October 21, 2009
-
<認真你就輸了>
前陣子在高登討論區, 看到一句說話很有趣, 也就是這篇文章的題目, “認真你就輸了“. 大概是指對於某些事件, 你太著緊, 太認真的話, 其實是多鳩餘.
我想, 對於香港大部份的事情, 這句話的應用能力非常高.
經常有人估計, 香港有幾百萬人有精神病. (很多年前做過一次統計, 結論有很趣. 看這裏)
我肯定呢個數字低估左患病人數.
若然你以一個正常的心態 (儘管香港已經無乜人有) 去看待傳媒和大眾的口味/ 評語, 真係得啖笑.
周秀娜可以上 A1, 甘乃威成為全民公審對象, 陳冠希阿嬌隔左年幾到今日都俾人話 (陳先生俾人話有部份原因係佢自私, 獨食, 死都唔肯放埋d 片). 唔知以為無線電視既劇集變左真人show, 就好似澳洲個個 big brother show 咁. 我而家已經少睇報紙, 蘋果仍然會睇 C1 – 港聞同國際望一望標題就算 – 但標題同內容可以毫無關係, 頭版只係愛黎恥笑下; 東方太陽星島連屙屎都唔會睇, 費事便秘. 信報 同 經濟只係工作上要翻一翻.
香港人精神病 – 既然有香港腳, 我叫呢個做香港病 – 有兩大病徵.
第一, 係八卦. 超級八卦. 關你事既, 固之然關事, 要去理 (廢話); 唔關你事既, 都要理, 而且理得更加落力同用心. 點解? 公眾有知情權. 於是乎記者會去摷人地個垃圾筒睇下人地食過乜用過幾多張紙巾. 人家最好連屎眼也掏出來讓你影個夠.
八卦到一個極端, 係將一切現實娛樂化, 一切政治經濟港聞國際新聞風月版, 全部都要娛樂化. 數年前的陳健康, 徐步高都是本著同一個原則, everything must be as juicy as possible. 誰記得那對很多人來說 – 特別是事件的當事人 – 那其實是悲劇? 大家將新聞連續劇化 – 記憶中最早出現的一件應該是新馬師曾爭產. 可憐新馬仔, 一生努力落力慈善事務. 可是他死後, 大家只顧他家人爭產.
呢d 事, 關你鳩事咩.
當然將新聞搞得 “juicy”, 有部份原因是新聞工作做得不夠嚴謹. 明報長年用 “港女” 來形容 香港女性, 好像不知道 “港女” 只是指一部份的香港女性, 而並非泛指全部香港女性.
我想澄清一點, 雖然上面論述, 似是針對傳媒, 但我認為讀者 – 我也是一份子 – 也有責任. 傳媒說讀者想看, 所以他們報導, 要找狗仔隊; 讀者說報紙登左, 無理由唔睇. 我唔知呢個世界有需求先定有供應先; 但我知道既然交易發生了 – 一些有如斯報導的報紙賣出了, 也有不錯的銷量, 好些公司還上了市 – 就等於有需求也有供應. 要講先後, 即暗地裏認同事件有問題, 但不想負責任.
傳媒主導, 民眾弱智. 我去年有投票給社民連, 但任何人 – 包括好多投左票既 – 都知呢班人純粹搞事. 這不是他們的錯, 有幾多個立法會既人做到野? 既然都做唔到, 倒不如選佢地入去搞下事, 上下報紙都有得笑下. 這也是現實娛樂化的一個體現. 理論上, 立法會是非常莊嚴的地方. 然而大家都只想看看社民連那幾個人有什么出位招數. 這是可笑的.
另一個明顯將新聞娛樂合二為一的例如, 是無線電視七點半的 “東張西望”. 究竟佢係想講娛樂, 定係講新聞? 真係吹鳩脹. 以前既今日睇真d, 係講時事, 港聞為主; 娛樂新聞眼 (史前節目, 歷史比聖經更加源遠流長), 是主力講娛樂. 好地地做乜溝埋黎? 我睇個節目, 都唔知預佢講娛樂野好, 定講新聞好.
香港病第二個徵狀, 係道德水平高企. 但只限對人地要求道德水平高, 自己可以無恥到下流. 很多人認為, 自己好似佛祖咁, 參透左絕對的道德真理 – 不單是經常出現的死光社, 還有傳媒 (偏偏這些傳媒道德水平非常低落, 無恥到不堪), 與及一班所謂的專家與議員. 醫學有專家, 修橋補路有專家, 但世上沒有道德專家. 更重要係, 這些道德專家, 不單認為自己是對的, 更肯定人家一定要跟從自己一套去走; 否則是就不道德, 教壞細路 (同大人). o模靚參加書展, 我想來想去也不知道問題所在.
講清楚一點 : 我不是道德水平高的人, 然而未至於無恥, 可以屌鳩人下流o厄人買千年虫藥, 轉頭去叫人要香薰種金. 世上只有現象, 沒有問題; 問題是人類加以道德觀念所加諸的.
