October 9, 2011

  • <Whatsapp 奇遇記 四>

    故事去到這裏

    教訓

    老老實實, 經已過左五六日, 係我一早搵人買凶殺左區生. 難得友人仍然好有耐心. 有這樣一班朋友, 是眾人的幾生修道.

    不過, 經過區生連日折磨, 友 . 人 . 終 . 於 . 火 . 光 . 了.

    30/8/11 9:40:29 PM: 區生 : 唉, 唔佢係係未翻屋企定點, 冇反應.
    30/8/11 10:17:06 PM: 區生 : 失去了佢消息, 個心好痛.

    …只不過是四十五分鐘的時間…

    區生 : 彷彿又忘了她已不是我女朋友, 人恍恍惚惚, 拎完野去佢度, 又覺得我們冇分開過. 心情好難處理, 雖然口說唔在意個男仔, 但心好痛, 痛到剛吃了的東西都想嘔出來, 要點處理呢種心情呢, 好難受. 一定神, 整個世界又崩潰了一樣!

    阿豪 : 可以出去買本勵志書? 或上網找 (仆街, 睇個陣記住播埋紅日)

    區生 : 特別係星期六日, 得一個人孤零零. 我以前好想快d到星期六日, 有佢陪伴我, 現在星期六曰好像地獄一樣, 唔想佢咁快到. 今天知道她收了花開心, 心情好了很多, 但再次失去佢消息, 心又開始痛, 大上大落, 好辛苦.

    白人 : 不單你會痛, 我估阿麗都跟我們都痛心, 為何你總在失去時, 才想珍惜?當然她的痛比你多.

    區生 : 我知道有你們這班好友, 可同甘共苦, 苦中一點甜, 但我真係快不行, 我好想得到解脫…….. 我試過強撐, 九年前既陰影, 跟今天重疊, 人生好灰啊.

    文迪首先爆了.

    文迪 : 你成日都話快唔得!只係過左幾日你就日日掛住係口邊!你想要既解脫係乜野啊? 你同左阿麗一齊七年啦! 你仲要話你活在前度既陰影之下! 咁你當阿麗係乜野啊? 如果你真係咁愛佢既, 唔該你俾我睇到你冇左佢完全唔得既感覺啦! 而唔三日唔埋兩日就話得啦!

    白人 : 希望在前, 你要堅定相信自己能比幸福她. 消極的心沒用. (屌, 白人都受到正能量感染了)

    區生 : 愛過既女人我都會記著, 就算小學那個我現在找他不到也會記得,更何況與前度一起超過五年. 一次比一次傷.

    阿豪 : 去沖個涼先啦, 令自己冷靜下.

    阿豪 : 區生, 返回現實. (仆街, 就連這么簡單的一句也充滿正能量.)

    文迪 : 如果佢而家發個短訊俾你係多謝你但佢唔會回頭! 咁呢d係咪就係解脫啦? 你講我知你想要既解脫係乜? 一個答案? 係咪佢而家拒絕你. 你, 你就放棄啊?

    區生 : 唔會.

    文迪 : 咁你想要既解脫係乜啊! 你如果放唔到手! 就唔好再成日話快不行啦! 睇到人都火啊!

    區生 : 心情好亂, 好起伏, 我會克制

    文迪 : 人地阿麗快不行了十九幾萬次啦!

    我開始懷疑文迪其實咁o岩經期到.

    阿豪 : 成長吧, 你不是十八廿二了, 勇敢地做, 勇敢地面對. (仆街, 你真是他媽的正能量地球代表)

    文迪 : 我明你好亂,好心急!但係你要有必須追番佢既決心同信心啊!而唔係成日講d咁泄氣既說話啦!

    白人 : 阿麗果種痛苦, 你又有幾憐惜?

    文迪 : 成熟d啦! 你而家所做既只要有錢既, 就做得到架啦! 去追新女可能冧到爆! 可惜阿麗唔係!

    阿豪 : 其實, 你要學習唔咁好容易得戚, “自己細的, 人地大的”, 咁你會舒服的. 唔好再漠視阿麗咧.

    區生 : 漠視, 係咪唔理既意思……..

    白人 : 小弟認輸了.

    區生 : ……

    文迪 : 世界係唔會圍住你轉架! 你唔好再過份自我中心啦! 佢唔一定要順住你所想咁俾反應你架!

    區生 : 中文字我識好多, 但真係唔知漠視除左唔理仲有冇其他解釋…

    文迪 : 漠視係由心出發囉! 唔理係明知既, 但係扮唔知囉!(好撚多感嘆號)

    區生 : 受教…….

    連無乜出聲既茵茵都要爆了.

