<5 區公投>
沒有新文章, 只交代一點事情.
早陣子的聖誕咭義畫, 我仍未將錢捐出.
我決定將 $500 捐俾海地, $500 捐俾社民連 + 公民黨 組成的公投團體 (後者仍未有具體捐款方法).
我想問 : 點解我想投一票, 以表示支唔支持 真普選 同 廢除功能組別, 都咁難?
如果連呢樣野都冇, 我點說服自己有一日真係可以有真普選, 可以投一票選自己的特首?
(圖來自 krusk kursk)
Month: January 2010
-
<誠意推介 系列 4>
呢個系列, 寫左三期, 然後脫期脫左兩次. 一心取材, 卻想到推介自己. 到最後一刻還是卻步.
自瀆我通常一個人係屋企, 關上房門口 (但對住個芒).
今次推介既, 係一個地方.
旺角(o虛聲媽聲屌聲四起~~~)
我曾經去過不同的地方, 包括銅鑼灣, 尖沙咀, 屯門, 灣仔, 信和, 好景, 東京的涉谷新宿六本木, 悉尼, 台北的西門町, 北京的王府井大街, 新加玻的烏節路, 沒有一個地方比得上旺角的多姿多彩.
用十秒廿秒, 想一種香港有得賣, 但旺角沒有的東西 (除左樓盤).
沒有. 我想了數個月, 想不到
旺角是世上最偉大的地方.
————
1. 旺角地標 :
旺角 Body Shop
Hotcha 未賣廣告之前, 你未必識永成 (但更大可能係你連 Hotcha 都唔識); 約人又唔會約係信和等. 女人街有成里長, 朋友係波鞋街你搵一日都搵唔到. 唯獨係旺角 Body Shop, 香港有九成約過人係旺角等既, 都會約係 Body Shop.
我估計, 以人口密度計, 呢度贏撚晒世界上所有角落. 就連以前賣中國人豬仔既遠洋船倉, 也比下去. 如果你朋友唔識死, 居然企係面向書報攤個邊等, 咁係你搵到佢之前, 佢多數迫死左. 旺角 Body Shop 迫人程度尤其以周未, 假期前後為甚. 你試下年初一約人係 旺角 Body Shop 等, 然後掉一個核彈 (而家當然以漒水彈較貼市; 但幸災樂禍既野, 少講為妙, 當積陰德), 起碼有過億人中招.
我亦想講, 呢間 Body Shop, 既然係地標, 佢既作用就只係地標 : 長期空空如也. 但以 Body Shop 食水咁深計, 佢唔使好多客, 都可以生存到. 揀皇后碼頭 同 旺角 Body Shop 作保留, 我會毫不猶豫揀 Body shop. 有經歷, 才有回憶. 中環匯豐總行可以拆 (或變作機械人飛走), 銅鑼灣時代廣場大電視可以由有線轉做 now tv, 沙田新城市廣場可以執笠 (反正 apm, 圓方都係一撚樣), 但旺角 Body Shop 不可以改.
這比起還政於民, 平反六四, 結束一黨專政, 更加堅定不移.
————
2. 旺角名勝
- 波鞋街 : 允記 (有人曾告訴我, 波鞋街大部份店舖的老闆, 都是同一個人. 不過一撚樣, 和記又係佢, 佢家賢仔乸玩撚晒…)
- 掃街 : 登打士街珍珠奶茶 (呢d 野竟然可以返生), 肥姐小食店, 魚蛋燒賣, 鼓油街山東街許留山群組, 銀行中心對出既華夫夾餅
- 上樓書店 : 可惜買少見少
- 三仔, 四仔 : 九樓有四仔, 四樓有狗仔既好景商場
- 日文偶像物品 : 信和底層 (那裏的日文碟比日本更快推出; 就像我在網上看狐忍, 快過我在東京看到 Jump 的 hard copy…)
- 電腦用品 / 手提電話 : 旺電, 星際城市, 先達
- 垃圾 垃雜野, 玩具 : 女人街, 兆萬, 潮流特區 (每次去旺角, 我都會去兆萬, 潮流特區)
- 名牌貨 : 曾是旺角最弱的一環. 但自從米蘭站進駐後, 球證已經宣佈旺角無敵.
- 商場 : 朗豪坊, 旺角中心, 家樂商場 (而家改左個名叫家樂坊. 挑! 咪一鳩樣.)
- $500西裝 : 荷利活商場
- 畜牲 / 野味 : 雀仔街, 金魚街
- War Game 用品 : 廣華街 (好景後面). 早陣子蔡瀾在電視節目中, 帶住兩條女, 介紹彈槍, 那店就在廣華街.
- 交通方便 : 旺角幾乎有往香港各地區的小巴/ 巴士. 入夜後, 好多人係會搭的士去旺角, 專搭其他通宵交通工具
如果東京的新宿夠行兩日, 我想, 要仔細行旺角一次, 起碼要五日. 每次我走到旺角, 也覺得這是個不可思議的地方. 至於香港另一個令我覺得不可思議的地方, 叫太平山頂 (夜景).
