<無聊日記>
又時候來感性一返.
放心, 感性, 不是性感. 就算是性感, 我怎樣也不會除衫. 唔使驚.
近日對於自己似北海油田既感覺, 越來越嚴重. 精力 (咪心邪, 我而家好認真咁感性緊) 同腦汁不斷被抽, 好似就快被抽乾咁. 手頭上的工作, 一為神功, 二為弟子, 理應做得好合皮. 但同一時間有幾單野係手, 我無乜時間俾自己諗多餘野.
就連那個施政報告, 我連翻翻網頁的時間也沒有. 聽聞有個所謂學券制, 但唔俾用係私校, 唔俾學費貴過 $24,000, 唔俾用係 3-5 歲既小朋友身上, 唔俾用黎交學費, 差點要父母有份替美軍攻打伊拉克才可以拿到 $13,000. 這還可以叫做學券制, 可真風趣. 我還記得當年政府俾舊錢人地用黎買樓唔使還, 或者可以免息借大舊錢買樓. 這可不是用納稅人的錢來資助牟利機構, 可真風趣.
彰顯世界細少之事, 無日無之. 例子太多, 多得令我以為. 彷彿隨便在街上捉一個人, 你朋友或自己認識這人的機會超越 90%. 若差輪廚我乜野叫 “認識”, 以香港手提電話滲透率超過 100 巴仙來說, 擁有手提電話號碼及互相知道名字的, 叫 “認識” 實不以為過.
剩返個 10%, 就係林嘉欣s.
而提起林嘉欣, 不得不提佢近年已經走火入魔. 自從拍畢 <戀之風景> 後, 她拍的片包括 <雙雄>, <六樓後座>, <救命>, <我要做 model>, <六壯士>, <後備甜心>, <阿嫂>, <怪物>, <詭絲>. 除了兩套 <六>, 每一套都可稱得上爛片. 還是爛到不能再爛個隻. 要挑戰自己演技, 是不用扮怪物的, 去拍 AV 也可以. 還有 p 記相機替她拍的硬照, 應該不能更醜了.
她近年痴線得令我認為, 她唯一還沒有走上的歪路, 就是同我一齊.
不要這樣下去了.
近日興懷舊. 找回楊千嬅的姊妹等舊歌. 當然還有前兩天提及的 AV 碟. 今天去 YOUTUBE 尋找巴達斯圖達的片段, 感觸良多. 試過學人走去 google 前女友的名字, 發覺好些連的名字也忘記了. 反正女友名字太普通, 找到的結果應該比牛頓還要多.
看到某些 xanga 而感到興奮和不屑. 不屑的是, 大學時修讀假道學的人畢竟太多. 興奮的是, 在別處看到幾篇極左的言論, 爆笑得流淚. 但為免被誤以為係度挑釁, 不便在此公開這些 xanga. 畢竟, 沒有人是十全十美.
而當我忙到仆街, 仍然偷偷地係公司打 xanga, 你就知點解我忙到仆街. 好多野, 係抵撚死.
我也不要這樣下去了.
Month: October 2006
-
-
<那一位朋友>
“Z, 某某難得來到, 出來吧.” X 說
“食緊飯, 下次咧.” Z 回答
“下?唔係喎, 某某真係難得來到.” X 如是說
“唔方便. 下次咧.” Z 再回答
“唔係喎…..”
“啪” 的一聲, Z 還沒有等 X 講完他要講的話, 忿然將電話合上.
“痴鳩線, 講 ‘唔係喎’ 個個應該係我唔係你”, Z 心想.
Z句粗口都未講完, 電話響, 正是 某某.
Z 乾脆連電話也熄掉.
“搵你老母”, Z 自言自語.
Z 在想 : ”究竟他們當我是朋友, 還是應召女郎?”
**********************************************************************
好些東西, 一些討論價值也沒有. 你問一次, 答案如是; 問十次, 答案如是; 問一億次, 答案也如是. 越問, 只會令越回答的人越煩厭.
歸根究底, 是否大家對朋友的定義不同? Z 不知道. Z 祇知道, 什么死人榻樓, 紅事白事, 他也主動提議搞活動, 就算事忙分身乏術, 他也會出席朋友安排活動. 底線是, 要 Z 自己喜歡去.
於是乎, 從 Z 的角度出發, 是否在家中閒坐著, 並非決定相見朋友的因素. 反正忙也要吃飯, 忙也要呼吸, 忙也要溝女. 不喜歡, 就是玉皇大帝也沒有情講.
