June 8, 2009
-
<生活 . 鳩o翕 3>
慢慢地呢個變成每個月的系列 (後面 : 童年系列呢?… er… 我童年都仲未完, 有排寫拉; 咁愛情系列呢?…. 無拖拍仲愛乜野情? 你見過太監教你自瀆嗎? 我又不是那些在面書, 在 xanga 大晒恩愛的人. 仲有 變態大搜尋系列呢? 嘩, 呢d google 既野唔到我控制…)
我相信呢個亦都係第四個爛尾既系列…
(1) 麥當奴叔叔的罪與罰
自從老麥推出呢個乜春 “即時點, 即時製“, 我近半年已經同麥當奴叔叔絕交 後, 每次買老麥, 都要排兩次隊. 屌你, 我食老麥都係想快o者. 唔好咁黎. (見有關 叫囂)
仲有, 呢個應該叫 “即時點, 即時砌” (多謝自僱 J), 皆因佢d 野一早己經煮好, 只係等放埋一齊. 有乜撚野分別?
我係度列舉老麥近年的罪與罰, 等大家評論一下有冇道理 :
1. 貴到仆. 沙士照加價. 通漲時加, 通縮都照加. 佢話減價, 就係加價既先兆.
2. 食物超級縮水. 有時候大薯條仲只得半包. 魚柳包塊魚柳好似黃豆咁撚大粒 (含粗口, 記住係 office 開大聲d)
3. 快餐變慢餐. 去老麥好似就係為左等等等等等.
4. 無撚謂謂, 不安守本份, 未能安守本業. 除了這個 即時點, 即時砌, 還搞什么Mcafe; 送外賣 (翠華咩).
但有一樣東西一定要稱讚老麥. 它的確僱用了許多弱勢社群 – 可能是智商低常人一點, 可能是身體有殘障; 也有學生和新移民人士. 是的, 老麥及一眾連鎖店的時薪的確低到仆街, 可能追不上通漲. 正如許多發展中國家的製造業工人, 人工和保障也是所謂的 “可恥” – 我不說香港是第三世界國家. 而家你當地球是一個整體, 發展中國家與發達國家的位置, 和香港裏這些勞工階層與所謂 “白領” 的位置, 概念上是差不多的.
是, 人工 “可恥”. 可是, 他們不做這些工作的選擇是甚么? 童工不幹活的話, 可能整家會餓死. 我們難道要夾硬給他們高一些的人工, 讓他們繼續做這些工作, 而不是讓他們選擇多一點? 問題的徵結是選擇. 是沒有選擇令他們受老闆欺壓, 不要倒果為因, 未末倒置.
我是反對最低工資的. 我不太介意一般人怎樣, 反正無論最低工資是一億還是三十, 也只會招來更多的爭論, 有人說高, 有人說低. 我在意的是, 最低工資會打擊一些弱勢社群, 特別是一些智商低一點及殘障人士 (為方便解釋, 下面的弱勢社群只指身體有殘障/ 智商低一點的人士).
好. 支持最低工資的人, 就會說 : 是呀, 這些人工作效率/ 工作能力較低. 為保持他們的競爭力, 我們大可以讓這些人只拿, 比如, 一半的最低工資.
這也是支持最低工資的人最大的邏輯謬誤. 為什么工作效率/ 能力的不同, 只會存在於 智商低/ 殘障人士 與 “正常人” 之間? 為什么所謂的 “正常人”, 即除那些弱勢社群之外的所有人, 他們之間不會有工作效率的不同? 有什么證據顯示, 正常人之間的工作效率, 會比 弱勢社群 與 正常人 之間來得大?
這是奇怪的.
比如, 一個言語有阻礙的的人, 一小時只能買出十份餐 (“正常人” 能賣 二十五 份), 經所謂政府核實身份及工作能力 (事實上許多勞工團體就提議這樣), 按比例, 這仁兄可以拿四成的最低工資. 但另外一個所謂的正常人, 只能賣五份, 你認為他可以拿 100% 的最低工資嗎 – 你認為老闆會以 100% 的工資請他? 但為什么他不能自降身價, 拿 20% 的人工? 只因為他是 “正常” 嗎?