———————
3. MK 文化
更重要係, 旺角有佢獨特既文化, 叫 MK 文化. 香港根本係一個無文化既地方, 但偏偏有所謂 MK 文化! 無尖沙咀文化 (但有文化中心), 無銅鑼灣文化, 有所謂中環價值 (which basically is a piece of shit), 卻有 MK 文化!
節錄維基條碼中 (連維基都有…) 對 MK 文化的坊間定義如下 :
— 喜愛使用一些地方的簡稱，（如稱「花園街」為「花街」，港鐵旺角站恆生銀行為「旺地恆」，「潮流特區」為「潮特」，「旺角中心」為「旺中」。）
— 在句子中強加上一些不必要的押韻…
— 喜愛穿着全身黑色衣物，仿照香港電影古惑仔的造型
— 男女之間大多會比較誰比比誰多男朋友女朋友之類“特別留意的是，MK 人是不會自稱為「MK 人」的，因為此字含貶意，而且他們亦不認為自己的行徑、衣着有問題。”
———————
4. 一些旺角的有趣數字 :— 有 1,321 間餐廳 (openrice 連結), 比起尖沙咀的二千間 及 銅鑼灣的 千五間少一點. Openrice 史中最多好評的十間餐廳, 有三間係旺角 (肥姐, 萬家燒餅, 澳門翠苑茶餐廳). 而最多劣評的十間, 也有四間在旺角 – 我很奇怪這么多劣評的餐廳居然還可以生存…
— 共有 64 位鳳姐在旺角營業 (141 連結). 上海街, 砵蘭街一向由集團操控, 一樓一較少. 數目比起尖沙咀 (294 位), 荃灣 (77 位) 和 銅鑼灣 (85 位) 少一點, 並不出奇.
— 2008 年, 每四個訪港過夜旅客, 有一個會去女人街 (即25%, 太平山是 33%, 星光大道是26%)
———————
5. 驚喜之旅
自從西洋菜南街 (即銀行中心後面) 大部份時間成為行人專用區, 個度出現左好多藝術表現者 行乞 表演. 某個星期六, 我由家樂行到去旺角中心, 途中遇到不少檔攤.
笑到我仆街呀, 屌你.Here we go…
兆萬開始 : 好了, 阿叔左手拿著的, 分明是小時候在茶樓, 嚷一千次要食, 才能吃一次的啫喱, 插在上面的那些紙傘…
穿紅色褸的阿姐在伴唱. 究竟是阿媽伴唱, 定係阿叔伴舞? 而我已經分不清, 你是友情, 還是錯過的愛情… 莊周夢蝶, 蝶夢莊周乎?
味千拉面對出 : 街頭卡拉ok
戴紅帽的阿叔陪舞, 佢跳得好撚 high. 睇得佢無 take 野. 要 high, 使乜索 k? 俾錢黎旺角唱街頭卡拉 OK 就得.
旺角百老匯 : 少女拉二胡交學費…
順帶一提, 我發過誓 (即食過生菜), 呢世唔會係旺角百老匯睇戲. 除非我想係戲院裏面講電話 (大聲講 : 我睇緊戲呀!!!) 同 食煙.
Bossini 對出 : 無手寫書法 1
後面兩個黑褲人, 係有八百人示威, 派千六人保護鄭汝樺搭地鐵既差人.
Baleno 對出 : 街頭表演者 (魔術, 馬戲)
少數我會睇好耐 (唔等於會俾錢) 既表演
荷利活商場 : 無手寫書法 2
Izzue 對出 : 無手寫書法 3
好一句家和萬事興. 應該買黎俾曾當奴.
(點解咁撚多人無手, 又咁撚多無手既人寫書法?)
唔記乜野對出 : 旺角 最乞人憎既 台柱好戲量
好戲量 : 入錢會唱歌
銀行中心對出 : 阿叔賣唱 x 2
對住警車賣唱, 還真特別
街尾百老匯 : 十點都未擺好檔口… 唔知佢表演俾邊個睇
好咧, 越寫越似生活 . 鳩o翕.
是日經典, 許留山對出 : 容祖兒公主我唔識形容…
差佬都俾佢挑逗到呆撚左…
我去到許留山個站, 已經笑到收唔到聲… 國之將亡… 國之將亡…
———————
6. 鏹水彈事件
好痛恨狂徒. 正一懦夫.
至於旺角狂徒有什么特徵, 可參考 exist2 的文章 – 步行者惡夢 (節錄如下) :
1．兇徒是附近居民，極有可能住在西洋菜南街樓上。
2．沒有精神病，但價值 觀極度扭曲。
3．二十歲到尾，有職業，與較他年長的家人同住。
4．十分聰明、細心，有 敏銳的觀察力。
5．只有旺角的三宗鏹水 案是同一個兇徒所為，而其它的全部是模仿犯案。———————
旺角, 是碩果僅存, 我認為香港值得自豪的地方. 周末沒有什么事, 還是會坐車到旺角走走. 人來人往, 靜靜地站在旁點, 抽著煙, 看看各人的動作表情, 十分有趣.