    茵茵  (佢終於講野) : 你同佢一齊做一件事, 你只感受到自己開唔開心, 「唔記得」諗佢開唔開心, 這是第一層漠視. 你「知道」佢唔開心, 但你唔理佢, 這是更嚴重的漠視. 佢唔想同你嘈, 於是搵返你, 你唔識珍惜, 反而以為自己o岩, 變本加厲, 要做些甚麼來「懲罰」佢. 咁係對待仇人既態度, 唔係對愛人既態度. 阿麗覺得被你漠視, 係話緊你:佢唔開心, 你「由得佢」. 情況就如同, 你而家唔開心, 佢知道都「唔理你」.

    區生 : 喔, 呢種感覺叫漠視, 我懂了. (呀~~~~~~~~~~~~~ 發現新大陸呀)

    最後連白人都忍唔住.

    白人 : 兄弟, 我不想在這刻傷害你. 但做兄弟的, 我一定要講實話. 到現在, 你還是想著 “自己”. 你看, 我們一眾人比你還了解她. 她要離開的原因, 都是因為你. 我看, 還是可以追回來的, 不過要看你成長多少了. 如果你做不到, 就算她再回來, 也只會再受傷害. 做男人的, 要讓女人幸福, 要好好照顧她, 是你的責任. 不要自怨自艾, 努力吧!

    另外, 她提到不能離開那男仔的一段, 可能在你而言, 你會非常著意. 不過想你明白, 就算她是不是喜歡他. 他對阿麗的好, 阿麗都會心存感激, 她不想恨心傷害. 希望你明白阿麗, 不要執著那個他. 若是你明白阿麗, 你應該可以想像得到.

    文迪: 我認同白人. 阿麗仍是可以追回來的. 但你有自信可改變到自己嗎? 有自信可重拾對佢既信任嗎? 如果有, 你放馬去吧! 但如果冇, 你放手吧! 愛一個人係希望佢可以幸福! 你冇自信做得到就不要強求啦. 改變自己係痛苦同慢長既, 人跌過先會成長!盡自己努力啦!

    文迪 : 我唔知你之前講左d乜野. 但就你所寫既, 我完全感覺唔到你覺得自己有問題. 你只係向一個變左心既女人話你會等佢囉!你究竟明唔明個問題係邊啊?

    ——————

    區生 : 其實係咪連你地都覺得我改唔到同冇得救…… (過左十鳩幾年, 你終於發現問題核心了.)

    文迪 : 我信你改得到, 但係改得幾多, 維持到幾耐?!我有保留囉!

    茵茵 : 其實, 就算我幫你同阿麗講好說話, 我自己都有疑問, 到底咁係咪真係對阿麗好. 如果佢真係覺得離開你佢會幸福點, 我點解要阻止佢?正如白人講, 我地都錫阿麗. 你要明白, 你?好同唔好, 其實係咁多年一直累積落唻, 阿麗心中有數, 未必係你而家話會改, 就可以重拾. 呢個道理, 希望你明白, 正如你說, 之前你同阿思分手的情境與這次也很類似, 如果係咁, 點解你之後遇到阿麗唔對佢好點?

    老實講你而家話會點改點改!你改到幾多, 改得幾耐冇人知!就連你自己都唔可能保證啦! 反正而家阿麗要冷靜期!你不如用呢d 時間具體d 諗下你第時要點做, 要點對佢同佢屋企人好, 點樣融入佢既生活, 佢既生活圈子好過啦!

    文迪 : 其實我覺得阿麗最痛苦既係佢成日都要就同一個問題同你吵完又吵!事情從來都冇解決既餘地!永遠都係佢千就於你!佢發脾氣, 你又會反發番佢脾氣!跟住就冷戰!周而復此真係令佢身心都疲累啦!其實你不如細心諗下你過去對佢做過既種種!你做過?乜野係令佢好開心既!你就多做啦!

    茵茵 : 區生, 我覺得你要諗清楚, 就算將來阿麗同返你一齊, 你會點樣去明白佢, 點樣了解佢. 你都要有心理準備, 經過今次, 佢未必係同以前一樣咁就晒你, 讓你任意妄為, 到時你會唔會頂唔順?會唔會覺得變左質唔同感覺?如果你冇諗清楚, 就算阿麗返唻, 但係對你既改變的期望再失望的話, 就徹底沒希望了.

    白人 : 做兄弟的, 難聽都要講. 可能你現在覺得, 先追返阿麗, 才有機會讓你往後慢慢學習相處. 我們會開心見到你機會率好像增加了. 但其實, 你愈是這樣, 我們愈是擔心. 怕你只顧用”手法、攻勢”去追阿麗回來. 然後, 一如以往的”不懂”去好好對待阿麗. 本來開開心心過日子咪幾好, 係要帶d唔開心的日子比阿麗, 佢又令你唔開心. 你先唔開心幾日, 人地唔開心左幾個月了. 如果佢返來, 你真係好好對佢.

