客套話不想說太多. 上兩篇有關 paco 及退後的 entry, 居然有很多人留言?paco個篇當然好笑, 連好些稀客也出現了… 無論如何, 還是很感謝大家的eprops.

其實只要大家記住 “ten facts about men“, 便會發覺我一點也不值得可憐呢…其實我當初也是唸著絕情心經…

怎樣也要賣點廣告吧…

<我會做好呢份工之Paco 治港>

就算你將三月底既特首選舉搬去近排華人有入無出既南非, 下一屆既特首, 唔使蘇民峰計, 都肯定係曾蔭權.

等等, 講明先. 如果你係黃栢高既 fans, 或者係鄧麗欣既影迷歌迷裙底迷, 都唔好睇落去. 再先旨聲明, 其實我覺得 stephy 幾正. 起碼佢幾年前幫 HIM 拍落既性感相 (不過係著短裙), 我都有留係電腦度. 而” Paco 治港” 呢四個字, 並唔係我發明, 好似係來自老味既 entry.

如果你係曾蔭權, 你而家應該諗緊班子 (或者已經諗完). 你第一個會郁邊個?

肥左三十磅既何志平?

做左五年都淨係做左可加可減機制, 同埋令到個天灰過失戀既廖秀冬?

雖無過犯, 面目可憎既林瑞麟?

A 字膊王永平?

成日惹事生非既李國章?

我第一個郁新聞統籌專員, 何安達.

換邊個? 你睇題目都知, 梗係換人稱 Paco 既金牌經理人老闆 黃栢高.

此話何解? 要講返今晚我返阿媽度食飯, 睇到唔知係今日既頭條日報定係都市日報, Paco – 叫洋名的感覺, 是多么的親切! 就好似陳志雲係智能飯局叫人家洋名一樣, 就算係陳慧琳都即刻變返鄰家女孩等你性騷擾等你搞到喊 – 係裏面有個地盤. 每日俾佢講下自己既哲學, 同俾佢同嘉賓吹下水咁 (嘉賓梗係佢金牌既馬… 你可以想像佢搵 twins 上去嗎?). 而今日既嘉賓係 stephy.

我無乜心機睇報紙, 淨係睇左第一段同埋旁邊stephy 既相 (佢著短裙). 大意係話 Paco 要

(1) 做一首飲歌俾 stephy,
(2) 三年內俾 stephy 係紅館開演唱會 同埋
(3) 為 stephy 打造才女形像.

簡直令人汗額! 老老實實, 要係紅館開演唱會, 除非你係唱好女人既張偉文 (謝 R 更正), 或者年過四十既老人家 (如朱咪咪或菜琴…呵呵呵, 最緊要正字. 但我覺得菜琴好過蔡琴. 如果蔡姐姐係我 subscriber, 千祈唔好嬲), 已經極難 – 連顏福偉也做不到 (佢都係做過嘉賓)! Paco一次過要滿足三個咁難既願望, 但講出來就好像去7仔拎 $28 買包純萬咁簡單!

我從沒有懷疑 stephy 的唱功 (因為根本沒有. 男兒身的你會懷疑自己有沒有月經嗎?), 而我也知道做飲歌不需要唱功 (“對你愛不完”, “我來自北京” 很難唱嗎?), 但Paco把飲歌和東莞OEM 既玩具一樣, 想做就做… 而根據維基既資料顯示, stephy 十七歲就入 cookies, 大概沒有完成中七吧. 當然她在娛樂圈這么多年, 經歷總有點, 寫出來也有點讀者吧… 但就憑這丁點經歷當才女, 恐怕藍潔瑛在五台山泡了這么久, 也當了才女很多年… 無論如何, 我可以想像林燕妮看到這篇報導後, 肯定擺出不屑的表情, 然後拿報紙拾狗屎.

stephy 有沒有飲歌, 她當不當成才女, 這完全不是重點. 重點是,

第一, 飲歌和當才女, 也需要普羅大眾既認同. 這不是每日新聞報導民意調查個d 認同, 而是行為上表示認同 – 唱她的 “飲歌”, 買她的著作, 欣賞她的才華 (歌藝, 技笑能力, 博學等等). 大家可以不喜歡她, 但也不得不承認她是才女 – 就好像很多人不喜歡陶傑, 但他的而且確是個才子, 次於林行止及… 張五常…

