有冇男朋友同學位有咩關係﹖如果真係有，都只會係成反比關係。

「叫住阿媽阿媽, 成個裙腳仔咁」
咁即係所有意大利仔都不入佢法眼。

「請問有什么方法可以找到一個 boyfriend?」
其實好簡單，要求降低一點就成了。

「上天待我不錯, 可惜我就一直沒有 boyfriend.」
既然香港d男仔咁差，冇boyfriend又有乜可惜﹖(等於我從來冇因為欠缺一個「港女」女朋友而感到可惜。)
再不然，買張機票飛去外國囉。

@HoHangLeung - 有學識佢又嫌你冇情趣既o者。(嗚嗚……)

正所謂~~如果多d書卷味，情趣就冇定企﹔等到情趣多得黎，讀書佢又唔爭氣﹗~~

@hope_season - 罐頭呢家野，要神職人員或領主先開得。

@stives2008 - 「緣份」只係「冇緣份」既人安慰自己既藉口。

@stives2008 - 拿，我冇話過人唔可以搵藉口丫。

> 如果冇「緣份」存在, 點解兩個相愛既人會忽然不愛；而兩個不相愛既人又會忽然愛呢?
原因可以有好多，不過答「緣份已盡」肯定同廢話冇分別。等於乜都話係「神既安排」一樣。
點解同樣都係鈾原子，呢粒衰變左、果粒冇﹖點解大家都係氧原子，A獨享兩粒氫原子，而B就同C就要一齊分享一粒碳原子﹖係咪又關「緣份」事﹖

藉口可以搵，不過我覺得睇清個真相比較好。就算真相好殘忍都一樣。

@adrianlu1026 - 唔係一早有篇以經濟學討論港男港女既文章了麼﹖

@u_llll - 依家咪一樣大把打機女。仲要無論男女，都隨時唔戴耳筒開音效黎「音姦」其他人。

(打機聲對於唔係打緊機既人而言，係極之討厭，仲煩過播歌)

@belugaland - 死啦，我都「住老豆」架喎……唔通下下要搬出去咩﹖

我倒覺得波平如鏡同唔識打扮都冇問題。前者係先天，後者只要乾脆「唔打扮」的話都可以當純樸。

我覺得最大既問題係，香港女人有兩個極端﹕
1. 冇乜唔妥但左遮右遮……
1a. 一係對自己身體冇自信，咁樣好難有吸引力。
1b. 思想傳統到以為有俾人睇「蝕」左呢回事，咁怕俾人睇不如學阿拉伯女人。
2. 賤肉橫生、皮膚粗糙起晒斑既人偏偏大露特露，冇自知之明兼影響他人胃口。(大佬﹗唔係叫佢唔出街，不過著得正常D好冇﹖﹗)

@nepenthe99 - 如果夏蕙姨乾脆唔打扮的話，我諗佢頂多會似余慕蓮，而唔係咁恐怖。