣, 一早過左濾. 如果要我揀世界末日或者投民建聯, 我寧願世界即刻末日.

  田北辰 – 佢個人似有 d guts, 會講真說話… 但 google 到佢…

  田北辰指高考成績反映母語教學成功

  語常會主席田北辰，下午約見教育局長孫明揚，討論本港教學語言政策，田北辰說，大家都同意，推行英語教學的基本條件不可以改變，但可以作出微調，容許個別達
  標的班別以英語教學，田北辰又說，最近高考放榜，有一萬六千多人考獲報讀大學的資格，是歷來最高，反映母語教學是成功。

  商台新聞

  母語教育係香港歷史上一個重大既污點, 比起八萬五遺害更大. 唯一可以安慰既係, 未來十年個班後生仔, 競爭力一定好差, 可以威脅我飯碗既機會更加低. 多謝董建華!

  高考成績反映母語教學成功; 田北辰你不如去死拉.

  黃毓民 – 上屆得新界既朋友有得選長毛, 我好唔開心. 今屆有個差唔多既毓民係九龍西, 對一個對民主黨及其他泛民已經心死既選民黎講, 有d 吸引力. 但毓民主張最低工資, 仲有好多野, 我都唔係咁鍾意. 而佢幫方向集團寫專欄 (佢同肥佬黎交惡, 敵人既敵人就係朋友), 更令我對佢有懷疑…

  *****************************

  (7 月20 日更新)

  我又肯定我會寫電郵俾每一個候選人去問下佢地一d 意見… 好, 就五題咧.

  1. 普選 (政治題, 鐵膽)

  2. 政府入股港交所問題 (歷史題)

  3. 最低工資問題 (經濟題)

  4. 對於科水 100 億俾阿爺問題 (呢條問黎都多鳩餘, 皆因錢已經批左)
  
  4. 對於有報導指社會上援交風氣日盛既睇法 (網友 飄移大學 既提議; 詳見留言)
  
  5. 香港未來四年遇到最大的挑戰 (我諗唔到, 俾返個波各候選人)

  講明先, 100 億 / 7 百萬 = $1600. 今年財爺財政預算案所謂瘋狂優惠 package, 我實實在在只係 enjoy 到 $1800 (電費回贈, 仲要到九月先有). 一下唔該捐 $1600, 我係反對. 如果你話阿爺對我地有恩, 所以要科水. 我想講…有條件/ 原因個d 唔係叫捐. 捐係要我出自自願, 發自內心.

  我講你唔明, 先哲 孟子 你明咧掛 :

  今人乍見孺子，將入於井，皆有杭惕側隱之心，非所以內交於孺子之父母也，非所以要昏於鄉黨朋友仲，非惡其聲而然恤。

  (孟子 公孫丑篇)

  我唔願意, 但你仲要係我荷包拎, 個d 叫做 搶, 叫做 屈.

  好, 有機會寫好電郵, 發左俾候選人, 再同大家匯報.

  也看看

  kursk 的 : <是時候開始寫選舉了> (香港島)

  galileo_c :是時候開始寫選舉了 (新界西)

  tommyjonk : 是時候開始寫選舉了 (九龍東)

  **********************

  網友 羅倫斯 提出佢會選劉千石… 我係唔知邊度搵返 兩年 前我寫有關 劉千石 既文章 :

  <入黨>

  劉千石表示, 只要任何政黨能給予佢一張永久回鄉証, 在有生之年都成為該黨黨員, 問題不大.

  二零零八年立法會選舉, 每當劉千石被問及過去四年的政績, 佢會毫不猶豫地說 : 我成功向中央爭取到一張永久回鄉証, 讓我可以一盡孝義.
  而劉千石會係政綱提出一系列有關回鄉証的措施 : 為被捉黃腳雞的港人向中央爭取回鄉証. 理據係叫雞無罪, 消費有理;
  強烈爭取減收回鄉証申請費及批核時間; 延長回鄉証有效年期; 要求係回鄉咭加入智能身份証, ETC, 圖書証, 八達通; 減低直通巴士票價…

  係港台 (如果仲係度…) 既選舉辯論大會上, 劉千石被民主派人仕 (包括但不限於曾憲梓, 吳康民, 徐四民等人, 若還健在) 問及 “先右後左” 是否和做二五仔一樣, 劉千石表示人各有志, 要求的東西不同, 他沒有對不起選民. 

  他又認為很多民主派人仕連 “一次性” 回鄉証 (必定要有個 “性” 字, 以表示對中央既忠心) 也沒有, 對國情完全不理解.
  說畢, 鄭家富 (左派人仕) 立刻拿出啡色外皮, 廿十多頁厚的陳年回鄉証一本, 以示自己並非劉所說沒有回鄉証. 但鏡頭所見,
  係該回鄉証既第二頁, 鄭家富大概只得十歲…

  而到二零零八年的時候, 香港老人, 特別係獨居個d, 漸多. 佢地唔係住係文化村老人院 (儘管和文化一點關係也沒有),
  就係訓係佐敦道天橋底, 好不淒涼. 對於劉千石呢個孝順仔, 佢地十分認同. 於是乎老人家都投劉千石一票, 佢老哥又可以多做一屆. 於是乎
  “永久性” 回鄉証, 又再多四年的有效期.

  講漏左添. 劉千石參選個個區, 係廣州越秀區.

  果然, 每人心中都有一本回鄉証.

  
  **********************

  • 9:05 am
  • 33 Comments