第二, Paco對於自己既出品, 簡直 100% 有信心之餘, 更加顯示佢對民眾既行為及口味, 盡在掌握之中! 試想想, 好文學之人, 大多不好唱k; 反之亦然 (呵呵呵, 原人係異數). 當然好多人唔鍾意唱k, 又唔鍾意文字. 但Paco左一句打造才女形象, 右一句做隻飲歌 (希望佢唔係玩食字, 之後 stephy 有首歌叫 “飲歌”), 兩班人都受佢操控. 即表示左佢起碼掌握到香港起碼八成人既思想!

我對Paco有沒有懷疑? 半點也沒有. 就以二零零四計, 有去過k 既人起碼唱過三十次 <愛與誠>. 古巨基, 係Paco既人. 而側田於零五年一炮而紅後, 更加是繼阿 rain 後, 為史弟等一眾醜男帶來無限希望的新人類! 想想, 側田未出現之前, 有誰想過外表沒有過人之處的傢伙可以在的士高內受到中英美法日美眉既青睞? 唔好忘記, 側田, 都係Paco既人. 不知所謂既龍咁威, 可以拍到兩集, 成功將鄭中基轉型為新一代笑匠 (呢句我有懷疑). 記住, 鄭中基, 都係Paco既人.

香港有七百萬人. 佢地每人每日花十五分鐘睇娛樂版 – 花係頭版只有三分鐘, 仲要係純粹為左搵印花.. 一日有96 個十五分鐘, 計一計, Paco其實每日24 小時統治緊 7 萬個人 (7百萬除 96)!!! 是徹徹底底的統治 – 除了希特拉, 就只有毛主席做得到!

講到呢度, 大家都應該知我想講乜. 特首究竟每日統治緊幾多人? 你可以話係十六萬公務員. 但唔計各懷鬼胎個d, 同埋公務員其實每日工作八個鐘 (實際更少), 最多四五萬人 (以每日 24 小時計). 究竟是誰在統治香港? 邊個先真係做好份工?

當然, 我係曾蔭權, 梗唔會笨到好似董建華咁係最好時機, 搵人坐自己個位. 再者, 咁辛苦先爭到個位, 做乜要讓俾人? 我又唔係叫阿堯叫阿舜. 統治既人少咁多, 搵錢又少, 又日日俾人問候, 我係Paco, 都唔會做特首.

但作為人材之都, 香港特區政府係咪就咁由得Paco呢D 人材貢獻唔到社會? 從以上分析可見, Paco對於掌握普羅大眾既口味, 眼光獨特. Don’t argue with success. 點可以好好利用? 點拆局?

一早講左. 俾一個月代通知, 炒左何安達. 然後搵Paco做兼職新聞統籌專員.

眾所周知 (你唔知我話你知), 曾蔭權對於十分著重公關, 打民意牌. 當然佢更相信風水. 有意見認為佢對公關, 民意既著緊程度, 已經到達不求內容, 只求包裝既地步. 而點解佢會咁信公關? 有雞先定有蛋先? 但個人認為何安達作扮演既 spindoctor 角色, 功不可抺.

可惜, 何安達說服到曾蔭權要搞好公關, 甚至乎係只搞公關, 卻不能助曾搞好公關. 唔係經濟增長年年超標, 何解特首民望仍然插水? 咪係公關搞唔好. 是時候讓何安達退下來, 好似皇后碼頭咁完成 “歷史任務” 咧.

搵 Paco 做新聞統籌專員. 除左可以令曾特權間接統治多七萬幾人, 仲可以更加掌握民意, 順應民意去推行政策. 有乜唔掂, 唔知東方太陽蘋果點睇, 打電話問 Paco. 想知乜野係最能夠引起共鳴, 唔使拆呢拆拆個樣, 問下 Paco 近排 plug 乜野歌就得. 再唔係叫佢係自己地盤寫下個政策有幾好, 大把廿歲以下既少年 (及廿歲以上既反智人仕及 OL) 肯定 buy.