問題來了. 若然閒著, 但碰巧當天姨媽到, 不想參加任何社團聚會, 總不成一句 “唔喜歡去” 來回答朋友吧. Z 是自我, 但也不至於毫不理會朋友的感受. 畢竟, 朋友也是想起你才會叫你去嘛. 話分兩頭, 但 Z 又真的不想去….
Z 靈光一閃, 倒不如扮大丈夫中的 九叔 好了. 遇到什么節目, 只要一拿女友盾牌出來, 邊度都唔使去. Z 當然明白, 女友並不是一道橋, 可以讓他抽板. 水, 他倒是從女友身上抽不少的. 每當他要使出女友絕招時, 他事實上該時段也是在陪女友.
祇是遇到這些情況, 面對這些識了多年的朋友, Z 還是有一點點失望的. 大家認識多年, 為何就不能尊重一下大家放假各有節目, 或無聊在家中白坐著渡一天的選擇? 某某難得回來, 就等同我的自由會變得沒有價值嗎?
Z 想著, 認識了十多年的一班同學, 就是一直抱著這種 “來就來, 唔來就唔來” 的心態, 大家才能這樣的老友. Z 還記得其中一人說 : “雖然我很想你來, 但我祇是通知你有這樣的一個聚會, 最後你來不來是你決定.”
遇到這樣的朋友, Z 也沒有什么話可說了.
畢竟, 那 “聚會” 其實是說話那人的喪禮.
“若硬要 以和為貴, 倒不如 和而不同.”
Z 一邊看著黑社會2, 一邊想著.
靈感來源 : kagray – 空檔不等於沒事幹
____________________________________________________________________________
<正>
我好少睇電視, 試過星期一至星期五都冇開過電視, 到星期六女友上黎先開光.
好日唔睇電視, 上個星期有日睇東張西望 – 實際名稱叫乜我忘了, 總之是那個七點半/八點做既娛樂新聞眼 – 看著兩個主持在講爛 gag (該煨, 其中一個更是同級的中學同學), 條氣已經頂住頂住.
點知無線條監製乜野居心, 居然係食飯時段全宇宙首播欣宜既 mtv. 我又唔知食左乜野春藥冇熄機 (據估計係搵唔到遙控而電視開關制並唔係伸手可及既距離), 硬食.
你話我膚淺也好 – 反正我從來未表現得高深莫測 –
欣宜, 你真係好撚難頂.
如果肥姐有乜野事, 一定係有人猴住佢既身家, 播左條片俾佢睇. 係死於開心, 皆因已經有人繼承佢既衣缽, 佢唔使再出黎同黎小田跳芭蕾舞籌款.
如果你對呢句野反感, 認為我太涼薄, 其實我提議你瀏覽其他有益身心既網站 (如家計會). 更重要係, 你唔明白我當時既感受.
而我更加相信, 星期一跌左 200 點, 係因為欣宜個 mtv 令港人對香港既前景由 “正面” 降至 “絕望”.
欣宜比北韓核爆更受歡迎 (起碼無人將核爆條片放上 youtube), 但也更危險. 聯合國安理會已表示關注, 金正日可以暫時先鬆一口氣. 唔怪之得中國反對對北韓使用武力. 萬一打到黎, 香港人只好交出欣宜….
靈感來源 : 教主 – 捷徑無助提升受歡迎程度
-
<AV : 何去何從>
又黎 (無無謂謂既) 警告 : 以下內容出現大量 AV 女星的討論, 但沒有半個 BT 種子, 若為Google BT 種子而不幸被轉導來此, 可按左上角的 “BACK” 或 “上一頁” 離開. 若你沒有看過 AV, 或認為自瀆是邪惡的話, 請勿看下去.
日本人口急速老化, 最立竿見影的, 是 AV 界女星出現青黃不接的現象.
不是說笑, 最近我 BT 的3 仔, 都是由上一代女星主演 : 川島和津實, 小澤菜穗, 高樹瑪利亞. 前陣子我還找回床下底的小澤圓, 直豎舞子和山吹翔子 的 VCD. 若非親眼目睹, 我不敢相信家中還有 VCD 這種 1800 年代的產物. 為解相思之苦, 我還在電腦裏找回一些解像度只有 800*600 的伊東伶和美竹涼子的咸片. 我差一點還問人借回飯島愛的史前紀錄片…
要學考古學家尋找他鄉的故事, 皆因, 我失去了瀏覽提供最新最快 3 仔 BT 網頁的興趣. 皆因, 而家的日本 AV 女星太醜樣, 身材也令人作嘔 : 南波杏應該要整容先再好拍 AV. 伊澤千夏的身材, 比 TWINS 的阿 SA 更加不濟. 這樣的 AV 女星, 輕則挑不起觀眾的性慾, 重則令觀眾對 AV 的興趣全失, 是失職, 要問責, 是要下台的.