-
<是她, 她, 還有她>
香港多人女人遲婚, 甚至乎係唔婚. 好些女性, 三十年歲月, 拍拖的次數 – 不論是拍長拖, 還是所謂的拍散拖 (而家已經唔係好興呢個詞語. 皆因 by default, 拍拖 即係 拍散拖) – 比起銀河鐵道 999 既列車班次更加少.
以下既幾個真人真事, 具一定普遍性. 無拖拍唔係問題, 重點係呢幾個女生都想拍拖結婚生仔.
切勿對號入座.
1. EY, 現職金融機構後勤部
搽潤唇膏及劃一點眉外, EY 從不化粧. 她是我認識的女生中, 少數會戴眼鏡的, 還要是老老土土那些款式的. 讀書時頭髮比大多的男生 (包括我) 還要短. 身材瘦削, 估計胸圍最多只有 32A. 做事做人態度永遠粗粗魯魯, 開口 “妖” 埋口 “妖”, 說話興起時, 會像癲雞般郁手郁腳. 一眼望去, EY 比我更具男子氣概.
是的, 曾經有人問我 EY 是否 Tom Boy (女同性戀者). 不是. 認識她這么多年 – 差不多十個年頭 – 她大部份時間都想找一個男朋友. 可是, 不要說是男朋友, EY 就連男性朋友也少.有男性朋友約 EY 去街, 她總打給我問意見.
“怎樣的人?” 我問“高大, 有錢, 而且老實. 阿史呀, 他約我去看電影然後吃燭光晚餐, 我應該怎樣?”
“還能怎樣? 年紀不小, 拖也沒有拍過. 塗點口紅, 穿好性感內衣, 吃完飯覺得他可以的, 便去馬吧.”
“妖~ 去你個頭. 我應唔應該去?”
“媽的. 老實說, 這個男的是怎樣搞? 想搞同性戀嗎? 去拉. 唔去你會後悔一世.”
“但是他不靚仔呀!”
“又高大又有錢, 又靚仔的人, 全部都是基的. 我恐怕是唯一的例外 – 可惜我唔適合你.“
“妖~ 咁畢彼特又是什么?”
“照鏡吧, 你可不是安祖蓮娜 . 祖兒 或者 珍妮花 . 安列士頓. 看! 畢彼特是性無能的, 否則珍妮花不會一直沒有孩子, 畢彼特也不用接連領養孩子了” 我沒氣地回答.
“妖~~ 你去死咧.”
不知道 EY 最終有沒有赴約. 事後問她, 她就像怒羅漢般叫我去死. 好了好了, 我去死好了. 反正我不靚仔, 沒有錢. 但我喜歡女人, 而且咸濕, 超級咸濕.
前陣子, EY 去了極地旅行, 回來相約食飯.
“阿史呀!” 當眾在食店咆哮, 我知道她又有分享了.
“在船上我遇到個男生呀! 又靚仔, 又有錢, 更重要是他喜歡女人呀!”“嘩! 那么不就成了? 成功失身沒有?” 我幾乎拎銀包出黎做埋人情.
“妖~ 可惜他是個老外呀! 爸媽定不喜歡. 他在旅途上一直對我很熱情, 我一見到他是老外, 想到爸媽, 就對他冷淡下來.”
妖~ 畢彼特又是什么?
好了好了. 我還沒有告訴 EY, 許多男人在旅程上都會泡女; 旅程完了, 感情也隨之而散. 以 EY 的性格, 失了身給這么一個男人, 自尊心肯定大受打擊. 還是算了吧, 畢竟有樣東西比回憶更加美好, 那叫 幻想.
但願他日 EY 的男朋友, 不是個是肥, 醜, 窮的中國人.
當然, 這都是我的幻想 – 她有天會有男朋友.
——–
2. CC, 專業醫護人士, 簡稱醫生CC 個子不高, 只有五呎; 但體重應該有一百三十磅 (屬個人推算. CC 的實際體重, 比起世上是否有外星人屬於更高度的機密). 化粧, 但永遠化得不好看 – 近年叫有進步. 不知道以為她是個四十歲, 有三個仔的師奶. 她還十分著重衛生, 食飯永遠準備一包濕紙巾一包 TEMPO. 她自己也說不能吃平價食物 – 試過一次大伙兒到大排檔吃飯, 她回家屙了一整天.
CC 頗喜歡撒嬌. 一有人搞 gag 串她, 她會將聲線提高八度, 然後叫聲 “耶~~~”, 或是追著你作勢打你. 對不起, 醜女是無條件撒嬌的. 醜女撒嬌, 男生除了毛管戙, 只有想將眼前的物體先除之而後快.