我又想問, 若然我犯賤, 很喜愛做這份工, 自願拿最低工資的20% (假設這就夠打所謂風流工了), 老闆又肯請我, 這是否犯法呢? 儘管也是你賣我賣, 這可不同嫖妓 – 不准引誘人作不道德行為/ 倚靠妓女為生是為了怕 “助長黑社會”, 而道德上也有爭議 (起碼香港如是). 但問題是, 我自願收低一點人工, 道德上犯了什么錯呢?
然後, 弱勢社群之間呢? 是否又來一個政府來個考核, A 可以拿 40% 最低工資, B 可以拿 60%? 問題是, 這個比例是否一次過應用在所有工作上? 這些問題真令人頭痛. 一個超級考核機構嗎? 人人也來個考核, 這又是否多舊魚?
是, 我本身讀經濟, 本能反應上會反對最低工資. 但上面不過是一些常識, 一些用非經濟學角度出發的疑問. 老媽與老姊沒有讀過經濟學. 一次吃飯我問二人怎看最低工資. 老姊立刻破口大罵 – 她本身在一間特殊學校工作 – 說這是好心做壞事. 媽說的更簡單 : 人人都唔同, 點解要夾硬定一個工資呢?
不要說許多發達國家有最低工資, 所以香港也應該有. 許多國家的媒體也有極端的國家操控, 香港要不要也來一個?
當老麥在全世界多個地方也有所謂的 即時點, 即時砌 (日本, 澳洲等), 而這一套來到香港看已經證明是一個災難, 為什么還要夾硬追求所謂國際做法呢?
雖然如此, 但香港似乎真的將有最低工資. 哀哉.
(2) 仆街快樂
前陣子我生日 – 係呀, 其實我係有生日既. 友人送來仆街生日快樂蛋糕一個 (我真名並無 P, 亦無 K). 好波.
在幾舊水一個蛋糕上面 (據聞蛋糕是名牌. 屌, 連蛋糕都有名牌) 寫上 仆街, 我覺得自己社會地位提升左.
I am loving it.
(3) 加錢送
免費入會, 但要收 $30 會費…這有一種很複雜的哲學含意. 那究竟是送還是買呢? 這是我在旺角看完漫畫後, 沉思很久的問題.
想起前陣子與舊日室友去 Delifrance 吃飯 (還是其他地方? 忘了)
史 : 唔該, 我要一個白汁雞皇意粉.
待應 : 係, 一個白汁雞皇意粉. 先生, 加多 $3x, 我地會送埋 餐湯 同 咖啡/ 茶.
史 (不惑中) : 送…………………….?
待應 : 如果加多 $1x, 仲會送多份 凱撒沙律.
史 (與室友努力忍笑中) : er… 唔使咧, 唔該….
二人一次去加州紅唱 k (其實兩個麻甩成日去唱 死了都要愛)
史 : 唔該, 兩位.
待應 : 麻煩先生身份證登記. 每位 $110, 全單六折.
掏出許多東西, 又搞呢搞路後…
待應 : 先生要唔要加多 $1 送自助餐?
史 (與室友對望, 良久默默不語) : ………………唔使咧唔該.
之後每次加州紅門口的姐姐, 也會問加唔加錢送 buffet.
屌你… 加錢先有個d 叫做 買 或者 換, 唔撚係叫 送….
(4) 代價
香港不但被土共在意識形態上統戰, 時代廣場海港城崇光百貨又一城沙田新城市更被一堆堆內地遊客佔領. 我一向反對內地遊客像送往堆田區的垃圾, 一車車咁運黎香港 – 反正不喜歡他們就是了. 要找一間沒有內地遊客的食肆, 不是去半島四季港島香格里拉 (那裏只會有更多內地遊客), 而是去些較地道 (例如尖沙咀星座冰室), 拍烏蠅的, 或是要用英文點菜/ 菜譜的地方.
後者我有兩個價錢不太高的好建議.