小澤馬利亞太姣, 愛田由更姣. 講到底, 姣不是問題; 問題是她們演技不出眾, 高潮扮得不夠真. 你難道以為我白痴到相信 AV 女星真的會在眾目睽睽之下來高潮嗎? 但當演員也要講演技, 小澤馬利亞及愛田由, 身材和樣貌也有, 但沒有演技, 看一兩次就厭. 而且太姣, 套套都咁姣, 好快悶.
早一陣子還有三兩位好一點的, 叫神谷美雪, 青木玲. 神谷美雪拍左兩套就退左休 – 估計係去做 M&A 既收入好過俾人插, 青木玲超似 2R 既 RAXE, 都已經收左皮. 可惜, 可惜.
唯一一個真係似D 樣既, 就係 紅音 螢. 可惜既係, 作為 潮吹 皇后既佢, 潮吹得好勁. (維基發展到連潮吹也有, 我沒有什么話好說了).
潮吹得勁都係錯? 盡忠職守又是問題, 這是什么話來了?
無錯, 每次我看見佢潮吹到好似黃河向東流咁, 膨膨聲, 總覺得似廣西雜技團多過似拍 AV, 忍唔住笑左出黎. 我重申, 看 AV 自瀆, 為自瀆而看 AV, 是十分認真的事, 是不容許俾笑聲, 喊聲, 電話鈴聲及阿媽叫你飲湯聲所影響的. 但每次看 紅音 的潮吹, 我總忍不住笑了出來, 眼巴巴看著性慾流走. 那實在太有趣了, 我沒有想像過女性的陰道可以像瀑布般….但沒人想看周潤發變成看星馳, 你明白嗎? 而且, 紅音 真係淨係識潮吹, 套套片都淨係潮吹, 為潮吹而潮吹, 根本不是在拍男女交歡的場面. 很不屌.
七除八扣, 於是乎, 無乜人係 BT-able. 任何動詞加上 “able” 所結尾, 就可以成為形容詞.
點解日本AV 界會後繼無人? 我肯定同日本經濟復甦有關. 經濟起與跌的好處是, 任何現象你也可以歸因於它. 這點, 董建華也做得到.
但我更相信是 AV 界市場大了, 分工更加仔細. 於是乎數年間出現更變態更不可思異更乎合少數觀眾的影片, 什么 90F 巨乳, 痴漢, 熟女, 母子互倫 (這些東西以前也有, 但比例越來越多), 分薄了客源, 令傳統美女可以平地一聲雷, 爆出黎的機會少了. 唔靚既女星入行, 為吸引觀眾, 便要走變態路線來; 變態路線只能吸引一小部份觀眾, 吸引不了想搵大錢的 AV 女星; 於是乎又只能有平如鏡的女星入行…
不得不提的是各個付款的色情網站. 據小弟縱橫咸網幾十年 (儘管互聯網祇係由八十年代先普及), 而家好多素人既水平, 都達到睇得下既程度. 而 紅音 更加係由成人網站跳去拍 AV 既其中一個例子. 有實力, 紙係包唔住火… 無論如何, 色情網站講新鮮, 用既係一次起三次止既素人. 網站越受歡迎, 所需要的輪轉門就更多, 新既素人可以長久站住腳既機會越細.
再者, 其他娛樂行業發展迅速, 人們不再只沉迷於看 AV – 日本人祇有係遊九寨溝子順道係珠海走…. 這點, AV 女星身材樣貌皆走下坡, 和港產咸書龍虎豹銷量慘不忍賭的原因是差不多的. 龍虎豹被日本 AV 迫死, 日本 AV 被大陸妓女推至絕路. 要打倒日帝國, 不必禁絕 BT 在國流互聯網上下載, 只需要 1% 的同胞投身該行業, 人多好辦事, 祇要是要人力密集, 同胞必定能將該行業推倒.