CC 曾經拍過一次拖. 男的是當電腦的. 是怎么樣的電腦工作, 我不清楚, CC 說不高級的電腦工作就是 : 反正你叫外甥整電腦, 你也不會理他是讀電腦工程還是系統管理. 那時候, CC 一說到男友, 面上會泛起絲絲甜意, 整個人也像在淋浴有 澳寶 愛情中. 事實上, 其他人早已凍死.
男友抓錢不多, CC 有點介意. 但 CC 比較介意的是, 男友未和她一起時, 曾經嫖妓.
我不知道為什么有男人會告訴接近有潔癖的女友, 自己曾經嫖妓. 這不叫坦白, 叫戇鳩. 當然, CC 完全接受不了男友曾經嫖妓.
拖拉幾年. CC 越抓越多, 男友收入沒什么進步. 一次與她吃飯, 問她與男友如何, 她說不要再提. 好了好了, 不提好了.
嫖妓是否不對? 當然不對. 但咸濕係男人的天性, 本能. 我只看過有家室的男人, 在嫖妓後更愛老婆女友; 卻沒有半個會說 “因為我愛我老婆/ 女友”, 所以拒絕去滾. 他們拒絕的原因有 “我老婆沒收左回鄉證”, “我女友成日打俾我”, “我怕貴”, 從來不會是因為愛老婆. 他們不是不想去滾, 有機會, 他們一定去. 而這些男人, 要么沒有機會滾, 一滾就會滾到家破人亡, 他們都不會收手.
我不會將嫖妓合理化. 重點是我們如何處理, 用什么態度面對. 這是現實. 就算他朝香港有真普選, 男人也繼續會咸濕.
與男友散掉, CC 一直沒有拍拖. 有男同事追求她, 能幹, 專業人士, 收入好, 但她嫌人秃頭. 不秃頭又有錢靚仔的, 又肯定有老婆仔女. 約會她大概以為她是個隨便的人. 這些男人也真犯賤, 想包二奶, 偏偏那個二奶也像家中的黃面婆.
每次 CC 打來, 我就知出事.
“阿史呀! 阿邊個邊個約我去睇戲食飯.” 看來睇戲食飯仍然是 no. 1 泡女招. 後生仔, 老坑皆用.“咁你點呢?”
“哎呀…. 我唔知呀…. 耶… 哎呀… 去唔去好呢…”
“醫生嗎? 結了婚, 有個女吧.”“呀你點知嫁? 好心佢結左婚就咪約我拉… 耶…. 我唔知呀… 哎呀…”
每次聽到她撒嬌, 就想 cut 線. 我已經想 cut 線兩次.
“既然你痛恨人家搞三搞四, 叫他去死吧.”
“唔得!! 唔通我仲要搵個搵萬零二萬銀既靚仔做老公咩? 點生活呀?” 看來我激刺到她的中樞神經.
“咁你去拉. 食佢一餐勁既先. 其他話撚知佢.”
“我唔知呀… 萬一去左, 佢會唔會以為我唔介意佢有老婆?”“那么你告訴他, 你其實愛玩雜交, 本身也有些男伴. 叫他一起來玩, 看他有什么反應吧.”“妖~~ 乜你咁污糟嫁. 男人真係好咸濕. 耶~~ 好似你咁樣衰, 都仲要變變態態咁.”
看來我的溝通方法有問題, 明明與我無關, 每次矛頭到最後都會轉向我. CC 去完這些飯局, 回來總對該男子破口大罵, 結果明顯.
好了好了, 男人是污糟的, 全部以下地獄. 天堂上全是女人, 這些女人都是同性戀的. 夠了吧?
——–
3. CH, 現職金融機構後勤部CH 是個普通 OL. 個子不高, 身材普通. 讀書時是文靜的女生, 大概是那種和你同班十年, 沒有開口說過十句話的女生. 當然, 你也說不出她的名字.
上班下班, 與家人同住. 投身社會後, 或因工作需要, 或因想找個男友, CH 開始變得外向, 也會多說一點話. CH 有參加義工工作 – 早兩年她隨公司的義工隊到內地, 教當地的小朋友讀書.
她也花了十多廿萬, 讀完了一個 MBA. CH 不是那種想當上 CEO 或公司高層的女生, 她自己也不想那樣. 當初她告訴我會讀 MBA, 我心想 : 有錢唔好咁浪費呀…
CH 沒有拍過拖; 絕少聽見有男生約她 – 除了同學 RC. 圍內的人都知道, RC 是個好仔, 乖到不行, 是真正擔屎唔偷食那種人. 如果要我數, 有什么男人可能會說 “我愛我老婆” 而拒絕去滾, RC 會是其中一個. RC 替某國際名牌集團睇香港盤數, 工作還算不錯 – 起碼他購買該品牌有七折, 對很多男生女生也很吸引.
