October 10, 2006
-
<那一位朋友>
“Z, 某某難得來到, 出來吧.” X 說
“食緊飯, 下次咧.” Z 回答
“下?唔係喎, 某某真係難得來到.” X 如是說
“唔方便. 下次咧.” Z 再回答
“唔係喎…..”
“啪” 的一聲, Z 還沒有等 X 講完他要講的話, 忿然將電話合上.
“痴鳩線, 講 ‘唔係喎’ 個個應該係我唔係你”, Z 心想.
Z句粗口都未講完, 電話響, 正是 某某.
Z 乾脆連電話也熄掉.
“搵你老母”, Z 自言自語.
Z 在想 : ”究竟他們當我是朋友, 還是應召女郎?”
**********************************************************************
好些東西, 一些討論價值也沒有. 你問一次, 答案如是; 問十次, 答案如是; 問一億次, 答案也如是. 越問, 只會令越回答的人越煩厭.
歸根究底, 是否大家對朋友的定義不同? Z 不知道. Z 祇知道, 什么死人榻樓, 紅事白事, 他也主動提議搞活動, 就算事忙分身乏術, 他也會出席朋友安排活動. 底線是, 要 Z 自己喜歡去.
於是乎, 從 Z 的角度出發, 是否在家中閒坐著, 並非決定相見朋友的因素. 反正忙也要吃飯, 忙也要呼吸, 忙也要溝女. 不喜歡, 就是玉皇大帝也沒有情講.
問題來了. 若然閒著, 但碰巧當天姨媽到, 不想參加任何社團聚會, 總不成一句 “唔喜歡去” 來回答朋友吧. Z 是自我, 但也不至於毫不理會朋友的感受. 畢竟, 朋友也是想起你才會叫你去嘛. 話分兩頭, 但 Z 又真的不想去….
Z 靈光一閃, 倒不如扮大丈夫中的 九叔 好了. 遇到什么節目, 只要一拿女友盾牌出來, 邊度都唔使去. Z 當然明白, 女友並不是一道橋, 可以讓他抽板. 水, 他倒是從女友身上抽不少的. 每當他要使出女友絕招時, 他事實上該時段也是在陪女友.
祇是遇到這些情況, 面對這些識了多年的朋友, Z 還是有一點點失望的. 大家認識多年, 為何就不能尊重一下大家放假各有節目, 或無聊在家中白坐著渡一天的選擇? 某某難得回來, 就等同我的自由會變得沒有價值嗎?
Z 想著, 認識了十多年的一班同學, 就是一直抱著這種 “來就來, 唔來就唔來” 的心態, 大家才能這樣的老友. Z 還記得其中一人說 : “雖然我很想你來, 但我祇是通知你有這樣的一個聚會, 最後你來不來是你決定.”
遇到這樣的朋友, Z 也沒有什么話可說了.
畢竟, 那 “聚會” 其實是說話那人的喪禮.
“若硬要 以和為貴, 倒不如 和而不同.”
Z 一邊看著黑社會2, 一邊想著.
靈感來源 : kagray – 空檔不等於沒事幹
____________________________________________________________________________
<正>
我好少睇電視, 試過星期一至星期五都冇開過電視, 到星期六女友上黎先開光.
好日唔睇電視, 上個星期有日睇東張西望 – 實際名稱叫乜我忘了, 總之是那個七點半/八點做既娛樂新聞眼 – 看著兩個主持在講爛 gag (該煨, 其中一個更是同級的中學同學), 條氣已經頂住頂住.
點知無線條監製乜野居心, 居然係食飯時段全宇宙首播欣宜既 mtv. 我又唔知食左乜野春藥冇熄機 (據估計係搵唔到遙控而電視開關制並唔係伸手可及既距離), 硬食.
你話我膚淺也好 – 反正我從來未表現得高深莫測 –
欣宜, 你真係好撚難頂.
如果肥姐有乜野事, 一定係有人猴住佢既身家, 播左條片俾佢睇. 係死於開心, 皆因已經有人繼承佢既衣缽, 佢唔使再出黎同黎小田跳芭蕾舞籌款.
如果你對呢句野反感, 認為我太涼薄, 其實我提議你瀏覽其他有益身心既網站 (如家計會). 更重要係, 你唔明白我當時既感受.
而我更加相信, 星期一跌左 200 點, 係因為欣宜個 mtv 令港人對香港既前景由 “正面” 降至 “絕望”.