萬事皆有因, 觀自在菩薩 行深般若波羅蜜多時…
新人唔掂, 但AV 男星都要食飯 – 精我想可以的話他們未必想射 (畢竟要忍住唔射好辛苦), 但為了有飯食而射的精, 是射得有價值的. 於是, 受歡迎的女星就好似科威特油田咁, 不斷被抽乾. 例如極似陳 X 琳的松島楓. 個人認為, 松島楓扮演 OL, 興奮指數是 AV 史上排名第一.
還有極似 胡杏X + 林加欣的童顏巨乳蒼井空 – 若果一天有人在表演台強吻林嘉欣, 或要求林嘉欣強吻該男仕的某部位, 不要懷疑是史弟. 我重申, “不要懷疑” 後面是沒有 逗號的.
幸好有這兩棵 AV 長青樹, 否則好多人會以為日本仔既 AV 業已經玩完. 可惜, 呢兩位阿姐既出品越黎越少, 而且睇得多都會厭. 而且無新人, 得佢地壟斷地位, 剛睇完星期日檔案的我, 完全認為呢兩位阿姐已經利用其市場力量黎防止其他新人入行 – 証據? 而家無正既 AV 女星, 咪係証據. 我已經向公平競爭委員會反映, 要求政府介入事件, 等一眾消費者得益.
[史報訊] 有學者表示, 日本 AV 界已進入 後-潮吹 年代, 業界完全掌握不到未來業務的發展及觀眾的口味. 若有關方面仍未找到方法開拓新的增長點, AV 界十分容易被邊緣化, 成為弱勢社群. 面對這深層次問題, 與及在中國的黃色事業在進一步開放下對日本紅燈區造成影響, 業界已經係上年開左一個業界高峰會, 從務實的角度出發, 探討如何進一步發展日本成為世界 AV 影片樞紐, 繼續發展多元化的紅燈區, 大力開放予外國遊客使用, 以及吸引全國各地既人材加入AV 界.
另外, 胡錦濤及溫家寶在接見日本新任首相安倍晉三時表示, 為左廣大唔想俾錢但想睇 AV 既十三億人民福祉, 希望日本當局可以正視日本 AV 女星樣貌與身材皆走下坡的趨勢. 安倍回應, 前任首相參拜靖國神社時, 皆以當打 AV 女星的影碟所拜祭品. 佢對於下個月可能參拜神社而未能找到當紅的 AV 女生一事, 亦感到因擾. 日本有關當局已就此事成立三個獨立委員會調查事件, 希望可以係月內給廣大同胞一個交代.
日本, 你係香港人心目中的經濟強國地位, 有八成是好景一手幫你建立的.
靈感來源 : 教主 插曲小姐的作用
-
<THE Departed>
看了被一眾人媽個狗血淋頭的無間道風雲.
或許是我英文不好, 整套片的對白我祇聽到 “FUCK”. 總之, 由頭 “FUCK” 到尾. 就好似前兩日聽薜凱琪首 “小峽谷 一二三四” 淨係聽到 “一二三四” 同 “八八六” 咁. 尤其是積尼高遜太多胡鬚, 睇唔到咀型, 除左 FUCK字外, 佢講野我淨係掛住睇字幕.
好看嗎? 有大家熟悉的四大影帝在前 – 據統計過去四年沒有黃秋生或曾志偉當演員的港產片, 祇有一套由 WILLIAM HUNG 主演的我阿媽發仔瘟 – 再加上香港人已經背得出無間道 I 每一個細節, 要馬田史高西斯與一眾算是頂尖的演員 (我對於積尼高遜主演既閃靈及其痴線佬角色, 十分沉迷) 拍得及演得更出色, 很難.
但無間道風雲的確比不上無間道 I, 是事實 – 背景可以抄, 對白可以印, 劇情可以複 – 但人物的內心掙扎無晒, 警匪之間的鬥智鬥力無晒, “無間” 個種味道無晒. 於是乎, 老實說, 好多野再空洞洞, 無乜深度.
這不代表無間道風雲不值得看 – 我阿媽發仔瘟也好捧場客 – 而且無間道風雲中的人物關係比起無間道 I 完整一些, 劇情也合理化一點點 (並不代表沒有缺點). 若然黃 sir 不是由一個看上去像有柏金遜病既阿伯多過似差人的人來演……
然後我在想, 當人家拍一套改篇電影時也向我們買版權 (還有前排的情流戀屋也向韓國方面付了鈔), 而無線十多年黎也不繼將外國 (特別是日本) 及大中華區的娛樂節目及電視劇抄來抄去, 還好意思叫人專重版權…
若想看其他人對無間道風雲的評語, 按左邊 “hong kong originals” 的連結, 再按 “jerlame” 及 “sun85″ 的 xanga 吧, 好眼睏唔得閒連結…
_______________________________________________________________________________
<…>
一直以為, 我是香港少數認識潮吹皇后 紅音 的人… 原來教主都識, 仲寫野個陣都諗起…. 果然識野…… 不愧係教主…. -
<無聊日記>
十月一日
國慶. 我屙屎個陣唱左一次國歌, 唱到 “到了最危險的時候”, 蠢蠢欲動; 一到 “前進, 前進, 前進進”, 順利彈出, 升空.