我曾以為 RC 是搞同性戀的, 畢竟 RC 也一直沒有女友.
後來 RC 約會 CH, 說要替她慶祝生日, CH 就找來無謂人等如我一起. 一看就知乜事. 總之, CH 拒絕與 RC 單獨約會. 及後, RC 向 CH 示愛, CH 想也不想就拒絕了.
CH 與友人說, 兼 RC 太薯.
好了好了, 反正男人多的是. 可恨千揀萬揀, 偏偏 CH 揀著爛燈盞.
“阿史呀, 我識咗個人渣呀!”“你唔係俾人玩呀嘛? 有乜可以幫到你. 你要知道呢個世界男人天生都係仆街 同 人渣.”
“你有冇唔係仆街既男人介紹.”
“話左男人都係仆街” 我心諗 : 話撚左你知拉電訊盈科
“我唯有單性繁殖”
“你唔接受男人係仆街, 只會不斷俾人hurt”
“我可以點做? 好唔開心呀.”
“下? 你唔係為左d 仆街傷心呀嘛… 仆街咪由得佢仆街law”
“我係呀, 因為我係女人吖嘛. 佢話做d 野 “淨係為左你”, “一世”, 佢竟然話呢d 字眼同普通朋友都會講.”OK! 咁你問我黎做乜? 咪繼續傷心…
“…呢d 咪係仆街law. 不過, 作為仆街既一份子, 我成日都同人講呢d 野嫁拉.”
“佢其實好多女朋友, 但一直無講我知. 點解佢要咁?”
“呢d 野好複雜. 講左俾你知, 佢無左upside opportunity. hold 住你, 你唔知, 佢無蝕; 咁無downside 既野, 點解唔做. 對唔治, 我用d terms好股市.”
“佢真係好賤. 如果佢唔接近我, 我地咪一世朋友 law… 點解要咁?“
“無嫁喎. 你咪當無識過呢個人. 呢個係人唯一可以自救既方法. 既然你地對朋友個定義唔同, 道不同, 不相為謀. 佢唔係你男友, 動氣更加無謂.”“Just out of interest, are you also a 仆街?”
“有乜咁出奇. 只不過我唔係對住你仆街咁解.”
“When you were a PK to a girl, will u feel guilty?”
“Oh, not really”
好了好了. 壞男人不好愛, 好男人不愛. 究竟想要什么?
然後, 沒有拖拍, CH 快變成一部工作機器. 一次在 MSN 遇到 CH, 那已是晚上八時.
“Where are you?”“Office. You?”
“me2. I feel it I am being one of those 幾十歲冇屋企番嗰d老女人, can only stay at office as home”
“…go home la”
“Actually, my outstanding work is NOT URGENT that I can leave it until next week. But since I have nowhere to go, I thought ‘why don’t I complete it now?’”留意, 那兩個大階的 NOT URGENT, 是原文來的.
“…”
“So how serious is my situation is?”
“VERY serious. I strong advise you to go home NOW, immediate NOW.”問題是, CH 不是那些很進取, 很 aggressive 那些女孩. 她只想結婚生仔. 追求結婚生仔, 最終得到工作連綿. 還有什么好說.
——–
好了好了. 認清男人沒有? 他們要么是秃頭醜樣無錢, 要么就是仆街王八蛋. 全宇宙只有一個地方, 男生是潔淨無比, 不賤格, 不咸濕, 靚仔, 不搞同性戀, 只是身家多少自己控制不了, 個個地方叫醫院產房.
只要男人有陽具 – 一支能硬起的陽具, 他們泡你的目的, 最終目的, 也是唯一目的, 只是為了滾你上床. 請不要再以為自己能遇到白馬王子.
與其等白馬王子, 不如等恒指回到三千點, 那時候相約幾個還沒有結婚的女同學, 一起打給經紀幾球幾球咁狂掃盈富基金, 好不好?
-
<生活 . 鳩o翕 10>
又到一個月一次既鳩o翕. 呢個系列, 係少數我越寫越覺得有趣味既系列之一. 不過, 通常寫完話有趣, 好快就變無趣…
(1) 2009 年 – 過去式
下面個d DVD 機, 應該過左期, 唔可以再賣.
(2) 宜家傢俬
無論係狗狗 同埋 河馬, 睇黎都覺得宜家係一個好既交配地方.
係沙發都唔放過. 一路係度 he he her her.
(3) 佢個鼻…
挺過梁挺. 可能係燈光問題… 但睇翻呢個 mtv, 佢而家個鼻尖真係挺得太勁.
順帶一提, 呢個係阿 sa 黎. 另外, 瑪花搵佢賣纖體廣告. 同搵洪金寶賣肥仔丸有乜野分別?
(4) 加錢送
香港終於有人識字咧! 麥當奴叔叔識 “加錢” + “換”. 咪撚再加錢送~~
點知係人生既旅途上再睇睇下… 都係零分.
