October 12, 2006
-
<無聊日記>
又時候來感性一返.
放心, 感性, 不是性感. 就算是性感, 我怎樣也不會除衫. 唔使驚.
近日對於自己似北海油田既感覺, 越來越嚴重. 精力 (咪心邪, 我而家好認真咁感性緊) 同腦汁不斷被抽, 好似就快被抽乾咁. 手頭上的工作, 一為神功, 二為弟子, 理應做得好合皮. 但同一時間有幾單野係手, 我無乜時間俾自己諗多餘野.
就連那個施政報告, 我連翻翻網頁的時間也沒有. 聽聞有個所謂學券制, 但唔俾用係私校, 唔俾學費貴過 $24,000, 唔俾用係 3-5 歲既小朋友身上, 唔俾用黎交學費, 差點要父母有份替美軍攻打伊拉克才可以拿到 $13,000. 這還可以叫做學券制, 可真風趣. 我還記得當年政府俾舊錢人地用黎買樓唔使還, 或者可以免息借大舊錢買樓. 這可不是用納稅人的錢來資助牟利機構, 可真風趣.
彰顯世界細少之事, 無日無之. 例子太多, 多得令我以為. 彷彿隨便在街上捉一個人, 你朋友或自己認識這人的機會超越 90%. 若差輪廚我乜野叫 “認識”, 以香港手提電話滲透率超過 100 巴仙來說, 擁有手提電話號碼及互相知道名字的, 叫 “認識” 實不以為過.
剩返個 10%, 就係林嘉欣s.
而提起林嘉欣, 不得不提佢近年已經走火入魔. 自從拍畢 <戀之風景> 後, 她拍的片包括 <雙雄>, <六樓後座>, <救命>, <我要做 model>, <六壯士>, <後備甜心>, <阿嫂>, <怪物>, <詭絲>. 除了兩套 <六>, 每一套都可稱得上爛片. 還是爛到不能再爛個隻. 要挑戰自己演技, 是不用扮怪物的, 去拍 AV 也可以. 還有 p 記相機替她拍的硬照, 應該不能更醜了.
她近年痴線得令我認為, 她唯一還沒有走上的歪路, 就是同我一齊.
不要這樣下去了.
近日興懷舊. 找回楊千嬅的姊妹等舊歌. 當然還有前兩天提及的 AV 碟. 今天去 YOUTUBE 尋找巴達斯圖達的片段, 感觸良多. 試過學人走去 google 前女友的名字, 發覺好些連的名字也忘記了. 反正女友名字太普通, 找到的結果應該比牛頓還要多.
看到某些 xanga 而感到興奮和不屑. 不屑的是, 大學時修讀假道學的人畢竟太多. 興奮的是, 在別處看到幾篇極左的言論, 爆笑得流淚. 但為免被誤以為係度挑釁, 不便在此公開這些 xanga. 畢竟, 沒有人是十全十美.
而當我忙到仆街, 仍然偷偷地係公司打 xanga, 你就知點解我忙到仆街. 好多野, 係抵撚死.
我也不要這樣下去了.
Comments (11)
她近年痴線得令我認為, 她唯一還沒有走上的歪路, 就是同我一齊.
同你一齊唔一定係歪路既~~~
仲未放工咩？
嗯…..唔怪得無見你講施政報告啦, 原來你又忙到氣咳, 你咁忙都打到咁長既日記, 你一定係打字打得超快, 你一分鐘打到幾多個(中文)字架? 難得你咁忙都咁勤力update xanga, 你真係好勒~ 不過為你著想, 你都係快d 做野啦~!
林小姐d 戲我無睇晒, 除左你講果兩套, 我覺得其實佢做得幾好喎, 同埋個故事都ok 丫, 不過出到黎都係差d 咁, 可以好d 既, 但係港產片係咁上下. 可能佢想lor 獎啦, 所以要拍d 另類d 既戲卦, 同埋好劇本都唔係咁易遇到, 又或者好多原因既, 你唔使咁失望住, 或者你聽日會係你屋企樓下見到佢, 之後佢會愛上你呢, 人生充滿希望, 共勉之~~~ (係啦, 我唔覺佢同你一齊會係一條歪路呀)
噢~ 我講果套戲係呀
e……..點解show 唔到既, 係 ”救 命”
咁，薛凱琪呢？仲以為可以預埋史兄攪個薛凱琪blogring。
其實林嘉欣同你一齊應該會好好呀。不過真係識o左佢真人，可能史兄你會認為自己才是走上歪路的那位都唔定。
kagray說得好。
yee………….我又冇你手提, 又唔知你個名, 咁即係話我唔算識你?!?!?!?!?
瘟神, 放左又返返工.
reelastime : 其實我並唔想愛上林嘉欣小姐, 或者佢愛上我. 偶像, 是偶像. 和找女朋友是不同的…..
kagray : 我對薜凱琪無乜期望. 所以佢套師妹 3 再爛, 我都冇乜感覺. 薜凱琪 blogring… 我恐怕對薜既認識未夠深. 但唔知上唔上到市嫁呢?
教主 : 想問你好耐, 你個張係咪係周杰倫黑色幽默 mtv 裏面 cap 出黎嫁? 個人較喜愛之前那張.
馬素. 熊 : 90% 認識, 剩餘的 10% 是林嘉欣s.
可否send 個極左xanga俾我,我又想興奮和爆笑！
ccngkaman@yahoo.com
我也覺得是。
我想我早晚會放棄這張的。