一是銅鑼灣/ 灣仔/ 中環的 Shake’em Buns. 云云漢堡飽店中, 它的漢堡最好吃. 但一個飽 + 薯條 + 奶昔 要一百多元. 以食物的質素 + 能夠逃離內地遊客的魔掌, 這是不錯的選擇. 不信? 你有空去去海港城的星巴克吧, 那裏嘈吵得令你發現那杯咖啡原來只值 $3 (anyway, 我覺得星巴克的咖啡根本就只係值 $3; 另外個d 錢係俾星巴克上市, 然後歛更多的財)
二是中環/ 灣仔的 Flying Pan. 上圖就是 flying pan 的出品 (講左咁耐終於到題. 0 分, 重作). 可惜 flying pan 都幾唔扺下 – 上圖的雙蛋 x 煙三文魚 x 牛角飽 + 超細杯果汁 = $100. 屌佢, 呢個分明係老茶既火腿雙蛋早餐的中產版本. 成舊水? 仲要佢隻蛋無乜味.重點係, 友人食左兩塊蕃茄, 一碟都仲係煙三文魚既時候 (即上圖所示, 麻煩你再望一次), 佢 . 話 . 佢 . 已 . 經 . 飽 . 每日世界有幾多個小朋友唔夠野食? 更難為我落到樓下竟然諗起老麥.
偶爾一次, 吃 flying pan 是可以的. 畢竟, 灣仔個間又真係拍烏蠅… 一次可以達成兩個願望呢
(5) 代價 2
寫到好撚悶 (???) 鳩o翕變成吐苦水.
呢隻唐老鴨, 話係 Disney + Bathing Ape 出品.
二千幾錢. 係港幣喎. d 人真係傻撚左. 知唔知有樣野叫金融海嘯? 仲要整得咁撚核突…
我不如等傳聞已久既 Donald Duck X Transformers 拉.
(6) 細菌撈面
…唔好問我 香港特色小包撈面 係乜. 皆因我一直叫呢d 野做 細菌撈面; 皆因我一直都想知呢D 一包包 $2.5 既野, 撈埋一齊之後會變乜. 經過兆萬, 鼓起勇氣… 但還是拍照算了.
我誠徵幾個年青人 (18 歲或以下; 大學生免問. 屌你, 仲扮細?), 同我一齊去試下. 當然… 誠徵得你, 我會俾錢… 買撈面. 我實在好想試下幾包細菌撈埋既滋味.
到時真係百般滋味在舌頭. 屙到仆街都似.
Anyway, 誠徵年青人, 因為我發覺該店長期擠滿貌似十六七既後生仔… 上圖咁少人係一個例外, 我企撚左半句鐘先拍到張無乜人既相 (你睇下無拖拍既人幾無聊). 而下圖才是該店的 steady-state 客量… 後生仔衝鋒陷陣既能力強, 應該可以擊敗同類, 買到 “香港特色小包撈面”.
我去買, 店員會以為一個阿叔去乞食.
by the way, 學生妹長腿一對, 送既 (唔係點引你班麻甩佬睇落去?)
題外話. 近來友人說年青人很喜愛玩的網上遊戲, 叫 跑 online. 我 . 的 . 天 . 沒有玩過這遊戲, 但一直在跑, 好像比起那個什么勁舞團更加有趣. 我也在此徵求年青人帶阿叔去玩 跑 online (或者你表演, 玩一次俾我睇).
個人認為, 跑 online 只是你與其他人在競爭, 只要跑得贏身邊對手就得. 這些行為, 遊戲太自私. 玩遊戲也玩得這么自私, 時下的年青人真不知所謂… 何不來個 屌 online? 不是一直在跑, 而是一路在屌.
屌者, 做愛也. 當然還有各式的道具讓你購買點數下去買; 還有什么交配系統, 公會系統 (雜交, 圍嘔?), 鍊 j 術, 寵物 (er… 人獸交嗎?), 公園系統 (野戰場), 大運動會系統 (嘩嘩嘩)………..
更重要是, 屌 online 要求你一邊廂要維持耐力, 另一邊則要令對手滿足, 這才是現實, 才是皇道嘛… 玩遊戲也要顧及人家感受. 不要將 精射在人家的面上 歡樂建築在人家的痛苦上.
現在見到巴士車身上的 跑 online 廣告, 我都不其然看成 屌 online…. 大家都係單字o者.
(7) 五月最後的一天
友人大喜之日
據聞, 友人的太太花了不少錢為兩對 sony 貓造中西式結婚禮服… 今天才留意到, 原來左邊圖的新郎 = 右邊圖的新娘. 好奇怪呢. 莫非… ??
我當兄弟. 世上沒有什么比起當兄弟更搵笨. 當然人情可以扣… 錢可以解決的問題不是問題.