欣宜比北韓核爆更受歡迎 (起碼無人將核爆條片放上 youtube), 但也更危險. 聯合國安理會已表示關注, 金正日可以暫時先鬆一口氣. 唔怪之得中國反對對北韓使用武力. 萬一打到黎, 香港人只好交出欣宜….
靈感來源 : 教主 – 捷徑無助提升受歡迎程度
Comments (9)
好些東西, 一些討論價值也沒有. 你問一次, 答案如是; 問十次, 答案如是; 問一億次, 答案也如是. 越問, 只會令越回答的人越煩厭.
經常性發生o係我身上, 不過對象唔係朋友, 而係我阿媽 -_-
好多時同一條問題可以一次過連續問好多次, 摶你有一次會話好….. 不過, 我對呢種模式.. 已經慣左喇
讀畢,覺得很慚愧。
有一些人,真心想見你,你卻因為想「避風頭」,對所有人置若罔聞。
所以決定這週末找爸爸媽媽陪我吃飯。
我都好認同我無野做都唔代表我一定要出去應約, 但我好反感有d 人問佢去唔去某活動, 之後佢會話覆返你, 但其實係不了了之, 又或者打俾佢, 佢永遠都係飛去voice mail 而留左msg 又唔覆, 又或者係答你’到時睇下點先啦, 我都未知呀…’. 其實一句話唔去就夠架勒, 唔使係度帶人遊花園, up 一大輪廢話但其實係無心去, 唔去真係唔緊要, 但係唔好係度浪費別人時間, 人地都唔係好想成日打俾你………唔講勒, 再講我會想講粗口
借女友過橋,好詩好詩!
我知你不會答, 但我都要問!!!
請問, “喜歡去”和”不喜歡去”是取決於何者?????
是那個”節目”/”活動”本身???? 還是”出席者”?????
但我認為, 無論是取決於何者, 都得看你對”朋友”的定義.
(1) 若果要看節目本身吸引不吸引, 那豈不是你的”朋友”會有可能舉辦一些和你志趣不投的活動. 志趣不投, 那麼是朋友嗎???? 當然, 做朋友也可以有不同嗜好, 你喜歡叫雞, 佢中意賭錢. 不過, 如果真的是朋友, 他一定知道你”好”那些”不好”那些, 知你”不好”, 就一定不會找你.
(2) 同樣, 若果要看節目本身吸引不吸引, 那豈不是”人”本身的重要性等於零?!?!?!? “朋友”本身的重要性等於零?!?!??!?!!?
(3) 若果要看出席者, 那代表些”朋友”會令你有不舒服的感覺, 那麼還是朋友嗎?????
(4) 若說, 以上什麼都不是, 純粹是”mood”的問題. 那是什麼影響你的”mood”呢????? 不要說是什麼”姨丈到”. 若你想吃飯, 姨丈到也要吃飯. 若你想見心儀的美女, 姨丈到也得想見. 若你想打飛機, 姨丈到也得想打 (姨丈不同姨媽, 不會有影響的)…………..所謂有冇mood見朋友, 咪又係因為受到上述(1)(2)(3)影響!!!!
對不起!!!! 踩場左少少……
他一定知道你”好”那些”不好”那些, 知你”不好”, 就一定不會找你.marcellabear
轉過頭朋友就會跟你說”有活動也不通知,視為不尊重朋友”
還是甚麼活動也問一問比較好一點,至少朋友都覺得你尊重他。
”雖然我很想你來, 但我祇是通知你有這樣的一個聚會, 最後你來不來是你決定.”
這一句最正道!
“還是甚麼活動也問一問比較好一點…..” 樓上ami aewws說
你說的對啊 !!! 因為本人的心裡也常常會這樣想的 – ”有活動也不通知, 視為不尊重朋友”
不過我說的”好”/”不好”不是我剛才上述鳩up的重點!!! 其實我說了那麼多, 我想”質問”的, 只不過是史兄 /你們對”朋友”的睇法.
究竟, 與一個人的友情/感情, 抵不抵得過所謂的”mood”呀, “有興趣/冇興趣”呀, “喜歡/不喜歡”呀, “想/不想”呀…………..
(sorry……….又變討論區了…………)
除左打波要有心理準備, 我參加朋友既活動, 好少問有邊個去. 就算問, 都係答左去先問. 唔去無謂問. 至於是朋友還是活動重要, 是朋友. 至於我既 mood 取決於d 乜, 我唔知, 反正 mood 並唔係一樣我可以用科學去解釋既野. 我唔知道佢點黎, 亦唔知佢點走.
除左打牌之外,我參加既活動,好少問有邊個去.
朋友呢加野,都係君子之交比較穩陣