November 2, 2006
-
<生日快樂 2>
今日係我老母… 唔係, 係我母親大人的生日快樂. 係度送上一句 “媽咪~ 生日快樂~~”
你一定好奇怪, 點解我竟然要係虛擬世界同最親既人講生日快樂 (無親人知道呢度…如果唔係我阿媽一早已經同我斷絕關係), 原因係我阿媽竟然選揀係生日同佢班晨運客去旅行. 無 roaming, 無留言信箱, 唯有搵個地方講左佢. 就好似係荒山野嶺好急尿咁, 你總得搵個地方泄一泄.
而對於阿媽寧願同晨運客去旅行都唔同個仔一齊慶祝, 我估計, 係阿媽終於發現左街外人同你慶祝生日, 或者你幫街外人慶祝生日, 總係會比幫屋企人落力同開心得多. 所以, 佢今年決定放棄一對仔女, 自己去旅行.
阿媽, 太好咧. 咁代表我以後都唔會再科水你慶祝生日.
而近排辛格的質素文章是零, 皆因沒有時間也沒有心情打 xanga. 沒有時間打 xanga, 皆因連屙屎的時間也沒有. 眾所周知, 我的 xanga 是屙屎時諗出來的.
沒有屙屎的時間, 而我不是便秘, 皆因我連食飯的時間也沒有. 世界很公平, 無 input, 無 output. 無得食, 無得屙.
唯得肯定有飯食的一天, 就是每周一鑊與友人打籃球那個晚上. 老實說, 當你台頭, 甚至乎 (我終於打o岩個 “甚” 字, 唔再打 “怎” 至乎) 係床頭有頗多工作而你係辦公室避開老細耳目, 然後偷偷地走去打波, 是十分刺激的, 比起偷情還要過癮一點. 我也明白, 每星期的那一個晚上, 是我最無壓力的數個小時.
但尋晚發現, 打波, 其實最好唔帶腦去打. 做開心既豬, 真係快樂過做痛苦既柏拉圖 (鳩o翕又再出現). 更重要既係, 我發現左自己係屬於 “有口話人, 無口話自己” 既事實 : 當要求其他人與較少經驗的人一隊時要做好指揮及組織的工作時, 自己遇上同樣情況, 就只懂怨三怨四, 失去應有的冷靜, 亂打一通. 這樣, 我是很討厭自己.
然後, 與友人講開佢既感情問題. 當我屌鳩完人阿之阿佐摩洛哥 (呢句野要起碼廿五歲先識), 話撚完人好 1234567 後, 我才發覺自己好唔得人地幾多. 不同既只不過係, 我並未將事情講出黎, 而係寫成一個 private 既 entry :
******************************************
<討好自己>
個人認為將討好自己放係 “to-do-list” 的第一位.
忘記了哪天開始, 自己認為放假比起工作更難受.
不是因為我是工作狂 – 喜愛工作總會加班, 但總會加班的人不一定是喜愛工作;
也不是由於工作時能打辛格 – 儘管每逢放假, 我總未能擺脫耳目去打條 辛格;
更不是與友人總約在聊日打球 - 我不得不承認那是一週最快樂的一天;
而是來自一個個人認為極度荒謬的現實 : 放假比起工作時, 需要更多的精力去想辦法討好別人. 要想到哪兒吃飯逛街尋找歡樂消磨時間, 我一點也不享受. 隨便坐在家裏看書看電影上網來一個午睡, 又會被人埋怨不夠情趣. 畢竟廿多歲麻甩仔一個人時吃什么幹什么看什么也不會要求這要求那, 底線是死不去就好了. 那本看了兩個月還沒有完成的 life and death of great cities 已漸封塵, 還有他媽的一大堆叢書就像孤兒般坐在一邊, 我也實在太對不起一天廿四小時了.
上班工作最多也只是應付老闆, 用紙巾蓋著鼻子去舐舐屎眼就可以. 只要對方射了精 – 達到目的, 沒有染到性病 – 沒有手尾跟, 也不會太過難為你 – 畢竟大家也祇是打份工嘛.
萬想不到, 沒有受薪的日子更難受.
就連當大家生理時鐘有別我需要在放假時以大量睡眠以補充體力但偏偏另一半像食了仙豆似的十時許便要起床但又怕一個人呆坐著, 我的假日睡眠顯得奢侈.
我最討厭的就是討厭自己.
為了逃避一大堆問題及選擇, 我寧可選擇在假期時坐在家裏把公司還沒有完成的工作來個徹底了斷. 以一句 : 公司工作還沒有完成來作擋箭牌, 把什么游思妄想也打個稀巴爛.
我真的很喜愛一個人.
我不想放假也要出盡力去討好別人.
我也不想像個正宗港男般在自己最後的花園不斷向別人吐口水現實世界裏但對事主偏偏像個懦夫然後嘻嘻哈哈繼續扮無事咁去討好別人嗚這樣一來我又更加討厭自己了然而再這樣下去我真的會投靠金正日把核彈射向大陸以洩我電腦被入侵之忿到最後打一篇辛格每一段也沒有半個標點符號這樣我更加不會原諒自己更不會向政府交稅反正他沒有依照基本法保護我放假時應享用的權利
******************************************
而我係辛格成日講自己野既時候, 現實世界我係一個極度害怕懼怕去任何 social function 的人. 遇到一大班唔識既人, 要搭訕, 我真係半點技能也沒有. 即使為工作, 為糊口, 我也就是不肯去學一下社交技巧. 就連為左糊口也懶, 我又再次討厭自己了.
我實在不想再一次又一次以辛格作為我的洩慾及排洪場.
而沒有心情打 xanga, 是我開始討厭自己. 討厭自己的人, 是無法再以黑色幽默來逗任何人開心. 所以, 我決定去 k 唱十次周杰倫的黑色幽默來填補一下儲存量. 油價下星期是會因此而回落至 47 美元一桶的水平, 小心.
我不要這樣下去了.