免費休息… 免費打開眼… 免費行路… 免費呼吸
買 忽然一周 送 飲食男女.
乜近幾年, 有唔係送嫁咩?
幾時出現買鞋買左腳送右腳? 買枱出現送兩隻枱腳?
(5) 一條龍終身事業
徐志摩口中的康橋, 就是今日的劍橋. 而當康橋教育 同 劍橋護老院 係同一座大廈出現時, 真的響應董廢帝終身學習, 一條龍生活.
— 細個係康橋教育補習
— 畢業後係康橋教育做導師
— 老d 係劍橋護老院照顧老人家
— 退休後就係護老院等人照顧真正足不出戶, 自給自足. 使春起乜野新市鎮, 幾百億起高鐵搞三小時經濟圈? 黎到康橋/ 劍橋, 五分鐘你可以活一世! 連車都唔使搭呀~
(6) 海報
究竟係咁o岩得咁橋, 定係我份人太仆街, 太 critical 呢? 我懷疑兩樣都係.
不過重點係, 點解我成日都遇到呢d 騎呢海報?
(6.1) 留意綠色部份
碟鮑魚同龍蝦大到呢…
(6.2) 拳賽海報呢張拳賽海報, 我思考左一個月.
第一, 佢係賣拳飛, 但成張海報都冇價錢.
第二, 佢張海報, 有五個人.
諗清楚d. 五個人, 係打唔到拳賽 :
— 如果只係打一場 (通常呢d 表演賽, 每人打一場), 咁剩返一個人, 係場邊數手指或者打飛機
— 如果打淘汰, 五個人, 點打? 一個種子拳手, 然後兩場淘汰, 打完又有三個拳手. 唯有係三個種子拳手 – 但五個人有三個種子拳手?百思不得其解….
唯一既解釋, 係拳賽笨唔係一對一, 而係五個人圍嘔. 唔使分隊, 唔使淘汰. 拳證都唔撚使. 總之最後企係個場既, 就係鐵頭功, 係金剛腿, 係皇者!
留意下! 佢個名叫 “混合武術博擊”. 叫得做混合, 仲唔係圍嘔!
圍嘔拳賽! 我睇咁耐拳 (多數係 youtube 睇日本既 K1 同美國既 UFC), 無見過有圍嘔拳! 創造傳奇一刻喎, 唔怪之得d 飛貴到唔寫幾多錢…
(6.3) 衛蘭海報佢究竟想點? 飲食金字塔?
(7) 食神
(8) 乘數表
元旦夜搭地鐵.
而家d 細路想點… 兩個人坐一個位, 人疊人, 疊羅漢…
其實都好既, 照乘既話, 一張登可以坐12 個人.
(9) 無 s
(10) I love this
法輪功說有七百萬人退黨, 可能是騙你.
法輪功話自己個肚有個輪 (唔係窩輪), 肯定係昆你.
但愛國不等於愛黨, 有道理.
對很多人來說, 若然無左共產黨, 佢地唔會知自己既愛國等於d 乜. 畢竟佢地所謂愛國, 即係等同愛黨, 然後沾油水. 我愛國, 只限於對中國數千年的文化歷史發展, 十分欣賞及敬佩. 其他奧運, 航天, 經濟發展, 國力, 一概唔覺得自豪. 連 . 半 . 點 . 也 . 沒 . 有 . 每次看到那些新聞, 看到政府及群眾 (多數係細路) 一邊公開自瀆一邊沾沾自喜, 只覺得毛管戙.
如果愛國, 包括埋愛黨. 即係你同我講鍾意一個人, 要鍾意埋佢d 臭狐, 香港腳, 痔瘡; 同埋佢蠻不講埋既老母一樣 (btw, 無老母係講道理). 咪 . 撚 . 玩 . 拉. 呢d 唔係叫愛屋及烏, 愛情盲目論.
係叫戇鳩.
擁抱黨, 擁抱既得利益集團, 可以沾到油水. 但唯唯諾諾, 連做人的志氣也沒有.
“許多讀書人原初做學生時心存大志，到後來卻忘了本，忘了初衷，忘了最初的志氣，反而走到自己做學生時最瞧不起的那條鑽營的路上去了。
借 用一個比較花巧的術 語來說，這叫做「異化」，老實點說就是「變了質」。讀聖賢書，所學何事？高薪優職，不好好去想想如何把份內工作做好，以回饋社會的供養，卻整天忙於營求之 事。午夜夢迴，捫心自問，能不慚愧？能不汗流浹背？別人以職級來衡量你，是別人沒出息，你自己豈能以職級來衡量自己？有自信有傲骨的人豈會如此自己看扁自己？”
(11) 灣仔
前陣子已說過, 這是最後一輯灣仔相片. 下輯的選材, 還沒有想到.