當俾人批評自身道德水平不夠高, 就回應一句 : 唔係要個個李嘉欣/ 林嘉欣咁靚先可以批評人醜呀嘛? 又意圖合理化. 係一d 並非大事大非的事情上 – 大事大非的包括六四, 香港普選, 殺人放火 – 道德上的是與非, 一般沒有共識, 合理與否, 見人見知. 例如, 地鐵隧道內掛滿女明星身著性感比堅尼的海報, 是否傷風敗德? 在公眾場所大聲講粗口, 是否有問題? 任何答案都有斟酌餘地. 道德含有價值觀, 而這個價值觀因人而異. 當然, 也有少部份人認為德軍種族清洗, 企圖滅絕猶大人是正確的.
姚明比我高, 是事實的問題 (只要界定甚么叫高, 甚么叫 “比”, 結論不容有爭拗);姚明是否很高, 則是價值觀問題 (甚么答案也可以有很大的爭拗).最上腦既例子, 就是曾蔭權說我代表香港人. 既然曾蔭權代表香港人 (雖不知道他的根據是甚么), 有理由相信他可以代表全中國, 全亞洲, 甚至乎全世界及銀河系, 然後同外星人講殺人放心金腰帶 (be rewarded golden belt for murder & arson?) 而三姓家奴成龍 – 究竟佢既姓係陳, 房, 定係成? – 佢話犯左天下男人都會犯既錯, 都係好的例子. 個人意見, 可放諸到四海 – 到最後只屬個人意見, 不能強加於人家身上.
兩者結合, 就是最可憐的結局 – 大家花上大量時間, 精神, 專業意見, 以道德批判完全創作, 老吹, 鳩o翕的事情上. 然後無限上綱上線, 又再產生一大堆的討論與爭拗.
由於上述的人是主流媒體 (報紙與電視), 大部份群眾, 而專家多是有地位及相當年紀, 許多少數意見, 等別是年青人, 中左網毒的人 (包括我), 的意見根本無人理. 更重要係, 呢d 人既意見, 同主流可以完全不同. 於是乎, 呢一部份的人會在不同的討論區發表意見 – 包括高登, discuss, uwants – 而這些意見與主流的可能完全相反.
主流意見 – 特別是五六字頭及之前出世個d – 好多根本唔知個世界發生乜事. 好多年前, 工作上有需要, 要與傳訊部的同事聯絡. 一次傾談下, 同事說近排好忙, 因為阿哥阿姐因巴士阿叔, 才剛發現有樣野東西叫 youtube… 那時候已經是 2006 年 8 月的時間… 那時, 我看 youtube 都將近一年.
也許一個更壞的循環, 就是你要有位去批評, 事情必須負面 (或看似負面). 於是負面新聞越多 => 人民越多批判 => 越想多負面新聞來製造雜音. 周而復始, 萬象更新; 千秋不滅, 萬世輪迴.
陳振聰龔如心爭產, 是一個很好的例子. 首先, 報紙作連載式報導. 一連數十天, 連律師的人工所住的酒店手袋都報. 每一個動作, 半個表情, 記者好似帶左你入法庭咁再播一次. 夠娛樂性, 夠爆炸, 夠 juicy. 然後大家一輪咀話陳振聰有老婆都去搭上龔如心, 話佢狗. 無錯, 陳振聰是樣衰, 似顏福偉. 無錯佢係有老婆, 又種生機貪阿婆d 錢. The problem is 有六億你做唔做? 點解你做道德上無問題, 陳先生做就有? 再退後一步諗, 如果你不屑陳先生的一切, 談一句兩次三段就夠了. 我的答案很簡單, 有六個億, 同曾蔭權做都得; 陳振聰的其他一切, 我也不想知, 也沒有興趣談論.這個香港病有很多成因. 董建華似乎是 100 分的答案. 就留給董廢帝吧.
數年前說過, 對於人家不知所謂的言論, 只需要說 “係既, 我會改進”, 心裏大可想著 “你都痴鳩線”. 對於不知所謂的事情, 好多只需要笑一笑 (例如看到 hkblog 之流)
認真你就輸了. 什么也不必太認真. 若然要為世上每一件垃圾而氣憤, 再多細胞也不夠死.
我想, 更正確的應該是,
認真你就豬了.
Comments (36)
攪乜鬼你係咁打錯字呀….下次比廿蚊我幫你proof read la
市場有競爭,我要十九蚊ONLY
sad but ture
十八蚊,殺人唔會放心。
認真你就輸,這本來是一句北京的俚語。大抵是隨著草泥馬MV傳來香港的。
@chungpui -
真的不知道,還以為是高登產品
認真你就輸了 – 通常都係貪婪見人「討論」Naruto同Bleach劇情時既指定回應 ….
又 , 無線可能想攪瀨尿牛丸 ……… 掛
$17,香港大學文學院中文系畢業濕柴乙條幫你Proofread!
btw, 康怡/ 康山 (我唔識分) 果頭有幅牆畀人噴左「天真嬌有污清目」,我影低左。人地閂埋房門做自己野,班人走去摷黎睇,都算(人類都有興趣知明星既野),問題係睇完又屌鳩人。
我相信呢個現象係香港獨市,可以搞狗仔港,諗得過。
@exist2 -
@adrianlu1026 -
@smileooooooo -
@hystericireul -
五毫子一個錯/ 別字, 先到先得.