有樣事情我倒是在乎的 :
當一眾姊姐玩鳩d 新郎及其兄弟的時候, 有沒有真切地想過那些戴個假髮, 著條女人底褲, 塗了口唇膏的遊戲, 究竟如何展示到新郎哥其實好愛, 好想娶新娘?
我一直以為純粹核凸變態的事情, 只會在日本動作片看到. 但原來一班待嫁/ 未有得嫁住既女人, 都會在人家的大喜日子做出這樣的事來.
嘩哈哈哈哈, 但當站在台上, 見到友人唱 “我的名字, 你的姓氏” 時, 新娘喊到豬西咁款, 個心都舒服晒. 突然想起新娘還是十二歲, 坐在老師桌前面的樣子.
就像是昨天的事.
————
既然估到系列會爛尾, 我當然唔希望佢會發生…
開個局吧.
呢個系列 生活 . 鳩o翕 未來三個月的篇數會係 (唔計呢篇) :
0 篇 (盤已封)
1 篇 (1 賠 1.1)
2 篇 (1 賠 1.5)
3 篇 (1 賠 3)
4 篇 (1 賠 10)
5 篇或以上 (1 賠 10,000)對唔治. 上面既計算單位, 笨唔係現實世界既貨幣.
而係…細菌撈面的小包數目. 起注最少買 10 包.
各位, 踴躍下注吧.
賠左要即刻食…
Comments (44)
其實果d細菌撈以前298定188都有, 我行過都要幫襯一兩包
5 篇或以上…
同埋，篇野真係好似你咁…當然唔係長，係一節節
1. 我諗你都知道我本來係支持最低工資既，但我係認同
a. 最低工資唔會令本來唔值果個價既人突然值果個價。
b. 最低工資好X難定。
所以我承認，我開始有d轉太，但我仍然認為人工太低係一個要解決既問題。或者可以試下談判權之類。
我諗而家海嘯，政府未必敢快搞最低工資……
2. 「換」本身亦都無加錢加多味既意思，「換購」就有……
「換」係多少有d似「以物易物」，以某物換取另一物 (以「錢」換「物」就特別叫做「買」)…….
3. 對Shak’en Buns有d興趣…… 對屌online更有興趣…… 你快d畀錢，投資響我身上，我搵人寫隻game出黎……
4. 我食過果d「小食」，又唔係真係咁差… 不過好些材料真係要佢話你知係乜你先知… 睇樣你係辨認唔到….. 白色一團既會係「豬頸肉」…… 啡色一堆就係「螺肉」…….
我又未試過食到痾…… 託賴，託賴。
5. 未來三個月會係五篇以上。
btw，個盤既格式… 非常之咁熟口面……
我想話….
我食開中環果間flying pan, 係兩回事, 豐富好多!
你睇下人地d相
http://www.openrice.com/restaurant/sr2.htm?shopid=13973
另一位於銅鑼灣的burger推介
http://www.openrice.com/restaurant/sr2.htm?shopid=21479
史兄回來了。響office睇，眾目睽睽之下笑出聲笑左幾次．．．
1.曾經我是最低工資的受害者。那時在澳洲讀大學，十九歲想找兼職，但快餐、超市不會請我們：因為最低工資隨年齡上升，工作能力方面因為都沒有經驗，十九歲和十六歲其實差不多的。所以僱主會請十六歲的，年紀大的沒機會。
2.要是政府真的有心幫助約勢社群，不如做 basic income + negative income tax，既直接又可以刺激就業的動力。
3.未來三個月2篇。
@frederickfung - negative income tax 其實本質係咪等如貼錢畀打工既人，類似低收入綜援咁？
個CAKE 好似係 ZOE 買。
@zoe_6666 -
BurgerRoom 真係幾好食。 而且夜晚人唔多。
@hystericireul – 譬如，income tax -100%，即每賺 $1000，政府補貼 $1000，共 $2000。Income tax 會累進，由 -ve 到 +ve。我不清楚綜援的條件內容，估計綜援是類似 basic income 的概念多一點。
順帶一提，因為將會回港，我查過香港的公屋入息限額，七千元。香港的收入分配跟澳洲很不同。在香港，大部份有經驗的文職人員不只這過數；在澳洲，我從事金融業，剛入行，收入比清潔人員/超級市場收銀員低。
借跑online 段來轉貼呀, 太愛了
@hope_season -
係喎. 188 好似都有.
@tommyjonk -
受注了.
打令, 做乜話俾人知我一節節呢?
