October 7, 2011

• <Whatsapp 奇遇記 三>

  又話說…

  家人

  阿麗發這樣一封短訊, 而區生又鳩屎柒柒發一封垃圾回應. 自己也開始心慌了.

  區生 : 佢話我對佢家人唔好. 不如我去她家跟倆老說出心底話, 比佢地感受我誠意希望他們也能幫忙, 好嗎？(明明早兩日先話唔想打擾人地屋企…)

  文迪 : 而家唔係佢屋企人既問題！係你地兩個既問題！你咁樣去好似俾壓力佢同佢屋企人！你對佢好左先再諗佢屋企人啦! 佢唔接受你, 佢屋企人接受都冇用！

  區生 : 我覺得去他家向兩老表達心意, 等佢知道我肯面對問題, 面對他家人.

  阿豪 : 主要不是家人的問題.

  區生 : 呢個係其中一個大問題.

  茵茵 joined (白人的前度. 點解佢要劈腿呢…你睇到去第五章會發現佢同白人講d 野好撚夾. 不過茵茵其實好少講野.)

  阿豪 : 你同佢家人一直都冇交流. 而家先要係證明你會對阿麗好, 是無條件的好.

  區生 : 我先去感動她家人.

  文迪 : 我都係覺得佢原諒你, 你先再做呢d野啦！你連佢都打動唔到！就算佢屋企俾你打動到都冇用！因為佢地冇話事權！反而令佢更有壓力. 別去麻煩她屋企人.

  區生 : 我願意一生照顧他們的女兒, 我會覺悟之前冇好好孝順他們. 我會冷靜用心去跟他們說, 我會跟他們說為了阿麗我會好努力.

  文迪 : 你一直都無視佢家人, 而家佢個女要同你分手！你先去正視佢地！你估佢地會點睇你？！而且佢地都未必知佢個女同你分手！你咁樣有冇理會過阿麗既感受啊！

  茵茵 : 認同.

  區生 : 她們遲早會知, 我只想說他們知我知錯, 認真的知錯, 等阿麗也知道我肯突破去面對他家人.

  文迪 : 你而家係一心想佢身邊既人都企係你果邊！佢壓力會好大架！

  白人 : 我沒有意見. 如果你係有信心做出來係對阿麗好, 怕什麼？但是對她好還是壞, 我們怎知道？我們都只是估計. 不過做出來, 後果同反應如何, 始終要自己承擔. 不要再做些令阿麗受傷的事.

  ———-

  隔了兩天.

  
  區生 : 表白左 (表乜春白呀??)

  文迪 : U means parent?

  區生 : Yes (喂, 其實你有聽別人的意見嗎?)

  區生 : 但作用不大, 他們說也幫不到什麼 (話撚左你知拉電訊盈科)

  文迪 : Must la!

  區生 : 希望他們也感受到我的誠意.

  阿豪 : 睇你自己啦.

  我估計此時白人與茵茵已經呆左, 唔識俾意見.

  送花

  正能量超人又貢獻計.

  阿豪 : 你知唔知佢響邊度番工？

  區生 : 冇用, 去搵佢, 佢會避開我.

  阿豪 : 送的野上去啦.

  區生 : 而家唔想去送禮.

  阿豪 : 不是你去, 是你的心去. 我是說, 安排送花上她公司, 加trip 資料花店送, 不是你送 (仆街分明捉子蝨). 感動佢, 令佢身邊的人覺得佢幸福！ (正能量超人又出動了)

  茵茵 : 我覺得, 同阿麗講完晒你要講d野後, 不如唔好再重重覆覆講你地d問題啦, 只令人覺得煩厭, 你與其係咁講你會點改, 不如而家實實際際做些甜蜜野, 比返拍拖d感覺佢開心下啦！

  區生 : 但佢不願見我丫 (Round 2 負能量狂魔 vs 正能量超人)

  阿豪 : 搵人送上去！再加一些她喜歡的東西或食物 (阿麗是豬來的嗎?)

  區生 : 我上去這個主意真的有這麼大問題嗎, 我想聽白人意見. 我現在對她做什麼也是打擾.

  阿豪 : 你自己想想, 你自己話事.

  茵茵 : 你要令佢相信, 你係徹底覺悟, 而唔係佢講邊樣你先做邊樣.

  白人 : 我們所有人都喜歡阿麗. 你要知道如何待她好, 比我們待她更好. 否則你怎能好好照顧她?

  區生 : 子敏 (阿麗最要好的朋友) 鼎力相助中, 剛訂了5束花. 第一天辦公室送百合, 家則送99支玫瑰由我連月餅係佢回家前親自送. 之後四天每天送辦公室.

  區生 : 其實你們覺得我還有機會嗎？連子敏也肯暗中出手, 的確係定左d.

