July 21, 2009
-
<生活鳩o翕 – 東京版>
為了湊夠數, 等落左注既人可以盡情咁食細菌撈面, 我特意加插 東京版 既生活鳩o翕… 呵呵呵
系列的 tag
1. 東京的老麥
— 人家的made for you (咆哮1, 2), 經過數年的努力, 終於快到好似香港以前咁! 好快, 好快.
— 無獎問答遊戲 : 相中人是男, 還是女?
2. 迪士尼
唐老鴨也要抽支煙… 純萬都好拉…
據我了解, 全世界的迪士尼, 包括迪士尼商店, 賣的唐老鴨公仔 – 只係公仔, 咀巴都是合上的. 只有東京迪士尼樂園商店及迪士尼商店, 它賣的唐老鴨咀巴是張開.
咀巴合上的唐老鴨, 多數好突核; 特別是香港迪士尼那些, 看了想反胃. 美國的也如是, 有空可以一看美國迪士尼網上商店的合口唐老鴨.可惜我想公仔興趣不大, 價錢太貴 (好似最上層個隻要六七舊水 – 一隻喎), 而且款式平平無奇.
迪士尼內賣糖果的地方… 每次去到, 都多人好似唔使錢咁.
3. 男星, 女星
當日本十年內換了 N 個首相, 木村拓哉仍是日本最紅的男星. 我懷疑, 日本開國以來都係得一個男星, 無錯, 佢就係木村拓哉.
今期較紅的, 還有 L – 松山研一
下面這個幫角川書店賣廣告, 山手線各站也看到.
既然連Keroro 也是角川書店出的, 與其他名作家的書一同放在廣告上, 為了與國際睇齊, 我們就不應拒絕一些免費請我們食冰淇淋的妹妹嘛. 她們又不是陌生人, 送給我們吃的, 應該可以隨便進食… 儘管有些我連名字也說不出來. 叫 Mary 呀, Susan 咪好地地… 咁雜複又唔知點發音既名, 點記?
至於女星… 上次去紅到不行的崛北真希廣告少了許多, 宮崎葵也少見. 只見到老了許多的菜菜子在賣啤酒廣告…
然後安室奈美惠這些也被人挖棺 (雖然香港也有她的廣告)… 她在日本其實還頗紅的.
她替老麥賣足三兩這個廣告, 也真夠串. 下圖這個平面版, 想來想去也不知和漢堡包有什么關係, 上圖的松山好歹也拿著本書; 電視版那個更串, 不要說是咬一口, 整個廣告足三兩只出現過兩秒, 還要和安室那段自己隻揪既片沒有任何關係…
連 Speed 也有…. 我的上原多香子被友人說成是吳日言…
照這樣看來, TRF 快將復出也不是奇事… 不是熱帶雨林 Tropical Rain Forest, 是當年由小室哲哉領軍的 TK Rave Factory (TK 是小室名字的短寫)… 可惜小室近排都一身蟻…
當年TRF 的 Boy meets Girl, Crazy gonna crazy, Masquerade, 根本是痴撚線, 由街頭播到街尾. 我家姐就日日係度播, 播到我都識 (Whitney Houston 的 I Will Always Love You 也是在這種麻醉播放下聽懂的…) 現在聽到的日本流行曲, 許多 melody 與小室的歌曲其實都很像.
佢隊中既跳舞員 (其實有幾個隊員我都唔知佢既作用係乜…), 阿 Sam, 就是安室奈美惠的前夫…
4. 小朋友這次遇到很多幼稚園學生. 我與幼稚園總是結下不解的情意結…………………………………..
日本的小朋友旅行時都戴著小帽子, 其實蠻可愛的.
但不知怎么在箱根海賊船, 這張相令我想起嘩鬼出籠…
搭都電荒川線時, 他們又在輪姦後座駕駛倉…
5. 台場
去過四五次… 今次去是為了高達. 可惜第一晚太夜, 看不到; 要等到臨離開那天才看到.
車費咁貴, 唔好浪費, 花了點時間影了夜景.
看到這個 1:1 高達, 真的概嘆日本仔真是痴撚線的… 我站在那裏, 呆了很久很久. 這個高達細緻得會令你認為, 它是真的會動. 我的媽呀… 看變型金剛第一集時, 第一次見到大黃蜂由架車變到機械人, 那種想喊既感動, 一模一樣. 這不是 CG, 不是 photoshop, 是個他媽的 1:1 高達呀.
然後它的頭還會動 (儘管只是向左向右), 背部還會噴煙 – 可惜我沒有時間看…
再然後看到他們正計劃把一個 1:1 既鐡人28 放在大阪…. 過去的迷失廿年, 對日本實在是個大懲罰.
6. 周…杰倫?
7. 可樂
呢張所謂營養標籤想話你知, 基本上, 可樂係一d 營養都冇. 0, 0, 0, 都係 0 分.
本來還想多寫一點的, 但要寫的原來已經寫了. 算了, 還是直接看 photo album 吧.