@hystericireul -
受注了.
盤口似係你多心.
另外, 政府講左金融乜春都好, 最低工資將如期立法, 即係今年內.
@zoe_6666 -
我會試下個間burger. 多謝你.
@Kursk -
你咁即係話我之前好似某人咁失左蹤o者. 呀, 你唔使自行對號入座呀.
多謝你笑左出黎. 這是很好多鼓勵.
@frederickfung -
受注了.
我完全同意negative income tax. 現在政府也有類似計劃, 但規模很小 – 然後政府可以用成效不彰來拒絕擴大規模. 是的, 綜援只是救生圈.
另外, 若然一個比較後生的人 (40 歲以下), 即使乎合入息限額, 可以申請到公屋的機會, 係零. 起碼等到六十歲就有d 機會.
@holys -
好, 屌吧….
呀, 對唔治, 係貼吧. 請貼上連結. 謝.
係要貼長腿就唔該特登影一張，唔好搞到成堆人中見半個，畀d誠意。
@frederickfung - 嗯，是我說不清楚了，其實我心目中的「負稅」跟你說的差不多……
常聽說外國工作很「平等」：清潔工跟文職跟個別專職的薪金相距不大，原因是甚麼？
又，個人認為，香港公屋的單人月入限額($7,400吧？)之所以低得那麼可怕，我總陰謀論地認為是政府想推盡可能多的人去買私人樓讓地產商吸血。
在史兄這個場也要說些很左的話：我認為房屋政策可以偏向福利多一點，像新加坡「組屋」。但是香港是吃地產的奶水大的，現在沒可能改變了。
@fongyun - 我差d想貼秦沛既「大奶奶在哪裡.jpg」……
或者「I can’t see shit, captain」.jpg會貼切d……
1) 妖~ 麥當奴叔叔的罪與罰變撚左最低工資的反思，係度曲線講經濟學…..
2) Disney x Bathing Ape的老唐咪好似寫一次囉？！咁快又炒冷飯？！
3) 當年白購都有細菌撈面食啦，你冇試過咩？ （不過讀左七年中學，我都冇去試過…）
未落盤添…
5 篇或以上 (1 賠 10,000)
@fongyun -
er… 其實我唔係特登影佢. 只係佢夾硬迫入相中. 對唔治 law.
@miragec -
受注了. 終於有人落重注, 1 賠 10,000; 食到你仆街.
bathing Ape 個個係第二度黎呀屌你, 唔係 xanga. 炒冷飯我會講的.
屌咪係law, 你自己都無試過… btw, 白購唔係淨係得冰菠蘿嫁咩.
最近看了鍾祖康的書. 移居挪威的他大讚挪威, 說得世外桃園一般. 我不曉得實況如何, 不過, 卻讓我領悟到: 最低工資或任何福利政策的實行, 定必要建基於—上層人無私,下層人自律.
也許有人覺得, 香港人就是沒有”上層人無私,下層人自律”這個, 所以最低工資或其他福利政策不可行. 但是這樣, 就甚麼都不做, 任由它永遠”自私”和”不自律”下去了?!?!?!?
@relgitsjg - 六十歲住公屋？以澳幣計，我的戶口有一千元，但還需要吃飯交租，和應付回流香港的開支。我失業兩個月了，資產算上來有一張書桌和半輛車。強職金有四千元：但是要六十七歲才可以拿…… 這樣的政策，我看我是捱不過六十歲的了。
@hystericireul - 香港的房屋政策絕對應該福利一點。尤其對貧窮以上中產以下的階層：他們生活不豐足，可差不多一點福利也沒有。要是一個年青人拿萬五元工資，生活不依靠家人，他可能一世也負擔不起置業。居屋如是，首次置業貸款如是。這些政策只適合baby boom那一代，資產高增值的時候；這十年經濟上上落落，人均收入實質下降，政策應該變了。
@marcellabear - 所以說 negative income tax，既可以幫窮人又不會養懶，更支持他們努力一點。
我一直很仰慕北歐的社會主義民主政治。他們的人均收入是世界最高的，又不會軍事威嚇掠奪別國的資源。可惜跟他們言語不通，否則可以考慮去那裡生活幾年。
@frederickfung -
不能住公屋不是因為你資產太多, 人工太低; 而是你年齡太小, 而且估計你是單獨申請. 據我所知, 而家單獨非長者人士申請公屋要計分, 年紀是其中一樣.