  文迪 : 你如果真係咁愛佢, 你係要有一定追得番佢既準備！

  茵茵 : 我都call過佢幾次, 佢連我電話都冇聽冇覆了.

  文迪 : 要乜野事都難唔到你！咁先得架！

  區生 : 我知, 但佢好硬頸. 決定左好難改變.

  茵茵 : 你做還做, 唔好問佢問題, 唔好要佢覆, 佢怕煩, 會怕左你.

  區生 : 子敏一向細心, 佢叫我信佢, 照佢意思做, 只要阿麗唔知佢幫我, 我們會裡應外合. (這個子敏究竟是不是阿麗最好的朋友?)

  文迪 : 佢想自己諗清楚！唔想俾人左右佢決定, 你唔好諗住要人幫你. 你自己做得幾多得幾多啦!用心做佢係會感覺到架！

  區生 : 我會好盡力, 但一定要加大成功率, 因為我不能輸, 一輸就係兩個人既幸福. (你以為吧.)

  阿豪 : 阿麗做左你咁多年奴隸, 你小小苦算什麼？還是別想太多了, 俾心機做人吧. 咁多人幫你都係想你改你對令一半的態度, 今次得同唔得你都要改, 是為您好. 冇野係冇可能?, 你要對自己有信心, 突破自己. (超人又出動了)

  區生 : 佢收到我的花開心丫, 佢又有睇我比佢東京d資料.

  文迪 : 咁咪好囉！good job! 有無幫佢買旅遊保？佢而家係咪同子敏去？

  區生 : 未知, 子敏想說服佢同我去.

  阿豪 : 你要面對架, 去日本之麻. 勿逃避, 要預左去.

  區生 : 我唔係想逃避, 我只係唔想迫佢.

  區生 : 如果真係冇法子, 我都唔想浪費, 轉比子敏陪佢散心.

  茵茵 : 等下阿麗先啦…

  區生 : 我好耐心等, 佢send sms多謝我d花, 我都只係回答妳喜歡就好了.

  區生 : 我預左長期作戰 (但成日話好辛苦).

  文迪 : 其實我 覺得你可以送多幾日花先, 星期尾先現身送可能更好！等佢個心再軟化, 咁你成功既機會可能更大！

  區生 : 好驚佢父母今次唔比我入屋, 不過子敏話唔會.

  阿豪 : 我個人覺得太多百合…

  文迪 : 阿麗喜歡的咧!

  區生 : 而現身睇時機, 太早會嚇到佢. 再唔係送到月尾都係六七千蚊. 反正冇左佢洗到0蚊都冇問題. 我願意為佢付出, 也想她說我知她的感受, 希望會找到大家舒服的平衡點.

  區生 : 分分鐘可能唔洗六七千銀, 因為一次訂五紥. 唔怪得d人追女仔係一次追幾個, 愈多愈平… (呢條友痴撚線架)

  文迪 : 你同我地講好啦！唔好同佢講番啊！一陣阿麗叫你唔好浪費錢, 你話唔係好多咋, 買多d有得平咁就死火啦！

  區生 : 有冇留意到阿麗之前成曰拎著果隻牛角係邊度有得買？

  阿豪 : 去廟街.

  區生 : 我會先買牛角, 然後再上她的家放低花.

  頭髮

  (第二天)

  區生 : 買到牛角, 可惜找不到一隻角同佢之前隻一樣的.

  阿豪 : 送左未？

  區生 : 送左, 伯母叫我下次去幫手整門鐘, 而家染緊頭髮.

  阿豪 : 乘機剪個革命性新髮型啦！ (幹嗎這傢伙每天都充滿正能量?)

  區生 : 又等到而家都未剪. 快三個鐘. (點解你咁撚鍾意去呢間野? 第一章講過佢試過剪髮剪到遲大到)

  文迪 : 你下次唔好再去果間野剪啦！

  區生 : 阿麗都係剪佢, 我剪左七年, 阿麗剪左九年. (我真的服了你)

  阿豪 : 非常長情.

  (三小時後) 區生 : 剪完咧, 真係一個好好打發時間既工具. (頭尾剪撚左一日)

  區生 : 同我最老友個同事都係巨蟹座, 佢都話次次都係一招死, 巨蟹座係冇機會比的.

  區生 : 佢昨天send msg比我. 說不用再送花. 我做多d有用既小禮物好過啦, 今天準備哂d野, 周未大概會上去整門鐘.

  文迪 : 咁你今日同聽日仲送唔送花啊？

  區生 : 叫左停, 冇送.

  文迪 : 都係果句啦！做d會令佢開心既事！至於係乜就自己思考下啦！你就係成日都想問人意見！係時候要自己思考下架啦!

  (第三章; 共五章)

  • 1:01 pm
  • 5 Comments