@sbgus -
忘記火忍呢套廢野吧. 當佢第一部完左就算.
見「仁」見「智」
收你一蚊,£1
杀人放【火】金腰带
收你五毛子,£0.5
我覺得陳振聰單野,個問題係,大家明明就好想呃阿婆錢,明明就好想要果六億,但又泛道德地認為自己「人格高尚」唔會做呢d野,於是就每日係咁講,希望「平衡」個心理。
社民運
講得好!講道德既人都係自己做唔到既人,因為做到就唔會講啦!
你好,閣下的賬單如下:
“而三姓家奴成龍 – 究竟佢[既生]係陳, 房, 定係成?” –> 調轉左「生既」£1 ^^
@s20061102 -
@chemhazard -
@euyak -
@pineapplesam -
好野. 證明我真係唔識字.
我決定與其俾五毫子你地, 不如以後讀者發現有一個錯字, 我捐五元俾greenpeace. 童叟無欺. 捐贈為月結.
我代greenpeace 多謝你地 (定我?) 既 $25
萬「象」更新
「費」事
你咁都得呀……
不如代我地上網每個錯字click 5千下,捐5000粒米
COOL! Wonderful saying!!!
@s20061102 - click 5千下? You alright?
好感動
@miragec -
$10
@s20061102 -
click 五千下乜野?
@Frostig -
謝咧.
@RENAME1991 -
謝咧.
_______________ FREE FOOD DONATION CLICKS ____________________
http://causeclicks.org/
http://charitii.com/
http://charityfusion.com/
http://www.neoaid.com/
http://www.freerice.com/ – Free Rice
http://www.freeflour.com – Free Bread
http://www.freepoverty.com – Lots of free water!
http://www.helpthirst.com – Free water
http://www.bhook.com – Just Click!
http://www.smallthingschallenge.com Give 25 cents FREE!
http://www.pajacyk.pl – Click the green button!
http://www.ripple.org/give.php?p=food – Just Click!
http://www.feedsa.com – Click the white button!
http://www.hungerfighters.com – Click the green box!
http://www.thehungersite.com – Click the yellow box!
http://www.okruszek.org.pl – Click the Bread button!
http://www.chintai.net/contribution/index.html – Click the blue box!
http://www.straatkind.nl/ – Click on the small red ball.
http://www.worldhunger.org/contributefood.htm – Just click!:
http://children.care2.com – Click the blue box!
http://www.hungrychildren.com – Click the blue button!
http://www.definition-of.com – Submit a word
http://www.spendu.org/beta/index.php – German Rice Game!
Search for Clicks!
http://www.SearchToAid.org search to donate!
http://search.ads4africa.org/
你揀個啦AuA
向你條環保撚致敬
認真你就輸了, 感情亦然
@pineapplesam -
你轉返o岩係有5毫子,但係唔記得將「生」字改返做「姓」字,扣返。^^
@relgitsjg -
「個個」無打成「果個」或「o個個」算唔算?
等我貼幅圖畀大家開下眼界啦……
特別是事件的當時人: 當事人
收住你一個字錢先, 有水大家齊齊搵先好玩……
修穚補路有專家
修橋。
其實真係好多錯別字。
@dickyliu -
@aubrrr -
一共 $10. 多謝你地為世界解決全球暖化出左力
呢個送o既: 源遠悠長 –> 源遠流長
成語出處:唐·白居易《海州刺史裴君夫人李氏墓誌銘》:“夫源遠者流長,根深者枝茂。”
開始覺得自己好仆街, 我實在唔應該咁披毛求瑕!
認真你就輸了… 我地係唔係唔好咁認真呢?
要認真, 不如放上高登玩算啦!
我路過,不過做善事點都支持下嘛。嘻嘻。
•嚴「謹」
•周而復「始」
大是大非是「殺人放火」,不是「殺人放心」。
改為捐去樂施會得唔得﹖
@fongyun -
呢個我捉左啦。:p
(由此可以推斷,史兄不是用倉頡或速成輸入法)
@dickyliu -
認真. 捐錢個part 係.
@fongyun -
可以.
@JeN_Man -
又多$10 解決全球暖化.
@smileooooooo -
遺憾地… 我係用倉頡的.
@relgitsjg -
哇你用乜keyboard,隔咁遠都打得錯既?XD
你問樂施會收返5毫子啦。
哈哈哈
很多人認為, 自己好似佛祖咁, 參透左絕對的道德真理<<<十分認同
正如姣西好中意屌鳩其他人發姣,例如衣者比佢本人更暴露、向異性送秋波頻率比佢本人多
我覺得有幾多女人都係辣手道德判官。
起碼係陳法拉換衫事件上,我多數都係聽到女人審判佢。
換衫都教壞細路,我諗明珠台要禁播美國劇,或者以後睇明珠台要set密碼,等D小朋友唔好睇到郁D就有扑野或裸露鏡頭o既美國劇。
既–> 0既?
野–> o野?
大事大非—>大是大非