國歌真係好使好用.
無出去玩, 係屋企睇 now 139. 嘩, 個晚做左三套大片 – 忘不了, 黑社會, 千杯不醉. 139 台平時只係會做 見習黑玫瑰, 魔幻賭船, 阿嫂. <千杯不醉> 爛到爆, 楊千嬅仲係新扎師妹咁既演技, 悶唔悶呀… 官因娜個對 Y 字波就正好多, 退休 J 既偶像戴夢夢都幾正. 套戲打邊爐背景應該係西環既火井, 加返 20 分; 吳彥祖間法國餐廳係屋企附近, 加返 20 分.
十月二日
蘋果頭條話黃金週熱情不再. 好事, 我食食下飯連聲叫好. 女友以為我痴左線.
夜晚老表生日請食飯. 係個間酒樓食左起碼三四年, 每次食既翅都衰過當年中學係白田食個d 翅面. 同表弟妹打左四圈, 淨係食左兩舖三翻. 好彩打 $1 一番, 全沖, 最大十番 (出沖 $40), 唔係實輸到仆街.
十月三日
公司終於出糧俾我. 每個月我都淨係呢日會興奮一陣. 但只要我對住櫃員機同 pps 十五分鐘, 人工就會成功左手黎右手去, 揮一揮衣袖, 不留半點雲彩. 據統計, 由我發現由公司出左糧到戶口被自己洗劫一空, 大概只係需要三十分鐘. 若果好彩, 可以多留一日半日.
十月四日
戶口得番幾千塊. 對於一個做左三年野既人黎講, 戶口得幾錢塊流動資金, 實在有點說不過去.
十月五日
收到糧單. 我知, 糧單對報稅既重要性係零, 皆因我賺幾多, 稅局都係亂咁收稅. 其實, 糧單既作用係, 公司想俾你知道, 你今個月已經出左糧, 唔好再黎搵老闆.
股市食偉哥, 升到 17900. 又有傻豬出黎話年底見 19000, 我話聽日升到見月球添呀.
十月六日
你唔好搵老闆, 唔代表老闆唔搵你. 上個星期做完演示, 大家先同意左點做個計劃, 老闆夠膽死今日就問我做成點. 如果唔使日日開埋d 無投入亦無產出, 純粹係浪費時間既會議, 我做野既效率應該會好 d – 起碼我可以打多幾篇 xanga.
我真係想一拳打埋佢度, 跟住拔足狂奔.
當然, 我都係得個諗字. 正一諗樣.
(以上日記純屬虛構) -
<髮型屋>
我估, 我小時候是少數不怕到髮型屋的小朋友. 因為, 當年我以為發現一個驚天大秘密 :
頭髮剪左係會長番.
所以, 咪由得你剪. 髮型師叔叔問我想點剪 (其實野野都係剷光), 我答求其或者是但. 所以, 每逢見到老姐每次剪頭髮阿媽都要使出九牛二虎之力, 又藤條又盛, 我都唔明老姐做乜春. 頭髮剪左會長番嘛…. 咪由得阿媽佢用大湯碗笠住個頭剪 – 我四歲前都係用呢個方法剪頭髮….
記得八歲時, 荃灣舊居街口 (大河道附近) 街坊髮型屋, 小童剪髮優惠價是 $33, 成人大概是 $70-$80 – 今天普普通通剪個髮不過是 $150 (小弟去開既更係 $100 有找), 價格漲得算少. 一次係個間野剪完髮, 去而來熊貓酒店附近間美心大酒樓飲茶, 仲叫左碗豆腐花食 – 呢d 大點兼無謂野好少有得食, 估計係由於我乖乖地肯去剪髮 – 點知… 一路食, d 頭髮碎一路跌落碗豆腐花度… 最後搞到成碗野都係頭髮, 食少成半碗. 我承認, 到今天我仍為那吃不到的半碗豆腐花, 深深不忿.