@marcellabear -
明知唔得而去做, 這不是將手段變成了目標? 沒有刀開榴槤, 你是不會用牙咬的. 是呀, 沒有得吃. 再想其他辦法吧.
原來真係有《屌online》…….
真實體感成人遊戲《誘online》，晚晚可以同幾個女仔發生一夜情
link
玩家進入《誘online》可以先選擇創造男性或女性角色，進入遊戲後，一旦發現自己喜歡的異性後就可以與對方問候聊天，進行溝通。地點則是泳池、海灘、地鐵上均可恣意做愛做的事，動作除了簡單的愛撫，還有各種花式玩法。為讓遊戲人物的動作更逼真，遊戲還特地重金邀請知名的明星進行示範，以拍攝電影專用的「動態捕捉器」（Motion Capture）進行動作擷取，務求讓玩家在《誘online》中進行熱烈的巫山雲雨、享受魚水之歡。
sosad
@relgitsjg -
我都想食到仆街，問題要閣下三個月內寫得出5篇以上先得…
呀…冰菠蘿個間開頭係冇冰面，得d冰小食，到我臨畢業時先有冰面
@hystericireul - 清潔工跟文職跟個別專職的薪金相距不大，原因是甚麼？
我諗應該係指交稅之後,其實大家剩返0係手0既可能唔會差天共地… 上澳洲政府網搵到份文件: http://www.treasury.gov.au/documents/866/PDF/pocket_tax_2009.pdf, 你可以睇第13頁,就知道澳洲入息稅係越高薪越重稅,最高去到47%. 反之,低/中低收入除左抽較少稅外,仲有low income tax offset. 所以,以前0係澳洲讀書時,就聽唔少人話,澳洲人升到某一個職級後,就唔想再升,因為要比好重稅.
而且澳洲呢0的地方,做地盤,整水喉等等”粗活”,人工分分鐘比做文職更高.
(我已離開澳洲太耐. 如有講錯,請指正.)
@aubrrr -
勁. 你竟然知道個蛋糕係邊度買… 我諗黎諗去都諗唔起…
@foxmui -
…嘩嘩嘩~~ 多謝你
@miragec -
師兄. 你畢業我都幾乎大學畢業拉…
@lazybrenda -
在一些福利較好的國家, 個人邊際稅率高到痴線. 當年系的大教授說, 有個瑞典教授來香港教書, 怎樣也不肯收一毛錢, 因為搞呢搞路 (報稅掛) + 交稅, 稅率是 +100%…
@relgitsjg -
“明知唔得而去做, 這不是將手段變成了目標……” 這是香港的問題, 不是最低工資的問題. 而且, 這樣說, 有點像”民主在香港/中國不可行”的感覺…
@frederickfung -
而家入息限額係 : 除 mpf 後 7400!!!
@hystericireul - 香港入息限額低，因為公屋是純粹福利(公屋居民的租金幾乎只是管理費)。
新加坡的組屋，其實較接近香港的居屋，是自置物業，也可以售賣給其他新加坡公民(受種族比例限制，政府規定每座組屋必須有不同種族人士按比例居住)。政府會資助部分維修(不過如果你個區選左反對黨議員，就要等耐D…)。
新加坡組屋的好，是可以用公積金買屋，所以儲蓄的壓力會較輕。
練乙錚介紹過南非的方法，是發展商自建自售，但政府提供一筆過補貼。這固然對自由市場影響最少，但反過來也可能讓商人進一步推高售價謀利。
@marcellabear -
最低工資不是香港不成的問題 – 香港反正就沒有最低工資. 是概念上, 執行上可能會出現問題; 這些問題和是否在香港, 沒有關係. 即使在火星, 我還是想不到怎樣定弱勢社群的最低工資.
再者, 誰說民主在香港不成? 這是稻草人.