再者, 身痕處寫新聞稿, 一句 “黃栢高先生曾以龍咁成一電影, 將中年漢鄭中基轉型為新一代笑匠” 勝過勞工處什么中年陪訓計劃一千句.

再唔係, 萬一出左事, 要搵明星唱國歌補鑊, 或者拍乜野宣傳短片, 鄭中基側田 stephy theresa kary 古巨基 梁漢文 排住隊等你揀, 拍到你怕拍到你唔拍. 橫豎高寶拉死唇, 一切既分界都變得血肉模糊, 也是時候進一步將 港聞及娛樂版 正式合拼了…反正我一早已經當港聞當娛樂版睇 (張栢芝也偶爾出現於港聞版呢…) 既乎合環保, 也有經濟效益, 更具政治實效. 根本沒有誰會反對黃柏高出任新聞統籌專員.

曾蔭權, 仲去乜野選舉論壇?

天空灰的像哭過
離開你以後並沒有更自由
酸酸的空氣
嗅出我們的距離
一幕最新的結局
像呼吸般無法停息

抽屜泛黃的日記
找到了回憶
那笑容是是夏季
你我的過去被算是真的忘記
缺氧過後的愛情
如星的眼淚是多餘

我知道你我都沒有錯
只是忘了怎麼退後
信誓旦旦給了承諾
卻被時間撲了空

我知道我們都沒有錯
只是放手會比較好過
最美的愛情回憶裡待續

<東京拾趣 II>

其實無 I. 不過既然烈火戰車 II 都叫 ‘極速傳說’, 無所謂咧.

1. 依我估計, 日語應該係最沒有效率既溝通方法. 皆因搭山手線時, 日本廣播長達五分鐘, 但相關的英語廣播只有三句…  而共產黨高層所用的中文, 應該排第二 : 普通兩句 “錦繡海山, 中華民族好”, 硬是要讀成 “錦~~~繡”…. (停頓五秒)… “河~~~山” …. (等待台下既奴隸拍掌)….. “中華民族好” (讀 “好” 時聲線提高, 聲浪達 100 分貝). 明明三十秒講完既稿, 班仆街硬係要拉長黎講, 懶抑揚頓挫…; 還有, 佢地既講稿, 根本無任何實際內容. 講完一大輪, 你根本唔知佢講乜. 所以排第二.

2. 即使多年來有進步, 日本人既英語水平, 平均只達香港中五/中七畢業既水平 : 在JR 線上看到補習社廣告 (我去的時候正值大學入學試時期, 好多大學拎左黎做試場, 不對外開放. 我連早稻田都去唔到), “東京女子大學” 的入學試題為將 “I enjoy my own company” 譯成日文. 我估一個中五會考拎 C 既學生應該識譯. 另外, 到文具店買 postcard (操, 好些寄失了), “大器晚成” 竟可譯為 “A genius is slow to develop”! 完全不知所言. 當然即刻買左寄俾係內地既律師AL… 另外, 北海道的百貨公司 (當然東京好些也如是) 的 floor guide, 除了 “floor guide” 外, 內文全部是日文!

3. 再次參觀表參道山, 看到原址 (同潤會青山舊宿) 的相片. 表較之下, 發覺完全是兩回事, 面目全非. 我不知道日本有沒有集體回憶這概念, 但我恐怕有也只是有關飯島愛及小澤圓 (還有那個AV 男優加藤鷹. 有趣味內褲搵左佢做廣告代言人. 想買黎送俾, 但好貴… 成 2500 yen 一條), 而與建築物無關. 我想, 若然表參道的項目拎黎香港… 要實行是天方夜譚. 只會得到以下既標題 :

唉. 大家繼續皇后碼頭拉.

4. 尋日講起麥當奴. 除左佢地食物既味道, 全世界既分店都差唔多, 我仲發現連商業運作佢地既不遑多讓 – 無論你買幾多野食, 佢地都只派一張紙巾係你! 係香港既老麥, 我發覺拎張紙巾比叫佢送盒麥樂雞俾你更難. 而去到言語不通既日本, 梗係唔使諗~~ 一張紙巾走天涯!