    我講過好多次, 阿麗係簡單的女仔, 佢唔識同你口舌之爭. 佢講你唔贏, 唔代表你arm,  不代表佢服. 如果你天真地到想: “佢有道理過你,  一定會講得你贏”. 對不起, 你又再一次將責任推到阿麗身上, 再一次以為自己全對了, 而漠視她了.

    你唔識好好照顧佢, 就要去學. 唔識人的心理, 就去學. 唔識再唔係藉口, 不是大哂. 你要知道, 你連基本的尊重都有問題, 你是何等讓人擔心. 記住, 凡事先有因,  才後有果.

    現有的果, 如果你能想得出以往種種的因, 你就上了寶貴的一課. 未來的日子, 大家才會有幸福. 不然再多的哄女攻勢, 幫不到你往後過日子. 難道他日改送一萬朵花會有效嗎?再多的人幫你, 還不如自己幫自己.

    相信你會和我一樣, 都希望在 阿麗 面上, 見到如文迪同阿豪老婆一樣的幸福樣. 以你咁鍾意贏的性格, 不如令阿麗覺得比佢任何人都幸福. 人生路, 從來難行, 但有阿麗伴你去行, 將會是你最大的幸福. 希望你快d馬到功成, 我們又可以開開心心去玩.

    希望你記住, 一定要做到相信、明白、體諒同照顧 阿麗.

    茵茵 : 其實, 要做到事事關心對方, 觀人於微, 對呢一刻既你黎講應該有難度. 但你「起碼」要做到, 佢表達佢咁樣會唔開心時, 你要記係心. 如果佢話你既要求過份, 你要嘗試去「明白」.

    「明白」好緊要. 因為如果你唔明, 而盲目地就佢, 咁樣遲早你會爆.

    區生 : 比d時間理解, 但亦都要有機會先可以試著做

    茵茵 : 呢個道理, 你同任何一個人拍拖都要識. 你早點明白, 早點預備好, 你身邊嘅人就早點得到幸福. 我知你要時間去消化, 但我又怕你好快會唔記得. 我建議你記得左佢, 放喺iphone 個note度, 間唔中睇下. (茵茵這數句話刺激我整理這數篇文章)

    方法係「溝通」. 要能夠心平氣和地「溝通」, 首先係「唔好發脾氣住」, 「慢慢講出你既感受」, 你做到既話, 已經好好多!

    我唔擔心你呢刻做唔到, 因為呢刻你慘, 你就「受教」. 但以後, 希望你都能夠保持這「謙卑」的心. 起碼你要警惕自己, 「唔係凡事都你大晒」

    白人 : 茵茵, 佢根本係我地講一樣, 佢先”嘗試”做一樣, 根本都仲係放自己在第一位, 有鬼反覆思量阿麗的想法? 呢個時候佢只係掛住快d追返阿麗, 了結件令佢唔開心的一件事.

    我地講果d野, 佢用來舒緩自己情緒, 講多都無咩用. 如果佢有了解, 根本係來去三幅被, 要明點都會明返d. 女朋友係自己, 我地點可以執筆寫字. 事後, 佢真係會話我們這班好友冇提佢. 佢而家先開始知咩叫”漠視”, 如果佢仲係唔知咩叫自私、尊重、付出, 咁第日咪大q哂.

    文迪 : 對!而家仲係我地捉住佢隻手教佢寫字!我地一放手, 佢可以寫得番幾多隻字都仲係未知之數!你睇佢完全冇吸收阿詩果時既教訓就知啦!而家係我地所有人都將阿麗既幸福賭上左係呢條友身上!如果佢仲係咁後知後覺或者後知唔覺的話, 佢就真係冇朋友啦!

    白人 : 我地依家有份塑造一個 “暫時” 區生去哄返阿麗.他日佢一個唔覺意又返回原形, 受苦的又係阿麗.

    ————-

    我望著螢光幕, 看到文迪說 : 愛一個人係希望佢可以幸福.

    這是愛情路上最難做到的, 尤其是當給幸福她的不是自己. 要衷心地祝福自己愛著的人從他人身上找尋到幸福, 說 跟 做一樣的難. 除了要有點阿q 精神, 加上自己己經尋回幸福, 就只有歲月, 加上反複的煎熬, 才能撫平傷口. 我敢說人類史上沒有人比我更明白這點.

    而不需要這些就能做到的, 我認識的就只有白人一個. 茵茵劈腿… 白人做了很多, 茵茵也沒有回頭, 他就真的能放手, 讓對方找尋幸福… 而且冷靜得令人髮指…; 眾人也知道, 白人是深愛茵茵的.

    愛一個人能愛到這地步, 就連她的錯失也能包容, 實在讓人無話可說.

    (第四章; 共五章)

Comments (10)

Post a Comment

Leave a Reply

Your email address will not be published. Required fields are marked *