@fongyun - 自建自售再由政府補貼？那豈不是一眾香港人士深痛惡絕的「干預之手」嗎？有論指美國次按之所以會形成金融海嘯，就是由於克林頓一朝以降一再鼓勵人置業，以直接間接的方式補貼、資助國民買樓，令原本沒有能力買樓的人也買一份，終招致次按海嘯。
我常不明白，為甚麼發展商那些他媽的爛樓也可賣個天價，這供求關係如何解釋？如何可解？我斷斷不認為那叫得上合理的價格──儘管有供有求下這價格看似「合理」得很，但我想當中多半是「炒客」多吧？那不是讓「居住」變成「炒賣」？
對比長遠的住屋政策，我想，不要再讓無良的發展商用建築面積和實用面積來強姦港人急切一些。
@hystericireul - 政府搞乜都叫「干預市場」架啦。班商家最想行商(騙﹖)冇王管，政府只係用黎鎮壓黎民。(香港做到了﹖)
要打擊炒家，我不明白為何不可以規定，但凡在某期限內轉手者，收取高比率的利得稅。再不然學大陸收暴利稅。
兩對 Sony 貓新人令我想起《霜花店》……
你友人的食量竟然。。。
世間上竟然有人食野食得少過你。。。-_-
@caramel0o -
那好像是同性戀的戲吧…
@pakinski -
-____- 我都覺得驚奇.
支持鳩o翕系列,最喜歡”細菌撈面”呢個名,我都一樣唔明白呢d 咁o既”冷凍食物”會有人夠膽食,而且仲可以墳到成行成市~~~以後我見親朋友再食呢類食物都會以呢個名稱去勸喻佢地唔好再食~~
@kitgorar -
多謝你支持. 但支持的話, 要下注… 注碼是細菌撈面…
@frederickfung -
@hystericireul -
brenda 所以的澳洲政府連結中, p13, 有一項 “low income tax offset”. 那大概是 negative income tax.
2篇-10包！
還有簡單一句：「最低工資不等如最高工資」，
請指教：如果要用這些理論反對香港設立最低工資，難道你覺得政府公務員的薪酬計算方法（也有「最低工資」，不管才能如何，考進了同一個職位入職的工資都一樣，每年的加薪幅度都一樣）也「行不通」？！
@fongyun - 有些國家甚麼一兩個月內轉手要收100% 稅！可是，這麼一來，就不可能再有 confirmor 的存在， 而律師樓、地產代理等等（甚至包括地產商）就會少了很多生意！所以說，政府既然一向都怕（自己根本勾結了）那些ＸＸＸ（請自行填充），怎麼可能推行這種政策呢？！我們這些，只是「失敗者」（既得利益者眼中）（即窮人）的看法，政府怎會願意聽呢？！
@hystericireul - 當「本來唔值果個價既人突然值果個價」，其他人就會值更高價！
@frederickfung - 只是澳洲的 policy 低B，正常的最低工資應該是跟工種、學歷要求等掛勾，而不是年齡。而現在的香港，甚麼「分層」都先不要了，只要一個很基本的「劃一『起標』價」保障在職人士的生活就已經非常先進、謝天謝地了！！！
@frederickfung - 有心一問：「Negative income tax 實行起來如何？」如果一個人只做 part-time 或者靠出租房子賺取「微薄」的收入，那麼能夠享受這「福利」嗎？好像現在的香港，不管你是全職還是兼職，報稅的時候免稅額不會有分別，不是嗎？那麼，這種政策怎麼可能「鼓勵人工作」？！我當然不反對這種（或類似）政策，只是不太明白可以怎樣運作。這等如告訴我，如果我月入X元，「報稅」後就能「無條件」多「賺」Y元；可是如果我月入X+Z（Z說不定可以等如Y）元，我就沒有這「不勞而獲」的Y元…… 所以說，我應該工作少一點…… 不是嗎？當然，如果政府鼓勵全人類減少工時，甚至鼓勵老闆們把工作全變做 60%、80% 的工作，尤其在香港，我 200% 支持；可是，如果大前提是「鼓勵低收入階層工作」，我完全看不到這跟「negative income tax」的關係……
@Frostig -
@relgitsjg -
澳洲沒有 negative income tax。Low income tax offset 只是免稅額。譬如說在 2007 年 收入 $10000，稅額 = (10000-6000)*15%-235。
@frederickfung - 謝謝回應！可是我始終對「negative income tax」的執行方法和成效有懷疑。
玩新郎/兄弟呢,通常係個新娘高興.
可能佢覺得自己老公犯賤,可能佢想借姐妹把刀虐待吓老公,唔知.
我都間中做姐妹.都唔明點解要個新郎著住禮服載個BRA,大家就會好開心.
如果新郎靚仔,佢除晒的話我會高興D囉.