-
<孟子 . 公孫丑 上>
孟子曰：「人皆有不忍人之心。先王有不忍人之心，斯有不忍人之政矣。以不忍人之心，行不忍人之政，治天下可運之掌上。所以謂人皆有不忍人之心者，今人乍見孺子將入於井，皆有怵惕惻隱之心；非所以內交於孺子之父母也，非所以要譽於鄉黨朋友也，非惡其聲而然也。由是觀之，無惻隱之心非人也，無羞惡之心非人也， 無辭讓之心非人也，無是非之心非人也。惻隱之心，仁之端也；羞惡之心，義之端也；辭讓之心，禮之端也；是非之心，智之端也。人之有是四端也，猶其有四體 也。有是四端而自謂不能者，自賊者也；謂其君不能者，賊其君者也。
凡有四端於我者，知皆擴而充之矣，若火之始然、泉之始達。茍能充之，足以保四海；茍不充 之，不足以事父母。」
有時候, 我們做些事, 不是為了錢, 不是為了權, 不是為了勢; 只是覺得那事是對的. 不去做, 自己可能會萬分後悔.
不是錢權勢不重要, 而是公義及道理更重要.
一月八日, 立法會見.
-
<Important!>
不論你是否支持高鐵, 對香港是否仍有希望, 請花點時間看完以下文章.
This is how our government cheats on us.
(由於寫得好急, 肯定好多錯字, 同埋表達得唔好既地方. 歡迎賜教)
我敢肯定政府的評估是錯.大家轉載吧…
—
<廣深高速鐵路的經濟效益推算>
在運輸及房屋局交給立法會工務小組及財委會的文件, 皆有不少篇幅講及高鐵的經濟效益及乘客量預測 (立會相關文件的第四至七頁; http://www.legco.gov.hk/yr09-10/chinese/fc/pwsc/papers/p09-68c.pdf).
大致來說, 當局認為高鐵的經濟效益, 有以下三方面 :
(a) 乘客的直接得益－ 節省的時間成本、道路交通意外減少等；(b) 直接、間接及衍生得益－ 鐵路營運者及其主要系統及服務供應商的增值及其增聘的僱員， 以及僱員的家庭開支； 以及
(c) 催化效益－ 促進旅遊、商貿、專業服務及其他行業。單靠追蹤乘客、鐵路營運者、其供應商及有關僱員的資金流向， 不能反映出這些附帶效益。
細閱當局的經濟效益論述, 以下令我非常困惑
第一 : 既可量化, 但又不可量化的經濟效益
值得留意, 當局也認為 “(b)及(c)項)的效益則較難量化”, 因此量化效益的部份只論及 ( a ). 但奇怪的是, 既然難以量化, 當局又說 “一般來說, 上述兩種難以量化的效益, 整體上應遠遠超越可為乘客帶來的直接效益。這情況對香港作為珠三角地區以服務業為本的經濟體系尤為明顯。高鐵香港段通車後將加速大珠三角的經濟融合，為開拓本港長遠經濟發展機會創造條件。”什么叫 “一般來說”? 一般, 即是有明顯觀察得到的形態, 趨勢或比例, 再作比較, 才是說成是 “一般來說”. 例如, 一般的香港男士都身高 1.70; 即大部份的男士, 在比例過後, 發現身高都在 1.70 左右. 但當局以什么項目來與高鐵作比較, 從而得知高鐵是屬於 “一般” 而非 “特殊”?
而既然有比較, 為什么不能從那些比較, 從而推算出 (b) 與 (c) 的量化經濟效益?
更重要的是, 既然是難以量度, 當局又何以得知 (b) 與 (c) 越比 (a) 高? 這是難以自圓其說的.
我認同當局所說, (b) 與 (c) 的實際經濟效益, 根本無從量度; 我也認同高鐵可為香港創造長遠的發展機會. 但我不認同的是, “明顯地” (套用當局的邏輯), 當局寫這段文字 (“一般來說… 條件”), 是寫出一些似是而非的事情來支持 “經濟效益” 很大這個先入為主的決定; 而不是知道興建高鐵後會帶來某些經濟活動, 再作出推算後, 得出經濟效益距大的結論.
以上舞文弄墨, 政府熟能生巧. 再者, 這些所謂收益, 虛無飄渺, 少說可以, 多談無謂.
第二 : 將乘客等同為香港的生產原素
(1) 什么是經濟效益?
當局在評估高鐵為香港帶來的可量化經濟效益, 作出頗為具體 (但不詳細, 也不代表正確) 的論述. 所謂可量化的乘客得益, 包括節省的時間成本及道路交通意外減少. 當局沒有交代何以計算後者, 但對前者就有論述, 即
— 乘客數量— 所慳的時間, 及時間值
簡單一點說, 乘客的直接得益, 就是以金錢去量化所節省的時間 (撇除估計因高鐵而所減少的道路交通意外不談).
(2) 為什么所節省時間的量化, 可以談得上是 “經濟效益” 呢?