Comments (19)
至於女星… 上次去紅到不行的崛北真希廣告少了許多, 宮崎葵也少見. 只見到老了許多的菜菜子在賣啤酒廣告…<–我07年去日本，周街都係仲間由紀惠既廣告。
仲間好似直到而家都仲係日本廣告女王。你有冇見到佢d廣告﹖
我的上原多香子被友人說成是吳日言…<–頭先唔小心睇錯左做北原多香子……XD
角川輕小說勁好賣，連日本文學作（人間失格個張真係好得）都可以搵漫畫家再畫封面，賣幾百萬本時，香港其實保守到有病。
廣告麻，木村個杯麵廣告先叫人呆呢。
1. 點解咁留意唐老鴨個咀係張開左？莫非…… 史兄，唔好呀…… 公仔黎嫁…!!!!
2. 上原多香子…… 我正想講人地係咪認錯做北原多香子…… 倫就先我一步講左…… 我記得你話過佢樣衰的（北原）。
3. 如果真有民族性這回事的話，弄個1:1高達這類事情也很能體現日本的民族性了。有時我覺得日本人有種天真的偏執……
@galileo_c - 輕小說係指邊d?
印象中我剩係聽過「涼宮」有輕小說，實際係乜我不甚了了。
@hystericireul - http://zh.wikipedia.org/wiki/%E8%BC%95%E5%B0%8F%E8%AA%AA，內容比較易入口（但一樣可以極度深入，考究認真到得人驚，譬如狼與香辛料的中世紀經濟宗教），青少年向，有插畫，文庫本大小（A6，10X15cm，方便在通勤時收在袋中讀，博益係抄此設計的）
我自己最迷奈須蘑菇（Type-Moon系）、小野不由美（十二國記）同西尾維新（戲言／化物語無譯本，迫住要慢慢睇日文）
安室個廣告見唔到個飽, 我諗係別有用心的(果D乜撚野MARKETING策略之類), 日本人有潔癖, 食野清淡, 可能見到個飽反而唔想食(我都係咁)…BTW, 重點係我見過有個人一次過食左三個DOUBLE足三兩, 果個人有四五個史兄咁大。
TRF, 我小學果陣都聽到爛
幼稚園…MJ…教宗…史兄…
高達隻眼到夜晚會發青光的
安室到現在的歌仍很有型很好聽
只不過是沒打香港市場罷了
無獎問答遊戲 : 相中人是男, 還是女?
er…男人?
我好中意安室,覺得佢好型好索..
最恐怖係咁多年黎,連個仔都大埋佢都係無變老過……….
我同朋友都懷疑過佢可以著短裙著到50歲…
可以係指佢50歲著都唔會嚇親街坊..
@ling_1118 - 你睇下發JOJO的荒木飛呂彦先：http://lordmi.memory-off.org/wordpress/wp-content/uploads/2009/07/jojo2009sp.jpg
安室今年隻碟超好聽喎！
高達聽聞係會永遠放台場，但鐵人28呢係「期間限定」（yeah！我知肯定即刻有多人中箭死亡！）
以前安室家族入面，我最愛聽 globe！！
感覺上你要出國的話…一定係去日本…其他地方好似你都唔會去…..(btw….我都好想次次去日本旅行………haahhaahaaaa)
@lunyeah -
仲間仍在電視替手機商 Au 賣廣告. 平面的好像不多見 – 除了那個我 Miss 係大佬既電影版那個.
恕我直言… 我原本真係唔識北原多香子. 我淨係識小澤圓呀呢d 嫁咋… 呵呵呵.
@hystericireul -
屌你. 個咀合埋既唐老鴨公仔, 全部好核突. 仲有… 要用都用 daisy 拉…
@exist2 -
一個人一次過食左三個DOUBLE足三兩, 果個人有四五個史兄咁大. 我估你太保守了… 起碼有成個1:1 高達咁大先做到… 我食一個足三兩都有問題…
“幼稚園…MJ…教宗…史兄…” 是推理題嗎?
小學… 屌你, 呢d 咪叫青春.
@belugaland -
我仍覺得can you celebrate 很好聽…
@ling_1118 -
其實無答案. 但似男又似女… 其實應該係男 (有喉核, 手掌粗粗)
無錯, 佢的確唔似三十幾. 好撚型.
@galileo_c -
哈哈. 我最近也看過這張相. 笑到我死. 佢練左童子功…
@nepenthe99 -
看海報台場高達展場好像到 8/31.
@al24680 -
去日本 (其實是東京), 是因為懶, 不想旅行前計劃…
努力寫下去！好似仲未燒到我個注~~
只高達有點像用photoshop key上去的說…
嘩~~~ 我係album 睇到果d 高達相, 覺得好感動呀~~~ 雖然我唔鍾意佢, 但見到一個一比一做得咁精緻既識yuk模型, 真係好開心呀~~ 同埋d 日本仔真係好勁~ 我都覺得佢好似真係可以俾人駕駛咁, 好想埋去摸下佢
TRF我都常常聽，以前的globe也是。
最好聽其實要回溯至安室的181920‥‥‥
幾時再去？（或者應該問，幾時來？）
i remember those old days when trf’s songs were so hit in hk… i had to record them from the radio onto cassette tape..!
哈… 應該就泥又換首相啦….
@miragec -
我都覺…
@reelastime -
有得摸, 可惜排隊排到嘔.
@bigarnex -
哈哈哈. 我一年大概會去日本一次. 有機會一定會來找你的.
@leftleg -
哦~~~ 你又洩露你年齡既秘密. 卡式帶呢d 係侏羅紀既產物~~
@jos -
哦. 諗諗下不如搵木村做拉…