<北海道拾趣 I>

有 I 即係可能有 II… 可能即唔係 100%… 無論如何, here we go:

1. 去東京前, 先跟團到北海道五天. 一向對旅行團沒甚好感, 皆因跟團和坐監實沒有太大分別 – 超早起身, 但把時間浪費在無甚意義的事情上 (例如塞車). 上一次跟團是小六到泰國 (那時候不懂反抗), 那個時代跟團的話, 是有一本書仔, 裏面印有各式各樣張國榮許冠傑陳百強既歌曲歌詞, 好讓大家在在熱狗巴士上唱. 尤記得當年跟團友一起唱過友誼之光… 到若干年後我才知道那是電影 監獄風雲 的主題曲…..

2. 和預計中差不多, 團友也是中年或老年人, 除非要猴住人副身家, 否則艷遇既機會率係零. 另一方面, 我最怕與陌生人, 尤其是不知人家底蘊的中年人談話, 皆因開口夾著脷的機會率係一百… 果然, 甫一開場, 談及自己工作, 已立刻有團友問買乜野股票好…. WTF… 幸好年初俾人問到年尾, 我早已有一套答案, 化解了一場 “乜讀經濟唔識炒股票” 既危機.

3. 然後有團友知我大學畢業, 問我怎樣看 IVE 及副學士. 我已經知可能會中招, 已經試探定對方仔女係讀緊大學定係乜. 見佢話個女廿一歲仲讀緊書, 照計應該係大學生, 咁即係唔係既得利益份子, 起碼唔係讀緊副學士, 於是乎拿拿臨搬返個陣寫過有關副學士係大鑊飯既 entry 出黎 (差唔多背晒出黎一次). 對方說所言甚是, 然後加多句個女原來係讀緊 IVE…. 屌, 原來同計安全期一樣, 計年齡唔會準得去邊… 好彩係 IVE. 若然佢讀既係副學士…

4. 而開口夾著脷的所謂 100%, 就是團友們紛紛垂詢小弟結左婚未/ 幾時會結婚. 好… 見大家萍水相逢, 我忍你….

5. 曾說過到外地旅行, 必試純萬及麥當奴, 以響應全球一體化. 今次屎忽痕, 試新野, 買左包日本牌子 SEVEN STARS.. 點知買錯味, 濃到紅萬咁… 食左半支, 已經好似飛仙咁. 結果係北海道成程都係半支煙. 跟住去東京, 買左包 MILD SEVENS, 諗住無死. 點知買左特長, 吸極都係半支. 結果係東京成程都係吸半支煙…. 今次只到麥當奴吃過早餐, 香港的豬柳蛋漢堡較好吃. 還有人家的麥當奴是有吸煙區的… 呀~~~~~

<恭喜發財>

專家建議, 切忌在重要日子與伴侶分手, 也要設下冷靜期. 他們不知道, 決定與執行之間的每一天, 其實對所有人也是一種煎熬.

一口氣看了 “獨家試愛” 及 “閃靈”.

“獨家試愛” 令人驚喜 – 如此一來方力申主演2006 年後生仔式電影, 有兩套代表作了 (另一套為 “得閒飲茶”). 至於一開波個場 咖輪, 無無謂謂, 肯定係方力申俾左錢導演.

而魏俊傑, 佢真係好似 iamsorman…….

至於 Stanely Kubrick 既閃靈, 細個個陣, 每逢星期日同家姐係屋企睇明珠台, 播閃靈或者 running man (由阿諾舒華辛力加主演) 的機會率是 100%. 一直也很想買返隻 DVD 睇… 尋晚終於買到. Jack Nicholson 真係好正~~~ 另外, 戲中既老婆, 淨係睇到樣已經嚇死觀眾. 呢d 人真係可遇不可求.

唔好問點解新年溜溜睇鬼片… 吹咩?

<淪陷>

今年所謂的賀歲港產片, 有 “雙子神偷”, “心想事成”, 還有 “門徒”.

雙子神偷, twins. 佢地既見習黑玫瑰, 曾幾何時係十大爛片之首 (後來不幸被 “阿嫂” 取代). 千機變有第二集 (雖然房祖名係主角), 已經令人抓破頭皮. 再黎多套 “雙子神偷”, 除左証明祖國市場大, 也不禁令人慨嘆洗黑錢呢樣行為真係無孔不入. 睇打我不如買殺破狼拉.