可能由於當年既 “開心大發現”, 我廿幾歲仔試過好多唔同既髮型. 除左而家呢個短髮外 – 短髮只係想減少由起身到出門口返工既時間 – 我小學仲試過卷髮, 係額頭有個波浪; 嘗試留杜拉格斯/ 郭富城頭; 中學時既九一同埋三七分界. 最經典既係當年為左應付高考 (其實係懶), 中七下學期開始無剪髮, 一路留, 足足留左年幾 – 我之前係 skin head – 到左大一下學期, 終於留到好似蘇永康咁長, 但其實更似乞兒.
我當然以為好撚型好盛, 於是乎我本 BNO, 就有一張完全唔似 (而家個個) 本人既相片出現. 加上為左一早返學前搞定, 影相個陣係晨早八點半, 口腫面腫, 影個張相簡直似俾人打左成晚…於是乎拎個本 BNO 去第二次日本, 同埋後來去台灣, 我過海關既時間都極長, 到我過關時更曾有入境職員露出恥笑般既面容… 而隨後既日子, 我每逢唔開心, 或者要令女友開心, 我都會拎本 BNO 出黎睇一睇.
自從蘇永康出現於 BNO 事件後, 我都無再留長頭髮, 一直保留極短既髮型. 去髮型屋, 由坐底到行出門口, 最多四十五分鐘. 由於剪既時間短, 所以我好怕等. 去開既街坊髮型屋無得預約 (屌, Espirit 咩? 成四舊水剪個頭髮), 每次想去之前都要打俾大師傅問下乜野行情. 剪開四十五分鐘, 我更怕花幾個鐘頭整個髮型 – 聽退休 J 同女友人講, 佢地電個髮閒閒地要由十二點坐到六點, 嘩… 真係屎忽開花. 連飯都要係髮型屋叫外賣食.. 我聽落去真係匪夷所思, 該煨, 剪個髮使唔使咁呀? 六個鍾夠我剪 8 次頭髮咧… 真係要推左 n 咁多個約會先可以剪一次頭髮.
後來, 可能家姐都知道 “頭髮剪左會長番” 呢個開心大發現, 佢青春期開始就成日去髮型屋 – 半個月, 一個星期 – $150, $300, $500, $1000 佢都剪過. 但每次佢剪完, 阿媽既反應都祇係得一個 :
下? 咁叫做剪左嫁咧?
當然, 家姐會花好多唇舌解釋… 呢度短左半寸, 呢度無左三條, 前面修左少少, 後面長左少少….
(又, 而家已經好少髮型屋門口有呢個燈 (佢學名叫乜?))
-
<宿醉>
Hangover (veisalgia) is the sum of unpleasant physical effects following heavy consumption of alcohol. The most common reported characteristics of a hangover are feelings of extreme thirst, lethargy, nausea, sensitivity to sunlight and noise, and headache.
(from Wikipedia)
從日本回來已有差不多六十天. 我還掂念著在日本的好時光. 究竟是我懷念放假的時光, 還是在日本的時光, 我不知道.
總之, 我掛念著日本就是了.
三天的葛慶期假, 徹底地將我打進日本的宿醉中. 星期六晚, 我已忍不住從櫃裏抽出三本日本之行的相簿, 翻了再翻然後再三翻. 不論是那個沒有看到半隻活的唐老鴨的迪士尼, 還是價錢是香港六成的 agnes b, 令我不禁又再發老姣, 叫起春來.
今晚再和女友到了灣仔的天勝吃晚飯. 我的宿醉終於爆發了出來 : 圍著我們坐的, 是一個又一個操著純正日本語的企業男子. 口裏是海鰻 – 和在箱根吃的壽司一模一樣; 口裏的是牛肉烏冬 – 口味及口感和日本吃的沒有半點分別, 我感動得連湯也喝過一滴不剩.
吃完乘電車回程. 九時許, 天上開始放煙花. 電車在大廈間穿插, 我在一線天之間看到一點點餘暉. 突然想起在淺草吾妻橋邊與幾十萬人同看一小時的煙花 - 自此以後, 我對煙花也失去點點興趣了. 突然想起京都坐的浪漫列車, 在萬華的風景中流浪, 美麗的風景, 我又不禁再掉落萬丈深淵中.
終極宿醉, 理應如此.
(又, 阿石, 我應該多謝你定係屌鳩你帶我去天勝?)
***************************************************************
葛慶.
屌, 係國慶呀, 中葛人.