這個評估最重要的假設是 : 所節省的時間, 可以用來幹一些有經濟效益的活動. 舉例來說, 若然一個香港商人, 以前回廣州談生意, 車程三小時; 起了高鐵後, 車程是一小時, 那么他節省了的兩小時, 可以讓他早點回香港, 做些其他事情.
這是很重要的. 以上的 “假設”, 當中有很多地方, 有很多地方可以有爭議. 例如 :
— 那人省卻的時間, 是否/ 多少用作在香港作經濟活動— 即使那人作經濟活動的效益是多少
這些我們都無從得知. 最簡單的假設, 就是計算一下, 一個平均工人一小時的薪金是多少, 然後當這便是每一小時的時間代價. 這可以很複雜, 但重點不在這裏.
(3) 重點是什么?
更重要的是, 若要計算高鐵為香港所帶來的經濟得益, 我們必須要頗為肯定 (不需要有十足把握), 那么所節省的時間, 一定是屬於香港生產力的人士 (工人, 商家, 勞工, 白領, 廠家, 外地勞工).
起一個機場, 我們不會天真地以為, 所有乘客所節省的時間, 都是香港的經濟效益. 作為一個跨境運輸網, 起高鐵和起機場的道理, 一模一樣. (你明白這點, 可以直接看 (5))
再舉例說 : 若有一個美國人, 以前是乘巴士經香港到廣州, 車程三小時; 有了高鐵後, 車程一小時. 節省的兩小時, 這人即使花在經濟活動上, 也一定不會計到香港的頭上. 這頂多是高鐵對世界, 及對美國的經濟效益; 但肯定不是對香港的效益.
不要說那美國人節省了的兩小時, 可能花在香港購物或其他活動. 那是屬於 (c) 催化效益. 和可量化的經濟效益 – 即所節省的時間價值 – 風馬牛不相及.
(4) 若不明白, 再說多一點.
根據香港統計署的本地生產總值報告, 對於本地生產總值是如下界定 :
“本地生產總值是指一個國家或地區的所有常住生產單位，在一個指定的期間內，未扣除固定資本消耗的生產總價值。如果一個生產單位以一個國家或地區的經濟領域為其經濟利益中心，這生產單位就是該國家或地區的常住單位。一個國家或地區的經濟領域，是指該國家或地區的政府所管治的地域，而在該領域內的人士、貨品及資本均可自由流動。”香港人搭高鐵, 所節省的時間, 可以計入對本港的可量化經濟效益 (時間價值); 不屬於本港的勞工, 即所有沒有權在本港工作的人, 不屬於香港的生產單位, 所節省時間的經濟效益, 是對世界有利. 但絕對不能計算入對本港的經濟效益.
倒轉來說, 除非我們能肯定, 乘搭高鐵的, 都是能在香港工作的人, 否則所有乘客所節省時間的價值, 並不等於對香港的經濟效益. 若然以為所有乘客所節省時間的價值, 是等同對香港的經濟效益, 是完全高估. 那不過是高鐵對全世界的經濟效益.香港本土的運輸系統 (例如港島南線), 還可以假設乘客 及 能在香港工作的人 (或屬本地生產力一部份) 兩者等同 (當然乘客當中可以扣除遊客). 但一涉及跨境運輪系統, 情況便十分複雜, 不可以再將兩者簡單地等同.
(5) 那么, 當局做這個分析時, 是否考慮到這點?
— 根據文件的表一 (第五頁), 當局是用乘客數目, 而不是乘客中的香港人數目, 去估算可量化的經濟效量.
— 那么乘客是否全數為香港人 (或能屬於香港生產力的人士)? 當局看似沒有在文章中交待. 但以當局一直強調無高鐵不行的態度來看, 乘客當中香港人 (即屬於香港生產力的人士) 與其他人, 應該各有千秋. 再者, 香港即使有一千萬人, 每年約有 3,650 萬人次乘搭高鐵 (99,000 x 365)? 這也太誇張了吧. (謝 smileooooooo 更請)
所以我肯定, 這個所謂量化評估, 所謂經濟效益及內部回報, 極其量只是高鐵對世界的經濟貢獻. 要說成是對香港經濟的效量, 簡直是天方夜譚.
(6) 有什么結論?
第一, 當局所評估高鐵對香港的經濟效益, 由於混淆了乘客與屬於香港生產力的人士, 肯定被高估. 文件中第四至第七頁, 只是一個錯誤地支持興建高鐵的評估. 可以不理.
第二, 當局提供那個, 不過是高鐵對世界的經濟效益.
第三, 鄭汝樺說遲一日起好高鐵, 香港損失五百萬, 是個高估的數字. 也可以不理. 那是世界的損失.第四, 當局應該重新作出評估, 切實地估算高鐵對香港的可量化經濟效益. 否則, 香港人不知道原來自己是在做善事, 出錢興建一條對世界有利的鐵路.