講到底, 其實阿 RAIN 同醬爆, 更加適合扮演孖生兄弟.

心想事成, 鄭中基. 對不起, 我看龍咁威, 真係無笑過. 你唔好理, 佢收得. 但俾贈卷我都唔會睇.

門徒, 劉德華, 吳彥祖講製毒. 第一, 連 “劈佢” “LAN 癱” 都怕影響小朋友心智 (其實係怕成人學壞), 講製毒無理由唔係三級. 一陣睇左門徒, 小朋友 (甚至乎係大人) 係比華利山後花園種罌粟, 或者將公屋改裝種大麻點算? 電檢處點做野嫁. 第二, 新年溜溜, 睇人製毒, 已經夠大吉利是, 然後再俾導演暗啞底教訓你唔好吸毒? 咁我不如睇 etv 拉.

連外語片一樣咁差. 唉. 像找套像樣點的戲看, 原來是那么難. 雙周一成的時光, 曾是多么美好.

去百老匯睇左一陣, 最想睇既竟然係講同性戀既 “盛夏光年”….. 嗯……..

我都係等 蜘蛛倈 III 好了.

將 “其實找對了愛人, 情人節天天都過” 反過來說, 找錯了, 情人節也是一種痛苦.

剛才我搭地鐵時, 一直在想 :

對愛人付出了, 應該期望得到回報嗎?

在日本成田機場過磅時, 電子顯示器表示出 31.5 kg. 當那個 2呎 x 2呎 x 2呎 的箱子獨自佔去 11 kg, 航空公司怎樣也不會讓我上機. 我把所有穿過的衣服放到 handcarry, 皮箱裏只餘下各式各樣的唐老鴨物品, 還有agnes b 袋一個. 最後, 26.5 kg – 空姐也難為情地說 “ok” 了 – 在那之前, 我一直擔心上不了機, 終於可以舒一口氣了.

皮箱裏只有一件無印的長袖襯衣是我的. 要計的話, 還有一張值 80yen, 但完全不知道是印著什么的名信片, 也是我的. 買那張名信片, 是由於我的 500 yen 入不了長途電話機, 要找點零錢 (100 yen) 打給女友.

辛苦地將所有東西搬上機鐵, 下了車還像上斜坡推車般把兩件行李從國金推到家, 中途還遇到那個不知所謂的食蕉.

我一直也擔心買不到唐老鴨, 買到後又怕上不了飛機.

我其實, 真的不想有什么回報… 真的半點也不想…….

但我也不想只為買錯了兩件無印女裝衣服的尺碼, 而被埋怨. 不要回報, 也不要給我負回報.

寫到這裏, 我的眼淚已忍不住流下來了.

對不起, 各位, 我真的不想在情人節寫這樣的東西.

然而, 我真的無法再這樣下去了.

<反智年代>

800 大 專 生 宣 誓 保 貞 潔

【 本 報 訊 】 一 項 調 查 指 出 ， 逾 五
成 受 訪 大 專 生 接 受 婚 前 性 行 為 ， 但 三 成 受 訪 者 介 意 將 來 的 終 身 伴 侶 不 是 處 男 或 處 女
， 九 成 人 更 不 接 受 本 人 或 對 方 一 腳 踏 兩 船 。 香 港 性 文 化 學 會 事 工 主 任 麥 沛 泉 表 示 ，
社 會 許 多 人 以 為 大 專 生 對 性 的 態 度 很 開 放 ， 其 實 年 輕 人 想 清 楚 時 ， 仍 是 追 求 專 一 、
聖 潔 的 愛 情 。

三 成 人 介 意 伴 侶 非 處 男 處 女

香 港 性 文 化 學 會 及 U-fire 進 行
的 大 專 生 「 愛 、 婚 、 性 」 調 查 ， 去 年 10 月 至 今 年 1 月 以 街 頭 訪 問 及 網 上 問 卷 訪 問
了 943 位 來 自 20 間 不 同 大 專 院 校 的 學 生 ， 結 果 約 九 成 受 訪 者 不 接 受 一 腳 踏 兩 船 ，
反 映 青 少 年 希 望 結 婚 及 拍 拖 時 忠 於 伴 侶 。

調 查 又 發 現 ， 48.4% 受 訪 者 不 接 受
與 伴 侶 發 生 婚 前 性 行 為 ， 51.3% 表 示 接 受 ， 當 中 有 三 成 人 認 為 「 已 有 感 情 基 礎 」 是
發 生 婚 前 性 行 為 的 最 先 考 慮 因 素 ， 另 約 兩 成 人 認 為 應 「 你 情 我 願 」 及 「 做 足 安 全 措
施 」 。 不 過 ， 三 成 人 介 意 將 來 的 伴 侶 並 非 處 男 或 處 女 。 在 學 校 住 宿 的 受 訪 者 中 ， 五
成 人 不 接 受 宿 友 帶 伴 侶 返 回 房 間 發 生 性 行 為 ， 只 有 兩 成 六 人 表 示 接 受 。

負 責
調 查 的 麥 沛 泉 指 ， 許 多 人 以 為 現 今 的 大 專 生 對 性 的 態 度 很 開 放 ， 但 他 們 仍 追 求 一 生
一 世 的 婚 姻 及 愛 情 ， 同 時 對 接 受 婚 前 性 行 為 的 想 法 很 矛 盾 。 他 又 引 述 外 國 研 究 稱 ，
婚 前 性 行 為 不 會 加 強 雙 方 的 親 密 感 ， 反 令 雙 方 恐 懼 及 不 信 任 。

去 年 剛 於 專 業 育 學 院 畢 業 、 21 歲 的 波 波 昨 表 示 ， 自 16 歲 與 女 友 發 生 性 行 為 後 ， 自 此 沉 溺 慾 海 ， 「 當 時 我 至 少 一 星 期 會 上 一 次 鹹 網 ， 睇 到 興 奮 時 候 就 自 己 解 決 （ 自 慰 ） ， 經 常 都 係 咁 ﹗ 如 果 見 到 一 性 感 女 郎 月 曆 ， 更 加 忍 唔 住 揭 睇 。 」 他 去 年 12 月 28 日 在 一 項 基 督 活 動 中 ， 決 意 改 過 。 他 昨 亦 與 逾 800 名 大 專 生 參 與 「 願 意 追 求 聖 潔 的 青 年 人 」 宣 誓 活 動 ， 承 諾 不 受 情 慾 綑 綁 及 保 持 貞 潔 。

*********************************************************************************************************

1. 三成人介意, 即係七成人無所謂或者喜愛咧…

2. 一個星期上一次咸網就如沉淪慾海???????????????????

3.  喂, 大佬. 性咸女郎月曆, 死物黎嫁喎.

唉, 大專生… -___-

Worse comes to Worse (Part II)

1.  There is another reason for hating Stitch. Visited the disneyland today.  Almost broke its body when I grab the head of a plastic Stitch rubbish bin. Or i have to pay for something i hate very much.  I had a good time in Disneyland today… at least don’t have to suck with the little shopping street.  And I saw Donald Duck today standing next to me… wahahahahah. bad that space mountain was closed.

2.  Went to the Famous Temple yesterday.  I don’t believe in Fung-Shui-wise stuff.  But i tested my luck by trying the ‘beg-bamboo’, which gives me a ‘Hom bamboo’ (in Wong Tai Sin language it is ‘bottom bottom bamboo’). Fuck. This gives me another reason for not believing in So Man Fung and not purchasing Beverly Hill.

I bought a Donald Duck with 3 foot cube box (remember its just the box). I don’t know. Maybe i will beg the JAL air mistress to let me get on board.

I tried good pork chop today (don’t think other stuff).  Almost wanted to cried when i tried it.  I can’t remember the last time I had such good food. Damn damn damn good.

Vacation is supposed to relax.  But i don’t know why i think three or four times (in terms of time) more than when i was in Hong Kong. I walked more, carried more heavy stuff… and become more tired than otherwise. I am fucking tired and when i am tired i think of my work. thinking of my work makes me more tired. such fucking vicuous cycle bothers me throughout my 9-day trip. Fuck. Fuck. Fuck.

Fuck.  Luckily I tried that pork chop.